Nisar Triko EMT 1122 GB

12/07/2025

10 محرم الحرام کا جلوس روندو میں پُرامن طور پر اختتام پذیر ہوا

روندو (نامہ نگار) 10 محرم الحرام کا مرکزی جلوس روندو میں نہایت عقیدت و احترام کے ساتھ نکالا گیا، جس میں ضلع بھر کے عزاداروں نے بھرپور شرکت کی۔ جلوس کی نگرانی کے لیے اے ڈی سی جناب غلام علی صاحب، اے سی محمد حسین بٹ صاحب، ایس پی حسن صاحب، اے ڈی ایچ او ڈاکٹر ابراہیم صاحب، ریسکیو 1122 کے ای ایم ٹی نثار حسین اور آئی ایس او کے جوان موجود رہے۔

ضلعی انتظامیہ، پولیس، ریسکیو اور صحت کے عملے نے جلوس کے دوران سیکیورٹی، طبی امداد اور نظم و ضبط کو یقینی بنانے میں بھرپور کردار ادا کیا۔ جلوس کے تمام راستوں پر سیکیورٹی کے سخت انتظامات کیے گئے تھے اور ایمبولینس و دیگر سہولیات ہمہ وقت موجود رہیں۔

آئی ایس او کے نوجوانوں نے نظم و ضبط قائم رکھنے میں انتظامیہ کے ساتھ مکمل تعاون کیا، جب کہ شرکاء جلوس نے پرامن طریقے سے عزاداری کی اور شہدائے کربلا کو خراج عقیدت پیش کیا۔

11/07/2025

إِنَّا لِلّهِ وَإِنَّـا إِلَيْهِ رَاجِعون
ناظم حسین شہید (فائر فائٹر) اور محمد شعیب شہید (EMT) نے فرض کی ادائیگی کے دوران اپنی جانیں قربان کر دیں۔
شہید کی جو موت ہے،
وہ قوم کی حیات ہے۔

ریسکیو فیملی دعا گو ہے کہ اللہ ﷻ ان کے درجات بلند فرمائے۔

11/07/2025

10/07/2025

ریسکیو 1122 روندو اسٹیشن
محرم الحرام 1446ھ - میڈیکل ڈیوٹی رپورٹ
مدت: 6 محرم تا 14 محرم الحرام 1446ھ
زیر نگرانی: ایمرجنسی آفیسر جناب اسلام الدین
رپورٹ پیش کنندہ: نثار حسین (EMT، روندو)

ریسکیو 1122 روندو اسٹیشن کی میڈیکل ٹیم نے محرم الحرام کے دوران جلوس ہائے عزا اور مجالس میں شریک عزاداروں کو بروقت اور مؤثر طبی امداد فراہم کی۔ ہماری ٹیم نے درج ذیل مقامات پر اپنی خدمات سرانجام دیں:

تفصیلات ڈیوٹی ایام و مقامات:

1. 6 محرم الحرام – تھوار بالا، روندو

2. 7 محرم الحرام –

ڈمبوداس، روندو

زگیا نگپہ تھوار پائین، روندو

3. 8 محرم الحرام –

یرکپہ تھوار، روندو

تلو، روندو

4. 9 محرم الحرام – خمٹپہ تھوار، روندو

5. 10 محرم الحرام (یوم عاشورہ) –

میونیوپہ تھوار، روندو

مرکزی جلوس، روندو

6. 11 محرم الحرام – طورمک باغچہ، روندو
7. 14 محرم الحرام – تھوار پائین، روندو

ریسکیو 1122 روندو اسٹیشن کی ٹیم نے تمام مقامات پر بروقت رسپانس دیا اور متعدد عزاداروں کو ابتدائی طبی امداد فراہم کی۔ کسی بھی ہنگامی صورتحال میں فوری کارروائی کرتے ہوئے عوام کے جان و مال کے تحفظ کو یقینی بنایا گیا۔

09/07/2025

*Rescue 1122 Skardu*
*عاشورہ ڈیوٹی پر ایمرجنسی آفیسر اسلام الدین کو ضلعی انتظامیہ اسکردو کی جانب سے تعریفی سند*

اسکردو (میڈیا سیل ریسکیو 1122) – ضلعی انتظامیہ اسکردو نے محرم الحرام کے دوران بالخصوص یوم عاشورہ کے موقع پر مثالی فرائض سرانجام دینے پر ریسکیو 1122 کے ایمرجنسی آفیسر اسلام الدین کو تعریفی سند سے نوازا۔ اس موقع پر ڈپٹی کمشنر اسکردو نے ایمرجنسی اسٹاف کی خدمات کو سراہتے ہوئے کہا کہ ریسکیو 1122 کے اہلکاروں نے محرم الحرام کے حساس ایام میں ہمہ وقت اپنی پیشہ ورانہ ذمہ داریاں نبھائیں اور عوام کی جان و مال کے تحفظ کو یقینی بنایا۔

