Taza Khabar/تازہ خبر

Taza Khabar/تازہ خبر Contact information, map and directions, contact form, opening hours, services, ratings, photos, videos and announcements from Taza Khabar/تازہ خبر, Media/News Company, Tank.

ضلع ٹانک: تھانہ ایس ایم اے پر کاپٹر ڈرون حملہ، دو پولیس اہلکار زخمی.ضلع ٹانک میں واقع تھانہ ایس ایم اے پر نامعلوم افراد ...
18/12/2025

ضلع ٹانک: تھانہ ایس ایم اے پر کاپٹر ڈرون حملہ، دو پولیس اہلکار زخمی.

ضلع ٹانک میں واقع تھانہ ایس ایم اے پر نامعلوم افراد کی جانب سے کاپٹر ڈرون کے ذریعے حملہ کیا گیا، جس کے نتیجے میں زور دار دھماکہ ہوا۔

دھماکے کے باعث دو پولیس اہلکار زخمی ہو گئے۔ زخمی اہلکاروں میں ایڈیشنل محرر احسان اور آصف شامل ہیں، جنہیں فوری طور پر طبی امداد کے لیے ریسکیو 1122 کی ٹیم نے پولیس کی بھاری نفری میں قریبی ڈسٹرکٹ ہیڈ کوارٹر ہسپتال ٹانک منتقل کر دیا گیا۔

واقعے کے بعد علاقے میں شدید فائرنگ کا سلسلہ جاری رہا جبکہ سیکیورٹی فورسز نے علاقے کو گھیرے میں لے کر سرچ آپریشن شروع کر دیا۔ حکام کے مطابق صورتِ حال قابو میں ہے اور واقعے کی تحقیقات جاری ہیں۔

18/12/2025

جنوبی وزیرستان
قانون آفتاب عالم صاحب سے بھی اپر و لوئر جنوبی وزیرستان کی میڈیکل و انجنئیرنگ کے لیے مختص سیٹس کے حوالے سے گفتگو.

ملاقات میں باقی قبائلی اضلاع کی طرح اپر و لوئر وزیرستان کو بھی پوری سیٹس دینے پر زور. باقی قبائلی اضلاع میں جس طرح سیٹوں کو تقسیم کیا گیا ہے, اپر و لوئر جنوبی وزیرستان کو بی اتنی ہی سیٹس کا حق ہے جو انشاءللہ ہم لے کر رہیں گے.
یہ ہمارے بچوں کے ساتھ سراسر ناانصافی ہوگی کہ انھیں اس سے محروم رکھا جائے. ہم انصاف کی حکومت سے مطالبہ کرتے ہیں انصاف کے ساتھ سیٹس دے دی جائیں.

اسکے علاوہ عدالتی نظام و عدالتوں کی جنوبی وزیرستان اپر و لوئر منتقلی کے حوالے سے تفصیلی بات ہوئی جس پر یہ یقین دہانی کرائی گئی کہ انشاءاللہ جلد پورا پروسیس عمل میں لایا جائے گا.

ہم انکے مشکور ہیں کہ انھوں نے ہمیں وقت دیا اور ہمارے مطالبات کو سنجیدگی سے سنا. انشاءاللہ جلد ان سب مسائل کا حل نکل آئے گا.

دفترِ ڈپٹی کمشنر جنوبی وزیرستان اپرمورخہ: 18 دسمبر 2025ءپریس ریلیزصوبائی حکومت خیبرپختونخوا کی ہدایات کے تحت، ڈپٹی کمشنر...
18/12/2025

دفترِ ڈپٹی کمشنر جنوبی وزیرستان اپر
مورخہ: 18 دسمبر 2025ء

پریس ریلیز

صوبائی حکومت خیبرپختونخوا کی ہدایات کے تحت، ڈپٹی کمشنر جنوبی وزیرستان اپر جناب عصمت اللہ وزیر کی زیرِ نگرانی دفتر ڈپٹی کمشنر میں اوپن ڈور پالیسی کے تحت عوامی ملاقات منعقد ہوئی۔

ملاقات کے دوران شہریوں نے اپنے مسائل اور تجاویز براہِ راست پیش کیں، جن پر فوری کارروائی کے لیے متعلقہ محکموں کو ہدایات جاری کی گئیں۔

ڈپٹی کمشنر نے عوام پر زور دیا کہ وہ اس سہولت سے بھرپور فائدہ اٹھاتے ہوئے مقامی ترقی میں فعال کردار ادا کریں۔

