01/03/2026
ایران اور اسرائیل
طاقت، تصادم اور مظلوم انسان
یہ کتنی تلخ حقیقت ہے کہ طاقت کی کشمکش میں ہمیشہ بیچارہ عوام ہی لہو میں نہاتا ہے، ایوانوں میں بیٹھے فیصلے بارود بنتے ہیں، اور گلیوں، بازاروں، گھروں میں معصوم جانیں راکھ ہوجاتی ہیں ۔ دشمنی کے اس کھیل میں نہ کوئی فاتح ہے، نہ ہی انسانیت سرخرو، بس لاشیں ہیں، آہیں ہیں اور تاریخ کے سینے پر نئے زخم ۔
افسوس ناک پہلو یہ ہے کہ
اندرون ملک بھی صورت حال مختلف نہیں، جہاں متقی و پرہیزگار اور باکردار مسلمانوں کو عزت و توقیر ملنی چاہیے، وہاں انہیں اذیت، تحقیر اور آزمائشوں کا سامنا ہے ۔
اس کی بنیادی وجہ یہی ہے کہ طاقتوروں کے دلوں میں خوف خدا باقی نہیں رہا اور مظلوم آپس میں اتحاد و اتفاق سے محروم ہیں ۔
یہی المیہ عالمی سطح پر بھی دہرایا جا رہا ہے کہ
مسلم ممالک، جو وسائل، افرادی قوت اور نظریاتی بنیادوں سے مالا مال ہیں، عزت و قیادت کے بجائے دباؤ، پابندیوں اور جنگوں کی زد میں ہیں ۔
سبب پھر وہی ہے کہ طاقت کا نشہ، عدل سے بے نیازی اور مظلوموں کی صفوں میں انتشار اور
اگر خوف خدا حکمرانوں کے دلوں میں جاگزیں ہوجائے اور مظلوم ایک دوسرے کا ہاتھ تھام لیں تو نہ ایران و اسرائیل کی یہ آگ بھڑکے، نہ دنیا کے کسی کونے میں معصوموں کا خون ارزاں ہو ۔
تاریخ گواہ ہے کہ
طاقت تلوار سے نہیں، عدل سے قائم رہتی ہے اور قومیں ہتھیاروں سے نہیں، اتحاد سے زندہ رہتی ہیں ۔
تحریر ✍️
پیر طریقت رہبر شریعت مفسر قرآن مرشد و مربی فخر اہلسنت حضرت
شیخ ابن الصدیق محمدحضوربخش صدیقی عفی عنہ
سجادہ نشین
درگاہ عالیہ مسکین پور شریف شہدادکوٹ سندھ پاکستان
11 رمضان 1447ھ، بروز اتوار، 1 مارچ 2026ع
