Republic News

19/06/2026

وزیر اعظم شہباز شریف نے پیٹرول اور ڈیزل کی قیمتوں میں بڑی کمی کا اعلان کردیا۔
وزیر اعظم کے بیان میں کہا گیا ہے کہ پیٹرول کی قیمت میں 74 روپے، ڈیزل کی قیمت میں 67 روپے کمی کی جارہی ہے۔

19/06/2026

عالمی تیل کی قیمتوں میں کمی کا فائدہ عوام تک پہنچائیں گے، وزیراعظم شہباز شریف

اسلام آباد (ری پبلک نیوز) وزیراعظم شہباز شریف نے کہا ہے کہ اگر عالمی منڈی میں تیل کی قیمتوں میں کمی آتی ہے تو اس کا مکمل فائدہ عوام کو منتقل کیا جائے گا۔

قومی اسمبلی میں خطاب کرتے ہوئے وزیراعظم نے کہا کہ حکومت آج عوام کے لیے خاطر خواہ ریلیف کا اعلان کرے گی۔ انہوں نے کہا کہ عوام کو زیادہ سے زیادہ سہولت فراہم کرنا حکومت کی اولین ترجیح ہے۔

وزیراعظم شہباز شریف کا کہنا تھا کہ خطے میں حالات میں بہتری اور جنگ بندی کے بعد معاشی استحکام کی امیدیں بڑھ گئی ہیں۔ انہوں نے امید ظاہر کی کہ ملک کی معیشت مزید مضبوط ہوگی اور عوام کو اس کے مثبت اثرات محسوس ہوں گے۔

01/03/2026

ایرانی سپریم لیڈر آیت اللہ علی خامنہ ای امریکی اور اسرائیلی حملوں میں شہید، 40 روزہ سوگ کا اعلان

تہران (ری پبلک نیوز) ایرانی ریاستی ٹیلی ویژن نے اعلان کیا ہے کہ ایرانی سپریم لیڈر آیت اللہ علی خامنہ ای شہید ہو گئے ہیں۔

ایرانی حکومت نے سپریم لیڈر کی شہادت پر ملک بھر میں 40 روزہ سوگ کا اعلان کر دیا ہے۔

ایرانی ذرائع کے مطابق حملوں میں آیت اللہ علی خامنہ ای کی بیٹی، پوتی، داماد اور بہو بھی شہید ہوئے ہیں۔

27/12/2025

مفت عمرے کا جھانسہ، پانچ کلو آئس
فیصل آباد کی بزرگ خواتین کی قیدِ ناحق کی دردناک داستان

(ری پبلک نیوز) فیصل آباد کی تحصیل جڑانوالہ سے تعلق رکھنے والی تین بزرگ خواتین اور ان کے دو ساتھی مبینہ طور پر مفت عمرے کے جھانسے میں آ کر سعودی عرب میں منشیات اسمگلنگ کے سنگین مقدمے میں قید ہو گئے۔ یہ واقعہ دیہی علاقوں میں بسنے والے سادہ لوح افراد کے استحصال کی ایک تشویشناک مثال بن کر سامنے آیا ہے۔

ذرائع کے مطابق 30 ستمبر 2024 کو زیارت بی بی، انور بی بی، ان کے رشتہ دار نیئر عباس اور مقامی امام مسجد محمد ریاض اپنی اہلیہ کے ہمراہ سعودی عرب روانہ ہوئے۔ سفر کے تمام اخراجات مقامی زمیندار صدام حسین نے “ایصالِ ثواب” کے نام پر اٹھانے کا وعدہ کیا۔ اہلِ خانہ کا کہنا ہے کہ روانگی سے قبل مسافروں کو ائیرپورٹ تک اکیلے لے جایا گیا جہاں مبینہ طور پر انہیں لاعلمی میں ایسا سامان تھما دیا گیا جس میں منشیات چھپی ہوئی تھیں۔

سعودی عرب پہنچنے کے ایک ہفتے بعد انکشاف ہوا کہ سعودی حکام نے پانچوں افراد کو منشیات اسمگلنگ کے الزام میں گرفتار کر لیا ہے۔ حکام کے مطابق ان کے قبضے سے پانچ کلو آئس برآمد ہوئی۔ مقدمے کی سماعت کے بعد 17 فروری 2025 کو سعودی عدالت نے تمام ملزمان کو 25، 25 سال قید کی سزا سنا دی۔

اہلِ خانہ کا مؤقف ہے کہ یہ تمام افراد بے قصور ہیں اور انہیں مذہبی عقیدت کو استعمال کرتے ہوئے ایک منظم گروہ نے استعمال کیا۔ متاثرہ خاندانوں نے سوال اٹھایا ہے کہ پاکستان کے ائیرپورٹس پر سخت سیکیورٹی کے باوجود منشیات بیرون ملک کیسے منتقل ہوئیں۔

فیصل آباد میں متاثرہ گھروں میں سوگ کا عالم ہے جبکہ خاندان انصاف کے لیے حکومتی اداروں سے مدد کے منتظر ہیں۔ بزرگ خواتین اور ان کے ساتھی اس وقت دیارِ غیر کی جیلوں میں ایسے جرم کی سزا کاٹ رہے ہیں جس سے ان کا کوئی تعلق نہیں تھا۔

24/12/2025

‏"ہمارا مقصد کبھی نہیں بھولیں: اتحاد ، ایمان اور نظم و ضبط"
‏
بانی پاکستان قائداعظم محمد علی جناح کا یوم پیدائش مبارک!

