27/10/2025
شورکوٹ// کشمیریوں سے اظہار یکجہتی کے سلسلہ میں میں بلیک ڈے منایا جا رہا ہے بلیک ڈے کے حوالے سے ریلی میونسپل کمیٹی آفس سے تحصیل چوک تک نکالی گئی، شہریوں، بھارتی غاصبانہ قبضہ کیخلاف ریلی میں طلباء، سول سوسائٹی کی بڑی تعداد نے کشمیر ریلی میں شرکت کی
ریلی میونسپل کمیٹی آفس سے تحصیل چوک تک نکالی گئی ریلی میں سابق ایم پی اے چوہدری خالد غنی، تحصیلدار محمد ارشد ڈی ایس پی محمد اکرم ،ایس ڈی او عمران اسحاق ، مفتی نصیرالدین کے علاؤہ سکول کے بچوں کی بڑی تعداد بھی موجود تھی شرکاء ریلی نے کشمیریوں سے اظہار یکجہتی کے لئے قومی پرچم اور کشمیری پرچم اٹھائے ہوئے تھے ریلی کے دوران بھارت کے غاصبانہ قبضہ کے خلاف ،کشمیر بنے گا پاکستان،آزادی کشمیر ناگزیر کے فلک شگاف نعرے بھی لگائے گئے اس حوالے سے سابق ایم پی اے چوہدری خالد غنی کا کہنا تھا کہ مقبوضہ کشمیر میں بھارتی ظلم و ستم اور انسانی حقوق کی خلاف ورزیاں پوری دنیا کے سامنے بے نقاب ہوچکی ہیں اور کشمیریوں پر بھارتی ظلم وستم، وحشیانہ جبر و تشدد کے خلاف ہر سطح پر آواز بلند کرتے رہیں گے پاکستانی قوم کا ہر فرد کشمیر کی آزادی کا سورج طلوع ہونے تک کشمیری بھائیوں کے شانہ بشانہ ہے اور کشمیر میں بہنے والا خون راہیگاں نہیں جائے گا کشمیر کی آزادی کا سورج ضرورطلوع ہوگااقوامِ عالم سے پو زور مطالبہ کیا گیا کہ وہ مقبوضہ جموں و کشمیر میں بڑھتی انسانی حقوق کی بدترین خلاف ورزیوں کی روک تھام کے لیے عملی اقدام کرے ریلی کے اختتام پر کشمیر کی آزادی اور ملک و قوم کی سلامتی و استحکام کےلئے خصوصی دعا کا بھی اہتمام کیا گیا
