24/08/2026
یہ کس قدر تکلیف دہ تصویر ہے۔ یہ ماں اپنی پوری کائنات کو واپس بلانے کے لیے ہاتھ جوڑ رہی ہیں۔ منتیں کر رہی ہیں۔ نافرمانی اور مادیت پرست بیٹا موبائل۔قسط کی عدم ادائیگی پر خود کو خت م کرنا چاہتا ہے۔
کبھی کبھی انسان جس چیز کو ضرورت سمجھ کر خریدتا ہے وہی چیز اس کی زندگی پر بوجھ بن جاتی ہے۔ اس نوجوان نے قسطوں پر آئی فون خریدا۔ اگلی قسط کی رقم گھر میں موجود نہیں تھی۔ ایک معمولی سی مالی مشکل نے اس کے ذہن میں اتنا بڑا طو۔فان برپا کیا کہ وہ پہاڑی کی چوٹی تک جا پہنچا۔نیچے اس کی ماں بیٹھی تھ، گڑگڑا رہی تھی، منتیں کر رہی تھی، زندگی کی دہائی دے رہی تھی۔۔
شاید ہم اپنی نسل کو یہ بتانا بھول گئے کہ چیزیں دوبارہ خریدی جا سکتی ہیں، قسطیں دوبارہ ادا کی جا سکتی ہیں، قرض دوبارہ اتارا جا سکتا ہے لیکن زندگی واپس نہیں آتی۔ موبائل یا کوئی بھی شے انسان کی ضرورت ہو سکتا ہے لیکن اس کی پہچان ہرگز نہیں اور پھر دنیا کی کوئی بھی چیز انسان کی جان سے زیادہ قیمتی تو بالکل بھی نہیں۔۔
گزشتہ دنوں ایک ویڈیو دیکھی جس میں ایک شخص بظاہر کسی مزدور سے انگلش میں پوچھ رہا ہے کہ آپ آنے والی نسلوں کو کیا پیغام دیں گے؟ تو اس نے جواب دیا 'نہ آئیں'۔ اس نسل کو دیکھ کر لگتا ہے کہ اس مزدور نے بہترین پیغام دیا۔ یہ بھی کوئی نسل ہوئی جو مادی اشیاء کے لیے سب کچھ ختم کردے؟
دیکھیے کہ کس طرح ہم ایک ایسی دنیا تعمیر کر رہے ہیں جہاں انسان کی قدر اس کے لباس، موبائل، گاڑی، گھر اور برانڈ سے طے ہونے لگی ہے۔ ہم نے بچوں کو یہ تو سکھا دیا کہ دوسروں سے آگے کیسے نکلنا ہے لیکن شاید یہ نہیں سکھایا کہ کبھی کبھی پیچھے رہ جانا بھی زندگی کا حصہ ہے۔۔۔ یہ ماں شاید اس وقت اپنے لعل کو یہ یاد دلانے آئی ہے کہ بیٹا تم آئی فون سے زیادہ قیمتی ہو لیکن۔ اب کیا!
ہماری تہذیب کا المیہ یہ ہے کہ ہم نے مہنگی چیزوں کو اپنے وجود کی قیمت سمجھنا شروع کر دیا ہے۔ زندگی کا حسن یہ ہے کہ انسان ہار سکتا ہے، قرض میں جا سکتا ہے، ناکام ہو سکتا ہے، سب کچھ کھو سکتا ہے لیکن پھر ایک روز دوبارہ شروع اٹھا کر جینا بھی شروع کر سکتا ہے۔ بس فقب ایک چیز دوبارہ شروع نہیں کی جا سکتی اور وہ ہے زندگی۔۔۔ خدارا! بچوں کو کامیابی سے پہلے یہ سکھائیں کہ ناکامی آخری منزل نہیں ہے اور دنیا بہت وسیع ہے۔۔ مواقع مل ہی جاتے ہیں۔۔۔ زندگی جئیں۔۔۔ جینا سیکھیں۔۔ یہ سب زندگی ہی تو ہے۔۔۔ اس سے منہ موڑ لینا اور خود کو ختم کر لینا بزدلی ہے۔۔۔
ادیب یوسفزئی
