Takht Bhai Press Club Registered

30/09/2025

30/09/2025

ریسکیو1122مردان/ٹریفک حادثہ

مردان: گمبت میں 2 موٹر سائیکلوں کی آپس میں تصادم، 2 افراد شدید زخمی۔

مردان:ریسکیو1122 میڈیکل ٹیم نے زخمیوں کو ابتدائی طبی امداد فراہم کرتے ہوۓ ایم ایم سی منتقل کر دیا۔

30/09/2025

ریسکیو1122مردان/ٹریفک حادثہ

مردان: تخت بھائی جھازونوں ڈاگ کے قریب ٹرک کی ٹکر سے موٹر سائیکل سوار صیف اللّٰہ ساکن افضل امام کالونی جانبحق۔ ریسکیو1122

مردان:ریسکیو1122 میڈیکل ٹیم جانبحق شخص کو ٹی ایچ کیو ہسپتال منتقل کر دیا۔

28/09/2025

ضلعی انتظامیہ مردان کے تعاون سے ایف ایس پی افسران نے آج تاریخی ورثے اور عالمی شہرت کے حامل تخت بھائی کے آثارِ قدیمہ کا دورہ کیا۔ اس موقع پر اسسٹنٹ کمشنر تخت بھائی عدنان ممتاز خٹک نے مہمان افسران کا شاندار خیرمقدم کیا۔

دورے کے دوران آثارِ قدیمہ کے انچارج وہاب خان نے وفد کو بریفنگ دیتے ہوئے گندھارا تہذیب کی عظمت، تخت بھائی کے تاریخی پس منظر اور یہاں موجود آثار کی عالمی اہمیت پر تفصیلی روشنی ڈالی۔ انہوں نے بتایا کہ تخت بھائی کے یہ تاریخی کھنڈرات یونیسکو کی عالمی ثقافتی ورثے کی فہرست میں شامل ہیں اور دنیا بھر سے سیاح یہاں آنے کو اعزاز سمجھتے ہیں۔

وفد کے ارکان نے تاریخی عمارتوں، خانقاہوں اور عبادت گاہوں کا معائنہ کیا اور یہاں کے قدیم فنِ تعمیر میں گہری دلچسپی کا اظہار کیا۔ اس موقع پر افسران نے ضلعی انتظامیہ مردان اور محکمہ آثارِ قدیمہ کی کاوشوں کو سراہا اور اس عزم کا اظہار کیا کہ اس قومی ورثے کے تحفظ اور فروغ کے لیے تمام وسائل بروئے کار لائے جائیں گے۔

دورے کے اختتام پر اسسٹنٹ کمشنر تخت بھائی عدنان ممتاز خٹک نے مہمان افسران کو یادگار کے طور پر یادگاری شیلڈز پیش کیں اور کہا کہ تخت بھائی کے آثار نہ صرف اس خطے بلکہ پوری دنیا کے لیے ایک قیمتی اثاثہ ہیں، جن کی حفاظت ہم سب کی مشترکہ ذمہ داری ہے۔

26/09/2025

ریسکیو1122مردان/ فائرنگ

مردان: تخت بھائی ڈکو بابا میں فائرنگ، گولی لگنے سے 45 سالہ دولت خان شدید زخمی۔ ریسکیو1122

مردان:ریسکیو1122 میڈیکل ٹیم نے زخمی کو ابتدائی طبی امداد فراہم کرتے ہوئے ٹی ایچ کیو اور بعد ازاں ایم ایم سی منتقل کر دیا۔

26/09/2025

ریسکیو1122مردان/ٹریفک حادثہ

مردان: شیرگڑھ گل سی این جی کے قریب موٹر سائیکل اور لوڈر چنگچی کی آپس میں تصادم۔ ریسکیو1122

