https://www.facebook.com/106426091718782/

Republic News, Swabi (2025)

16/10/2025

عمران خان نے وزیرِاعلیٰ محمد سہیل آفریدی کو کابینہ تشکیل دینے کا مکمل اختیار دے دیا گیا۔

اسلام آباد (ری پبلک نیوز) بانی چیئرمین تحریکِ انصاف عمران خان نے وزیرِاعلیٰ خیبرپختونخوا محمد سہیل آفریدی کو صوبائی کابینہ کی تشکیل کا مکمل اختیار سونپ دیا ہے۔
معروف قانون دان و سیکرٹری جنرل پی ٹی آئی سلمان اکرم راجہ نے اس فیصلے کی تصدیق کرتے ہوئے کہا کہ بانی پی ٹی آئی نے کابینہ کے انتخاب میں وزیرِاعلیٰ کو مکمل اختیار دے دیا ہے۔

16/10/2025

صوابی: کلابٹ پولیس چوکی پر نامعلوم شرپسندوں کا ہینڈ گرنیڈ حملہ، پولیس اہلکار شہید

(ری پبلک نیوز) صوابی کی تحصیل ٹوپی میں واقع چوکی کلابٹ پر نامعلوم شرپسندوں نے ہینڈ گرنیڈ سے حملہ کر دیا۔ حملے کے نتیجے میں پولیس کانسٹیبل نورکمال شاہ شہید ہوگئے۔

ڈی پی او صوابی ضیاءالدین احمد کے مطابق واقعے کے فوراً بعد پولیس نے علاقے کو گھیرے میں لے کر سرچ آپریشن شروع کر دیا ہے۔

16/10/2025

نوشہرہ: نظام پور میں پولیو سیکیورٹی پر معمور پولیس کانسٹیبل مقصود خان کو شہید کرنے والے دہشت گرد گروہ کی شناخت ہو گئی۔

(ری پبلک نیوز) کالعدم تنظیم سے منسلک مقامی سہولت کاروں پر مشتمل انتخاب عالم گروپ واقعے میں ملوث قرار پایا ہے۔
سی ٹی ڈی کے مطابق، اہم شواہد اور عینی گواہوں کے بیانات کی روشنی میں مقدمے میں گروپ کے سرغنہ انتخاب عالم، حماد بادشاہ، شفیع اور ایک نامعلوم شخص کو نامزد کر لیا گیا ہے۔

پولیس نے ملزمان کی گرفتاری کے لیے علاقے میں بڑے پیمانے پر سرچ آپریشن شروع کر دیا ہے، جبکہ حکام کا کہنا ہے کہ شہید کانسٹیبل کے قاتل قانون کی گرفت سے زیادہ دیر دور نہیں رہیں گے۔

16/10/2025

ری پبلک نیوز (صوابی) صوبائی حکومت نے صوابی، مردان اور دیر لوئر سمیت صوبے کے 8 اضلاع میں قائم افغان مہاجر کیمپوں کو فوری طور پر خالی کرنے کا حکم جاری کر دیا ہے۔

باراکی کیمپ صوابی، چکدرہ کیمپ، کوگا کیمپ بونیر کیمپ اور جلالہ کیمپ مردان کیمپ سمیت کل 28 مہاجر کیمپوں کو خالی کر کے صوبائی حکومت کے حوالے کیا جائے گا۔

یہ فیصلہ وفاقی حکومت کی ہدایات کی روشنی میں کیا گیا ہے۔

15/10/2025

باجوڑ (ری پبلک نیوز) وفاقی وزیر اور رکنِ قومی اسمبلی مبارک زیب خان کے گھر پر نامعلوم افراد نے دستی بم سے حملہ کیا۔ دھماکے کے نتیجے میں گاڑی کو نقصان پہنچا تاہم خوش قسمتی سے کوئی جانی نقصان نہیں ہوا۔

یاد رہے یہ مبارک زیب خان کے گھر پر تیسرا حملہ ہے، جس سے علاقے میں خوف و ہراس پھیل گیا۔

پولیس اور تفتیشی ٹیموں نے جائے وقوعہ کا محاصرہ کر کے شواہد اکٹھے کر لیے ہیں، جبکہ حملہ آوروں کی تلاش کے لیے تحقیقات کا دائرہ وسیع کر دیا گیا ہے۔

10/10/2025

جنگ بندی کی اطلاعات کے بعد ہزاروں فلسطینی شمالی غزہ کی طرف واپسی شروع کر چکے ہیں۔

10/10/2025

‏🔴 اسرائیلی فوج غزہ سے پیچھے ہٹ رہی ہے۔

01/10/2025

4 لاکھ فی تولہ سے بڑھنے کے بعد بھی سونے کی قیمت میں بڑا اضافہ 👇

02/08/2025

وفاقی حکومت کا غیر قانونی مقیم غیر ملکیوں کے خلاف دوبارہ کارروائی کا فیصلہ

اسلام آباد (ری پبلک نیوز) - وفاقی وزارت داخلہ نے ملک میں غیر قانونی طور پر مقیم غیر ملکیوں کو گرفتار کر کے ملک بدر کرنے کی ہدایات جاری کر دی ہیں۔ انڈر ٹرائل افغان باشندوں کی واپسی کے لیے فارن ایکٹ کی دفعہ 14-بی نافذ کی جائے گی، جبکہ سزا کاٹنے والے اور زیر سماعت مقدمات والے افراد کو بھی ملک واپس بھیجا جائے گا۔

