30/05/2026
🚨 پیہور نہر خشک، کسان پریشان — کب جاگے گا محکمہ ایریگیشن؟ 🚨
پیہور نہر سے تحصیل لاہور، مانکی، جلسئ، جلبئ، تورڈھیر، تانو اور دیگر مضافاتی دیہات عرصہ دراز سے پانی جیسے بنیادی حق سے محروم ہیں۔ نہروں میں پانی نہ ہونے کے باعث کسان شدید مشکلات کا شکار ہیں جبکہ کھڑی فصلیں تباہی کے دہانے پر پہنچ چکی ہیں۔
سابقہ کسان کونسلر شیر بابو خان یوسفزئی مانکی نے شدید تشویش کا اظہار کرتے ہوئے متعلقہ محکمہ اور حکامِ بالا سے فوری نوٹس لینے کا مطالبہ کیا ہے۔ ان کا کہنا ہے کہ اگر بروقت اس سنگین مسئلے کا حل نہ نکالا گیا تو عوام احتجاج کرنے کا حق محفوظ رکھتی ہے۔
افسوس کی بات یہ ہے کہ محکمہ ایریگیشن کی غفلت اور ناقص کارکردگی نے کسانوں کو پریشانی میں مبتلا کر دیا ہے۔ سوال یہ پیدا ہوتا ہے کہ اگر نہروں کی صفائی کے لیے مختص فنڈز اور وسائل دیانتداری سے استعمال ہوتے، صفائی کے کام پر توجہ دی جاتی اور افسران اپنی ذمہ داریاں پوری کرتے، تو آج کسان پانی کی ایک ایک بوند کے لیے ترسنے پر مجبور نہ ہوتے۔
کسانوں کی محنت، زمینوں کی زرخیزی اور عوامی مسائل کو نظر انداز کرنا کسی صورت قابلِ قبول نہیں۔ متعلقہ حکام فوری ایکشن لیں اور پانی کی فراہمی یقینی بنائیں تاکہ کسان مزید نقصان سے بچ سکیں۔
✍️ شیراز اعوان
اعوان نیوز صوابی
#لاہور #مانکی #جلسئ #جلبئ #تورڈھیر #تانو #صوابی #کسان #خیبرپختونخوا