مردان: حادثے کے نتیجے میں 20 سالہ عباس ساکن تخت بھائی مزدور آباد جانبحق۔

مردان:ریسکیو1122 میڈیکل ٹیم نے ٹی ایچ کیو ہسپتال منتقل کر دیا۔

26/09/2025

تخت بھائی ، پاکستان تحریک انصاف تحصیل تخت بھائی کے جنرل سیکرٹری حاجی سیف الرحمن محسود نے کہا ہے کہ تحریک انصاف کا بنیادی نعرہ کرپشن کے خلاف جہاد اور بدعنوان عناصر کا سخت احتساب ہے، پارٹی میں کرپٹ اور بدعنوان عناصر کے لیے کوئی جگہ نہیں۔ وہ تخت بھائی پریس کلب رجسٹرڈ میں ایک پرھجوم پریس کانفرنس سے خطاب کر رہے تھے۔ اس موقع پر سابق امیدوار پی کے 60 عبدالرزاق سالارزئی، سعادت خان تاوانی، کلیم خان، طاہر خان، میاں مبارک شاہ، ملک ساجد، نظام الدین مشال، ظہیرالدین بابر، افتخار خان، عارف خان مہمند اور میاں فرمان بھی موجود تھے۔حاجی سیف الرحمن محسود نے کہا کہ آج تحریک انصاف جس مقام پر ہے، وہ عمران خان کی کاوشوں کا ثمر ہے۔ کسی کو یہ اختیار حاصل نہیں کہ پارٹی کو ذاتی مقاصد کے لیے استعمال کرے یا کارکنان کو غلام بنائے۔ انہوں نے کہا کہ پی ٹی آئی کی بنیاد جمہوریت پر رکھی گئی ہے، اس لیے پارٹی تنظیمیں بنیادی حیثیت رکھتی ہیں اور کوئی بھی رکن اسمبلی ان پر اثرانداز نہیں ہو سکتا۔ان کا کہنا تھا کہ ٹکٹوں کی تقسیم کے دوران اصولوں سے انحراف کرتے ہوئے من پسند افراد کو نوازا گیا، حتیٰ کہ عمران خان کی جاری کردہ فہرست میں بھی رد و بدل کیا گیا۔ انہوں نے کہا کہ مردان کے کچھ پارلیمانی اراکین نے حالیہ ورکرز کنونشن میں برملا اعتراف کیا ہے کہ ٹکٹ ان کی مرضی سے جاری کیے گئے تھے۔حاجی سیف الرحمن نے کہا کہ کرپشن کا خاتمہ پی ٹی آئی کے منشور کا بنیادی نکتہ ہے اور ملک کو کرپشن سے پاک کرنا عمران خان کی اولین ترجیح ہے۔ یہ پارٹی صرف ایماندار اور دیانتدار افراد کے لیے ہے، لیکن بدقسمتی سے اس پر کچھ ایسے عناصر مسلط ہو گئے ہیں جو 2013 میں کچھ نہیں رکھتے تھے مگر آج بہت کچھ جمع کر چکے ہیں۔ایک سوال کے جواب میں انہوں نے کہا کہ عمران خان جو بھی فیصلہ کریں گے ہم آنکھیں بند کر کے اس پر عمل کریں گے، کیونکہ عمران خان کی آواز پوری قوم کی آواز ہے۔ اگر آج وہ جیل میں ہیں تو یہ قربانی بھی وہ قوم کے لیے دے رہے ہیں۔
آخر میں انہوں نے 27 ستمبر کو پشاور میں منعقد ہونے والے جلسے میں بھرپور شرکت کا اعلان کرتے ہوئے کارکنان اور عوام سے اپیل کی کہ وہ بھی اس جلسے میں شریک ہوں تاکہ ملک میں حقیقی آزادی اور عمران خان کی رہائی کی جدوجہد کو تقویت ملے۔

