Skardu tv News

02/06/2025

سکردو
سرکاری سکولوں میں سپورٹس ویک جاری
بچوں کی بڑی تعداد سپورٹس ویک میں شریک ہیں

15/02/2025

09/02/2025

چیئرمین نصیب بی فاونڈیشن شکور نبی نے اسلامک یونیورسٹی کے طلبہ کی دعوت پر آج یونیورسٹی کا دورہ کیا اور گلگت بلتستان کے طلبہ سے ملاقات کی اس موقعے پر طلبہ نے اپنے مسائل سے آگاہ کیا , شکور نبی نے اس موقعے پر کہا کہ وہ طلبہ کی سرپرستی اور معاونت کرنے کو تیار ہیں __ طلبہ علاقے کی ترقی میں اپنا کردار ادا کریں ، شکور نبی نے اس موقعے پر طلبہ کی حوصلہ افزائی کے لئے نقد انعام کا بھی اعلان کیا ____

15/10/2024

اسلام آباد
گورنر گلگت بلتستان سید مہدی شاہ نے ایوان صدر میں چین کے وزیر اعظم کے اعزاز میں دئیے گئے ظہرانے میں شرکت کی۔
اس موقع پر مختلف سیاسی شخصیات نے گورنر گلگت بلتستان سید مہدی شاہ کے ساتھ ملاقات کیں۔
Syed Mehdi Shah

09/10/2024

‎یونیورسٹی آف بلتستان نئی
عمارت کی تکمیل اور تعلیمی انقلاب کا آغاز، تمام شعبہ جات
میں داخلوں کا اعلان ۔

یونیورسٹی روڈ کی تعمیر میں تاخیر پر تشویش کا اظہار

‎سمسٹر بہار 2025نئے تعلیمی سال کا آغاز نئی عمارت میں ۔
ہوگا، اجلاس میں فیصلہ

نئے تعلیمی سال کے آغاز سے قبل یونیورسٹی روڈ کی تکمیل کو ہر صورت ممکن بنایا جائے ۔ مطالبہ

‎ مقامی انتظامیہ روڈ کی تکمیل میں کردار ادا کرے، مطالبہ

‎نئی عمارت میں منتقلی کے بعد یونیورسٹی میں ہزار سے زائد نئے طلبہ کو داخلے ملیں گے، طلبہ کی مجموعی تعداد پانچ ہزار سے زائد ہوگی۔

‎
‎روڈ کی تکمیل نہ ہوئی تو خواب ادھورے رہ جائیں گے، طلبہ کا نقصان ہوگا . اجلاس میں اظہار تشویش

‎روڈ کی عدم تکمیل سے بلتستان کے عوام اور طلبہ کا دیرینہ مطالبہ متاثر ہونے کا خدشہ ہے ۔ شرکائے اجلاس

