https://www.facebook.com/100668699585714/

Factrology, Toba Tek Singh (2025)

03/03/2023

الیکشن کمیشن نے پنجاب میں انتخابات کیلئے 30 اپریل سے 7 مئی تک تاریخیں تجویز کر دیں۔

نجی ٹی وی ڈان نیوز کے مطابق چیف الیکشن کمشنر سکندر راجہ کی زیر صدارت اجلاس ہوا جس میں ممبران اور سینئر افسران نے شرکت کی، اجلاس میں کئے گئے فیصلے کے تحت پنجاب کے انتخابات کی تاریخیں تجویز کر دی گئی ہیں۔
اس حوالے سے الیکشن کمیشن نے صدر مملکت عارف علوی اور گورنرز کو خطوط ارسال کر دیئے۔صدر کو خط میں الیکشن کمیشن کی جانب سے کہا گیا ہے کہ صدر مملکت کے تاریخ کے انتخاب کے بعد الیکشن کمیشن اپنے آئینی و قانونی فرائض انجام دینے کیلئے تیار ہے۔

28/02/2023

عدالت نے رجسٹرار سپریم کورٹ کو تمام ریکارڈ سمیت فوری طورپرطلب کرلیا۔

جسٹس قاضی فائزعیسیٰ کا کہنا تھا کہ میں سپریم کورٹ کا جج ہوں، 5 سال تک چیف جسٹس بلوچستان ہائی کورٹ بھی رہ چکا ہوں، ہم چاہتے ہیں شفافیت ہونی چاہیے، اگر رجسٹرار کیس ایک سے دوسرے بینچ میں لگا دے تو شفافیت کیسے ہوگی؟

جسٹس فائز عیسیٰ کا کہنا تھا کہ ایسا لگتا ہےکہ ایک رجسٹرار تو میرے جیسے جج سے بھی زیادہ طاقتور ہے، میں 2010 کے کیس نہیں سن سکتا کیوں کہ کیسز رجسٹرار سماعت کے لیے مقرر کرتا ہے، کیا میں فون کرکے رجسٹرارکویہ کہہ سکتا ہوں کہ فلاں کیس فلاں بینچ میں لگادیں؟

جسٹس فائز عیسیٰ نے رجسٹرار سے استفسار کیا کہ مقدمات مقرر کرنےکی کیا پالیسی ہے؟ عدالت نے 2 اپریل 2022 کو رجسٹرار کو حکم دیا تھا کہ مقدمات مقررکرنےکا طریقہ کار طے ہو، رجسٹرار آفس میں مقدمات فکس کرنے سے متعلق شفافیت نام کی کوئی چیز نہیں۔

رجسٹرار سپریم کورٹ کا کہنا تھا کہ چیف جسٹس پاکستان کی منظوری سے ہی مقدمات سماعت کے لیے مقرر ہوتے ہیں۔

جسٹس یحییٰ آفریدی کا کہنا تھا کہ سوال یہ ہے کہ بینچ میں جسٹس حسن رضوی صاحب تھے، بینچ کیوں تبدیل ہوا؟ کیسز فکس کرنےکا کیا طریقہ کار ہے؟

سابق صدر سپریم کورٹ بار امان اللہ کنرانی کا کہنا تھاکہ لوگ پوچھ پوچھ کر تھک گئے ہیں لیکن ہمارے کیسز نہیں لگتے۔

17/02/2023

لاہور قلندرز کے کپتان شاہین آفریدی نے بابراعظم کے حوالے سے محمد عامر کے حالیہ بیان پر حیرانگی کا اظہار کر دیا۔شاہین آفریدی نے کہا کہ بابراعظم نمبر ون کھلاڑی ہیں اور ہم ان کی عزت کرتے ہیں کیونکہ وہ ہمارے کپتان ہیں، اگر ہم بطور کپتان ان کا احترام نہیں کریں گے تو اور کون کرے گا؟

اس سے قبل گزشتہ روز لیگ سپنر یاسر شاہ نے محمد عامر کو تنقید کا نشانہ بناتے ہوئے کہا تھا کہ بلے باز کو پویلین کی راہ دکھانے کیلئے باولر کو صرف ایک اچھی گیند پھینکنے کی ضرورت ہوتی ہے لیکن غلط الفاظ کا انتخاب ضروری نہیں، عامر کو خود پر بھروسہ ہے تاہم اسے اس بات کا احساس کرنا چاہیے کہ بالر کا بھی برا دن ہوتا ہے۔
واضح رہے کہ کراچی کنگز اور پشاور زلمی کے میچ سے قبل محمد عامر نے بیان دیا تھا کہ میرا کام وکٹ لینا اس سے قطع نظر کون سا بلےباز کریز پر موجود ہے، خواہ وہ بابراعظم ہوں یا کوئی ٹیل اینڈر! بالنگ کروانا یکساں ہے۔