26/09/2025

تخت بھائی، جماعت پی کے 60 کے زیر اہتمام تحصیل تخت بھائی میں ہسپتالوں اور تعلیمی اداروں کی نجکاری کے خلاف ایک گرینڈ جرگہ کا انعقاد کیا گیا ، گرینڈ جرگہ میں تمام سیاسی جماعتوں کے نمائندوں نے شرکت کی۔ شرکاء میں جمیعت علماء اسلام کے مرکزی رہنما و سابقہ ایم این مولانا محمد قاسم ،جماعت اسلامی پی۔کے 60 کے امیر نعمان یوسف ،امیرجماعت اسلامی ضلع مردان غلام رسول ، مرکزی امیر تحریک شریعت پارٹی معزاللہ خان حسن زئی،اے۔این۔پی کے سیکٹری اطلاعات حاجی غلام رسول۔سابقہ ایم۔پی۔اے ،میاں نادر شاہ ،عوامی نیشنل پارٹی کے رہنماسابقہ ایم پی اے شیر افغان خان، سابقہ تحصیل ناظم محمد نواز طاہر ،اے۔این۔پی کے ممبر صوبائی کونسل میاں طاہر ایڈوکیٹ ،پی پی پی کے صوبائی نائب صدر شعیب عالم خٹک ،جمیعت بزنس فورم ضلع مردان کے کنوئیر حاجی دوست محمد درویش ،سابقہ تحصیل ناظم جاوید اقبال ،جمال خان رہنما مسلم لیگ ن ۔سابقہ امید وار عوامی نیشنل پارٹی پی کے 61 جمال ناصر ،ڈویژنل سینیئر نائب صدر پی۔پی۔پی عرفان مہمند ،چیئرمین قیصرتنولی،تخت بھائی کمیسٹ اینڈ ڈرگسٹ ایسوسی ایشن کے صدر حاجی محمد یوسف ،تنظیم تاجران تخت بھائی کے جنرل سیکرٹری وہاب یوسفی ،سابقہ صدر مینا بازار محسن خان ،جماعت اسلامی پی۔کے 60 کے جنرل سیکٹری حاجی اسلام الدین ،تنظیم اساتذہ ضلعمردان کے صدر اخترحسین ۔حاجی قاسم ،صدر تخت بھائی پریس کلب رجسٹرڈ مسلم خان صابر ،مرکزی مسلم کے سابقہ امیدوار عبدالعزیز ،سعید اللہ سابقہ امیدوار پی کے 60، جمیعت لائز فورم کے صدر اکرام صافی ایڈوکیٹ ،چیئرمین اقبال مہمند ،قاضی جاوید ،شیرگڑھ بازار کے صدر ارشاد عزیز ، قاری محمد ارشد فقیر ،حافظ فرمان اللہ ایڈوکیٹ۔تخت بھائی بار کے نائب صدر میاں شاہ حسین ایڈوکیٹ اور ناظم خانزادہ عرف منےنے شرکت کی ، شرکاء نے اظہار خیال کرتے ہوئے کہا کہ صحت اور تعلیم کسی بھی معاشرے کی ترقی اور استحکام کے لیے بنیادی ضروریات میں شمار ہوتی ہیں۔ ایک فلاحی ریاست کی اولین ذمہ داری یہ ہوتی ہے کہ وہ اپنے عوام کو معیاری تعلیم اور بہتر صحت کی سہولیات فراہم کرے تاکہ معاشرہ باشعور، صحت مند اور ترقی یافتہ بن سکے۔تاہم صوبہ خیبر پختونخوا کی صورتِ حال اس کے برعکس ہے۔ صوبائی حکومت گزشتہ کئی برسوں سے عوامی توقعات پر پورا اترنے میں ناکام رہی ہے۔ تعلیمی اداروں اور اسپتالوں میں سہولیات کا فقدان، عملے کی کمی اور ناقص پالیسیوں نے عوام کو شدید مشکلات میں مبتلا کر رکھا ہے۔ اب صورتحال اس نہج تک پہنچ گئی ہے کہ حکومت ان بنیادی اداروں کو نجکاری کی طرف لے جا رہی ہے۔نجکاری کے اس عمل کا سب سے زیادہ نقصان غریب اور متوسط طبقے کو ہوگا، خیبرپختونخوا کے مشیر صحت اختشام خان ایڈوکیٹ کا تعلق تخت بھائی سے ہے لیکن صحت کی مد میں تخت بھائی کے عوام کو صحت کی جدید سہولیات فراہم کرتے لیکن افسوس کی بات یہ ہے کہ سہولیات دینے کی بجائے انہوں نے ہسپتالوں کی نجکاری پر اکتفا کیا ۔ مشیر صحت کے اس اقدام سے غریب عوام میں مایوسی پھیل گئی ہے۔ عوام پر تعلیم کے راستے بند کرنا اور صحت علاج معالجے کی سہولیات سے محروم کرنا سراسر عوام دشمنی ہے۔ پاکستان تحریک انصاف کی 13 سالہ دور اقتدار میں عوام کو کسی بھی شعبے میں سہولت نہیں دی گئی اس دور میں میں تعلیم اور صحت کے شعبوں پر کئی ایسے وار کئے گئے جس سے تعلیم اور صحت کے محکمے مفلوج ہو چکے ہیں۔اب نجکاری اور پرائیویٹائزیشن کا عمل رہی سہی کسر پورا کریں گی ۔ ہسپتالوں کی نجکاری کی صورت میں تخت بھائی ھیڈ کوارٹر ھسپتال اور لوند خوڑ ہسپتال مکمل طور پر ٹھیکدارانہ نظام کے تخت آجائنگے اور غریب عوام سے علاج کی سہولت ھتیالی جائے گی۔جرگہ کے اختتام پر مشترکہ طور پر ایک ایکشن کمیٹی بنائی گئی جس میں سیاسی جماعتوں ،وکلاء،صحافتی برادری ،منتخب وی سی چیئرمینان اور تاجر تنظیموں سے ایک ایک نمائندہ شامل کیاگیا کمیٹی بہت جلد ممبران کا اجلاس طلب کرے گی او باقاعدہ طور پر حکمت عملی طے کرکے 30 ستمبر سے قبل تحصیل ھیڈکوارٹر ھسپتال تخت بھائی کے سامنے بڑا احتجاجی دھرنا دے گی۔

23/09/2025

22/09/2025

تخت بھائی ضلع مردان کے علاقے گاروشاہ سے تعلق رکھنے والے سرگرم سیاسی و سماجی شخصیت حذیفہ احسان کو انصاف اسٹوڈنٹس فیڈریشن (آئی ایس ایف) یونیورسٹی کیمپس پشاور کا ترجمان و انفارمیشن سیکرٹری منتخب کر لیا گیا ہے۔حذیفہ احسان عرصہ دراز سے سیاسی و سماجی میدان میں متحرک ہیں اور مختلف مواقع پر انسانیت کی خدمت اور عوامی فلاحی سرگرمیوں میں صف اول میں دکھائی دیتے ہیں۔اس سے قبل وہ آئی ایس ایف زرعی یونیورسٹی پشاور میں ترجمان، سینئر نائب صدر اور قائم مقام صدر کے عہدوں پر بھی خدمات انجام دے چکے ہیں۔ طلبہ حلقوں کا کہنا ہے کہ حذیفہ احسان حقیقی معنوں میں سیاست کے اصل مقاصد اور خدمت کے جذبے پر عمل پیرا نوجوانوں میں شمار ہوتے ہیں۔