جنوبی وزیرستان اپر محسود پریس کلب رجسٹرڈ کے سال 2026 کے انتخابات کا شیڈول جاریمحسود پریس کلب رجسٹرڈ میں سال 2026 کے انتخ...
18/12/2025

جنوبی وزیرستان اپر

محسود پریس کلب رجسٹرڈ کے سال 2026 کے انتخابات کا شیڈول جاری

محسود پریس کلب رجسٹرڈ میں سال 2026 کے انتخابات کے سلسلے میں آج بروز 17 دسمبر 2025 الیکشن کمیٹی کا ایک اہم اجلاس منعقد ہوا۔ اجلاس کی صدارت الیکشن کمیٹی کے چیئرمین حاجی خلیل محسود نے کی، جبکہ اجلاس میں الیکشن کمیٹی کے تمام ممبران سینیئر صحافی انور محسود، شاکر محسود، عارف محسود اور طارق محسود نے شرکت کی۔

اجلاس کے بعد الیکشن کمیٹی نے متفقہ طور پر انتخابات کا باقاعدہ شیڈول جاری کر دیا۔ جاری کردہ شیڈول کے مطابق 19 دسمبر سے 24 دسمبر 2025 تک صدارت کے عہدے کے لیے کاغذاتِ نامزدگی جمع کروائے جا سکیں گے۔ کاغذاتِ نامزدگی جمع کرانے کا حق صرف محسود پریس کلب رجسٹرڈ کے مستقل ممبران کو حاصل ہوگا۔

الیکشن کمیٹی کے چیئرمین حاجی خلیل محسود کی سربراہی میں 25 دسمبر 2025 کو جمع شدہ کاغذاتِ نامزدگی کی جانچ پڑتال (سکروٹنی) کی جائے گی، جبکہ 26 دسمبر 2025 کو حتمی امیدواروں کے ناموں کا اعلان کر دیا جائے گا۔

شیڈول کے مطابق 27 اور 28 دسمبر 2025 کو امیدوار اپنے کاغذاتِ نامزدگی واپس لے سکتے ہیں۔ الیکشن میں حصہ لینے کے لیے امیدواروں کی فیس حسبِ معمول 15 ہزار روپے مقرر کی گئی ہے۔

الیکشن کمیٹی کے مطابق یکم جنوری 2026 کو باقاعدہ انتخابی عمل (ووٹنگ) منعقد ہوگا، جس کے بعد ووٹنگ کے فوری بعد کامیاب ہونے والے صدر کے نام کا اعلان اور الیکشن کمیٹی کی جانب سے باقاعدہ نوٹیفکیشن بھی جاری کیا جائے گا۔

آخر میں الیکشن کمیٹی کے چیئرمین حاجی خلیل محسود اور کمیٹی ممبران نے اس عزم کا اظہار کیا کہ انتخابات شفاف، غیر جانبدار اور جمہوری انداز میں منعقد کرائے جائیں گے۔

17/12/2025

جنوبی وزیرستان اپر پولیس🚔
17 دسمبر 2025

♦ڈی آر سی سراروغہ کے معزز ممبران کی کوششوں سے دو اقوام کے مابین بھرسوں پرانا زمینی تنازعہ باہمی رضامندی اور خوش اسلوبی کے ساتھ حل فریقین کا ڈی آر سی ممبران اور ڈی پی او ارشد خان کو خراج تحسین

(پی آر او ) تفصیلات کے مطابق تنازعات کے حل کیلئے قائم ڈی آر سی کمیٹی کی بدولت شہریوں کے درمیان مختلف نوعیت کے مسائل اور تنازعات مقامی روایات اور باہمی رضامندی کی بنیاد پر خوش اسلوبی سے حل ہو رہے ہیں۔

اسی تسلسل میں ڈی پی او جنوبی وزیرستان اپر ارشدخان کی نگرانی میں ایس ایچ او سراروغہ نیاز محمد خان ڈی آر سی انچارج جنیدخالد اور ڈی آر سی سراروغہ ممبران کی محنت اور غیرجانبداری کے نتیجے میں محسود قبیلے کے دو ذیلی شاخوں تترخیل اور لنڈائی کے مابین بھرسوں پرانا زمینی تنازعہ باہمی رضامندی اور خوش اسلوبی سے حل کردیا گیا
جس پر فریقین نے ایک دوسرے کو گلے لگا کر صلح کر لی اور ڈی آر سی سراروغہ کے معزز ممبران کی کاوشوں کے ساتھ ساتھ ڈی پی او ارشد خان ایس ایچ او سراروغہ نیاز محمد خان فیصلے میں اہم کردار ادا کرنے والے ملک بشیرخان محسود اور ملک حمیدخان محسود کے کردار کو بھی سراہا اور خراج تحسین پیش کیا

