04/03/2026
پسند کی شادی کرنے والا جوڑا تحفظ کے لیے سکھر پریس کلب پہنچ گیا
جان کو شدید خطرات لاحق، اعلیٰ حکام سے فوری نوٹس لینے کا مطالبہ
سکھر پسند کی شادی کرنے والا ایک جوڑا جان کو لاحق خطرات کے پیشِ نظر سکھر پریس کلب پہنچ گیا اور میڈیا کے ذریعے اعلیٰ حکام سے فوری تحفظ فراہم کرنے کی اپیل کی۔رتوڈیرو لاڑکانہ کی رہائشی مسمات نینہ دختر جان محمد چنہ اپنے شوہر ندیم علی بھٹو کے ہمراہ پریس کلب میں پیش ہوئیں اور صحافیوں کو بتایا کہ انہوں نے آج ہی سیشن کورٹ سکھر میں اپنی مرضی سے گھر سے نکل کر قانونی تقاضے پورے کرتے ہوئے سیشن کورٹ سکھر میں شادی کی۔ انہوں نے کہا کہ شادی سے متعلق بیانِ حلفی اور اطلاع عدالت میں جمع کروائی جا چکی ہے۔مسمات نینہ ولد جان محمد چنہ کے مطابق شادی کی اطلاع ملتے ہی ان کے اہلِ خانہ مشتعل ہو گئے اور انہیں سنگین نتائج کی دھمکیاں دی جا رہی ہیں۔انہوں نے الزام عائد کیا کہ میرے والد اور بھائی سمیت دیگر رشتہ دار انہیں جان سے مارنے کی دھمکیاں دے رہے ہیں، جس کے باعث وہ شدید خوف اور عدم تحفظ کا شکار ہیں۔ندیم علی بھٹو نے اس موقع پر گفتگو کرتے ہوئے کہا کہ وہ دونوں بالغ ہیں، ایک دوسرے کو پسند کرتے ہیں اور اپنی آزاد مرضی سے رشتہ ازدواج میں منسلک ہوئے ہیں۔ ان کا کہنا تھا کہ قانونی تحفظ کے حصول کے لیے متعلقہ تھانے میں درخواست بھی دی گئی ہے، تاہم اس کے باوجود انہیں مسلسل دھمکی آمیز پیغامات موصول ہو رہے ہیں۔جوڑے نے چیف جسٹس سندھ ہائی کورٹ، آئی جی سندھ پولیس، ڈی آئی جی سکھر اور دیگر متعلقہ حکام سے اپیل کی ہے کہ ان کے معاملے کا فوری نوٹس لیتے ہوئے انہیں مکمل سیکیورٹی فراہم کی جائے تاکہ وہ بلا خوف و خطر اپنی زندگی گزار سکیں۔
District Sukkur Police Sindh Police Sukkur Press Club Sukkur Ki Awaz Digital True News with Shoaib Malik fans Barrister Arsalan Islam Shaikh District Police Larkana
