Sindhi Channel

09/10/2025

09/10/2025

ڌرتيءَ جي ڌيءَ ۽ ڦري ويل ٻڪري

هڪ هٿ ۾ ڪڪڙ، ٻئي هٿ ۾ لٺ، مٿي تي ٻه فُٽ جو ڦاٽل پيلو رئو، ڪنڌ ۾ ڪنڊڙو، ۽ اکين ۾ بي وسيءَ جو بار — ٻنيءَ ۾ بيٺل هي ڌنار ڇوڪري ميهڙ جي ڌرتيءَ جي آهي۔

ڪالهه هن جي اکين آڏو ئي چورن سندس هڪڙي ٻڪري ڦري کڻي وئي۔ ٻڪري ڇا وئي، ڄڻ سندس سيني مان دل هلي ويئي۔ اکين مان ڳوڙها ٽپا ڏيئي وهي پيا، پر دانهن ڏيڻ لاءِ ڪو نه هو، ٻڌڻ وارو ڪو نه۔

هن جي هٿ ۾ لٺ ۽ ڪڪڙ بدران قلم ۽ ڪتاب هجڻ گهرجن ها، پر نصيبن کيس اهو به نه ڏنو، ۽ هاڻي ٻڪري به هتان کسي وئي۔ هي ماڻهو ڪيڏا بي رحم ٿي ويا آهن، جن وٽ نه رحم رهيو، نه احساس۔

هي معصوم ڇوڪري نه ٿاڻي تي دانهن ڏيڻ جيترا پئسا رکي ٿي، نه پريس ڪانفرنس ڪرڻ جيترو وس۔ هن وٽ صرف ڳوڙها آهن، جيڪي سندس ڳلن تي لڙهي، ميلن ڪپڙن ۾ لڪجي وڃن ٿا، ۽ اسين بس ڏسندا رهجي وڃون ٿا۔

هي منظر رڳو ميهڙ جي ڪنهن ٻنيءَ جو نه آهي — هي ته سڄي سنڌ، سڄي ڌرتيءَ جي حقيقت آهي، جتي معصوميت، غربت ۽ بي وسي گڏجي هڪ سوز ڀريو داستان بڻجي چڪا آهن۔

سماج جي بي حسي جو اهو عالم آهي جو چوري ٿيل ٻڪريءَ سان گڏ هن نياڻيءَ جو بچپن، سندس خواب ۽ اميدون به ڦري ويون۔ ۽ رياست، جيڪا تحفظ ڏيڻ لاءِ آهي، اڃا تائين خاموش آهي۔

ڇا اهو وقت نه اچي ويو آهي جو اسين انهن نياڻين لاءِ آواز اٿاريون؟ جن جي هٿن ۾ لٺ جي جاءِ تي قلم هجڻ گهرجي، ۽ جن جي اکين ۾ ڳوڙهن بدران خواب چمڪڻ گهرجن؟

شايد اهو ڏينهن تڏهن ايندو، جڏهن هي ڌرتي پنهنجي هر ڌيءَ کي اهو حق ڏئي سگهندي، جيڪو هن جو آه — تعليم، عزت ۽ تحفظ۔
اُن ڏينهن تائين، هيءَ ڌنار ڇوڪريءَ جي ڪهاڻي اسان سڀني جي ضمير تي قرض بڻيل رهندي۔

28/09/2025

25/09/2025

هڪ تصوير ٻه ڪھاڻيون..
ڏيکاريل نوٽيفڪيشن ۾ واضح لکيل آهي ته 31 جولائي کانپوءِ رٽائرڊ ٿيندڙ ملازمن کي %63 جي بجاءِ صرف %15 پينشن مراعتون ملنديون جڏهن ته وزيراعلي سنڌ ميٽنگ ۾ بلاول ڀٽو کي ٻڌائي رهيو آهي ته ڪابه ڪٽوتي ڪونه ٿي ٿئي بس ملازم جذبات ۾ جيئي ڀٽو جو نعرو هڻڻ لاءِ روڊن تي نڪتا آهن..

24/09/2025

اڙي جاھل وڏيرا توکي ڪھڙي خبر سنڌ جا شاگرد ڪھڙن ڏک تڪليفن ۾ بکون ڪاٽي تعليم پراين ٿا پرأڊو گاڏين ۾ چڙھي انھن جي تزليل ٿو ڪرين .باري پتافي خلاف سڄي سنڌ کي سراپا احتجاج ٿيڻ گھرجي وري ڪنھن جاھل وڏيري کي ھمت نه ٿئي مظلوم شاگرد کي چماٽ ھڻڻ جي.

03/07/2025

هُن پوتيءَ جي پاندن مان
سڀ سڱ سياپا ڇوڙيا

گهر کان درياھ تائين
پيرن جي جُتيءَ سان
بيوسيءَ جو پنڌ ڪيائين

پوءِ ڌيءَ "ڀليءَ" جو
نرڙُ چميائين

۽ ڪُمھلِي درياھ ۾ لھِي وئي

چون ٿا
هوءَ ڪنڌيءَ تي
پوتي ۽ ٻہ پادر ڇڏيائين

وقت ايندو
انھيءَ پوتيءَ مان
پرچم ٺھندو

۽ پادر
حڪمرانن جي منھن تي لڳندا.

-- علي آڪاش

25/05/2025

گدڙ چڙھيا گھوڑي تي, لومڙين لوڏي ٻانهن،
بندر بڻيا بادشاھ, قاضي بڻيا ڪانء،
ڪنھن کي ڏجي دانھن؟
منصف ۽ منافق سڀيئي گڏ ٿيا.

21/12/2024

Adh Qalandar Chokri - Saif Samejo (SLF 2023)

21/12/2024

Musafir Mann - Saif Samejo (SLF 2023)