15/07/2025
سیالکوٹ: سی سی ڈی کرائم کنٹرول ڈیپارٹمنٹ کی بڑی کارروائی، پولیس مقابلہ – خطرناک ملزم ہلاک
سیالکوٹ میں سی سی ڈی (کرائم کنٹرول ڈیپارٹمنٹ) نے بڑی کامیابی حاصل کر لی۔ تھانہ رنگپورہ کے رہائشی مہر بلال عرف چودھری بھالو ایک پولیس مقابلے کے دوران اپنے ہی ساتھیوں کی فائرنگ سے ہلاک ہو گیا۔
ذرائع کے مطابق مہر بلال سنگین جرائم، ڈکیتیوں اور پولیس کو مطلوب کئی وارداتوں میں ملوث تھا۔ CCD کی ٹیم نے خفیہ اطلاع پر کارروائی کرتے ہوئے اسے گرفتار کرنے کی کوشش کی، جس پر فائرنگ کا تبادلہ شروع ہو گیا۔ اسی دوران اس کے ساتھیوں کی اندھا دھند فائرنگ میں وہ خود ہی موت کا شکار ہو گیا۔
پولیس کا کہنا ہے کہ ملزم کے ساتھی موقع سے فرار ہو گئے جن کی تلاش جاری ہے۔
