Takht Bhai News Network

Takht Bhai News Network Contact information, map and directions, contact form, opening hours, services, ratings, photos, videos and announcements from Takht Bhai News Network, News & Media Website, Takht bhai, Takht-i-Bhai.

تحصیل تخت بھائی کا سب سے تیز ترین اور بڑا
نیوز نیٹ ورک 🎥
Takht Bhai News Networks provides independent and reliable info that empowers local communities in Khyber Pakhtunkhwa

تخت بھائی شہر کے مختلف بازاروں، چوراہوں اور سڑکوں پر خواتین اور بچوں کی بھیک مانگنے کی تعداد میں خطرناک حد تک اضافہ ہوگی...
22/07/2025

تخت بھائی شہر کے مختلف بازاروں، چوراہوں اور سڑکوں پر خواتین اور بچوں کی بھیک مانگنے کی تعداد میں خطرناک حد تک اضافہ ہوگیا ہے۔ شہریوں نے تشویش کا اظہار کرتے ہوئے تحصیل انتظامیہ سے فوری اقدامات کا مطالبہ کیا ہے۔

#تخت بھائی کے گنجئی کلی سے تعلق رکھنے والے پاک فضائیہ کے ریڈار ٹیکنیشن محمد ایاز ولد شیر زمان نے سرگودھا ایئر بیس پر ا...
11/05/2025


#تخت بھائی کے گنجئی کلی سے تعلق رکھنے والے پاک فضائیہ کے ریڈار ٹیکنیشن محمد ایاز ولد شیر زمان نے سرگودھا ایئر بیس پر انڈین حملے کے دوران مادرِ وطن پر جان نچھاور کرتے ہوئے جامِ شہادت نوش کیا۔شہید کی نمازِ جنازہ ان کے آبائی علاقے میں مکمل سرکاری اعزاز کے ساتھ ادا کی گئی، جنازے میں ائیر فورس کے اے وی ایم شہریار آفریدی جی پی کیپٹن ہمایون ونگ کمانڈر افتخار، میجر امیر، میجر فرمان کے علاوہ صوبائی وزیر خوراک ظاہر شاہ طورو، مشیر برائے صحت احتشام خان، رکن قومی اسمبلی علی محمد خان ،جماعت اسلامی خیبرپختونخوا وسطی کے امیر عبدالوسع ضلع مردان کے امیر غلام رسول، سابق صوبائی وزیر فضل ربانی ایڈوکیٹ، نعمان یوسف خان، ڈپٹی کمشنر مردان ڈاکٹر عظمت اللہ وزیر، صوبائی اسمبلی کے رکن افتخار علی مشوانی،اسسٹنٹ کمشنر جنید خالد، ضلعی انتظامیہ کے دیگر افسران، معززینِ علاقہ، شہید کے اہل خانہ اور بڑی تعداد میں شہریوں نے شرکت کی۔شہید کی قبر پر صوبائی وزیر خوراک ظاہر شاہ طورو نے وزیراعلیٰ خیبر پختونخوا علی امین گنڈاپور کی جانب سے پھولوں کا گلدستہ پیش کیا، جبکہ چیف سیکریٹری خیبر پختونخوا شہاب علی شاہ کی جانب سے ڈپٹی کمشنر مردان ڈاکٹر عظمت اللہ وزیر نے شہید کی قبر پر پھولوں کی چادر بچھائی گئی۔ اس موقع پر شہید کو مسلح افواج کی جانب سے سلامی بھی پیش کی گئی اور فضاء "شہید زندہ ہیں" کے نعروں سے گونج اٹھی۔
#شہید محمد ایاز کی عظیم قربانی کو قوم ہمیشہ یاد رکھے گی۔ انہوں نے اپنی جان وطن کی حرمت، خودمختاری اور دفاع کے لیے نچھاور کر کے تاریخ میں اپنا نام امر کر دیا۔ ان کی قربانی اس عزم کی علامت ہے کہ پاکستان کے بہادر سپوت ہر لمحہ مادرِ وطن کے دفاع کے لیے تیار ہیں۔ضلع مردان کی انتظامیہ اور عوام شہید کے خاندان کے غم میں برابر کے شریک ہیں اور ان کی اس عظیم قربانی کو سلامِ عقیدت پیش کرتے ہیں۔ پاک فضائیہ کے یہ جانباز سپوت ہماری قوم کے ماتھے کا جھومر ہیں۔اللہ رب العزت سے دعا ہے کہ وہ شہید کے درجات بلند فرمائے، انہیں جنت الفردوس میں اعلیٰ مقام عطا کرے اور اہل خانہ کو صبر و حوصلہ نصیب فرمائے۔