اس دوران فریقین کا کہنا تھا کہ ڈی آر سی کے معزز ممبران بلا معاوضہ عوام کو انصاف کی فراہمی کیلئے خدمات انجام دے رہے ہیں، جن کی بدولت پولیس اور عوام کے درمیان اعتماد میں اضافہ اور معاشرتی ہم آہنگی کو فروغ مل رہا ہے جبکہ علاقائی تنازعات کے حل کیلے ڈی ار سی کی صورت میں پلیٹ فارم کا فعال ہونا انتہائی خوش آیند ہے ڈی آر سی کے طریقہ کار اور کردار سے ناکہ صرف مطمئن ہیں بلکہ اب ہم بھی دیگر تنازعات کے حل کیلے اپنا کردار ادا کرینگے

ہم ایک ایسے صوبے میں رہ رہے ہیں جہاں شاید ہماری پشتون عوام کو یہ بات پوری طرح سمجھ نہیں آ رہی کہڈاکٹر گھر سے بنیادی سہول...
17/12/2025

ہم ایک ایسے صوبے میں رہ رہے ہیں جہاں شاید ہماری پشتون عوام کو یہ بات پوری طرح سمجھ نہیں آ رہی کہ
ڈاکٹر گھر سے بنیادی سہولیات لے کر نہیں آتا،
اور نہ ہی ہسپتالوں میں بیڈز کا انتظام کرنا ڈاکٹر کی ذمہ داری ہے۔
ہمارے وزیرِ اعلیٰ صاحب نے بالکل واضح الفاظ میں "کہا ہے"
کہ
اگر آپ لوگوں کو کوئی بھی مسئلہ درپیش ہے تو اسے کھل کر ہمارے ساتھ شیئر کریں،
اسے حل کرنا میری ذمہ داری ہے۔
ہماری عوام کو یہ سمجھنا چاہیے کہ ہمارے منتخب نمائندے ہمارے ووٹوں سے منتخب ہوتے ہیں اور ہماری ہی ٹیکس کی رقم سے تنخواہیں لیتے ہیں۔ انہی نمائندوں نے انتخابات اس بنیاد پر جیتے تھے کہ وہ ہسپتال بنائیں گے، سہولیات بہتر کریں گے اور عوام کو معیاری علاج فراہم کریں گے۔

لہٰذا ہم مطالبہ کرتے ہیں کہ:

ہسپتالوں میں بیڈ کی گنجائش بڑھائی جائے۔

ہسپتالوں میں موجود بنیادی سامان اور سہولیات کو درست کیا جائے۔

پشاور کے علاوہ دیگر شہروں اور اضلاع میں بھی ایسے ہسپتال قائم اور اپ گریڈ کیے جائیں جہاں معیاری علاج ممکن ہو۔

آج ڈاکٹر مریض کو ریفر اسی لیے کرتا ہے کہ اس کا بہتر علاج کسی اچھی اور سہولت یافتہ جگہ پر ہو سکے، کیونکہ بیشتر اضلاع میں مطلوبہ سہولیات موجود ہی نہیں ہوتیں۔

اسی طرح ہمارے ہاؤس آفیسرز کی تنخواہیں پچھلے آٹھ سالوں سے نہیں بڑھیں، اس سنگین مسئلے کو بھی اٹھایا جانا چاہیے۔ بدقسمتی سے نام نہاد ایسوسی ایشنز اس معاملے کو سنجیدگی سے نہیں لیتیں، صرف اپنے مفادات حاصل کر کے ہمیں نظر انداز کر دیتی ہیں۔

ہم تمام سینئر ڈاکٹروں، خواہ وہ کسی بھی سیاسی جماعت سے تعلق رکھتے ہوں، سے گزارش کرتے ہیں کہ وہ ہماری مدد کریں، کیونکہ اس میں ہم سب کا ہی فائدہ ہے۔

ہر شہر کے ہسپتالوں کو صرف کاغذوں میں نہیں بلکہ عملی طور پر اپ گریڈ کیا جائے۔
اگر ہسپتالوں میں سہولیات، بیڈز اور انتظامات درست ہو جائیں تو:

