SWABI Updates

10/12/2025

ڈسٹرکٹ پولیس صوابی
پریس ریلیز
*صوابی—تھانہ لاہور پولیس کی اہم کامیابی، ایمبولینس ڈرائیور کے اندھے قتل کا معمہ مختصر وقت میں حل—قاتل قریبی رشتہ دار نکلا، ملزم گرفتار*

گزشتہ روز نامعلوم ملزم/ملزمان نے مسمی اعجاز علی پر فائرنگ کرکے بے دردی سے قتل کیا تھا۔ واقعہ کے بعد علاقہ مکینوں نے شدید غم و غصے کا اظہار کرتے ہوئے لاش کو چوک میں رکھ کر احتجاج کیا، جس پر پولیس افسران نے لواحقین کو مکمل یقین دہانی کرائی کہ جلد از جلد قاتلان کو گرفتار کرکے انصاف فراہم کیا جائے گا۔

*ڈی پی او صوابی ضیاء الدین احمد* نے اس اندھے قتل کیس کو ٹریس کرنے کے لیے ایک خصوصی تحقیقاتی ٹیم تشکیل دی، جس میں ایس پی انویسٹی گیشن صوابی اسامہ چیمہ، ایس ڈی پی او سرکل لاہور ASP محمد نعمان، ایس ایچ او تھانہ لاہور الطاف خان اور تفتیشی افسر زاہد خان شامل تھے۔ ٹیم نے جدید خطوط پر کام کرتے ہوئے کیس کو ہر زاویے سے جانچا۔

تفتیش کے دوران معلوم ہوا کہ ملزم امان زیب ساکن ذکریا ڈھیری نے اعتراف کیا کہ اس نے اپنے ماموں عدنان ساکن لاہورکی ایماء پر مقتول اعجاز علی ساکن شیخ ڈھیری کو ایک جعلی کال کے ذریعے مریض کو ہسپتال منتقل کرنے کا بہانہ بنا کر بلایا۔ جب اعجاز علی ایمبولینس میں پہنچا تو ملزم نے پستول سے فائرنگ کرکے اسے قتل کردیا۔

مزید تفتیش میں یہ بات سامنے آئی کہ *ملزم کا *ماموں عدنان* *مقتول اعجاز علی کا ہم زُلف تھا*، اور تنازعہ مستورات کی وجہ سے اس نے اپنے *بھانجے امان زیب* کے ذریعے قتل کی پلاننگ کروائی۔
مزید اہم پیش رفت جاری ہے۔
* #ترجمان ضلعی پولیس صوابی*

22/10/2025

08/08/2025

سارے محب وطن پاکستانیوں سے ھمدردانہ اپیل ھے کہ خدارا۔۔۔ فارم47 کے تحت مسلط کی گئی اس نااھل جعلی حکومت کے خلاف آنے والی نسلوں کے مستقبل کی خاطر یک آواز بن جائیں۔۔۔
اب بھی موقع ھے اس ملک میں ایماندار ، دیانتدار ، محب وطن اور عوام دوست لیڈروں کا فقدان الحمدلله نہیں۔۔۔بس اپنا اپنا ضد ، عناد ، بغض ، ، کینہ اور حسد اپنے اپنے دلوں سے نکالنے کی ضرورت ھے۔۔۔

11/07/2024

صوابی۔ڈی پی او صوابی ہارون رشید خان کے زیرصدارت ڈی پی او افس میں ضلع بھر کے سرکل افسران اور ایس ایچ اوز و تفتیشی آفسران کے ساتھ امن وامان سیکورٹی اور منشیات کے خلاف مہم میں مزید تیزی لانے کے حوالے سے خصوصی میٹنگ کا انعقاد*۔

*گزشتہ دو سالوں کے نسبت اس سال میں قتل و اقدام قتل،چور چکاری ،ڈکیتی و دیگر سنگین جرائم میں نمایاں کمی لائی گئی ہیں،اور مزید جرائم کو نیچے لانے کے لیے کوشاں رہیں گے تاکہ ضلع میں امن وامان کی فضاء قائم رہے،ڈی پی او صوابی ہارون رشید خان کا کرائم میٹنگ میں پولیس افسران سے خطاب*

تفصیلات کے مطابق آج مورخہ 11 جولائی 2024 کو ڈسٹرکٹ پولیس آفیسر صوابی ہارون رشید کے سربراہی میں دفتر ڈی پی او میں میٹنگ کا انعقاد کیا گیا جس میں ایس ڈی پی او سرکل صوابی عدنان اعظم، ایس ڈی پی او ٹوپی حسن خان، ایس ڈی پی او لاہور فضل شیر خان سمیت جملہ ایس ایچ اوز اور تفتیشی آفسران نے شرکت کی، میٹنگ میں ضلع کے تمام تھانوں کی کارکردگی کا باریک بینی سے جائزہ لیا گیا۔
ڈی پی او صوابی ہارون رشید خان نے شرکاء میٹنگ سے بات چیت کرتے ہوئے کہاکہ منشیات فروشی جیسے قبیح دھندے میں ملوث ملزمان کی گرفتاری کی ٹاسکنگ جاری رکھے، چور اور ڈکیت گینگز ،اشتہاری مجرمان، سودخوری و انڈر پلے کے کاروبار میں ملوث افراد کے خلاف بھرپورکاروائیاں کریں، تمام تفتیشی افسران زیر تفتیش مقدمات کو جلد از جلد پایا تکمیل تک پہنچاکر انصاف کی فراہمی کو یقینی بنائے۔ انہوں نے کہا کہ تمام ایس ایچ اوز اور چوکیات انچارجان اپنے علاقہ جات میں مؤثر گشت کو یقینی بنائیں، اپنے علاقوں میں حساس مقامات کی سیکیورٹی پر کڑی نگرانی رکھیں، ہوائی فائرنگ، لینڈ مافیاء،ٹمبر مافیا، سٹریٹ کرائم، غیر قانونی اسلحہ رکھنے والوں اور دیگر جرائم پیشہ عناصر کیساتھ ساتھ مشکوک اشخاص کیخلاف بھرپورکاروائیاں کریں، تھانوں میں آنے والے سائلین کے جائز مسائل بروقت حل کریں اور عوام الناس کے جان و مال کی حفاظت کو یقینی بنانے کیلئے تمام دستیاب وسائل بروئے کار لائیں۔مزید کہا گیا کہ گزشتہ دو سالوں کی نسبت اس سال میں جرائم کی نمایاں کمی لائی گئی ہے ۔

امن وامان برقرارکھنے کے لئے پولیس تمام تردستیاب وسائل بروئے کار لا کر اپنے اپنے حدود اختیار میں داخلی وخارجی راستوں پر چیکنگ اور ناکہ بندیاں اور گشت کو مزید موثر بنائے سیکورٹی پر کسی قسم کی لاپرواہی غفلت برداشت نہیں کی جائیگی شہریوں کے جان ومال کی حفاظت کو یقینی بنائیں۔۔۔۔