14/07/2025
ٹانک # صحافی انعام اللّٰہ محسود کی نو تعینات ڈی پی او ٹانک شبیر حسین شاہ سے ان کے دفتر میں ملاقات، انہیں نئی ذمہ داری سنبھالنے پر مبارکباد پیش کی۔
اس موقع پر انعام اللّٰہ محسود نے نوتعینات ڈی پی او ٹانک کو پھولوں کا گلدستہ پیش کیا اور ان کی کامیابی، خوشحالی اور مثالی قیادت کے لیے نیک تمناؤں کا اظہار کیا۔
اس موقع پر ڈی پی او ٹانک شبیر حسین شاہ نے اظہارِ تشکر کرتے ہوئے کہا کہ وہ ضلع بھر میں عوام کے جان، مال اور آبرو کے تحفظ کو اولین ترجیح دیں گے اور امن و امان کے قیام کے لیے اپنی تمام تر توانائیاں اور دستیاب وسائل بروئے کار لائیں گے۔ انہوں نے اس عزم کا اعادہ کیا کہ جرائم کے خاتمے اور معاشرتی ہم آہنگی کو فروغ دینے کے لیے پولیس فورس کو مؤثر اور عوام دوست کردار ادا کرنے کی ہدایات دی گئی ہیں۔
اس دوران صحافی انعام اللّٰہ محسود اور ڈی پی او ٹانک شبیر حسین شاہ کے مابین ضلع میں امن و امان کی صورتحال، جرائم کی بیخ کنی اور عوامی تحفظ کے امور پر تفصیلی تبادلہ خیال بھی ہوا۔ ڈی پی او ٹانک نے کہا کہ عوام کے تعاون سے ٹانک کو ایک پرامن اور محفوظ ضلع بنایا جائے گا۔