بیڈز کا مسئلہ خود بخود حل ہو جائے گا،

مریضوں اور لواحقین کے موبائل ویڈیوز اور شکایات جیسے مسائل بھی پیدا نہیں ہوں گے۔

یہ سب اصلاحات عوام کے مفاد میں ہیں اور وقت کی اہم ضرورت بھی۔
fans Taza Khabar/تازہ خبر
YDA KPK
Provincial Doctors Association
Insaf Doctors Forum KP

جنوبی وزیرستان اپر: ڈپٹی کمشنر عصمت اللہ وزیر کی مخلصانہ کوششیں، اکاؤنٹ آفس ریکارڈ سمیت ڈی سی کمپاؤنڈ منتقلجنوبی وزیرستا...
17/12/2025

جنوبی وزیرستان اپر: ڈپٹی کمشنر عصمت اللہ وزیر کی مخلصانہ کوششیں، اکاؤنٹ آفس ریکارڈ سمیت ڈی سی کمپاؤنڈ منتقل

جنوبی وزیرستان اپر

ڈپٹی کمشنر جنوبی وزیرستان اپر عصمت اللہ وزیر کی مسلسل اور مخلصانہ کوششوں کے بعد جنوبی وزیرستان اپر کا اکاؤنٹ آفس تمام سرکاری ریکارڈ کے ہمراہ ڈپٹی کمشنر کمپاؤنڈ منتقل ہو گیا ہے۔ اس سے قبل اکاؤنٹ آفس ڈیرہ اسماعیل خان میں قائم تھا، جس کے باعث عوام کو شدید انتظامی مشکلات کا سامنا تھا۔

ذرائع کے مطابق ڈپٹی کمشنر عصمت اللہ وزیر نے عوامی مشکلات کو مدنظر رکھتے ہوئے تمام سرکاری دفاتر کو ان کی اصل جگہوں پر بحال کرنے کے لیے سخت ہدایات جاری کی تھیں۔ انہوں نے اس امر پر شدید برہمی کا اظہار کیا تھا کہ مختلف محکموں نے بغیر کسی جواز کے اپنے دفاتر ڈیرہ اسماعیل خان منتقل کر رکھے تھے، جس سے جنوبی وزیرستان اپر کے عوام کو بار بار سفر اور اضافی اخراجات برداشت کرنا پڑ رہے تھے۔

سماجی حلقوں کا کہنا ہے کہ ڈپٹی کمشنر عصمت اللہ وزیر نے معذور افراد، لینڈ مائن اور دیگر بارودی مواد سے متاثرہ افراد کو کمپنسیشن کی تیز ترین فراہمی کو یقینی بنایا، جبکہ منہدم مکانات کے حوالے سے سالہا سال سے ڈپٹی کمشنر کمپاؤنڈ میں پینڈنگ پڑے چیکس بھی تیزی سے تقسیم کیے گئے۔ ان اقدامات نے عوامی سطح پر نہ صرف ان کی کارکردگی کو سراہا جانے لگا بلکہ انہیں ایک بہترین اور متحرک ایڈمنسٹریٹر کے طور پر بھی تسلیم کیا جا رہا ہے۔

سماجی حلقوں کے مطابق ماضی میں ناقص انتظامیہ کے باعث کئی محکموں نے ضلع ٹانک اور جنوبی وزیرستان اپر میں موجود اپنے دفاتر کو بند کر کے بغیر کسی اطلاع کے ڈیرہ اسماعیل خان منتقل کر دیا تھا، تاہم ڈپٹی کمشنر عصمت اللہ وزیر کی تعیناتی کے بعد ان تمام دفاتر کی واپسی اور احکامات پر عملی عملدرآمد نے علاقائی سطح پر عوام کا اعتماد بحال کیا ہے۔

سماجی حلقوں کا مزید کہنا ہے کہ اگر ڈپٹی کمشنر جنوبی وزیرستان اپر عصمت اللہ وزیر اسی طرح مخلصانہ، پروفیشنل اور عوام دوست انداز میں اپنی ذمہ داریاں ادا کرتے رہے تو جنوبی وزیرستان اپر میں انتظامی پسماندگی کے خاتمے اور عوامی مسائل کے حل کے حوالے سے بہتر اور دیرپا نتائج سامنے آ سکتے ہیں۔

وانا: گورنمنٹ ہائی سکول سپین میں تقسیمِ انعامات کی تقریب، 25 سال بعد بحالی پر تعلیمی سرگرمیوں کا نیا آغاز۔ چیف گیسٹ سینئ...
17/12/2025

