Swabi Times

28/12/2025

اعلان جنازہ
28 دسمبر 2025
انا للہ و انا الیہ راجعون
ضلع صوابی نواں کلی کے نامور فرزند اور خیبر پختونخوا کی تاریخی درسگاہ ایڈورڈز کالج پشاور کے سابق وائس پرنسپل پروفیسر نور محمد خان وفات پاچکے ہیں ، ان کی نماز جنازہ آج بعد از نماز مغرب نواں کلی کے مرکزی جنازگاہ میں ادا کی جائے گی،
مرحوم پروفیسر صاحب علم و ادب کے عظیم خادم، طلبہ کے ہمدرد اور ایک بہترین منتظم تھے۔ اللہ تعالیٰ ان کی تمام خدمات کو قبول فرمائے، ان کی مغفرت فرمائے، ان کو جنت الفردوس میں اعلیٰ مقام عطا فرمائے۔ اور مرحوم کے
لواحقین کو صبرِ جمیل عطا فرمائے ۔امین۔

16/12/2025

ڈاگئی،ضلع صوابی کے فضل رحمان مرغی شاپ میں موبائل چوری کی واردات... CCTV کیمرے نے واردات ریکارڈ کرلی ، مزید تفصیلات کے لئے ویڈیو دیکھیں اور اس کو زیادہ سے زیادہ شئیر کریں تاکہ چوروں کی شناخت میں مدد مل سکے ، اگر آپ کو ویڈیو میں نظر آنے والے چوروں کے بارے میں کچھ معلومات ہوں تو براہ کرم درج ذیل نمبر پر اطلاع دیں،
+92 345 3901008

08/12/2025

08/12/2025

چین کا جدید ترین طیارہ بردار بحری جہاز امریکہ کے ساتھ بحری ہتھیاروں کی نئی دوڑ کا آغاز ہو سکتا ہے؟

چین کی جانب سے نومبر 2025 میں لانچ کیا گیا تیسرا طیارہ بردار جہاز ’فوجیان‘، چین کے دونوں سابقہ طیارہ بردار جہازوں سے کہیں زیادہ جدید اور طاقتور ہے اور اس کے ساتھ ہی بیجنگ مغربی بحرالکاہل میں امریکی برتری کو چیلنج کرنے کے اپنے ہدف کے پہلے سے کہیں زیادہ قریب پہنچ گیا ہے۔

اس طیارہ بردار جہاز کا مجموعی وزن 80 ہزار ٹن ہے اور اِس کا نام اُس چینی صوبے پر رکھا گیا ہے جو تائیوان کے انتہائی قریب واقع ہے۔ اس طیارہ بردار جہاز پر بیک وقت 70 طیارے سما سکتے ہیں، جن میں جنگی طیارے، ہیلی کاپٹر اور ابتدائی وارننگ دینے والے طیارے شامل ہو سکتے ہیں، جو دور تک خطرات کا سراغ لگا سکتے ہیں، فضائی دفاع کو مربوط کر سکتے ہیں اور ہدف پر درست حملے کر سکتے ہیں۔

اپنے بحری بیڑے کو وسیع تر قوت فراہم کرنے کے علاوہ ’فوجیان‘ چین کے ارادوں کا بھی واضح اظہار ہے۔

یہ چین کا پہلا طیارہ بردار جہاز ہے جس میں فلیٹ فلائٹ ڈیک اور برقی مقناطیسی (الیکٹرو میگنیٹک) کیٹا پُلٹ نصب ہیں، جس کی مدد سے یہ ایسے زیادہ بھاری طیارے لانچ کر سکتا ہے جو زیادہ ایندھن اور اسلحہ لے جا سکتے ہیں۔ اس طرح کی صلاحیت کا حامل واحد ملک امریکہ تھا۔

تائیوان کے نیشنل ڈیفنس اینڈ سکیورٹی ریسرچ انسٹیٹیوٹ کے ڈاکٹر ولیم سی چونگ نے بی بی سی چینی سروس کو بتایا کہ ’اس سے چین کے کیریئر سٹرائیک گروپس ایک نئی سطح پر پہنچ گئے ہیں، جو لیاؤننگ اور شینڈونگ (چین کے سابقہ دو طیارہ بردار جہاز) سے کہیں آگے ہیں۔‘
ماہرین کے مطابق امریکہ اور چین کے درمیان سمندری آرمز ریس یعنی اسلحہ جاتی دوڑ کے امکانات بڑھ رہے ہیں۔

