Press Club Shinkiari

13/05/2026

13/05/2026

اگر آپ اپنے بچوں کا ب فارم بنوانا چاہتے ہیں تو اپنے شناختی کارڈ نمبر اور یونین کونسل کے برتھ سرٹیفکیٹ کے ہمراہ نادرا دفتر تشریف لائیں۔
تین سال تک کے بچوں کو نادرا دفتر ہمراہ لانے کی ضرورت نہیں ہے۔ تین سے دس سال تک کے بچوں کی تصویر لی جائے گی جبکہ دس سے اٹھارہ سال تک کے بچوں کی تصویر، بائیومیٹرک اور آئرس سکین لئے جائیں گے، لہٰذا انہیں ہمراہ لائیں۔

09/03/2026

برادرِ محترم سینئر صحافی محمد نعیم خان کو عمرہ کی سعادت حاصل کرنے پر پریس کلب شنکیاری کے صدر حاجی عطاء اللہ جان، جنرل سیکریٹری سجاد احمد اور نائب صدر لالہ محمد رفیق اور علی زمان مغل مبارک پیش کررہے ہیں
اللہ تعالیٰ آپ کے عمرہ کو اپنی بارگاہ میں شرفِ قبولیت عطا فرمائے، آپ کی عبادات کو قبول فرمائے اور آپ کی زندگی میں مزید برکتیں، خوشیاں اور کامیابیاں عطا فرمائے۔
آمین۔

04/12/2025

*ضروری اطلاع برائے رہائش پزیر غیر قانونی غیر ملکی*

ضلعی انتظامیہ اور ضلعی پولیس مانسہرہ کی جانب سے ضلع بھر میں مقیم تمام غیر قانونی غیر ملکیوں کو مطلع کیا جاتا ہے کہ صوبائی حکومت کے احکامات، بذریعہ چھٹی نمبر F-4(7)-RR/25 مورخہ 13 اکتوبر 2025 کے تحت غیر قانونی طور پر رہائش پذیر افراد کے انخلاء کا سلسلہ جاری ہے۔ اس سلسلے میں ضلعی انتظامیہ و پولیس کی جانب سے مزید 7 یوم کی مہلت دی جا رہی ہے۔

تمام غیر قانونی غیر ملکی باشندگان سے گزارش ہے کہ مورخہ 11 دسمبر 2025 تک ضلع مانسہرہ سے از خود رخصت ہو جائیں۔ مقررہ تاریخ کے بعد اگر کسی بھی شہری نے اپنے گھر، دکان یا پراپرٹی غیر قانونی غیر ملکی افراد کو کرائے پر دی ہوئی پائی گئی تو اس کے خلاف سخت ترین قانونی کارروائی عمل میں لائی جائے گی۔

مزید برآں، افغان غیر ملکی کیمپس میں پرائیویٹ زمین فراہم کرنے والے تمام مالکان کو بھی ہدایت کی جاتی ہے کہ اپنی درخواستیں بمعہ متعلقہ کاغذات جلد از جلد ڈپٹی کمشنر آفس مانسہرہ میں جمع کروائیں تاکہ زمینیں متعلقہ مالکان کے حوالے کی جا سکیں۔

ضلعی انتظامیہ اور ضلعی پولیس مانسہرہ آپ کی بہتر خدمت اور امن و امان کے قیام کے لیے ہمہ وقت کوشاں ہیں۔