Swat1news

28/04/2026

پشاور() لوکل گورنمنٹ ایمپلائز فیڈریشن رجسٹرڈ خیبرپختونخوا کے دو رکنی وفد نے شوکت کیانی سرپرست اعلیٰ شوکت کیانی کی قیادت میں ڈپٹی سیکریٹری ایڈمن/ چئیرمین لوکل گورنمنٹ ایمپلائز فیڈریشن ڈیمانڈ کمیٹی اور کنسلٹنٹ لوکل گورنمنٹ طاہرہ یاسمین اور بجٹ آفیسر لوکل گورنمنٹ ڈیپارٹمنٹ سے ان کے دفاتر میں علیحدہ علیحدہ ملاقاتیں کیں ہیں۔وفد میں فیڈریشن کے صوبائی جنرل سیکریٹری سلیمان خان ہوتی بھی شامل تھے۔ملاقاتوں میں صوبہ بھر کے بلدیاتی اداروں کے ملازمین اور پنشنرز کو درپیش مسائل پر تفصیلی بات چیت ہوئی اور جلد اکاونٹ فور سے پنشن کی ادائیگی کی سمری اعتراضات کے تفصیلی جوابات کے ساتھ واپس فنانس ڈیپارٹمنٹ کو ارسال کرنے، پنشن کمیوٹیشن کے بقایاجات کی ادائیگی کے لئے گرانٹ کی استدعا اور کمزور مالی پوزیشن والی TMAs کے ملازمین اور پنشنرز کو تنخواہوں اور پنشن کی ادائیگی کے لئے گرانٹ کی سمری بھی جلد فنانس ڈیپارٹمنٹ کو ارسال کرنے کی یقین دھانی کرائی گئی ہے مزید برآں فیڈریشن عہدیداران نے فنانس ڈیپارٹمنٹ کے اعلیٰ حکام سے بھی جلد گرانٹ کے اجراء کے لئے ملاقات کی ہے۔

12/04/2026

آخری اور بہترین آفر" ایران کو دی ہے" اب دیکھنا ہوگا کہ آیا ایران مستقبل میں اس پیشکش پر غور کرتا ہے یا نہیں۔۔ جے ڈی وینس

اسلام آباد میں امریکا اور ایران کے درمیان ہونے والے اہم مذاکرات کسی حتمی نتیجے تک نہ پہنچ سکے۔ امریکی نائب صدر جے ڈی وینس نے واضح کیا ہے کہ ایران نے امریکی شرائط قبول کرنے سے انکار کر دیا، جس کے باعث معاہدہ ممکن نہ ہو سکا۔ پریس بریفنگ کے دوران جے ڈی وینس نے وزیراعظم شہباز شریف اور فیلڈ مارشل عاصم منیر کا شکریہ ادا کرتے ہوئے کہا کہ پاکستان نے امریکا اور ایران کے درمیان فاصلے کم کرنے میں اہم کردار ادا کیا اور بھرپور کوشش کی، تاہم معاہدہ نہ ہونے کی ذمہ داری پاکستان پر عائد نہیں ہوتی۔ انہوں نے بتایا کہ ایران کے ساتھ تقریباً 21 گھنٹے طویل مذاکرات ہوئے جن میں مختلف امور پر سنجیدہ بات چیت کی گئی۔ ان کا کہنا تھا کہ اچھی بات یہ ہے کہ گفتگو مثبت ماحول میں ہوئی، تاہم افسوسناک پہلو یہ ہے کہ دونوں ممالک کسی حتمی ڈیل تک نہیں پہنچ سکے۔
جے ڈی وینس نے مزید کہا کہ امریکا ایک واضح اور حتمی پیشکش کے ساتھ آیا تھا، جو اب اس کی "آخری اور بہترین آفر" ہے۔ انہوں نے کہا کہ ایران نے اسے قبول نہ کرنے کا انتخاب کیا اور اب دیکھنا ہوگا کہ آیا ایران مستقبل میں اس پیشکش پر غور کرتا ہے یا نہیں۔ نائب امریکی صدر کے مطابق مذاکرات میں ایران کی جانب سے جوہری ہتھیاروں سے متعلق کوئی واضح یقین دہانی نہیں کروائی گئی، جبکہ امریکا کی بنیادی شرط یہی ہے کہ ایران جوہری ہتھیار حاصل نہ کرے۔ دوسری جانب ایرانی حکومت کا کہنا ہے کہ بعض اختلافات کے باوجود مذاکرات کا عمل جاری رکھا جائے گا