اعلان جنازهرکن جماعت اسلامی خورشید خان کے بھائی اور امیر جماعت اسلامی گنجی محمد عثمان کے ماموں زاد بھائی پاکستان ائیر فو...
11/05/2025

اعلان جنازه

رکن جماعت اسلامی خورشید خان کے بھائی اور امیر جماعت اسلامی گنجی محمد عثمان کے ماموں زاد بھائی پاکستان ائیر فورس کے ریڈار آپریٹر محمد ایاز ولد شیر زمان انڈین ڈرون اٹیک (سرگودھا) میں شہید ہو چکے ہیں

نماز جنازہ آج بروز اتوار 3 بجے گنجی سکول گراؤنڈ میں ادا کی جائے گی۔

اللہ تعالی محمد ایاز کی شہادت قبول فرمائے اور پسماندگان کو صبر جمیل عطا فرمائے آمین

عمران خان سے جیل میں ملاقات نہ کروانے پر توہین عدالت کی درخواست خارجاسلام آباد: وفاقی دارالحکومت کی ہائی کورٹ عمران خان...
23/04/2025

عمران خان سے جیل میں ملاقات نہ کروانے پر توہین عدالت کی درخواست خارج

اسلام آباد: وفاقی دارالحکومت کی ہائی کورٹ عمران خان سے جیل میں ملاقات نہ کروانے پر دائر توہین عدالت کی درخواست خارج کر دی۔

اسلام آباد ہائی کورٹ میں عدالتی حکم کے باوجود بانی پی ٹی آئی عمران خان سے ملاقات نہ کروانے پر دائر توہین عدالت کی درخواست عدم پیروی پر خارج کی گئی۔

ہائی کورٹ کے جج جسٹس راجہ انعام امین منہاس نے صوبائی وزیر خیبر پختونخوا سہیل آفریدی کی درخواست پر سماعت کی۔ لیکن دوران سماعت درخواست گزار کی جانب سے کوئی پیش نہ ہوا۔

یہ بھی پڑھیں: پنجاب میں لوگوں کی زندگیوں میں آسانیاں اور بہتری لانا ہی میرا خواب ہے، وزیر اعلیٰ پنجاب

عدالت نے جیل سپرنٹنڈنٹ کے خلاف توہین عدالت کی درخواست عدم پیروی پر خارج کر دی۔

کانگو بخار اور ہیٹ اسٹروک سے متعلق ایڈوائزری جاریقومی ادارہ صحت نے کانگو بخار اور ہیٹ اسٹروک سے متعلق ایڈوائزری جاری کر ...
23/04/2025

کانگو بخار اور ہیٹ اسٹروک سے متعلق ایڈوائزری جاری
قومی ادارہ صحت نے کانگو بخار اور ہیٹ اسٹروک سے متعلق ایڈوائزری جاری کر دی۔

ایڈوائزری میں کہا گیا ہے کہ کانگو بخار ایک خاص قسم کے وائرس سے ہونے والی بیماری ہے۔ کانگو بخار جانوروں کے بالوں میں چھپی چیچڑیوں میں پایا جاتا ہے۔

انسانوں میں اس وائرس کی منتقلی چیچڑی یا متاثرہ جانوروں کے خون سے ہوتی ہے، یہ وائرس متاثرہ شخص سے صحت مند شخص میں بھی منتقل ہو سکتا ہے۔