وانا: گورنمنٹ ہائی سکول سپین میں تقسیمِ انعامات کی تقریب، 25 سال بعد بحالی پر تعلیمی سرگرمیوں کا نیا آغاز۔
چیف گیسٹ سینئر صحافی آدم خان وزیر نے نمایاں پوزیشن ہولڈرز طلباء و طالبات میں انعامات تقسیم کیے۔

وانا: جنوبی وزیرستان لوئر کی تحصیل وانا کے علاقہ سپین میں واقع گورنمنٹ ہائی سکول سپین میں طلبہ و طالبات کی حوصلہ افزائی کے لیے تقسیمِ انعامات کی ایک پروقار تقریب منعقد کی گئی۔ تقریب کے چیف گیسٹ جیو نیوز کے سینئر صحافی آدم خان وزیر تھے، جنہوں نے نمایاں کارکردگی دکھانے والے طلبہ و طالبات میں نقد انعامات تقسیم کیے۔

تقریب میں اسکول کے پرنسپل مولا جان وزیر، نیبرہڈ کونسل (این سی) چیئرمین سیف الرحمان، سماجی رہنما محمد اللہ، نجی تعلیمی اداروں کے پرنسپل صاحبان، اساتذہ، طلبہ و طالبات، والدین اور علاقہ کے قبائلی عمائدین نے بڑی تعداد میں شرکت کی۔ مقررین نے خطاب کرتے ہوئے اس بات پر زور دیا کہ تعلیم ہی وہ بنیادی ذریعہ ہے جو پسماندہ علاقوں کو ترقی، شعور اور خوشحالی کی جانب لے جا سکتا ہے۔ ان کا کہنا تھا کہ تعلیمی سرگرمیوں کے فروغ سے نئی نسل کو ایک روشن اور محفوظ مستقبل فراہم کیا جا سکتا ہے۔

تقریب سے خطاب کرتے ہوئے چیف گیسٹ آدم خان وزیر نے کہا کہ گورنمنٹ ہائی سکول سپین کی 25 سال بعد بحالی علاقے کے لیے ایک تاریخی اور خوش آئند پیش رفت ہے۔ انہوں نے اسکول انتظامیہ، اساتذہ اور تمام اسٹاف کی محنت اور لگن کو سراہتے ہوئے کہا کہ محدود وسائل کے باوجود معیاری تعلیم کا فروغ قابلِ تحسین عمل ہے۔ انہوں نے طلبہ و طالبات کو تلقین کی کہ وہ تعلیم کو اپنی زندگی کا محور بنائیں اور محنت کے ذریعے علاقے اور ملک کا نام روشن کریں۔

اس موقع پر اسکول کے پرنسپل مولا جان وزیر نے کہا کہ اسکول کی بحالی کے بعد تعلیمی ماحول میں واضح بہتری آئی ہے اور اساتذہ طلبہ کی تعلیمی و اخلاقی تربیت کے لیے بھرپور کردار ادا کر رہے ہیں۔ انہوں نے مقامی عمائدین اور والدین کے تعاون کو اسکول کی کامیابی کا اہم ستون قرار دیا۔

آخر میں نمایاں کارکردگی کا مظاہرہ کرنے والے طلبہ و طالبات میں انعامات تقسیم کیے گئے، جبکہ شرکاء نے اسکول کی بحالی اور تعلیمی سرگرمیوں کے تسلسل کو علاقے کے لیے امید، ترقی اور روشن مستقبل کی علامت قرار دیا

جنوبی وزیرستان اپروانا تا جنڈولہ روڈ کی بحالی کے منصوبے کا افتتاح جمعہ کے روز کیا جائے گا۔ال کنٹریکٹر ایسوسی ایشن جنوبی ...
17/12/2025

جنوبی وزیرستان اپر

وانا تا جنڈولہ روڈ کی بحالی کے منصوبے کا افتتاح جمعہ کے روز کیا جائے گا۔

ال کنٹریکٹر ایسوسی ایشن جنوبی وزیرستان اپر کے زیر اہتمام وانا–جنڈولہ روڈ ری ہیبلیٹیشن منصوبہ (اے ڈی پی نمبر 1778/210620) کی افتتاحی / گراؤنڈ بریکنگ تقریب 19 دسمبر 2025 بروز جمعہ منعقد ہوگی۔ منصوبے کی مجموعی لاگت 5622 ملین روپے ہے جبکہ ٹھیکیدار ایم/ایس نیو شاہور سی سی ہے۔