08/12/2025

وزیراعلیٰ خیبر پختونخوا محمد سہیل آفریدی نے پولیس لائنز پشاور کا دورہ کیا اور اس موقع پر پولیس فورس کو بلٹ پروف گاڑیوں، جدید اسلحہ اور سکیورٹی آلات با ضابطہ طور پر حوالے کیے گئے۔

پولیس کو ڈرون کیمرے، اینٹی ڈرون گنز، اینٹی ڈرون سسٹمز، تھرمل کیمرے، جیمرز، بلٹ پروف جیکٹس، بیلسٹک ہیلمٹس اور بکتر بند گاڑیاں فراہم کی گئیں۔

اس کے علاوہ سنائپر رائفلز، ڈریگونوف، ایم سولہ، سب مشین گنز اور ہیوی مشین گنز بھی پولیس فورس کے حوالے کی گئیں۔ بریفنگ کے دوران بتایا گیا کہ تھرمل ویپن سائٹس اور تھرمل بائنوکلرز سے پولیس کی رات کی نگرانی مزید مؤثر ہوگی جبکہ بلٹ پروف ہیولز اور سائیڈ آرمَرنگ سے پولیس کی نقل و حرکت زیادہ محفوظ ہو سکے گی۔

وزیراعلیٰ سہیل آفریدی نے پولیس فورس کو موجودہ حالات کا ڈٹ کر مقابلہ کرنے پر خراجِ تحسین پیش کیا۔ انھوں نے کہا کہ پولیس فورس کے جذبے جوان ہیں اور وہ سکیورٹی فورسز کے ساتھ ہر اول دستے کا کردار ادا کر رہے ہیں۔

ان کا کہنا تھا کہ حکومت کی کوشش ہے کہ پولیس فورس کو ناقابلِ تسخیر بنایا جائے اور موجودہ حالات سے نمٹنے کے لیے مزید اسلحہ و آلات بھی فراہم کیے جائیں گے۔

وزیراعلیٰ نے کہا کہ ’2018 سے 2022 تک صوبے میں امن رہا مگر اس کے بعد حالات خراب ہوئے۔ جب ہم 80 ہزار شہداء کی بات کرتے ہیں تو ان میں پولیس اور سکیورٹی فورسز کے جوان بھی شامل ہیں۔‘

وزیر اعلیٰ نے کہا کہ صوبے میں امن بحال کیا جائے گا اور اسے برقرار بھی رکھا جائے گا۔ سہیل آفریدی کہنا تھا کہ جب تمام سٹیک ہولڈرز کی مشاورت سے پالیسی بنے گی تو امن و امان قائم ہوگا۔

06/12/2025

ٹوپی ٹیچرز سوسائٹی اور ٹوپی یوتھ آرگنائزیشن کے اشتراک سے یتیم و نادار طلباء میں ونٹر پیکج تقسیم
ٹوپی ٹیچرز سوسائٹی اور ٹوپی یوتھ آرگنائزیشن کے زیرِ اہتمام گورنمنٹ ہائیر سیکنڈری سکول ٹوپی میں ایک پروقار تقریب منعقد ہوئی جس میں سرکاری سکولوں میں زیرِ تعلیم یتیم اور نادار طلباء میں ونٹر پیکج تقسیم کیا گیا۔

