True News with Shoaib Malik

26/05/2025

پسند کی شادی کرنے والی لڑکی پر مسلح شخص کی عدالت میں فائرنگ

26/05/2025

*سکھر پولیس*

*تھانہ اے سیکشن پولیس نے بروقت کارروائی کرکے خودکشی کرنے والے نوجوان کو بچالیا۔*

تفصیلات کے مطابق نصرت کالونی نمبر 3 کے ایک نوجوان *محمد تسلیم انصاری نے دریا میں چھلانگ لگا دی* تاہم موقع پر موجود پولیس نے فوری طور پر سرتوڑ کوششیں کرکے نوجوان کو ڈوبنے سے بچالیا۔

خودکشی کی کوشش کرنے والے نوجوان کے بھائی محمد مقیم نے پولیس کو بتایا کہ اس کے بھائی کا *ذہنی توازن درست نہیں* اور وہ زیر علاج ہے۔

مذکورہ نوجوان کو ضروری قانونی کارروائی کے بعد بھائی کے حوالے کردیا گیا ہے۔

*ترجمان سکھر پولیس*

26/05/2025

سکھر پولیس

سندھ ہائی کورٹ سکھر بنچ کے احاطے میں پسند کی شادی کرنے والی ایک خاتون رخسانہ ولد اربیلو کھروس پر اس کے چچا نے فائرنگ کردی جس کے نتیجے میں وہ زخمی ہوگئی۔

زخمی خاتون نے گذشتہ سال اگست میں پسند کی شادی کی تھی، شادی کے بعد نوبیاہتا جوڑا کراچی منتقل ہوگیا تھا۔
لڑکی کے والدین نے ہائی کورٹ میں اس کی بازیابی کے لیے درخواست دائر کی تھی، پولیس نے لڑکی کو کراچی سے بازیاب کراکے آج پیر کو عدالت میں پیش کیا، پیشی کے بعد جیسے ہی وہ عدالت سے باہر نکلی تو لڑکی کے چچا غلام قادر ولد محمد موسیٰ نے اس پر پستول سے فائرنگ کردی جس سے وہ زخمی ہوگئی۔

ہائی کورٹ کی سیکورٹی پر مامور پولیس نے حملہ آور کو فوری طور پر پستول سمیت گرفتار کرلیا۔

زخمی خاتون کو اسپتال داخل کرادیا گیا ہے اور پولیس واقعے کی مزید تحقیقات کررہی ہے۔

ایس ایس پی سکھر اظہر خان نے کہا ہے کہ اس واقعے کی ہر پہلو سے تحقیقات کی جائے گی اور عدالتی سیکورٹی پر مامور کوئی اہلکار غفلت کا مرتکب پایا گیا تو اس کے خلاف سخت قانونی کارروائی عمل میں لائی جائے گی۔

ترجمان سکھر پولیس

26/05/2025

سخت سیکورٹی واک تھروگیٹ اور تلاشی کے عمل کو توڑ کو ملزم اسلحہ لیکر عدالتی احاطہ میں کیسے پہنچا۔ پولیس سیکیورٹی پر سوالات اٹھ گئے۔

26/05/2025

23/05/2025

اپنی بیٹی عریبہ سے متعلق گونگا شخص مترجم کی وساطت سے اپنے جذبات اور موقف اپنی زبان میں پیش کر رہا ہے
fans Assistant Commissioner Sukkur Sobia Falak Rao Hum & Humara Sukkur Hazir Sukkur

29/04/2025

ببرلوء دھرنے پر وکلاء ایکشن کمیٹی کی اہم پریس کانفرنس

29/04/2025

کٹی بازار کی رہائشی ہندو کمیونٹی کی رہائشی ریشمہ شوہر کے ظلم و ستم کے خلاف سکھر پریس کلب پہنچ گئی,

27/04/2025

(( موسمی صورتحال پیشنگوئی))

ماھ مئی کے پہلے اور دوسرے ہفتے کے دوران صوبہ سندھ میں بارش کے امکانات واضح ہوتے جارہے ہیں مئی کے پہلے عشرے کے دوران صوبہ سندھ کے مختلف علاقوں میں تیز رفتار آندھی ، گرج چمک ، بارش اور ژالہ باری کے بھی امکانات ہیں جن میں بالخصوص بالائی ، وسطی ، مغربی , مشرقی اور جنوبی سندھ کے بھی مختلف علاقے شامل ہیں
اس دوران ملک کے شمالی علاقہ جات جن میں پنجاب اور خیبرپختونخوا میں بھی شدید آندھی گرج چمک کے طوفان بارشیں اور ژالہ باری بھی متوقع ہے
بلوچستان کے بھی شمالی مشرقی علاقہ جات میں بہترین امکانات ہین
مزید اپڈیٹس کچھ دنوں بعد

27/04/2025

سندھ کے مختلف شہروں میں کینالز کیخلاف پرامن دھرنوں پر پولیس کا تشدد ، آنسو گیس شیلنگ اور لاٹھی چارج۔

26/04/2025

سندھ کے پانی پر ڈاکہ نامنظور، دریائے سندھ کا تحفظ ہر قیمت پر کریں گے: علامہ راشد محمود سومرو