11/04/2026

کبل: تحصیل کبل کے علاقے شریف آباد میں بارات میں شامل تیز رفتار گاڑیوں کو حادثہ پیش آیا، جس کے نتیجے میں سوزوکی میں سوار خواتین اور بچے شدید زخمی ہو گئے۔ زخمیوں کو فوری طور پر کبل ہسپتال منتقل کیا گیا، جہاں سے بعد ازاں سیدو شریف ریفر کر دیا گیا

11/04/2026

ایرانی اسپیکر باقر قالیباف میناب اسکول کے شہید بچوں کے بستے بھی اپنے ساتھ لے کر اسلام آباد پہنچے

10/04/2026

ڈیزل 135 جبکہ پٹرول کی قیمت میں 12 روپے فی لیٹر کمی کا اعلان کرتا ہوں
وزیراعظم شہباز شریف کا قوم سے خطاب میں اعلان

10/04/2026

پیٹرولیم مصنوعات کی قیمتوں میں کمی کا امکان

09/04/2026

پیٹرولیم مصنوعات کی قیمتوں میں کمی کا نوٹیفکیشن جعلی قرار

08/04/2026

سوات: چارباغ کنڈو میں فائرنگ سے ایک نوجوان اکبر زمان زخمی، سیدو شریف اسپتال منتقل ، پولیس زرایع

08/04/2026

تیل کی قیمتوں میں ردوبدل کا امکان
آج وزیر اعظم شہباز شریف کا قوم سے خطاب کے دوران قیمتوں میں کمی کا اعلان متوقع

05/04/2026

خیبرپختونخوا میں کل سے سمارٹ لاک ڈاؤن نافذ کرنے کا فیصلہ!!
صوبے بھر میں مارکیٹوں کے اوقاتِ کار محدود کرنے کا فیصلہ کیا گیا ہے۔ ڈویژنل ہیڈکوارٹرز میں مارکیٹیں رات 9 بجے جبکہ دیگر اضلاع میں تمام مارکیٹیں رات 8 بجے بند ہوں گی۔ ریسٹورنٹس اور کیفے رات 10 بجے تک کھلے رہیں گے، تاہم ہوم ڈیلیوری جاری رہے گی۔ شادی ہالز اور ایونٹ ہالز کو بھی رات 10 بجے تک تقریبات ختم کرنے کی ہدایت کی گئی ہے۔
غیر ضروری لائٹس، فلوڈ لائٹس اور ڈیکوریشن لائٹنگ پر پابندی عائد کر دی گئی ہے۔ بل بورڈز اور ایل ای ڈی اسکرینز کو دکانیں بند ہونے کے بعد بند رکھنا لازم قرار دیا گیا ہے۔ غیر ضروری تجارتی سرگرمیوں کے لیے جنریٹرز کے استعمال پر بھی پابندی ہوگی۔
تمام ڈپٹی کمشنرز کو ان احکامات پر سختی سے عملدرآمد یقینی بنانے کی ہدایت جاری کی گئی ہے۔
نوٹ: ہسپتال، فارمیسی، پٹرول پمپ اور تندور ان پابندیوں سے مستثنیٰ ہوں گے۔
یہ نئے احکامات 6 اپریل 2026 سے نافذ العمل ہوں گے۔

05/04/2026