افتتاحی پروگرام میں ممبر صوبائی اسمبلی خیبرپختونخواہ آصف خان محسود اور ممبر قومی اسمبلی زبیر وزیر بطور مہمانانِ خصوصی تشریف لائیں گے۔

یہ منصوبہ جنوبی وزیرستان اپر میں سڑکوں کے بنیادی ڈھانچے کی بہتری، عوامی سہولت اور علاقائی ترقی میں اہم کردار ادا کرے گا۔

منجانب:
ال کنٹریکٹر ایسوسی ایشن
جنوبی وزیرستان اپر صدر نورحسن خان محسود

ڈیرہ اسماعیل خانسببرب سرکل پولیس کی ٹرانسفارمر چوروں کے خلاف بڑی کارروائی10 سے زائد مقدمات میں ملوث گروہ کے 3 کارندے گرف...
17/12/2025

ڈیرہ اسماعیل خان

سببرب سرکل پولیس کی ٹرانسفارمر چوروں کے خلاف بڑی کارروائی
10 سے زائد مقدمات میں ملوث گروہ کے 3 کارندے گرفتار

ڈسٹرکٹ پولیس آفیسر ڈیرہ سجاد احمد صاحبزادہ کی ہدایت پر تھانہ شورکوٹ پولیس نے کامیاب کارروائی کرتے ہوئے ٹرانسفارمر چوری کی 10 سے زائد وارداتوں میں ملوث گروہ کے تین ملزمان کو گرفتار کر لیا۔

کارروائی ایس پی سٹی علی حمزہ، ایس ڈی پی او سببرب کاشف ستار اور ایس ایچ او اصغر خان وزیر کی قیادت میں کی گئی۔ گرفتار ملزمان میں اللہ نواز ولد محمد نواز، کفایت اللہ ولد غلام قطب اور ساجد ولد مشتاق احمد شامل ہیں۔

پولیس نے ملزمان کے قبضے سے سرقہ شدہ ٹرانسفارمر کے کوائلز اور بجلی کی تاریں برآمد کر کے مزید تفتیش شروع کر دی ہے۔ پولیس کے مطابق گرفتار ملزمان سے مزید اہم انکشافات کی توقع ہے۔

Taza Khabar/تازہ خبر

جنوبی وزیرستان اپرڈپٹی کمشنر جنوبی وزیرستان اپر کی جانب سے دفاتر کو ڈیرہ اسماعیل خان سے ٹانک منتقل کرنے کے احکامات کے با...
17/12/2025

جنوبی وزیرستان اپر

ڈپٹی کمشنر جنوبی وزیرستان اپر کی جانب سے دفاتر کو ڈیرہ اسماعیل خان سے ٹانک منتقل کرنے کے احکامات کے باوجود لائن اینڈ آرڈر سے متعلق محکموں کے علاؤہ اکثر سرکاری دفاتر تاحال ڈیرہ اسماعیل خان میں قائم ہیں۔ ذرائع کے مطابق صرف چند محکموں جس میں سی اینڈ ڈبلیو ایکسین زاہد بیٹنی اور اس کے ماتحت عملے نے احکامات پر عملدرآمد کیا جبکہ بیشتر دفاتر کی منتقلی تاخیر کا شکار ہے۔

عوامی حلقوں کا کہنا ہے کہ دفاتر کی عدم منتقلی سے سرکاری امور میں رکاوٹ اور عوام کو مشکلات کا سامنا ہے۔ شہریوں نے مطالبہ کیا ہے کہ ڈپٹی کمشنر کے احکامات پر فوری عملدرآمد یقینی بنایا جائے اور تمام متعلقہ دفاتر کو ٹانک منتقل کیا جائے تاکہ انتظامی امور بہتر اور عوام کو سہولت فراہم ہو سکے۔

ڈیرہ اسماعیل خان نیو سبزی منڈی ڈیرا اسماعیل خان میں یہ بندہ فوت ہو گیا ہے جو اس کو جانتا ہو وہ نیو سبزی منڈی ڈیرہ اسماعی...
17/12/2025

ڈیرہ اسماعیل خان

نیو سبزی منڈی ڈیرا اسماعیل خان میں یہ بندہ فوت ہو گیا ہے جو اس کو جانتا ہو وہ نیو سبزی منڈی ڈیرہ اسماعیل خان پہنچ جائے

کاپی

Address

Tank

Website

Alerts

Be the first to know and let us send you an email when Taza Khabar/تازہ خبر posts news and promotions. Your email address will not be used for any other purpose, and you can unsubscribe at any time.

Shortcuts

Share

Category