16/02/2023

ولادت باسعادت حضرتِ علی المرمتضیٰ کے سلسلہ میں فیصل آباد کے علاقہ علامہ اقبال کالونی میں محفلِ پاک منعقد کی گئ۔ جس میں پیِر حماد شاہی صاحب اور دیگر اہم شخصیات نے شرکت کی۔
آخر میں ملکِ پاکستان کی خیر کیلۓ دعا بھی کی گئ۔

منجانب: انجمن سرفروشانِ اسلام رجسٹرڈ پاکستان(1976).

16/02/2023

عمران خان کی جانب سے صدرکو لکھے گئے خط میں کہا گیا ہےکہ چند روز کے دوران عوامی سطح پر نہایت ہوشربا انکشافات ہوئے ہیں، معلومات سے واضح ہوتا ہے کہ جنرل باجوہ اپنے حلف کی خلاف ورزی کے مرتکب ہوئے، جنرل باجوہ نے صحافی سے اعتراف کیا کہ 'ہم عمران خان کو ملک کے لیے خطرہ سمجھتے تھے'، جنرل باجوہ نے یہ بھی اعتراف کیا کہ 'عمران خان اقتدار میں رہے تو ملک کو نقصان ہوگا'، تحقیق کی جائے کہ جنرل باجوہ کے استعمال کیےگئے اس 'ہم' سے کیا مراد ہے۔
عمران خان کا کہنا ہےکہ جنرل باجوہ کویہ اختیار کس نے دیا کہ منتخب وزیراعظم سے متعلق فیصلہ کریں، فیصلہ صرف عوام کا ہے کہ وہ کسے وزیراعظم منتخب کرنا چاہتے ہیں، جنرل باجوہ کا خودکو فیصلہ ساز بنانا آئین کے آرٹیکل 244 کی صریح خلاف ورزی ہے، جنرل باجوہ کا خود کو فیصلہ ساز بنانا آئین میں تیسرے شیڈول میں درج حلف کی خلاف ورزی ہے۔

عمران خان کا کہنا ہے کہ جنرل باجوہ نے اپنی گفتگو میں نیب کو کنٹرول کرنے کا دعویٰ بھی کیا، جنرل باجوہ نے تسلیم کیا کہ انہوں نے شوکت ترین کے خلاف نیب کا مقدمہ ختم کرایا، جنرل باجوہ کا یہ دعویٰ بھی حلف کی صریح خلاف ورزی ہے، آئین کے تحت افواج پاکستان وزارتِ دفاع کے ماتحت ڈیپارٹمنٹ ہے، آئینی نظم کے تحت سویلین حکام یا خود مختار ادارے فوج کے ماتحت نہیں۔

عمران خان نے کہا ہےکہ جنرل باجوہ کی وزیراعظم سے گفتگو کی ریکارڈنگز آرمی چیف کے حلف کی سنگین خلاف ورزی ہے، جنرل باجوہ کی وزیراعظم سےگفتگو کی ریکارڈنگز بنیادی انسانی حقوق کی خلاف ورزی ہے، اس سوال کاجواب اہم ہے کہ جنرل باجوہ کیوں اور کس حیثیت و اختیار سے خفیہ بات ریکارڈ کرتے تھے، صدر مملکت اور افواج پاکستان کے سپریم کمانڈر ہونےکے ناطے آپ کی آئینی ذمہ داری ہےکہ آپ معاملے کا فوری نوٹس لیں۔

16/02/2023

وفاقی وزیر داخلہ رانا ثنااللہ نے پرویز الٰہی کی مبینہ آڈیوز کو ملک کی اعلیٰ عدلیہ پر اثرانداز ہونے کی کوشش قرار دے دیا ہے

