Bazeera News

18/09/2025

شدید گرمی کے بعد سوات کی مختلف علاقوں میں موسلادھار بارش شروع موسم کافی خوشگوار

17/09/2025

17/09/2025

یہ چھوٹی بچی جو اپنا نام نمرا ولد گلالی بتا رہی ہے اور مینگورا کی رعائشی ہے لیکن اس کو اپنا گھر پتہ معلوم نہیں اگر کوئی اس کے بارے میں جانتا ہو تو اس نمبر پر رابطہ کریں ..
0346 8136185

17/09/2025

کانجوٹاون شپ سوسائٹی کے صدر کی کمشنر ملاکنڈ سے ملاقات، مسائل کے حل کی یقین دہانی

کانجوٹاون شپ سوسائٹی کے صدر امجد کمال زئی نے کمشنر ملاکنڈ ڈویژن عابد وزیر سے تفصیلی ملاقات کی، جس میں سوسائٹی کے مکینوں کو درپیش سنگین مسائل پر تفصیلی گفتگو کی گئی۔ ملاقات کے دوران صدر امجد کمال زئی نے پانی کی قلت، بجلی کے مسائل، سٹریٹ لائٹس کی خرابی، ٹوٹ پھوٹ کا شکار سڑکوں سمیت دیگر بنیادی مسائل سے آگاہ کیا۔اس موقع پر انہوں نے سوئی گیس پائپ لائن منصوبے کے نام پر مکینوں سے غیر قانونی طور پر لاکھوں روپے وصولی کے معاملے کو بھی اٹھایا اور کہا کہ اس سے عوام میں شدید اضطراب اور بے چینی پائی جاتی ہے۔کمشنر ملاکنڈ ڈویژن عابد وزیر نے تمام مسائل کو غور سے سنا اور فوری ایکشن کا وعدہ کرتے ہوئے کہا کہ جلد ہی کانجوٹاون شپ یوڈا انتظامیہ کو طلب کرکے مکینوں کے مسائل حل کرنے کے لئے عملی اقدامات اٹھائے جائیں گے۔ انہوں نے سوئی گیس پائپ لائن منصوبے میں غیر قانونی چارجز وصولی پر تشویش کا اظہار کرتے ہوئے معاملے کی شفاف انکوائری کی یقین دہانی کرائی۔

17/09/2025

صدر آصف علی زرداری کا چین کے ایوی ایشن انڈسٹری کارپوریشن (AVIC) کے ایئرکرافٹ کمپلیکس کا تاریخی دورہ کیا ہے۔
صدرِ مملکت نے مسلح افواج کے سپریم کمانڈر کی حیثیت میں چین کے ایوی ایشن انڈسٹری کارپوریشن کے ایئر کرافٹ کمپلیکس کا دورہ کیا۔
اعلامیے کے مطابق حالیہ معرکۂ حق میں کلیدی کردار ادا کرنے والے طیارے جے 10 سی اسی ایئر کرافٹ کمپلیکس میں تیار کیے جاتے ہیں، صدر آصف علی زرداری نے کمپلیکس کا دورۂ بھارت سے جنگ بندی کے 128 ویں روز کیا ہے، وہاں انہوں نے سائنسدانوں اور انجینئرز سے ملاقات کی ہے۔
اعلامیے میں کہا گیا ہے دورے کے دوران صدر کو جے 10، جے ایف 17 اور جے 20 اسٹیلتھ فائٹرز، ڈرونز، خود کار یونٹس اور ملٹی ڈومین آپریشنز پر بریفنگ دی گئی۔
صدرِ مملکت نے اس موقع پر کہا کہ جے 10 اور جے ایف 17 نے پاک فضائیہ کو مضبوط بنایا، مئی 2025ء کے معرکۂ حق اور آپریشن بنیان مرصوص میں ان طیاروں کی کارکردگی شاندار رہی۔
اعلامیے کے مطابق صدرِ مملکت نے اے وی آئی سی کو چین کی ٹیکنالوجی اور پاک چین اسٹریٹجک شراکت داری کی علامت قرار دیا، پاکستان چین کے ساتھ دفاعی پیداوار اور ہوا بازی میں تعاون بڑھانے کا عزم رکھتا ہے، صدر زرداری پہلے غیر ملکی سربراہ ہیں، جنہوں نے اس کمپلیکس کا دورہ کیا۔
اعلامیے کے مطابق بلاول بھٹو زرداری، خاتونِ اوّل آصفہ بھٹو زرداری، سینیٹر سلیم مانڈوی والا، پاکستانی سفیر خلیل ہاشمی اور چینی سفیر جیانگ زائی ڈونگ بھی صدرِ مملکت کے ہمراہ تھے۔

