21/08/2026
خدمتِ خلق کی ایک روشن مثال — الخدمت فاؤنڈیشن ضلع صوابی
گزشتہ روز ضلع صوابی کی تحصیل رزڑ کے علاقے یارحسن، ڈاگئی اور گردونواح میں شدید بارشوں کے باعث سیلابی صورتحال پیدا ہوئی، جس کے نتیجے میں عوام کو مالی و جانی نقصانات کا سامنا کرنا پڑا۔
جیسے ہی الخدمت فاؤنڈیشن ضلع صوابی کے صدر انجینئر اختر جاوید صاحب اور جماعت اسلامی کے کارکنان و رضاکاروں کو اس صورتحال کا علم ہوا، انہوں نے کسی تاخیر کے بغیر امدادی سرگرمیوں کا آغاز کر دیا۔ اختر جاوید صاحب نے اپنے رضاکاروں کو فوری طور پر متاثرہ علاقوں میں پہنچنے اور امدادی کارروائیاں شروع کرنے کی ہدایت کی اور خود بھی ان کے ساتھ شانہ بشانہ میدانِ عمل میں موجود رہے۔
بزرگی اور تھکن کے باوجود یہ بزرگ شخصیت صبح سے رات تک مسلسل امدادی سرگرمیوں کی نگرانی کرتا رہا۔ ریسکیو آپریشن، طبی امداد، متاثرین تک پینے کا صاف پانی اور تیار کھانا پہنچانے سمیت دیگر ضروری خدمات کی فراہمی میں الخدمت کے رضاکاروں نے بھرپور کردار ادا کیا۔
یہ صرف ایک سیلاب نہیں، بلکہ خدمتِ خلق کے اُس جذبے کی ایک اور مثال ہے جو الخدمت فاؤنڈیشن کے کارکنان ہر مشکل گھڑی میں عملی طور پر پیش کرتے ہیں۔
ملک میں جب بھی سیلاب، زلزلہ، وبائی مرض یا کوئی دوسری قدرتی آفت آئی، الخدمت فاؤنڈیشن کے رضاکاروں نے رنگ، نسل، زبان، قوم اور مذہب سے بالاتر ہو کر انسانیت کی خدمت کی۔ یہ لوگ مشکل وقت میں متاثرین کے درمیان موجود ہوتے ہیں، جبکہ بہت سے لوگ صرف وعدوں اور نعروں تک محدود رہتے ہیں۔
صوابی کے باشعور عوام اور پاکستانی قوم کے نام ایک گزارش:
جو لوگ مشکل وقت میں آپ کے درمیان موجود رہتے ہیں، آپ کے دکھ درد میں شریک ہوتے ہیں اور بغیر کسی حکومتی وسائل کے خدمتِ خلق کا فریضہ انجام دیتے ہیں، ان کی حوصلہ افزائی ہونی چاہیے۔ اگر ایسے مخلص اور خدمت گزار لوگوں کو عوامی حمایت اور ذمہ داری کے مواقع ملیں اور انہیں وسائل بھی میسر ہوں تو وہ اللہ تعالیٰ کی توفیق سے خدمت کے اس دائرے کو کہیں زیادہ وسیع کر سکتے ہیں۔
ہم صوابی کے عوام سے اپیل کرتے ہیں کہ الخدمت فاؤنڈیشن اور خدمتِ خلق کے لیے کام کرنے والے مخلص کارکنان کا ساتھ دیں، ان کی خدمات کو سراہیں اور اپنے فیصلوں میں کارکردگی، دیانت اور عوامی خدمت کو ترجیح دیں۔
آئیں! سیاست کو مفاد نہیں، خدمت کا ذریعہ بنائیں؛
وعدوں کے بجائے عمل کو دیکھیں؛
اور ایسے لوگوں کی حوصلہ افزائی کریں جو مشکل وقت میں واقعی عوام کے ساتھ کھڑے ہوتے ہیں۔
اللہ تعالیٰ الخدمت فاؤنڈیشن کے تمام کارکنان، رضاکاروں اور جماعت اسلامی سے وابستہ خدمت گزاروں کی محنتوں کو قبول فرمائے، ان کے جذبۂ خدمت میں برکت عطا فرمائے اور انہیں مزید ہمت و استقامت دے۔
آمین یا رب العالمین۔
#صوابی
#یارحسن
#ڈاگئی
Civic Insight