‎سکردو: پریس ریلیز

‎یونیورسٹی آف بلتستان، سکردو کے حسین آباد میں واقع مین کیمپس میں ایک اہم اور غیر معمولی اجلاس منعقد ہوا جس میں یونیورسٹی کی اعلیٰ انتظامیہ، ڈائریکٹرز، تمام شعبہ
جات کے صدور ، فیکلٹی اور خزانچی نے شرکت کی۔ اس اجلاس میں شرکاء نے یونیورسٹی کی نئی عمارت کی تکمیل پر مسرت کا اظہار کیا اور اس بات کو سراہا کہ یونیورسٹی اب گلگت بلتستان کے طلبہ کو جدید تعلیمی سہولیات اور معیاری تعلیمی ماحول فراہم کرنے کے لیے مکمل طور پر تیار ہے۔‎اجلاس میں اس اہم پیشرفت پر
روشنی ڈالی گئی کہ یونیورسٹی آف بلتستان کی نئی عمارت تمام جدید تعلیمی سہولیات سے لیس ہے اور جلد ہی نئے سمسٹر میں طلبہ کی بڑی تعداد کو داخلہ دینے کے لیے تیار ہے۔ کشادہ کلاس رومز، جدید ترین لیبارٹریز اور دیگر ضروری سہولیات کے ساتھ یونیورسٹی کی انتظامیہ پر امید ہے کہ سمسٹر بہار میں ایک ہزار سے پندرہ سو نئے طلبہ کا اضافہ ہوگا۔ اس طرح یونیورسٹی میں طلبہ کی مجموعی تعداد مستقبل قریب میں پانچ ہزار سے تجاوز کر جائے گی۔
‎یونیورسٹی کی اس نئی عمارت میں منتقلی کے بعد نہ صرف تعلیمی ماحول میں بہتری آئے گی بلکہ علاقے کے نوجوانوں کو گھر کی دہلیز پر معیاری اعلیٰ تعلیم کی سہولیات فراہم کی
جائیں گی۔ یونیورسٹی انتظامیہ اور فیکلٹی نے زور دے کر کہا کہ یہ ایک خواب کی تعبیر ہے اور اس سے علاقے کے تعلیمی منظرنامے میں واضح مثبت تبدیلی آئے گی۔
‎اجلاس کے دوران یونیورسٹی انتظامیہ فیکلٹی اور دیگر شرکاء نے اس بات پر گہری تشویش کا اظہار کیا کہ یونیورسٹی تک جانے والی سڑک کی تعمیر تاحال شروع نہیں ہوئی ہے جو کہ طلبہ اور یونیورسٹی عملے کے لیے ایک بڑی رکاوٹ بنی ہوئی ہے۔ یونیورسٹی انتظامیہ، فیکلٹی سول سوسائٹی اور طلبہ گزشتہ کئی سالوں سے اس اہم مسئلے کے حل کے لیے مقامی حکومت سے مطالبات کر رہے ہیں لیکن تاحال کوئی عملی اقدام نہیں اٹھایا گیا۔
اجلاس میں یہ بات بھی زیر بحث آئی کہ یونیورسٹی روڈ کی تعمیر کے حوالے سے یونیورسٹی انتظامیہ نے تمام متعلقہ فورمز پر گزارشات کیں ،یونیورسٹی انتظامیہ و فیکلٹی نے روڈ کی تعمیر کے حوالے سے گورنر گلگت بلتستان سید مہدی شاہ، چیف سیکریٹری گلگت بلتستان، وزارت امور کشمیر و گلگت بلتستان، سیکریٹری امور کشمیر و گلگت بلتستان، صوبائی وزیر تعلیم، اپوزیشن لیڈر گلگت بلتستان میثم کاظم، سمیت تمام ذمہ دار حلقوں سے گزارش کی ہے کہ وہ اس روڈ کی تعمیر میں اپنا کردار ادا کریں۔ جبکہ
‎ڈائریکٹر ترقی و منصوبہ ڈاکٹر ذاکر حسین نے بتایا کہ انہوں نے اس مسئلے پر مقامی انتظامیہ، کمشنر بلتستان، ایڈیشنل کمشنر اور ڈپٹی کمشنر کے ساتھ متعدد بار ملاقاتیں کی ہیں۔ مقامی انتظامیہ کی جانب سے بارہا یقین دہانیاں کرائی گئی کہ نئے سمسٹر کے آغاز سے قبل سڑک کی تعمیر مکمل کر لی جائے گی تاکہ طلبہ کو تعلیمی ادارے تک پہنچنے میں مشکلات کا سامنا نہ کرنا پڑے۔
‎اجلاس میں یونیورسٹی انتظامیہ و فیکلٹی نے تشویش کا اظہار کرتے ہوئے کہا کہ اگر روڈ کی بروقت تعمیر مکمل نہ ہوئی تو ہزاروں طلبہ کا قیمتی تعلیمی سال ضائع ہونے کا اندیشہ ہے۔ یونیورسٹی کی انتظامیہ اور فیکلٹی نے واضح کیا کہ روڈ کی عدم تعمیر سے اگر طلبہ داخلوں سے محروم رہتے ہیں تو طلبہ اور عوام کا دیرنیہ مطالبہ متاثر ہو گا اور علاقے کا تعلیمی نقصان ہو گا ۔ یونیورسٹی انتظامیہ اس امید پر نئی عمارت میں منتقل ہونے کو تیار ہے کہ نئے سمسٹر کے آغاز سے قبل ہی مقامی حکومت روڈ کی تعمیر ممکن بنائے گی
‎یونیورسٹی کے عہدیداروں انتظامیہ فیکلٹی ،ڈائریکٹرز اور شعبہ جات کے صدور نے اس بات پر زور دیا کہ اگر سڑک کی تعمیر بروقت مکمل نہ ہوئی تو نئی عمارت کی تمام سہولیات اور منصوبے بے اثر ہو جائیں گے۔ یونیورسٹی کا مقصد طلبہ کو معیاری تعلیم کی فراہمی ہے، لیکن سڑک کی عدم تعمیر ان کوششوں کو ناکام بنا سکتی ہے۔
‎اجلاس کے آخر میں اس عزم کا
اعادہ کیا گیا کہ سمسٹر 2025 کا آغاز یونیورسٹی کی نئی عمارت میں کیا جائے گا۔ یہ عمارت نہ صرف گلگت بلتستان کے طلبہ کے لیے جدید تعلیم کے دروازے کھولے گی بلکہ خطے میں تعلیمی معیار کو بھی بلند کرے گی۔ اس تاریخی پیشرفت سے علاقے کے نوجوانوں کو ان کی دہلیز پر وہ مواقع میسر آئیں گے جو وہ پہلے بڑے شہروں یا دیگر اداروں میں جا کر حاصل کرتے تھے۔
‎یونیورسٹی انتظامیہ و فیکلٹی اس امید کا اظہار کر رہی ہے کہ حکومت اور مقامی انتظامیہ یونیورسٹی تک جانے والی سڑک کی جلد از جلد تکمیل کو یقینی بنائے گی تاکہ طلبہ کا قیمتی وقت ضائع ہونے سے بچایا جا سکے اور وہ جدید تعلیمی سفر کو بلا رکاوٹ شروع کر سکیں۔

