08/08/2026
شیخوپورہ: مرکزی انجمن تاجران موبائل مارکیٹ ایسوسی ایشن شیخوپورہ کے چیئرمین رضوان خان وردگ تاجروں کے مسائل کے حل اور انہیں ہر ممکن سہولیات و رہنمائی کی فراہمی کے لیے ہمہ وقت موبائل مارکیٹ میں موجود رہتے ہیں۔ وہ نہ صرف تاجروں کے مسائل کو ترجیحی بنیادوں پر سنتے ہیں بلکہ ان کے حل کے لیے متعلقہ ذمہ داران سے رابطہ کرکے عملی اقدامات بھی یقینی بنانے کی کوشش کرتے ہیں۔
رضوان خان وردگ کی جانب سے موبائل مارکیٹ میں تاجروں کے ساتھ مسلسل رابطہ اور ان کی رہنمائی کو تاجر برادری کی جانب سے بھی سراہا جا رہا ہے۔ ان کا کہنا ہے کہ مرکزی انجمن تاجران موبائل مارکیٹ ایسوسی ایشن کا بنیادی مقصد تاجروں کو ایک پلیٹ فارم پر متحد کرنا، ان کے مسائل کو اجاگر کرنا اور ان کے جائز حقوق کے تحفظ کے لیے مؤثر کردار ادا کرنا ہے۔
انہوں نے کہا کہ موبائل مارکیٹ سے وابستہ ہر تاجر ہمارے لیے قابلِ احترام ہے اور کسی بھی تاجر کو اپنے مسائل کے حل کے لیے مشکلات کا سامنا نہیں کرنا پڑے گا۔ تاجر برادری کو درپیش مسائل، کاروباری معاملات اور مارکیٹ سے متعلق امور میں ہر ممکن تعاون فراہم کیا جائے گا۔ انہوں نے مزید کہا کہ مارکیٹ میں بہتر ماحول، تاجروں کے باہمی اتحاد اور کاروباری سرگرمیوں کے فروغ کے لیے تمام عہدیداران اور ممبران مل کر اپنا کردار ادا کر رہے ہیں۔
تاجر برادری نے چیئرمین رضوان خان وردگ کی مسلسل موجودگی، تاجروں سے براہِ راست رابطے اور مسائل کے حل کے لیے کی جانے والی کاوشوں کو خراجِ تحسین پیش کرتے ہوئے کہا ہے کہ ایسے عہدیداران ہی حقیقی معنوں میں تاجر برادری کے اعتماد پر پورا اترتے ہیں۔ تاجروں نے اس امید کا اظہار کیا کہ مرکزی انجمن تاجران موبائل مارکیٹ ایسوسی ایشن کی قیادت آئندہ بھی تاجروں کی فلاح و بہبود اور ان کے مسائل کے حل کے لیے اپنا مؤثر کردار جاری رکھے گی۔