جے یو آئی سندھ کا انتباہ: مطالبات تسلیم نہ ہونے پر پورٹ قاسم اور کے پی ٹی کی بندش کا اعلان

سکھر / کراچی (پ ر)
جمعیت علماء اسلام سندھ کے امیر مولانا سائیں عبدالقیوم ہالیجوی ، سیکریٹری جنرل علامہ راشد محمود سومرو نے کہا ہے کہ دریائے سندھ سندھ کی زندگی، ثقافت اور معیشت کی بنیاد ہے۔ سندھ کے دریائی پانی پر کسی قسم کا ڈاکہ یا قبضہ کسی صورت قبول نہیں کیا جائے گا۔ سندھ کے عوام اپنے وسائل کے تحفظ کے لیے ہر قربانی دینے کو تیار ہیں وہ سکھر میں روہڑی انٹرچینج پر جمعیت علمائے اسلام صوبہ سندھ کے زیراہتمام دھرنے سے خطاب کررہے تھے ۔

علامہ راشد محمود سومرو نے کہا کہ اگر 2 مئی تک دریائے سندھ پر متنازعہ کینالز کے نوٹیفکیشن منسوخ نہ ہوئے تو جمعیت علماء اسلام سندھ کی قیادت میں عوام 5 مئی کو پورٹ قاسم اور 6 مئی کو کراچی پورٹ ٹرسٹ (کے پی ٹی) بند کر دیں گے۔ انہوں نے متنبہ کیا کہ اگر وفاق نے سنجیدگی کا مظاہرہ نہ کیا تو عوامی طوفان کو روکنا کسی کے بس میں نہیں ہوگا۔

اس موقع پر جے یو آئی کے دیگر قائدین ، انجینئر عبدالرزاق عابد لاکھو ، سراج احمد شاہ امروٹی، مولانا ناصر محمود سومرو ، مفتی سعود افضل ہالیجوی، مولانا صالح اندھڑ ، ڈاکٹر اے جی انصاری ، سلیم سندھی ، حافظ عبدالحمید مہر اور دیگر نے بھی خطاب کیا سکھر روہڑی انٹرچینج پر دھرنے میں عوام کی بڑی تعداد نے شرکت کی

علامہ راشد محمود سومرو نے کہا کہ پیپلز پارٹی قبل از وقت جشن منا رہی ہے، لیکن ہم اصل جشن اس وقت منائیں گے جب سندھ کے پانی پر قبضے کی سازشیں دفن ہوں گی۔ انہوں نے واضح کیا کہ اگر 2 مئی کو مشترکہ مفادات کونسل (سی سی آئی) میں سندھ کا مقدمہ ہار دیا گیا تو حکمرانوں کو عوام کا سامنا کرنا مشکل ہو جائے گا۔

انہوں نے کہا کہ جے یو آئی سندھ، پنجاب سے سندھ کا حق چھین کر رہے گی۔ سندھ کے عوام کو کمزور نہ سمجھا جائے۔ فارم 47 کی پیداوار حکمران سندھ کے خیرخواہ نہیں ہیں۔ زرداری سندھ کا وارث نہیں بلکہ سندھ کے اصل وارث سندھ کے عوام ہیں۔

علامہ راشد سومرو نے اعلان کیا کہ سندھ کے پانی کے تحفظ کے لیے جے یو آئی سندھ نے تین اہم مقامات پر دھرنوں کا آغاز کر دیا ہے:
انہوں نے کہا کہ ہم نے اس مقصد کیلئے آج سکھر موٹروے انٹرچینج اور گزشتہ روز انڈس ہائی وے کندھکوٹ ، نیشنل ہائی وے گھوٹکی پر دھرنے دیئے ۔

انہوں نے کہا کہ یہ ابتدائی مرحلہ ہے۔ اگر ہمارے مطالبات تسلیم نہ کیے گئے تو یہ دھرنے مستقل بنیادوں پر جاری رہیں گے اور سندھ پنجاب بارڈر مکمل طور پر بند کر دیا جائے گا۔

علامہ راشد محمود سومرو نے کہا کہ دریائے سندھ پر ڈاکہ آئینی، قانونی اور شرعی طور پر نامنظور ہے۔ سندھ کے پانی کی چوری کے خلاف شرعی فتویٰ بھی جاری ہو چکا ہے۔
انہوں نے کہا کہ سندھ کے وسائل پر ڈاکہ ڈالنے کا اختیار نہ کسی عدالت کو ہے نہ کسی اسمبلی کو۔ فیصلے صرف عوام کریں گے، نہ کہ سی سی آئی یا ارسا۔

علامہ راشد سومرو نے کہا کہ وفاقی حکومت اگر اپنے استحصالی رویے سے باز نہ آئی تو پاکستان کی وحدت کو شدید خطرہ لاحق ہو سکتا ہے۔ انہوں نے یاد دلایا کہ مشرقی پاکستان اسی طرز عمل کے نتیجے میں علیحدہ ہوا، اور آج بھی بلوچستان اور خیبرپختونخوا میں ناراضگی بڑھ رہی ہے۔ سندھ میں بھی بغاوت کے آثار پیدا ہو رہے ہیں جس کی تمام تر ذمہ داری وفاق پر عائد ہوگی۔
fans JUI SINDH Bilawal Bhutto Zardari