اسلام آباد میں پریس کانفرنس کرتے ہوئے وزیر داخلہ نے بتایا کہ انہوں نے ایف آئی اے کو حکم دیا کہ پرویز الٰہی کی آڈیو کا فرانزک کرکے پرویز الٰہی کو گرفتار کیا جائے ۔ رانا ثنااللہ نے چیف جسٹس آف پاکستان سے بھی معاملے کا نوٹس لینے کا مطالبہ کیا ہے ۔
وفاقی وزیر داخلہ کا کہنا ہے کہ آڈیو میں پرویز الٰہی محمد خاں بھٹی کاکیس مخصوص جج کے پاس لگوانے کی کوشش کر ہے ہیں ، عمران خان اور ان کے حواریوں نے نظام عدل کو مذاق بنا دیا ہے ، ان کے خلاف سخت کارروائی ہونے چاہئے۔
عمران خان کی درخواست ضمانت پر بات کرتے ہوئے ان کا کہنا تھا کہ عدالت کو ناصرف ان کی درخواست خارج کرنی چاہیے بلکہ ان کے خلاف کارروائی کا حکم بھی دینا چاہیے ۔

انہوں نے کہا کہ اس سے قبل بھی شوکت ترین کی جو آڈیوز لیک ہوئی تھیں اس میں وہ ملک کو ڈیفالٹ کرانے کی کوشش کر رہے تھے ۔

16/02/2023

پاکستان مسلم لیگ ن کے رہنماﺅں نے مریم نوازاور شہباز شریف سے رابطے کرکے اسحاق ڈار کی پالیسیوں پر سخت تنقید کی ہے ۔

ڈان نیوز کے مطابق مسلم لیگ ن کے رہنماحالیہ”منی بجٹ“ سے ناخوش ہیں اور انہوں نے اپنی ناراضگی کا اظہار پارٹی قیادت کے سامنے بھی کیا ہے ، پارٹی رہنماﺅں کا کہنا ہے کہ مہنگائی کے طوفان کے باعث عوامی ردعمل کا سامنا ہے ان حالات میں انتخابات ہوئے تو پارٹی کو ناقابل تلافی نقصان ہوگا ۔ انہوں نے کہاکہ ہم معیشت کے بیانیے پرحکومت میں آئے تھے لیکن بدقسمتی سے نہ معیشت ٹھیک ہوئی اور نہ ہی عوام کو ریلیف ملا۔

15/02/2023

لاہور ہائیکورٹ نے عمران خان کی عبوری ضمانت کی درخواست کو مستر د کردیا ہے

لاہور ہائیکورٹ میں عمران خان کی جانب سے الیکشن کمیشن کے باہر ہنگامہ آرائی کے کیس میں عبوری ضمانت کے لیے درخواست دائر کی گئی تھی ، عدالت نے عمران خان کو عدالت میں پیش ہوئے بغیر ضمانت دینے سے انکار کردیا ہے ۔
عدالت کا کہنا ہے کہ اگر عمران خان کو سیکیورٹی خدشات ہیں تو آئی جی پنجاب انہیں سیکیورٹی فراہم کریں اور اگر وہ چل نہیں سکتے تو انہیں ایمبولینس میں لے کر آیا جائے ۔
لاہور ہائیکور کا کہنا ہے کہ عمران خان ماضی میں متعدد بار عدالت میں پیش ہونے کا موقع دیا گیا ہے لیکن وہ پیش نہیں ہوئے،

15/02/2023

پٹرولیم مصنوعات کی قیمتوں میں 32.84 روپے فی لیٹر تک اضافے کا امکان ہے ۔

نجی ٹی وی ایکسپریس نیوز کے مطابق حکومت کی طرف سے آج رات سے پٹرولیم مصنوعات کی قیمتوں میں 12.8 فیصد اضافہ متوقع ہے جب کہ نئی قیمتیں فروری کے اگلے 15 دنوں کے لیے موثر ہونگی۔روپے کے مقابلے میں ڈالر کی قدر اور پٹرولیم مصنوعات پر لگائے گئے ٹیکسوں کو دیکھتے ہوئے پٹرول کی قیمت32.07 روپے ،ہائی اسپیڈ ڈیزل کی 32.84 روپے فی لٹر تک بڑھائی جاسکتی ہے۔
اسی طرح مٹی کے تیل کی قیمت میں 28.05 روپے ،لائٹ ڈیزل 9.90 روپے لیٹر تک مہنگا ہوسکتا ہے۔اس وقت پٹرول کی قیمت 249.80 روپے لٹر جبکہ ہائی اسپیڈ ڈیزل کی295 روپے لٹر، مٹی کے تیل کی 189.83 روپے جبکہ لائٹ ڈیزل کی 187 روپے فی لٹر ہے
ڈالر ریٹ اور اس پر لیوی کے حساب سے پٹرول کی نئی قیمت 281.87 روپے، ہائی سپیڈ ڈیزل کی 295.64 روپے ،مٹی کے تیل کی 217.88 روپے اور لائٹ ڈیزل کی 196.90 روپے فی لٹر تک جاسکتی ہے