17/09/2025

نوبیل انعام یافتہ پاکستانی سماجی کارکن ملالہ یوسف زئی نے پاکستان میں سیلاب کے بعد ادارہ تعلیم وآگاہی کیلئے 2 لاکھ ڈالر گرانٹ کا اعلان کر دیا۔ملالہ یوسف زئی نے سوشل میڈیا پر بیان جاری کرتے ہوئے کہا کہ پاکستان میں سیلاب نے ملک بھر میں اسکولوں کو تباہ کر دیا اور کمیونٹیز کو شدید نقصان پہنچایا ہے۔ملالہ نے کہا کہ مشکل کی اس گھڑی میں پوری پاکستانی قوم کے ساتھ میری دلی ہمدردیاں ہیں۔ انکا کہنا تھا کہ اب ہمیں امدادی کاموں میں تعاون کرنے، انفراسٹرکچر کی تعمیر نو اور اس بات کو یقینی بنانے کے لیے لازماً متحد ہو جانا چاہیے کہ لڑکیاں اپنی تعلیم جاری رکھ سکیں۔ ملالہ نے ادارہ تعلیم وآگاہی کیلئے 2 لاکھ ڈالر جبکہ ماؤنٹین انسٹیٹیوٹ فار ایجوکیشن اینڈ ڈیویلپمنٹ کیلئے 30 ہزار ڈالر گرانٹ کا اعلان کیا۔

17/09/2025

*چارسدہ: ریجنل پولیس آفیسر مردان جواد قمر ستارہ شجاعت کیو پی ایم کا زخمی ایس ایچ او سرڈھیری سلیم خان کی عیادت کے لیے چارسدہ کا دورہ*

چارسدہ: آر پی او مردان جواد قمر نے چارسدہ کا دورہ کیا اور تھانہ سرڈھیری کے ایس ایچ او سلیم خان کی ہسپتال میں عیادت کی، جو کہ اشتہاری مجرموں کی فائرنگ کے نتیجے میں زخمی ہوئے تھے۔اس موقع پر ڈسٹرکٹ پولیس آفیسر چارسدہ محمد وقاص خان، ڈپٹی کمشنر چارسدہ ڈاکٹر عظمت اللہ خان اور دیگر پولیس افسران بھی موجود تھے۔

آر پی او مردان جواد قمر نے زخمی ایس ایچ او کے حوصلے اور فرض شناسی کو خراج تحسین پیش کرتے ہوئے کہا کہ پولیس فورس کی قربانیاں عوام کے جان و مال کے تحفظ کی روشن ضمانت ہیں۔ انہوں نے متعلقہ حکام کو ہدایت دی کہ زخمی ایس ایچ او کے علاج معالجے اور دیکھ بھال میں کسی قسم کی کمی نہ آنے پائے۔

ڈسٹرکٹ پولیس آفیسر چارسدہ محمد وقاص خان نے اس موقع پر کہا کہ پولیس پر حملہ کرنے والے عناصر قانون کی گرفت سے نہیں بچ سکتے، ان کے خلاف بھرپور آپریشن جاری ہے اور کسی کو بھی امن کو سبوتاژ کرنے کی اجازت نہیں دی جائے گی۔ انہوں نے واضح کیا کہ چارسدہ پولیس ہر قیمت پر عوام کے تحفظ اور امن کے قیام کے لیے پرعزم ہے، اور قانون شکن عناصر کے خلاف کارروائی آخری حد تک جاری رہے گی۔

