25/02/2026
*بھابھڑیاں والا موڑ پر دلخراش حادثہ — ٹرین کی زد میں آکر 50 سے زائد بکرے ہلاک، مالکان پر قیامت ٹوٹ پڑی*
*سیالکوٹ
تقریباً 7:30 بجے، بعد از نمازِ مغرب، بھابھڑیاں والا موڑ نزد اگوکی دربار، حدود تھانہ اگوکی کے علاقہ میں ایک افسوسناک ٹرین حادثہ پیش آیا جس میں 50 سے زائد بکرے ٹرین کی زد میں آکر ہلاک ہو گئے۔
عینی شاہدین کے مطابق بکرے ریلوے لائن کے قریب موجود تھے کہ اسی دوران ٹرین تیزی سے گزری اور درجنوں جانور کچلے گئے۔ مقامی افراد کا کہنا ہے کہ حادثہ مبینہ طور پر ٹرین ڈرائیور کی غفلت کے باعث پیش آیا، تاہم اصل حقائق تحقیقات کے بعد ہی سامنے آئیں گے۔
حادثے کے بعد علاقے میں کہرام مچ گیا۔ متاثرہ مالکان غم سے نڈھال ہیں کیونکہ ان کا لاکھوں روپے کا نقصان ہو گیا۔ بکرے پالنے والے افراد کا کہنا ہے کہ یہ ان کا واحد ذریعہ معاش تھا اور اس اچانک نقصان نے انہیں شدید مالی مشکلات سے دوچار کر دیا ہے۔
اہلِ علاقہ نے متعلقہ حکام سے مطالبہ کیا ہے کہ واقعہ کی فوری اور شفاف تحقیقات کی جائیں، ذمہ داران کا تعین کر کے قانونی کارروائی عمل میں لائی جائے اور متاثرین کو مناسب معاوضہ فراہم کیا جائے۔
یہ واقعہ اس بات کا تقاضا کرتا ہے کہ ریلوے ٹریک کے اطراف حفاظتی اقدامات کو مزید مؤثر بنایا جائے تاکہ آئندہ ایسے دلخراش حادثات سے بچا جا سکے۔ زرائع