12/02/2023

امریکی نشریاتی ادارے "وائس آف امریکا" کو دیے گئے انٹرویو میں عمران خان کا کہنا تھا کہ فوج کی تمام پالیسیوں کا انحصارصرف ایک فرد کی شخصیت پر ہوتا ہے، ان کی حکومت اور جنرل باجوہ کے مثبت تعلقات سے ان کی حکومت کو پاک فوج کی منظم حمایت حاصل رہی، باجوہ اور ان کی حکومت کے مسائل تب پیدا ہوئے جب باجوہ نے ملک کے چند بڑے مجرموں کی حمایت کی۔

عمران خان نے دعویٰ کیا کہ باجوہ چاہتے تھے کہ پی ٹی آئی کی حکومت چوروں کی کرپشن معاف کرکے ان کے ساتھ مل کر کام کرے۔

عمران خان نے یہ بھی دعویٰ کیا کہ باجوہ کے شہباز شریف کے ساتھ قریبی تعلقات تھے، باجوہ اور شہباز شریف کے تعلقات کے نتیجے میں رجیم چینج آپریشن کی راہ ہموارہوئی۔

عمران خان نے کہا کہ عوام کی منتخب حکومت کے پاس ذمہ داری کے ساتھ اختیارات بھی ہونے چاہئیں، اختیار آرمی چیف کے پاس ہو اور ذمہ داری وزیراعظم کے پاس تو نظام نہیں چل سکتا۔

سابق وزیراعظم کا کہنا تھا کہ پاکستان اس وقت دہشت گردی کے خلاف ایک اور جنگ کا متحمل نہیں ہوسکتا، جب طالبان نے افغانستان کی حکومت سنبھالی تو 30 سے 40 ہزار مہاجرین پاکستان بھیجنےکا فیصلہ کیا، ہمارے لیے ان کی دوبارہ آباد کاری بڑا چیلنج تھا لیکن حکومت ختم ہونے کی وجہ سے یہ کام مکمل نہ ہوسکا، نئی حکومت کی غفلت سے دہشت گردی نے ایک بار پھر سر اٹھانا شروع کردیا ہے۔

ان کا مزید کہنا تھا کہ بین الاقوامی تعلقات کی بنیاد کسی کی ذاتی انا پر نہیں بلکہ ملکی مفادات پر ہونی چاہیے، پاکستان کے لوگوں کا مفاد اس میں ہے کہ ہمارے امریکا کےساتھ بہترین تجارتی تعلقات ہوں۔

12/02/2023

پنجاب حکومت نے ہڑتال پر اکسانے والی 12 فلور ملز کا گندم کا کوٹا معطل کردیا۔

سیکرٹری خوراک پنجاب کا کہنا ہے کہ بلیک میلنگ میں نہیں آئیں گے۔

دوسری جانب کراچی، لاہور، پشاور اور کوئٹہ سمیت مختلف شہروں میں مرغی کی قیمت میں بھی اضافہ ہوگیا۔

ایک کلو چکن کی قیمت 600 روپے سے بھی اوپر ہوگئی۔

12/02/2023

امن دشمنوں کا ٹانک میں دہشت گرد حملہ پسپا کر دیا گیا ، آمنے سامنے 15 منٹ فائرنگ کے بعد دہشت گرد بوکھلاہٹ کا شکار ہو کر بھاگ گئے، کوئی جانی نقصان نہیں ہوا۔

نجی ٹی وی سما نیوز کے مطابق ٹانک میں واقع تھانے پر گذشتہ روز (11 فروری) دہشت گردوں نے بھاری اسلحے کے ساتھ حملہ کر دیا تاہم پولیس نے فوری کارروائی کرتے ہوئے بھرپور مقابلہ کیا جس کے باعث دہشت گردوں کے چھکے چھوٹ گئے اور فرار ہونے میں عافیت جانی۔

Factrology

03/03/2023

28/02/2023

17/02/2023

16/02/2023

16/02/2023

16/02/2023

16/02/2023

15/02/2023

15/02/2023

12/02/2023

12/02/2023

12/02/2023

Address

Telephone

Website

Alerts

Contact The Business

Shortcuts

Share

Category