ایڈوائزری کے مطابق 2024میں پاکستان میں کانگو وائرس کے61 کیسز رپورٹ ہوئے ، عیدالاضحٰی کے موقع پر کانگو بخار کے پھیلنے کا خدشہ ہوتا ہے۔

کانگو ، کرسمس کیلئے گھر جانیوالوں کی کشتی الٹ گئی ، 40 افراد ہلاک ، 100 سے زائد لاپتہ

وائرس سے محفوظ رہنے کیلئے احتیاطی تدابیر اختیار کرنا ضروری ہے ، پاکستان کو شدید موسمیاتی تبدیلیوں کا سامنا ہے۔

ایڈوائزری کے مطابق ہر سال ملک میں گرمی کی لہر کے خطرات اور اثرات میں اضافہ ہو رہا ہے ، ہیٹ اسٹروک کی وجہ سے بیماری اور اموات میں اضافہ ہو سکتا ہے، سورج کی روشنی اورڈی ہائیڈریشن سے بچنا ہیٹ اسٹروک کو روک سکتا ہے۔

عمران خان کی گرفتاری کو ڈیڑھ سال گزر چکا ، جسمانی ریمانڈ کا سوال ہی پیدا نہیں ہوتا ، سپریم کورٹسپریم کورٹ نے بانی پی ٹی ...
23/04/2025

عمران خان کی گرفتاری کو ڈیڑھ سال گزر چکا ، جسمانی ریمانڈ کا سوال ہی پیدا نہیں ہوتا ، سپریم کورٹ

سپریم کورٹ نے بانی پی ٹی آئی عمران خان کے جسمانی ریمانڈ کیلئے دائر پنجاب حکومت کی اپیلیں نمٹا دیں۔

جسٹس ہاشم کاکڑ نے ریمارکس دیئے ہیں کہ ملزم کی گرفتاری کو ڈیڑھ سال گزر چکا اب تو جسمانی ریمانڈ کا سوال ہی پیدا نہیں ہوتا، پنجاب حکومت چاہے تو ٹرائل کورٹ سے رجوع کر سکتی ہے۔

سپریم کورٹ میں عمران خان کے جسمانی ریمانڈ کیلئے دائر پنجاب حکومت کی اپیلوں پر سماعت ہوئی۔ پراسیکیوٹر جنرل پنجاب نے موقف اپنایا کہ ملزم کے فوٹو گرامیٹک، پولی گرافک، وائس میچنگ ٹیسٹ کرانے ہیں۔

جی ایچ کیو حملہ کیس، التوا مانگنا ہو تو آئندہ اس عدالت میں نہ آنا، سپریم کورٹ

جسٹس ہاشم کاکڑ نے کہا کہ درخواست میں استدعا ٹیسٹ کرانے کی نہیں جسمانی ریمانڈ کی تھی۔ جسٹس صلاح الدین نے کہا کہ کسی قتل اور زنا کے مقدمے میں تو ایسے ٹیسٹ کبھی نہیں کرائے گئے، توقع ہے عام آدمی کے مقدمات میں بھی حکومت ایسے ہی ایفیشنسی دکھائے گی۔

جسٹس ہاشم نے کہا کہ بانی پی ٹی آئی کے وکلا درخواست دائر ہونے پر مخالفت کرنے کا حق رکھتے ہیں، یہ کس نوعیت کا کیس ہے جس میں جسمانی ریمانڈ مانگ رہے ہیں؟ پنجاب حکومت کے وکیل نے کہا کہ ہم نے ملزم کے 3 ٹیسٹ کرانے ہیں۔

سپریم کورٹ کے جج کے چیمبر سے خفیہ آلات برآمدگی کی خبر بے بنیاد قرار

جسٹس ہاشم کاکڑ نے کہا کہ ڈیڑھ سال بعد تو جسمانی ریمانڈ نہیں دیا جا سکتا، وکیل پنجاب حکومت نے کہا کہ ملزم ٹیسٹ کرانے کیلئے تعاون نہیں کر رہا، جسٹس ہاشم نے کہا کہ زیر حراست شخص کیسے تعاون نہیں کر رہا ؟۔ بعد ازاں عدالت نے جسمانی ریمانڈ کیلئے دائر پنجاب حکومت کی اپیلیں نمٹا دیں۔