ایمرجنسی آفیسر اسلام الدین اور ان کی ٹیم نے ضلعی انتظامیہ کے تعاون سے ہر ممکن اقدامات کیے جن میں جلوسوں کے روٹس پر الرٹ رہنا، طبی امداد کی فراہمی اور کسی بھی ہنگامی صورتحال سے نمٹنے کے لیے فوری رسپانس شامل ہیں_
*Media cell Rescue 1122 skardu*

04/07/2025

ریسکیو 1122 روندو کی محرم الحرام کے جلوس میں خدمات

روندو (بلتستان): بلتستان ایمرجنسی سروسز ریسکیو 1122 کے اہلکاروں نے تلو، روندو میں 8 محرم الحرام کے جلوس کے دوران اپنی پیشہ ورانہ خدمات انجام دیں۔
ریسکیو ٹیم نے جلوس کے شرکاء کو طبی سہولیات فراہم کیں اور کسی بھی ہنگامی صورتِ حال سے نمٹنے کے لیے موقع پر موجود رہی۔
اہلکاروں نے جلوس کے راستوں پر سیکیورٹی، ابتدائی طبی امداد، اور ایمرجنسی رسپانس کی ذمہ داریاں بخوبی نبھائیں، جس سے جلوس پرامن اور محفوظ طریقے سے اختتام پذیر ہوا

04/07/2025

ریسکیو 𝟏𝟏𝟐𝟐 سکردو روندو

روندو۔ جلوس مجلس ڈیوٹی 6 محرم الحرام سے9 محرم تک۔( 6تھوار بالا 7 تھوار پائین 7ڈمبوداس8 یرکپہ تھوار 8تلو روندو اور 9 خمٹپہ تھوار)
شب 6 محرم سے 9 محرم الحرام روندو میں مرکزی جلوسِ عزاداری نہایت عقیدت و احترام کے ساتھ اپنے مقررہ راستوں سے ہوتا ہوا پرامن طریقے سے اختتام پذیر ہوا۔

ریسکیو 𝟏𝟏𝟐𝟐 بلتستان ریجن کے انچارج جناب اسلام الدین صاحب کی خصوصی ہدایت پر ریسکیو 𝟏𝟏𝟐𝟐 روندو کے تربیت یافتہ اہلکاروں نے جلوس کے دوران اپنی ڈیوٹی انجام دی۔ اہلکاروں نے جلوس کے ساتھ ہمہ وقت موجود رہ کر عزاداروں کو فوری طبی امداد فراہم کی اور کسی بھی ہنگامی صورتِ حال سے نمٹنے کے لیے مکمل تیاری کے ساتھ موجود رہے۔

ریسکیو 𝟏𝟏𝟐𝟐 روندو کی ٹیم نے نہ صرف پیشہ ورانہ مہارت کا مظاہرہ کیا بلکہ عوامی خدمت کے جذبے کے تحت اپنے فرائض بھرپور انداز میں انجام دیے،

میڈیا سیل، ریسکیو 𝟏𝟏𝟐𝟐 سکردو

03/07/2025

ہمیں سی پی آر کا عمل کرنا آنا چاہیے۔۔۔!

اگر آس پاس موجود لوگوں میں سے کسی نے بھی بروقت CPR (سی پی آر) کی کوشش کی ہوتی۔۔۔ تو شاید وہ ٹیچر بچ جاتے۔

وہ صرف بیٹھے، دیکھتے رہے اور دل بند ہوگیا۔

یہ Cardiac Arrest کیا ہوتا ہے؟
یہ دل کی وہ حالت ہوتی ہے جب دل اچانک دھڑکنا بند کر دیتا ہے۔
انسان بظاہر مردہ لگتا ہے لیکن اگر فوری CPR شروع کر دی جائے تو وہ واپس آ سکتا ہے!

