23/05/2026
*تلہ گنگ میں ایم ڈبلیو ایم کا مشاورتی اجلاس ، آرگنائزنگ کمیٹی تشکیل ، علاقہ بھر سے نمائندہ افراد کی شرکت*
تلہ گنگ (آفتاب ملک) مجلس وحدت مسلمین پاکستان کے زیرِ اہتمام شہیدِ اُمت کانفرنس کی تیاریوں کے سلسلہ میں ایک اہم مشاورتی اجلاس مسجد خاتم الانبیاء تلہ گنگ میں منعقد ہوا جس میں علاقہ بھر سے نمائندہ افراد نے شرکت کی۔ اجلاس میں متفقہ اعتماد کا اظہار کرتے ہوئے مولانا محمد امین حیدری کو آرگنائزنگ کمیٹی کا چیئرمین منتخب کیا گیا جبکہ دیگر معززین میں سے آرگنائزنگ کمیٹی منتخب کر کے حلف برداری بھی کرائی گئی۔ اجلاس میں کثیر تعداد میں محبانِ اہلِ بیت نے شرکت کی۔
ارگنائزنگ کمیٹی کے ممبران میں مولانا نوید الحسن ، سید حسنین گیلانی ، مولانا ساجد حسنین کوٹ سارنگ ، سید عنایت علی شیرازی تھوہا محرم خان ، محمد حسنین تلہ گنگ ، محمد علی مندیال ، محمد سلیم دندی ، ملک صابر حسین ، رضوان حیدر مندیال ، سید تجمل عباس شاہ ، سید عنصر شاہ اور کامران حیدر ڈھیر مونڈ شامل ہیں۔
قانونی معاونت کے لیے سید اسد شاہ شیرازی ایڈووکیٹ ، ملک شہزاد حسین ایڈووکیٹ ، ملک وسیم عباس بھٹی ایڈووکیٹ اور عرفان احمد ایڈووکیٹ کے ناموں کا اعلان کیا گیا جبکہ میڈیا ایڈوائزر کے طور پر آفتاب ملک اور راجہ عدیل کو منتخب کیا گیا۔
اجلاس میں علامہ سید شبیر بخاری رکن شوری عالی ایم ڈبلیو ایم ، علامہ سید اعجاز نقوی صدر ایم ڈبلیو ایم چکوال اور چوہدری اظہر عباس نے خصوصی شرکت کی۔
اپنے خطاب میں علامہ سید شبیر بخاری نے کہا کہ اللہ تعالیٰ کا وعدہ ہے کہ زمین پر انصاف پر مبنی نظام قائم ہوگا۔ انہوں نے کہا کہ “قدس کی آزادی تک جنگ رہے گی” کے نعرے کا مذاق اڑانے والوں کو آج حقائق کا سامنا ہے جبکہ رہبر کے چہلم کو شان و شوکت سے منانا وقت کی اہم ضرورت ہے تاکہ دنیا کو یہ پیغام دیا جا سکے کہ ملت متحد ہے۔
علامہ سید اعجاز نقوی نے خطاب کرتے ہوئے کہا کہ جہاں امامت کا نظام ہو وہاں عدل و انصاف کا غلبہ ہوتا ہے اور اسی عادلانہ نظام کے قیام کے لیے جدوجہد کرنا ائمہؑ کا راستہ ہے انہوں نے کہا کہ ایم ڈبلیو ایم اسی فکر اور مشن کو آگے بڑھانے کے لیے کوشاں ہے۔
سید ضیا شاہ کاظمی نے مہمانوں کا شکریہ ادا کرتے ہوئے مدرسے کی ترقی، ربیع الاول میں عظیم الشان اجتماع ، فلاحی سرگرمیوں ، میڈیکل سہولیات اور ایمبولینس سروس کے قیام کے حوالے سے جاری کوششوں سے آگاہ کیا۔ انہوں نے کہا کہ بلدیاتی انتخابات کے لیے بھی کارکنان کو متحرک کیا جا رہا ہے۔
نو منتخب چیئرمین آرگنائزنگ کمیٹی مولانا محمد امین حیدری نے اپنے خطاب میں تمام شرکاء خصوصاً سید ضیا شاہ کاظمی کا اعتماد کرنے پر شکریہ ادا کرتے ہوئے کہا کہ “چاہے شیعہ علماء کونسل ہو یا ایم ڈبلیو ایم، سب کا مقصد ایک ہی ہے اور تمام محبانِ اہلِ بیت کو متحد رکھ کر کام کیا جائے گا۔” انہوں نے کہا کہ رہبر کے چہلم کے حوالے سے بھرپور انداز میں پروگرام منعقد کیا جائے گا۔
آخر میں چوہدری اظہر عباس نے شہیدِ اُمت کانفرنس میں بھرپور شرکت کی دعوت دیتے ہوئے کہا کہ یہ اُس عظیم شخصیت کا چہلم ہے جس نے خوف ، تکبر اور کفر کے بتوں کو پاش پاش کر دیا۔
اخر میں مولانا مہدی الحسن نے اجتماعی دعا کرائی جس میں ملک کی ترقی و خوشحالی کے ساتھ ساتھ ایران کی فتح و کامیابی کے لیے خصوصی دعا کی گئی اجلاس کے اختتام پر مہمانوں کی تواضع بھی کی گئی۔