کراچی میں پی ایس ایل میچز ختم، شائقین سٹیڈیم سے روٹھے رہےپی ایس ایل 10 میں کراچی کے شائقین کی ناراضی کا یہ حال رہا کہ رو...
23/04/2025

کراچی میں پی ایس ایل میچز ختم، شائقین سٹیڈیم سے روٹھے رہے
پی ایس ایل 10 میں کراچی کے شائقین کی ناراضی کا یہ حال رہا کہ رواں ایونٹ کے پانچ میچوں کے دوران سٹیڈیم میں اس کی مقررہ گنجائش 32 ہزارتماشائی بھی سٹیڈیم نہیں پہنچ سکے۔

کسی دن میں تماشائیوں کی تعداد دس ہزار کے ہندسے کو بھی چھو نہیں سکی، پیرکو تماشائیوں کی تعداد میں معمولی اضافہ دیکھنے میں آیا۔

پاکستان سپر لیگ 10 ، ملتان سلطانز اور اسلام آباد یونائیٹڈ کے درمیان میچ آج ہوگا

خالی سٹیڈیم کی اہم وجوہات میں سخت سکیورٹی، کھانے پینے کی اشیاء مہنگے داموں پر فروخت، میچوں کا یکطرفہ ہونا اہم عناصر ہیں، انعامات کی بھرمار بھی تماشائیوں کو راغب نہ کرسکی۔

ایک تماشائی کے مطابق پانچ گھنٹے کے میچ میں پیاسہ رہنا کیسے ممکن ہے، ایک خاتون نے کہا کہ تماشائیوں کو انعامات کی نہیں سہولتوں کی فراہمی ضروری ہے۔

سکینرمشین استعمال کی جائے تو زیادہ آسانی ہو گی، بنکوں کو بھی ٹکٹ دیئے جائیں تاکہ شائقین آسانی سے ٹکٹ خرید سکیں۔

پشاور سمیت صوبے بھر میں 1لاکھ لیبارٹریاں غیر معیاریپشاورسمیت صوبے بھر میں ایک لاکھ زائد لیبارٹریوں کو غیر سٹینڈر قراردیا...
23/04/2025

پشاور سمیت صوبے بھر میں 1لاکھ لیبارٹریاں غیر معیاری

پشاورسمیت صوبے بھر میں ایک لاکھ زائد لیبارٹریوں کو غیر سٹینڈر قراردیا جا رہا ہے۔

ان لیباٹریوں سے متعلق مختلف اداروں کی رپورٹس میں کہا گیا ہے کہ ان میں سے بعض لیبارٹریاں مختلف ڈاکٹرز کی ذاتی ملکیت ہے اورڈاکٹرز کی جانب سے ان لیبارٹریوں میں ٹیسٹ کی ہدایات کی جا رہی ہے۔

ملک بھر میں 11 حاجی کیمپوں میں حج ویکسین کی فراہمی شروع

سب سے زیادہ لیبارٹریاں پشاورمیں دوسرے نمبر پرمردان میں تیسرے نمبر پرچار سدہ، ایبٹ اباد، ہری پور، جنوبی اضلاع میں قائم ہے ان لیبارٹریز کی رپورٹس مختلف سٹینڈرز کی لیبارٹریاں سے الگ الگ ہوتی ہے۔

رپورٹس میں مزید بتایا گیا کہ ان لیبارٹریزمیں متعلقہ ماہرین نہ ہونے کے ساتھ ساتھ میڈیکل ٹکنیشنزکے ذریعے ٹیسٹ وغیرہ کی جاتی ہے۔