‎اس اہم اجلاس کے دوران اس بات پر اتفاق کیا گیا کہ نئی عمارت کی تکمیل گلگت بلتستان کے تعلیمی منظرنامے کے لیے ایک تاریخی سنگ میل ہے۔ اس سے علاقے کے نوجوانوں کو جدید تعلیم اور تحقیق کے مواقع میسر آئیں گے جو نہ صرف ان کی ذاتی ترقی میں مددگار ثابت ہوں گے بلکہ ملکی ترقی میں
بھی اہم کردار ادا کریں گے۔
اجلاس میں شرکاء نے سول سوسائٹی طلبہ سماجی تنظیموں اور مختلف حلقوں سے گزارش کی" کہ وہ یونیورسٹی روڈ کی جلد تعمیر کے حوالے سے اپنے حصے کا چراغ روشن کریں یقینا یونیورسٹی قومی اثاثہ ہے اور اس اثاثے کی آبیاری اور اس کی ترقی اور فعالیت میں کردار ادا کرنا ہم سب کی اجتماعی ذمہ داری ہے۔

15/09/2024

گلگت بلتستان (جی بی )حکومت کی جانب سے دنیا کے دوسرے بلند ترین پہاڑ کے 2 کی پرمٹ فیس فی کوہ پیما 5000 ڈالر تک بڑھادی گئی۔

نوٹیفکیشن کے مطابق 8 ہزار میٹر سے بلند دیگر پہاڑوں کی پرمٹ فیس میں بھی اضافہ 9 ہزار ڈالر سے 28 ہزار ڈالر مقرر کردیا گیا ہے۔ کے ٹو پہاڑ کیلئے پرمٹ فیس موسم خزاں میں 25 سو ڈالر اور موسم سرما میں 1500 ڈالر مقرر کی گئی ہے۔

عدلیہ کو کمزور کرنے کی کو شش کی جارہی ہے، بیرسٹر گوہر

نوٹیفکیشن کے مطابق پاکستانی کوہ پیما کیلئے کیٹو پرمٹ فیس 30 ہزار سے بڑھا کر 1 لاکھ اور ٹریکنگ فیس غیر ملکیوں کے لیے 100 ڈالر سے بڑھا کر 3 سو ڈالر مقرر کی گئی ہے۔