07/10/2025

پریس ریلیز
*صوابی۔تھانہ پرمولی پولیس کی کامیاب کارروائی، اندھے قتل کا ڈرامہ بے نقاب — قاتل بیوی ہی نکلی*
*بیوی اشناء سمیت دو ملزمان گرفتار، آلہ قتل پستول برآمد*
تھانہ پرمولی پولیس نے جدید تفتیشی خطوط پر کارروائی کرتے ہوئے اندھے قتل کا معمہ حل کرلیا۔ مقتول فرمان اللہ کو اس کی اپنی بیوی نے اپنے ساتھی عاقب خان کے ساتھ مل کر قتل کیا۔
ملزمہ نے ابتدائی طور پر بے گناہ افراد پر دعویداری کی تھی، تاہم پولیس نے انتہائی شفاف، پیشہ ورانہ اور میرٹ پر مبنی تفتیش کے ذریعے اصل ملزمان تک رسائی حاصل کرکے کیس کو منتقی انجام تک پہنچا دیا۔
تفصیلات کے مطابق مورخہ 25 ستمبر 2025 کو مدعیہ مقدمہ مسماة حلیمہ بیوہ فرمان اللہ ساکن شیر درہ نے رپورٹ درج کرائی کہ وہ بچوں کے ہمراہ سوئی ہوئی تھی کہ اسی دوران دو نامعلوم ملزمان نے اس کے شوہر فرمان اللہ پر فائرنگ کرکے قتل کر دیا اور موقع سے فرار ہوگئے۔ بعد ازاں مدعیہ نے دو افراد پر دعویداری بھی کی، جو شفاف تفتیش کے دوران غلط ثابت ہوئی۔
اس واقعہ پر ڈسٹرکٹ پولیس آفیسر صوابی ضیاء الدین احمد نے فوری طور پر مقامی پولیس کو اصل حقائق سامنے لانے اور مقدمہ ٹریس کرنے کا ٹاسک سونپا۔
ڈی ایس پی سرکل رزڑ حسن خان کی قیادت میں ایس ایچ او تھانہ پرمولی جناب علی خان بمعہ تفتیشی آفیسر لقمان خان نے شواہد اکھٹے کیے، جن سے انکشاف ہوا کہ مقتول کی بیوی ہی قتل میں ملوث ہے۔
ملزمہ کو حراست میں لے کر جب تفتیش کی گئی تو اس نے جرم کا اعتراف کرتے ہوئے بتایا کہ کچھ عرصہ *قبل شوہر نے اپنے دوست *عاقب خان (جو اُس وقت قتل کے مقدمہ 302 کا مجرم تھا)* کو گھر میں پناہ دی تھی۔ اسی دوران دونوں کے درمیان مراسم قائم ہوئے۔ بعد ازاں دونوں نے منصوبہ بندی کے تحت فرمان اللہ کو فائرنگ کرکے قتل کر دیا۔
پولیس نے دونوں ملزمان کو گرفتار کرکے آلہ قتل پستول برآمد کرلیا ہے، جبکہ مزید تفتیش جاری ہے۔

07/10/2025

خیبر پختونخوا کے وزیر تعلیم فیصل خان ترکئی کے استعفے کے بعد سنگین الزامات نے پارٹی کو ہلا کر رکھ دیا ہے۔ فیصل خان ترکئی نے انکشاف کیا کہ پارٹی کے نام پر وزیروں سے ہر ماہ پانچ کروڑ روپے چندہ طلب کیا جاتا ہے اور وزارتیں اسی شرط پر بانٹی جاتی ہیں۔ انہوں نے مزید کہا کہ انہوں نے وزارت کے عوض 13 کروڑ روپے دیے، اس کے باوجود علی امین گنڈاپور جیسے رہنما الگ الگ مالی مطالبات کرتے رہے۔
انکشافات کے مطابق سرکاری اسکولوں کے سپلائرز سے بھاری بھتہ وصول کیا گیا اور تعلیمی اداروں کی نجکاری کے منصوبوں پر بھی خاموشی اختیار کی گئی تاکہ تعلیم کو عوامی خدمت کے بجائے کاروبار میں بدلا جا سکے۔
سوال یہ ہے کہ کیا کوئی وزیر اپنی جیب سے اتنے بھاری چندے ادا کر سکتا ہے؟ اگر نہیں تو یہ رقم قومی خزانے اور عوام کی جیبوں سے ہی نکالی جا رہی ہے۔ ناقدین کا کہنا ہے کہ یہ انکشافات “ریاست مدینہ” کے نعروں کے برعکس تحریک انصاف کے اندر کرپشن، اقربا پروری اور مالی سیاست کے کھلے ثبوت ہیں۔
وزیر تعلیم فیصل ترکئی نے اور وجوہات کی بنا پر بھی استعفیٰ دیا

ڈی ای اوفیمیل یونیسیف کی میرٹ پر بھرتیاں کر رہا تھا، وہ قبول نہیںتھا

07/10/2025

مشتاق احمد خان رہا ہوچکے
سینیٹر مشتاق احمد خان رہا ہو کر اُردن پہنچ گئے ہیں