15/04/2026
پریس ریلیز
گلگت: شاہزیب شیخ، سیکرٹری انڈسٹریز، لیبر اینڈ کامرس گلگت بلتستان کی سربراہی میں گلگت بلتستان بورڈ آف انویسٹمنٹ اینڈ ٹریڈ کے تحت گلگت بلتستان میں سپیشل اکنامک زون کے قیام کے لیے Co-Developer کے انتخاب کے حوالے سے ایک اہم اجلاس منعقد ہوا۔
اجلاس میں شاہد علی، ڈائریکٹر جنرل گلگت بلتستان بورڈ آف انویسٹمنٹ اینڈ ٹریڈ کے علاوہ محکمہ مواصلات و تعمیرات گلگت بلتستان محکمہ پانی و بجلی، محکمہ منصوبہ بندی و ترقی گلگت بلتستان اور محکمہ خزانہ گلگت بلتستان کے ٹیکنیکل افسران نے شرکت کی۔
اجلاس میں Co-Developer کے انتخاب کے عمل میں ہونے والی پیش رفت پر غور کیا گیا اور اس عمل کو طے شدہ طریقہ کار کے مطابق آگے بڑھانے پر اتفاق کیا گیا۔
سیکرٹری انڈسٹریز، لیبر اینڈ کامرس نے ہدایت کی کہ آئندہ مراحل کو ذمہ داری اور سنجیدگی کے ساتھ بروقت مکمل کیا جائے تاکہ سپیشل اکنامک زون کے قیام کی رفتار برقرار رہے۔
اجلاس کے اختتام پر اس عزم کا اعادہ کیا گیا کہ گلگت بلتستان میں سرمایہ کاری کے فروغ اور صنعتی ترقی کے لیے مؤثر اقدامات جاری رکھے جائیں گے۔