کوہ پیما ایک پرمٹ پر صرف ایک ہی پہاڑ کی مہم جوئی کر سکے گا، ایک سے زائد پہاڑوں کی مہم جوئی کیلیے الگ الگ پرمٹ لینا ہوگا۔

بانی پی ٹی آئی نے جو بیج بوئے ہیں اس کے نتائج بہت خطرناک ہوں گے، خواجہ آصف

نوٹیفکیشن میں مزید بتایا گیا کہ گروپ ممبران کی تعداد 20 سے زیادہ نہیں ہونی چاہیے اور ہائی ایلٹیٹیوٹ پورٹرز کے لیے انشورنس کی رقم 20 لاکھ روپے مقرر کی گئی ہے۔

01/09/2024

**وزیرِاعظم میاں شہباز شریف 8 ستمبر کو یونیورسٹی آف بلتستان کی نئی عمارت کا افتتاح کریں گے۔**

*بلتستان کی پہلی اور گلگت بلتستان کی دوسری یونیورسٹی کی نئی عمارت کی تمام تیاریاں مکمل۔**

**یونیورسٹی آف بلتستان کی نئی عمارت تعلیمی ترقی کا سنگِ میل ثابت ہوگی۔**

**وزیرِاعظم کا دورہ سکردو: تعلیمی اور اقتصادی ترقی کی جانب اہم قدم ثابت ہو گا **


*بلتستان یونیورسٹی کی نئی عمارت کا تعمیراتی کام 2020 میں شروع ہوا۔**

**دو عظیم پہاڑی سلسلوں اور شیر دریا کے کنارے قائم یونیورسٹی مستقبل کی عظیم درس گاہ بنے گی**

سکردو: (پریس ریلیز)یونیورسٹی آف بلتستان سکردو کی نئی عمارت کا افتتاح رواں ماہ کی 8 تاریخ کو وزیرِاعظم پاکستان میاں شہباز شریف کے ہاتھوں انجام پائے گا۔ بلتستان کی تاریخ کے اس سنہرے دن کو خصوصی اہمیت حاصل ہوگی، جب وزیرِاعظم پاکستان، عزت مآب میاں شہباز شریف، سلسلہ قراقرم اور سلسلہ ہمالیہ کے سنگم اور شیر دریا دریائے سندھ کنارے واقع بلتستان یونیورسٹی کی نئی عمارت کا باضابطہ افتتاح کریں گے۔
بلتستان کی پہلی اور گلگت بلتستان کی دوسری یونیورسٹی کی نئی عمارت کی افتتاحی تقریب کے لیے تمام تیاریاں مکمل کر لی گئی ہیں۔ یونیورسٹی کی عمارت مکمل ہو چکی ہے اور تزئین و آرائش کا کام بھی آخری مراحل میں داخل ہو چکا ہے۔ وزیرِاعظم کے متوقع دورے کے پیش نظر یونیورسٹی انتظامیہ، فیکلٹی، طلباء، اور مقامی عوام میں خوشی اور جوش و خروش پایا جا رہا ہے۔
یونیورسٹی آف بلتستان کی نئی عمارت نہ صرف بلتستان بلکہ پورے شمالی علاقوں کے لیے تعلیمی ترقی کا سنگِ میل ثابت ہو گی۔ نئی عمارت میں جدید تعلیمی سہولیات کے ساتھ ساتھ طلباء اور اساتذہ کے لیے بہترین تعلیمی ماحول فراہم کیا جائے گا ۔ افتتاح کے بعد یونیورسٹی کو نئی بلڈنگ میں منتقل کرنے کے حوالے سے اقدامات کیے جائیں گے ، جس سے طلباء اور سکردو اور گرد و نواح کے لوگوں کو براہِ راست فائدہ پہنچے گا۔
وزیرِاعظم کا یہ دورہ علاقے کی تعلیمی اور اقتصادی ترقی کے حوالے سے انتہائی اہم ہے۔ اس افتتاح کے بعد یونیورسٹی آف بلتستان اپنی نئی عمارت میں شفٹ ہو جائے گی، جس سے یہاں کے طلباء کو بہترین تعلیمی مواقع ملیں گے۔
یونیورسٹی آف بلتستان کی انتظامیہ اور طلباء نے اس تاریخی موقع کی تیاریوں کو مکمل کر لیا ہے، اور پورا علاقہ اس اہم دن کا شدت سے منتظر ہے۔ وزیرِاعظم کے دورے کے موقع پر مقامی عوام کی جانب سے بھرپور استقبال کی توقع کی جا رہی ہے۔
یونیورسٹی کی نئی عمارت کا افتتاح علاقے میں تعلیمی ترقی کے ایک نئے باب کا آغاز کرے گا، جس سے بلتستان کے نوجوانوں کو معیاری تعلیم حاصل کرنے کے بہتر مواقع ملیں گے۔ یاد رہے کہ یونیورسٹی کی نئی بلڈنگ کی تعمیر کا آغاز سال 2020 میں ہوا تھا۔ اس یونیورسٹی کے قیام کا اعلان سابق وزیرِاعظم اور ن لیگ کے قائد میاں نواز شریف نے کیا تھا۔