24/12/2025

ایف آئی اے نے ائرپورٹس پر عوامی خدمات کو مزید مؤثر بنانے کے لیے IC4 نظام کو ملک کے تمام ائرپورٹس کے ساتھ منسلک کر دیا ہے۔ شہری کسی بھی قسم کی رہنمائی یا شکایت درج کروانے کے لیے ہیلپ لائن 1991 یا 051111345786 پر کال یا درج ذیل ای میل ایڈریسز پر رابطہ کر سکتے ہیں۔ آف لوڈنگ سے متعلق شکایات کے فوری ازالے کے لئے 0519262908 پر رابطہ کریں۔
شہریوں کی امیگریشن سے متعلق شکایات کا فوری طور پر ازالہ کیا جائے گا۔

Federal Investigation Agency - FIA

19/12/2025

کے پی سول سرونٹس پروموشن رولز میں ترمیم کی منظوری

(ری پبلک نیوز) خیبر پختونخوا حکومت نے سول سرونٹس کے تقرر، تبادلہ اور پروموشن رولز 1989 میں ترمیم کا نوٹیفکیشن جاری کر دیا۔ ترمیم کا اطلاق صوبے کے تمام سول سرونٹس پر ہو گا۔

نوٹیفکیشن کے مطابق اگر کوئی سرکاری ملازم تحریری طور پر پروموشن لینے سے انکار کرے گا تو اسے مستقبل میں اس پروموشن کے لئے اہل تصور نہیں کیا جائے گا۔

مزید کہا گیا ہے کہ پروموشن سے انکار کرنے والا ملازم نہ صرف متعلقہ پروموشن کے لئے مستقل طور پر نااہل ہو گا بلکہ موجودہ عہدے یا گریڈ میں کسی بھی ذاتی اپ گریڈیشن کا حقدار بھی نہیں رہے گا۔

ترمیم چیف منسٹر خیبر پختونخوا کی ہدایات پر کی گئی ہے۔ نوٹیفکیشن 19 دسمبر 2025 کو جاری کیا گیا اور فوری طور پر نافذ العمل ہو گا۔

19/12/2025

سوات کو دو اضلاع میں تقسیم کرنے کی تجویز

(ری پبلک نیوز) : سوات کو انتظامی بنیادوں پر دو اضلاع میں تقسیم کرنے کی تجویز سامنے آ گئی۔ مجوزہ منصوبے کے تحت سوات کو اپر سوات اور لوئر سوات میں تقسیم کیا جائے گا۔

دستاویز کے مطابق اپر سوات میں تحصیل مٹہ، بحرین اور خوازہ خیلہ شامل ہوں گی جبکہ اپر سوات کا ضلعی ہیڈکوارٹر مٹہ تجویز کیا گیا ہے۔

اسی طرح لوئر سوات میں تحصیل بابوزئی، کبل، چارباغ اور بریکوٹ شامل ہوں گی جبکہ لوئر سوات کا ضلعی ہیڈکوارٹر گل کدہ رکھنے کی تجویز دی گئی ہے۔

ذرائع کے مطابق یہ تجویز منظوری کے لئے صوبائی کابینہ کو ارسال کر دی گئی ہے۔ حتمی فیصلہ کابینہ کی منظوری کے بعد کیا جائے گا۔

19/12/2025

خیبر پختونخوا میں سرمائی تعطیلات کا اعلان

پشاور (ری پبلک نیوز) :محکمہ ابتدائی و ثانوی تعلیم خیبر پختونخوا نے تعلیمی سال 2025 تا 2026 کے لئے سرمائی تعطیلات کا باضابطہ نوٹیفکیشن جاری کر دیا۔ تعطیلات صوبے کے تمام سرکاری اور نجی تعلیمی اداروں میں نافذ ہوں گی۔

سمر زون اور میدانی علاقوں میں سرمائی تعطیلات یکم جنوری 2026 سے 15 جنوری 2026 تک ہوں گی۔

ونٹر زون، پہاڑی اور برفباری والے علاقوں میں سرمائی تعطیلات 23 دسمبر 2025 سے 28 فروری 2026 تک ہوں گی۔

نوٹیفکیشن 19 دسمبر 2025 کو جاری کیا گیا۔ شیڈول کے مطابق دونوں تاریخیں شامل ہوں گی۔ محکمہ تعلیم نے متعلقہ حکام کو احکامات جاری کر دیے ہیں۔

18/12/2025