17/09/2025

کبل پریس کلب سوات کا ایک اہم مشاورتی اجلاس زیر صدارت صدر علی شیر میاں منعقد ہوا، جس میں تحصیل کبل کے صحافیوں نے بھرپور شرکت کی۔ اجلاس میں شریک صحافیوں نے اس عزم کا اعادہ کیا کہ وہ عوام کی فلاح و بہبود اور بنیادی مسائل کے حل کے لیے اپنی صحافتی سرگرمیوں کو مزید مؤثر اور منظم بنائیں گے۔اجلاس کے دوران صدر علی شیر میاں نے کہا کہ صحافت ایک مقدس پیشہ ہے اور اس پیشے سے وابستہ افراد پر بھاری ذمہ داریاں عائد ہوتی ہیں۔ انہوں نے کہا کہ کبل پریس کلب نے ہمیشہ بلا تفریق عوامی خدمت کو اپنا شعار بنایا ہے اور بغیر کسی لالچ اور ذاتی مفاد کے خدمات انجام دی ہیں۔ ان کا کہنا تھا کہ یہ روایت آئندہ بھی برقرار رکھی جائے گی اور کسی بھی ایسے اقدام سے گریز کیا جائے گا جس سے عوام یا کسی فرد کی دل آزاری ہو۔اجلاس میں جنرل سیکرٹری حاجی ہاشمی، ڈپٹی جنرل سیکریٹری صلاح الدین، پریس سیکرٹری لعل شیر خان، آفس سیکرٹری احسان تاجک، ایگزیکٹو کونسل ممبر عبداللہ خان اور بلال خان سمیت دیگر صحافیوں نے شرکت کی۔شرکاء نے اجلاس میں تفصیلی بات چیت کرتے ہوئے نئی ممبر شپ کے معیار اور طریقہ کار پر غور کیا اور معاشرے میں صحافیوں کے تعمیری کردار کو مزید فعال بنانے پر زور دیا۔ اجلاس میں یہ فیصلہ بھی کیا گیا کہ پریس کلب سے وابستہ تمام فیصلے اور اقدامات باہمی مشاورت سے انجام دیے جائیں گے تاکہ شفافیت اور اتفاق رائے کو یقینی بنایا جا سکے۔

17/09/2025

سوات: کبل کے علاقے علیگرامہ میں شہ زور ڈائینہ گاڑی میں نامعلوم وجوہات کی بنا پر اچانک آگ بھڑک اُٹھی۔ واقعے کی اطلاع ملتے ہی ریسکیو 1122 فائرفائیٹرز فائر وہیکلز سمیت فوری طور پر جائے وقوعہ پر روانہ ہو گئے۔

ریسکیو ٹیم نے بروقت رسپانس اور پیشہ ورانہ مہارت کا مظاہرہ کرتے ہوئے آگ پر مکمل قابو پا لیا اور کولنگ کا عمل بھی مکمل کر لیا۔ خوش قسمتی سے واقعے میں کسی قسم کا جانی نقصان نہیں ہوا۔

رپورٹ احسان تاجک تحصیل کبل

17/09/2025

مردان: ایم ایم سی ہسپتال کے ڈاکٹر امجد کا اچانک عہدے سے ہٹایا جانا سوالیہ نشان
ایم ایم سی ہسپتال مردان کے ڈاکٹر امجد، جو شریف النفس، ایماندار اور دکھی انسانیت کے سچے علمبردار کے طور پر جانے جاتے ہیں، کو ان کے عہدے سے ہٹا دیا گیا ہے۔ باوثوق ذرائع کے مطابق ڈاکٹر امجد اس وقت ملک سے باہر دورے پر ہیں۔ذرائع نے انکشاف کیا کہ کرپشن سے پاک اور دیانتدار ڈاکٹر امجد کو ان کی محنت، اخلاص اور ایمانداری کے باوجود اچانک عہدے سے ہٹانا نہ صرف ان کے ساتھ ناانصافی ہے بلکہ حکومت وقت کے لیے بھی ایک بڑا سوالیہ نشان ہے۔عوامی حلقوں کا کہنا ہے کہ ملک اور اداروں کے ساتھ مخلص افراد کو عہدوں سے ہٹا دینا ہماری بدقسمتی ہے۔ ڈاکٹر امجد کے خلاف آج تک کسی نے انگلی تک نہیں اٹھائی، اور بغیر کسی انکوائری کے ان کی برطرفی شفافیت پر سوال کھڑا کرتی ہے۔