27/11/2025
پاکستانی مذہبی اسکالر مفتی عبدالقوی نے بالی وُڈ اداکارہ ایشوریا رائے سے نکاح کے حوالے سے حیران کن دعویٰ کیا ہے۔
ایک ویڈیو سوشل میڈیا پر وائرل ہو گئی ہے، جس میں مفتی عبدالقوی نے کہا کہ اگر بالی وُڈ اداکارہ ایشوریا رائے اور ان کے شوہر ابھیشیک بچن کے درمیان علیحدگی ہوتی ہے تو ایشوریا رائے چند ماہ میں ان سے نکاح کے لیے رابطہ کر سکتی ہیں۔
مفتی عبدالقوی نے اس دعوے کے بعد مزید کہا کہ وہ ایشوریا رائے کو مسلمان کریں گے اور ان کا نام "عائشہ رائے" رکھیں گے۔ جب میزبان نے پوچھا کہ کیا غیر مسلم خاتون سے نکاح ممکن ہے، تو مفتی عبدالقوی نے راکھی ساونت کی مثال دی، جنہوں نے اسلام قبول کیا اور اپنا نام فاطمہ رکھا۔
مفتی عبدالقوی کے اس دعوے کے بعد سوشل میڈیا پر صارفین کی جانب سے مختلف ردِ عمل سامنے آئے ہیں۔ کچھ نے ان بیانات کو مذاق اور بے بنیاد قرار دیا، جب کہ بعض نے ان پر شدید تنقید کی۔
یہ پہلا موقع نہیں کہ مفتی عبدالقوی نے بھارتی اداکارہ سے نکاح کا دعویٰ کیا ہو۔ اس سے قبل انہوں نے راکھی ساونت سے شادی کی پیشکش کی تھی، جسے راکھی نے مزاحیہ انداز میں مسترد کرتے ہوئے کہا تھا کہ مفتی قوی کی 100 بیویاں یا 900 بیویاں ہوں گی، لیکن وہ ایک لاکھ عورتوں کے برابر ہیں اور مفتی قوی انہیں سنبھال نہیں پائیں گے۔