CPR (Cardiopulmonary Resuscitation) کیا ہے؟

یہ ایک ہنگامی طبی عمل ہے جو ایسے شخص پر کیا جاتا ہے:

* جس کا دل دھڑکنا بند ہو جائے۔
* جو بے ہوش ہو۔
* جس کی سانسیں رک چکی ہوں۔

کیسے کیا جاتا ہے؟

1. شخص کو لٹائیں۔
2- رسپانس چیک کریں ۔
3- 1122 پر کال کریں ۔
4. پہلے 100 بار سینے پر زور سے دباتے جائیں (Chest Compressions)
5- ایک منٹ میں 100 سے 120 دفعہ دبائیں ۔
6- دباتے وقت 2,انچ گہرائی تک دبائیں ۔
7- سی پی آر سٹارٹ کرنے کے بعد اس وقت تک جاری رکھیں جب تک میڈیکل ٹیم آپ کے پاس نہ پہنچ جائے ۔

یاد رکھیں
سی پی آر کرنے والا شخص ڈاکٹر نہیں ہوتا، لیکن فوری ردعمل ایک عام انسان کو بھی ہیرو بنا دیتا ہے۔
سی پی آر کسی کی آخری سانس کو نئی زندگی میں بدل سکتا ہے۔

اپیل۔۔۔
خدارا!
یہ CPR سیکھیں – کسی ماہر سے خود بھی اور اپنے بچوں کو بھی سکھائیں۔

01/07/2025

*ریسکیو 1122 الرٹ*

*کچورا: ژوق پہاڑ میں پھنسے شخص کو ریسکیو 1122 نے کامیابی سے بچا لیا*

سکردو (1 جولائی 2025) – کچورا کے علاقے ژوق پہاڑ میں پھنس جانے والے شخص کو ریسکیو 1122 سکردو کی ٹیم نے کامیاب آپریشن کے بعد بحفاظت نکال لیا۔ ریسکیو آپریشن صبح 11 بجے شروع کیا گیا تھا، جس میں دشوار گزار پہاڑی علاقے اور خراب موسمی حالات کے باوجود ریسکیو اہلکاروں نے بھرپور مہارت اور جانفشانی سے حصہ لیا۔

*ڈائریکٹر جنرل ریسکیو 1122 عظیم اللہ اور ایمرجنسی آفیسر اسلام الدین* نے کامیاب آپریشن پر ٹیم کی کارکردگی کو سراہتے ہوئے اہلکاروں کی پیشہ ورانہ مہارت اور جذبے کی تعریف کی۔

ریسکیو 1122 کی جانب سے عوام سے اپیل کی ہے کہ ہنگامی صورتحال میں غیر ضروری افواہوں سے گریز کریں اور ریسکیو ٹیموں کے ساتھ مکمل تعاون جاری رکھیں۔

*میڈیا سیل، ریسکیو 1122 سکردو*

24/06/2025

ریسکیو 𝟏𝟏𝟐𝟐 سکردو

سکردو: ریسکیو 𝟏𝟏𝟐𝟐 سکردو کی فائر فائٹر گاڑی جو گزشتہ 5 سال سے خراب حالت میں کھڑی تھی، اب کمشنر بلتستان جناب کمال خان صاحب کی خصوصی دلچسپی اور کوششوں سے دوبارہ قابلِ استعمال بنا دی گئی ہے۔

کمشنر بلتستان جناب کمال خان صاحب نے اس اہم مسئلے پر فوری توجہ دیتے ہوئے فنڈز کی دستیابی کو یقینی بنایا، جس کے نتیجے میں فائر فائٹر گاڑی کو مکمل مرمت کر کے ریسکیو 𝟏𝟏𝟐𝟐 کے فلیٹ میں شامل کر دیا گیا ہے۔

انچارج ریسکیو 𝟏𝟏𝟐𝟐 سکردو جناب اسلام الدین صاحب کی جانب سے کمشنر بلتستان جناب کمال خان صاحب کا تہہ دل سے شکریہ ادا کیا گیا ہے، جن کی کاوشوں سے عوام کو ایمرجنسی کی صورت میں فوری فائر سروس کی سہولت دوبارہ میسر آ گئی ہے۔

یہ قدم نہ صرف ادارے کی فعالیت میں اضافہ کرے گا بلکہ کسی بھی ناگہانی صورتحال میں بروقت رسپانس کو بھی یقینی بنائے گا۔

میڈیا سیل ریسکیو 𝟏𝟏𝟐𝟐 سکردو

20/06/2025

*ریسکیو 1122روندو الرٹ*
تریکو کے قریب ٹورسٹ گاڑی کو حادثہ 4 افراد سوار .معمولی زخمی ۔ روندو ریسکیو ٹیم موقع پر فرسٹ دے کر سول ہسپتال تھوار شفٹ کردیا
*Media Cell Rescue 1122 Skardu*