21/06/2026
آخر مقصد کیا ہے تم لوگوں کا؟ ✍️ Fareed Ahmad تحریر: فرید احمد
"دامادِ علیؓ" والا بورڈ مٹا دیا گیا!
اگر آپ حضرت عمر فاروقؓ کو دامادِ علیؓ تسلیم نہیں کرتے تو یہ آپ کا عقیدہ ہے، لیکن ہمارے عقیدے میں حضرت سیدنا عمر فاروقؓ، حضرت مولا علیؓ کے داماد ہیں۔ ہمارے اس عقیدے میں نہ کوئی نفرت ہے، نہ انتشار اور نہ ہی اختلاف کی بات، بلکہ یہ بات نہ صرف اہلِ سنت کی کتابوں میں موجود ہے بلکہ مخالف گروہ کی کتابوں میں بھی واضح طور پر لکھا ہے کہ مولا علیؓ نے اپنی بیٹی حضرت امِ کلثومؓ کا نکاح حضرت عمرؓ سے کیا تھا۔ یہ عقیدہ محبت، اتحاد اور اتفاق کی دلیل ہے۔
ہم محبت اور بھائی چارے کی بات کرتے ہیں، لیکن اگر تمہیں یہ بات پسند نہیں تو یہ تمہارا مسئلہ ہے، مگر اس کا ہرگز یہ مطلب نہیں کہ تم حکومتی انتظامیہ پر دباؤ ڈال کر اسے مٹوا دو صرف اس بنیاد پر کہ یہ ہمیں پسند نہیں۔
اگر پسند اور ناپسند کی بنیاد پر فیصلے کیے جائیں تو پھر ہمیں بھی تمہارا مذہب پسند نہیں، کیا پھر ہم اسے بند کر دیں؟ ہمیں تمہارے کلمے سے لے کر اذان تک ہر عقیدے پر اعتراض ہے، کیا پھر ہم بھی احتجاج کریں؟ کیا ہم بھی شہر میں لگے تمہارے بینرز اور فلیکس اتار دیں؟
ہم سمجھتے ہیں کہ ان کا مقصد صرف شرارت اور انتشار پھیلانا ہے۔ اتنے سالوں سے یہ بورڈ اور یہ جملہ لگا ہوا تھا، کبھی کسی نے اعتراض نہیں کیا، اب اچانک انہیں فکر ہونے لگی ہے۔
چلو یہ جملہ تو ہمارے بورڈ پر لکھا ہے تو تمہیں آگ لگ گئی، لیکن یہی بات تمہارے کتابوں میں بھی لکھی ہے، کیا وہ کتابیں بھی کبھی جلاؤ گے؟
عقل سے کام لو، بغض میں اتنے اندھے نہ بنو۔