# # # نیوز ٹیکرز (ٹی وی چینلز کے لیے)

- **وزیرِاعظم شہباز شریف 8 ستمبر کو یونیورسٹی آف بلتستان کی نئی عمارت کا افتتاح کریں گے۔**
- **بلتستان کی پہلی یونیورسٹی کی نئی عمارت کی تمام تیاریاں مکمل۔**
- **دو عظیم پہاڑی سلسلوں کے درمیان قائم یونیورسٹی: مستقبل کی عظیم درسگاہ۔**
- **یونیورسٹی آف بلتستان کا افتتاح: تعلیمی ترقی کے نئے دور کا آغاز ہو گا **
- **یونیورسٹی کی نئی عمارت تعلیمی اور اقتصادی ترقی کا سنگِ میل ثابت ہو گی۔**

- **وزیرِاعظم کا دورہ سکردو: طلباء اور مقامی عوام میں خوشی اور جوش۔**
-
- **2020 میں شروع ہونے والا یونیورسٹی آف بلتستان کی نئی عمارت کا تعمیراتی کام تقریبا مکمل۔**
-

29/08/2024

چنداہ غورغوں نالے سے آنے والی سیلاب میں اضافہ نالے کے آس پاس کے گھروں کو خالی کرنے کیلۓ امام بارگاہوں اور مسجدوں کے لاوڈ سپیکر سے اعلانات کیا ہیں۔
گمبہ سے چندا جانے والے راستے , سڑکیں اور پل کو نقصان پہنچنے کی وجہ سے چندا سے گمبہ کا زمینی رابطہ منقطع۔ عوام کی طرف سے حکومت کو جلد حفاظتی اقدامات کرنے کی اپیل۔ورنہ نقصانات میں اضافہ کے خطرات زیادہ ہیں۔ بارش ابھی تیزی سے جاری ہے اور سیلابی پانی میں بھی اضافہ ہورہی ہے۔

29/08/2024

سکردو
روندو باغیچہ کے مقام پر سیاحوں کی گاڑی حادثے کا شکار ۔ ریسکیو 1122

حادثہ گاڑی پر پتھر لگنے کے باعث پیش آیا ۔ ریسکیو 1122

پتھر لگنے کے باعث گاڑی کھائی میں جا گری ۔ ریسکیو

گاڑی میں چار افراد سوار تھے ۔ ریسکیو

حادثے کے باعث ایک سیاح جاں بحق 3 زخمی ہوئے ۔ ریسکیو ٹیم

گاڑی سکردو سے پنڈئ جا رہی تھی ۔ ریسکیو ٹیم

زخمیوں کو سول ہسپتال ڈمبوداس منتقل کیا گیا ہے ۔ ریسکیو ٹیم