Almanzoor News

02/06/2026

01/06/2026

چیف تمن قصرانی سردار میر بادشاہ قصرانی کے زیرِ اہتمام منعقدہ جرگے میں ڈپٹی کمشنر ڈیرہ غازی خان، ڈی پی او ڈیرہ غازی خان، ڈی ایس پی تونسہ اور ضلعی انتظامیہ کے دیگر افسران نے شرکت کی۔

جرگے سے خطاب کرتے ہوئے سردار میر بادشاہ قصرانی نے علاقے کے عوامی مسائل، امن و امان کی صورتحال اور ترقیاتی امور پر تفصیلی گفتگو کی۔ اس موقع پر ضلعی انتظامیہ کے افسران نے بھی عوامی مسائل کے حل اور بہتر سہولیات کی فراہمی کے حوالے سے اپنے خیالات کا اظہار کیا۔

01/06/2026

وہوا: ڈپٹی کمشنر ڈیرہ غازی خان کو عوامی مسائل سے آگاہ کر دیا گیا
ڈپٹی کمشنر ڈیرہ غازی خان کی آج وہوا آمد کے موقع پر لکھانی ٹو کوتانی روڈ اور ترمن ٹو جروار روڈ کی خستہ حالی اور عوام کو درپیش سفری مشکلات کا معاملہ سامنے لایا گیا۔
اس موقع پر بتایا گیا کہ دونوں اہم شاہراہیں طویل عرصے سے ٹوٹ پھوٹ کا شکار ہیں، جس کے باعث اہلِ علاقہ کو روزمرہ آمدورفت میں شدید مشکلات کا سامنا ہے۔
ڈپٹی کمشنر نے مسائل کا نوٹس لیتے ہوئے یقین دہانی کرائی کہ دونوں سڑکوں پر جلد از جلد کام کا آغاز کیا جائے گا اور انہیں ترجیحی بنیادوں پر مکمل کیا جائے گا۔

01/06/2026

امیر ضلع پروفیسر رشید احمد اختر صاحب کی قیادت میں جماعت اسلامی کے وفد نے ضلعی چیف الیکشن کمشنر جناب اشفاق احمد صاحب سے ان کے ضلعی دفتر تونسہ شریف میں ملاقات کی۔

ملاقات کے دوران نئی حلقہ بندیوں، بلدیاتی انتخابات اور نئے بلدیاتی نظام کے مختلف پہلوؤں پر تفصیلی تبادلۂ خیال کیا گیا۔ ضلعی چیف الیکشن کمشنر نے وفد کو نئی حلقہ بندیوں اور بلدیاتی نظام کے حوالے سے جامع بریفنگ دی اور مختلف امور پر تفصیلی معلومات فراہم کیں۔

جماعت اسلامی کا وفدجسمیں امیرتحصیل ڈاکٹر حافظ محمد رفیق صاحب نائب امیر ضلع نعیم اللہ عاربی ایڈووکیٹ۔ڈپٹی سیکرٹری مظہر محمود ایڈووکیٹ اور ضلعی صدر کسان بورڈ اعجاز حسین بلوچ شامل تھے جماعت اسلامی کا وفد جناب اشفاق احمد صاحب ضلعی چیف الیکشن کمشنر کا تہہ دل سے مشکور ہے کہ انہوں نے نہایت خوش اسلوبی سے رہنمائی کرتے ہوئے تمام سوالات کے تسلی بخش جوابات دیے۔ ہم امید کرتے ہیں کہ شفاف، منصفانہ اور عوامی مفادات کے مطابق بلدیاتی نظام کے قیام سے مقامی سطح پر عوامی مسائل کے حل میں بہتری آئے گی۔

01/06/2026

تونسہ شریف - گورنمنٹ ایسوسی ایٹ کالج آف کامرس تونسہ شریف میں نئے پرنسپل صفدر علی حیدر کلاچی کو تعینات کردیا گیا ہے جنہوں نے چارج سنبھال کر کام شروع کر دیا ہے نئے پرنسپل صفدر علی حیدر کلاچی کا تعلق تونسہ کی کلاچی فیملی سے ھے نئے پرنسپل ایک بااصول با اخلاق اور میرٹ پسند افسیر ہیں جبکہ فضل حسین چچہ پٹھان ریٹائرڈ ہوگے ہیں جہنوں نے چارج چھوڑ دیا ھے اس موقع پر صدر پریس کلب تونسہ ملک ظفراقبال - فضل حسین چچہ پٹھان۔ یوسف اقبال خان بھی موجود تھےجبکہ دوستوں نے نئے تعینات ہونے والے پرنسپل صفدرعلی حیدر کلاچی کو مبارک باد دی ہے