17/09/2026
ضلع اورکزئی: مین روڈ یا تعمیراتی سامان کا گودام؟ 🤓
ضلع اورکزئی کے مختلف علاقوں میں مین روڈ کے کناروں اور بعض مقامات پر سڑک کے درمیان باجری، کرش، اینٹیں اور دیگر تعمیراتی سامان پڑا ہوا ہے، جس کے باعث سڑک کی روانی متاثر ہو رہی ہے اور شہریوں کو شدید مشکلات کا سامنا ہے۔
یہ راستے عوام کے لیے ہیں، مگر جگہ جگہ تعمیراتی سامان کے ڈھیر ٹریفک میں رکاوٹ، حادثات کے خطرے اور سڑک کی مزید خرابی کا سبب بن رہے ہیں۔ موٹر سائیکل سوار، بزرگ، بچے اور روزانہ سفر کرنے والے افراد ان مشکلات سے براہِ راست متاثر ہو رہے ہیں۔
انتظامیہ سے پُرزور اپیل ہے کہ عوامی مشکلات کا فوری نوٹس لیا جائے، مین روڈ سے باجری، کرش، اینٹوں اور دیگر رکاوٹوں کو ہٹایا جائے اور سڑک کے کناروں کو صاف رکھنے کے لیے مؤثر اقدامات کیے جائیں۔
عوام پہلے ہی ٹوٹی پھوٹی سڑکوں اور سفری مشکلات سے پریشان ہیں، خدارا ان کے سفر کو مزید مشکل نہ بنایا جائے۔
یہ سڑکیں صرف راستے نہیں، بلکہ ہزاروں لوگوں کی روزمرہ زندگی، روزگار اور آمدورفت کی بنیادی ضرورت ہیں۔
