19/03/2025
سکھر( )کیمرہ مین اینڈ فوٹو جرنلسٹ ایسوسی ایشن (پریس کلب) سکھر کے ممبران کے اعزاز میں سکھر کی نامور سماجی شخصیت و تاجر رہنما ملک محمد رضوان الحق ، ملک فلاحی جماعت کے صدرملک محمد فہد رضوان کی جانب سے افطار ڈنر کا اہتما م کیا گیا ، افطار ڈنر تقریب میں کیمرہ مین اینڈ فوٹو جرنلسٹ ایسوسی ایشن (پریس کلب) سکھر کے دفتر میں صدر جاوید گھنیو، سنیئر نائب صدر راجہ شاہد شیخ ، نائب صدر اشفاق کھوسو ، جنر ل سیکریٹری صلاح الدین سمیجو ، بخش علی پھلپوٹو ، محمد علی سولنگی ، عمران شیخ ، مرتضیٰ سمیجو ، نعیم احمد غوری ، شاہ ولی خان ، عدنان شیخ، محمد عامر شیخ سمیت دیگر ممبران نے شرکت کی ، افطار ڈنر تقریب سے خطاب کے دوران سکھر کی نامور سماجی شخصیت و تاجر رہنما ملک محمد رضوان الحق ، ملک فلاحی جماعت کے صدرملک محمد فہد رضوان نے تمام ممبران کا شکریہ ادا کرتے ہوئے کہا کہ صحافی اپنے قلم سے اور کیمرہ مین اپنے کیمرے کی آنکھ سے معاشرتی برائیوں کے خاتمہ اور عوامی مسائل کو اجاگر کرنے کے لیے بلا خوف و خطر اپنے فرائض ذمے داری اور احسن طریقہ سے سر انجام دے رہے ہیں معاشرتی برائیوں کی عکاسی اور اسکے خاتمے کے لیے میڈیا کا کردار قابل ستائش ہے انہوں نے کہا کہ صحافیوں کو حق و صداقت کا علم بلند کرنے میں بڑے مسائل اور مشکلات کا سامنا ہے انہوں نے کہا کہکیمرہ مین اور فوٹو گرافرزکو صحافتی خدمات پر سلام پیش کرتے ہیں اور یقین دلاتے ہیں آزادی صحافت کی جدوجہد میں ان کے ساتھ کھڑے ہیں ۔