ذرائع کے مطابق ڈبگڑی گارڈن، ہسپتال روڈ، ناصر باغ روڈ، پشاوربورڈ۔شہر کے مختلف اندرونی علاقوں میں موجود لیبارٹریز کی نشاندہی کی گئی۔

ملک کے بیشتر حصوں میں آج موسم گرم اور خشک رہے گااسلام آباد: ملک کے بیشتر حصوں میں آج موسم گرم اور خشک رہے گا۔محکمہ مو...
23/04/2025

ملک کے بیشتر حصوں میں آج موسم گرم اور خشک رہے گا
اسلام آباد: ملک کے بیشتر حصوں میں آج موسم گرم اور خشک رہے گا۔

محکمہ موسمیات کے مطابق وفاقی دارالحکومت میں آج موسم گرم اور خشک رہے گا۔ تاہم بلوچستان کے بیشتر اضلاع میں تیز ہوائیں چلنے کا امکان ہے۔

پنجاب کے اضلاع مری، جہلم، سیالکوٹ، گلیات اور گردونواح میں مطلع جزوی ابر آلود رہے گا۔ جبکہ پنجاب کے بیشتر اضلاع میں بھی موسم گرم اور خشک رہنے کا امکان ہے۔

سندھ کے بیشتر اضلاع میں موسم شدید گرم رہے گا۔ تاہم خیبر پختونخوا کے اضلاع چترال، دیر، سوات، کوہستان اور گردونواح میں بارش کا امکان ہے۔

یہ بھی پڑھیں: کینالز کےمعاملے پر بلاول بھٹو کی بات میں وزن ہے، فیصل واوڈا

گلگت بلتستان کے چند مقامات پر گرج چمک کے ساتھ بارش ہو سکتی ہے۔ جبکہ آزاد کشمیر میں مطلع جزوی ابر آلود رہنے کا امکان ہے۔

اسٹاک مارکیٹ میں کاروبار کا منفی آغاز ، ڈالر کی قیمت گر گئیپاکستان اسٹاک ایکسچینج میں کاروبار کا منفی آغاز ، انڈیکس می...
23/04/2025

اسٹاک مارکیٹ میں کاروبار کا منفی آغاز ، ڈالر کی قیمت گر گئی

پاکستان اسٹاک ایکسچینج میں کاروبار کا منفی آغاز ، انڈیکس میں 300 سے زیادہ پوائنٹس کی کمی ہوئی جبکہ روپے کے مقابلے میں ڈالر گر گئی۔

کاروباری ہفتے کے تیسرے روز اسٹاک ایکسچینج میں کاروبار کے آغاز پر مندی کا رجحان رہا ، 100 انڈیکس 366 پوائنٹس کی کمی سے ایک لاکھ 18 ہزار 64 پوائنٹس کی سطح پر آ گیا۔

اسٹاک مارکیٹ میں ایک لاکھ ، 17 ہزار کی حد بحال ، ڈالر بھی سستا

گزشتہ روز کاروباری دن کے اختتام پر ہنڈریڈ انڈیکس ایک لاکھ ، 18 ہزار 430 کی سطح پر بند ہوا تھا۔

دوسری جانب روپے کے مقابلے میں ڈالر کی قیمت میں کمی ریکارڈ کی گئی ، ایکسچینج کمپنیزایسوسی ایشن کے مطابق انٹر بینک میں 10 پیسے سستا ہونے کے بعد ڈالر کی قیمت 280 روپے 67 پیسے ہو گئی ہے۔

19/04/2025

تخت بھائی اور گرد و نواح میں زلزلے کے جھٹکے

یمن کی تیل بندرگاہ پر امریکی فضائی حملہ، 38 افراد جاں بحق، 102 زخمی
18/04/2025

یمن کی تیل بندرگاہ پر امریکی فضائی حملہ، 38 افراد جاں بحق، 102 زخمی

Address

Takht Bhai
Takht-I-Bhai
23200

Website

Alerts

Be the first to know and let us send you an email when Takht Bhai News Network posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Takht Bhai News Network:

Shortcuts

Share

Category