وزارت داخلہ کے مطابق پروف آف رجسٹریشن (پی او آر) کارڈ کی مدت 30 جون کو ختم ہو چکی ہے، اور اب اس کارڈ پر ملک میں قیام غیر قانونی تصور ہو گا۔ وزارت نے تمام متعلقہ حکام بشمول ضلعی انتظامیہ، پولیس اور جیل حکام کو ہدایت جاری کر دی ہے کہ ایسے تمام غیر ملکیوں کے خلاف فوری کارروائی عمل میں لائی جائے۔

30/07/2025

سرگودھا: معاشی تنگ دستی سے تنگ نوجوان کی مبینہ خودکشی

سرگودھا (ری پبلک نیوز) - مقامی اسپتال میں ملازم 24 سالہ نوجوان طیب نے مبینہ طور پر معاشی حالات سے دلبرداشتہ ہو کر خودکشی کر لی۔

ذرائع کے مطابق متوفی کی جیب سے ایک پرچی برآمد ہوئی ہے، جس میں مختلف افراد سے لیے گئے قرضوں کی تفصیل درج ہے۔

28/07/2025

سوات مدرسہ واقعہ: قاری عمر اور بیٹا احسان گرفتار

ری پبلک نیوز (نیوز ڈیسک) – سوات میں مدرسے کے افسوسناک واقعے کا مرکزی ملزم قاری عمر اور اس کا بیٹا احسان بالآخر قانون کی گرفت میں آ گئے۔ پولیس نے خفیہ اطلاع پر کامیاب کارروائی کرتے ہوئے دونوں کو گرفتار کیا، جنہیں تفتیش کے لیے نامعلوم مقام پر منتقل کر دیا گیا ہے۔

28/07/2025

حمیرا اصغر کی نو ماہ پرانی لاش کراچی کے فلیٹ سے ملنے کے بعد کیس نے نیا رخ اختیار کر لیا ہے، ڈپٹی انسپکٹر جنرل (ڈی آئی جی) جنوبی اسد رضا نے واقعے کی ابتدائی تحقیقات اور اہم شواہد سے پردہ اٹھا دیا۔
ڈی آئی جی جنوبی اسد رضا نے میں شرکت کی، جہاں انہوں نے اداکارہ حمیرا اصغر کی پراسرار موت سے متعلق کیس پر تفصیل سے بات کی۔
انہوں نے بتایا کہ جب پولیس کو لاش ملی تو اسے نو ماہ گزر چکے تھے اور وہ بری طرح ڈی کمپوز ہوچکی تھی، لیکن پولیس نے فرانزک اور کیمیکل نمونے لیبارٹریز کو بھجوا دیے تاکہ موت کی اصل وجہ معلوم ہو سکے۔
ڈی آئی جی جنوبی نے کہا کہ وہ شواہد جو کسی شخص کی موت کے فوراً بعد حاصل کیے جا سکتے ہیں، طویل وقت گزر جانے کی وجہ سے موجود نہیں تھے، جیسے کہ فلیٹ میں خون کے کوئی نشانات نہیں ملے اور نہ ہی متاثرہ خاتون کی ہڈیوں میں کوئی چوٹ پائی گئی، جس سے یہ ظاہر ہوتا ہے کہ ان پر کسی قسم کا کوئی تشدد نہیں کیا گیا۔
انہوں نے اداکارہ کی خودکشی یا قتل کے امکان کو مکمل طور پر مسترد نہیں کیا، لیکن یہ بھی کہا کہ اب تک کی تحقیقات کے مطابق یہ قدرتی موت لگتی ہے۔
ان کے مطابق حمیرا کے موبائل فون کی تفتیش کے دوران بھی ایسا کوئی ثبوت نہیں ملا کہ انہیں کسی قسم کی بلیک میلنگ کا سامنا تھا۔
البتہ، اداکارہ نے اپنے واٹس ایپ اکاؤنٹ کے ہیک ہونے کی شکایت ضرور درج کروائی تھی اور متعلقہ پولیس اسٹیشن اس پر کام کر رہا تھا۔
انہوں نے یہ بھی بتایا کہ فلیٹ سے کسی قسم کی ڈپریشن یا ذہنی دباؤ کی ادویات بھی برآمد نہیں ہوئیں، جس کی بنیاد پر یہ کہا جا سکے کہ وہ ڈپریشن کا شکار تھیں اور اسے ختم کرنے کے لیے ادویات لے رہی تھیں۔
خیال رہے کہ حمیرا اصغر کی لاش 8 جولائی کو کراچی کے علاقے ڈیفنس کے کرائے کے فلیٹ سے ملی تھی، جبکہ ان کی تدفین 11 جولائی کو آبائی شہر لاہور میں کی گئی تھی۔
پولیس اور پوسٹ مارٹم رپورٹ کے مطابق اداکارہ کی لاش کم از کم 9 ماہ پرانی تھی۔ ممکنہ طور پر ان کی موت 7 اکتوبر 2024 کو ہوئی تھی۔

Republic News

16/10/2025

16/10/2025

16/10/2025

16/10/2025

15/10/2025

10/10/2025

10/10/2025

01/10/2025

02/08/2025

30/07/2025

28/07/2025

28/07/2025

Address

Website

Alerts

Shortcuts

Share

Category