PRP UAF TTS

09/07/2025

01/07/2025

👈خوشخبری📢 زرعی یونیورسٹی کیمپس ٹوبہ ٹیک سنگھ میں داخلوں کے پہلے انٹری ٹیسٹ کی آنلائن رجسٹریشن کی تاریخ میں توسیع
آخری تاریخ👈 4 جولائی 2025

27/06/2025

زرعی یونیورسٹی کانسٹیٹیونٹ کالج ٹوبہ ٹیک سنگھ ضلع بھر کے تمام تعلیمی اداروں میں نمایاں مقام رکھتا ہے ۔
(پروفیسر ڈاکٹر ذوالفقار علی، وائس چانسلر)

ان خیالات کا اظہار زرعی یونیورسٹی فیصل آباد کے وائس چانسلر پروفیسر ڈاکٹر راؤ ذوالفقار علی نے مورخہ 25 جون کو کانسٹیٹیونٹ کالج ٹوبہ ٹیک سنگھ کے دورہ کے دوران کیا۔

اس موقع پر پرنسپل پروفیسر ڈاکٹر ضیاء الرحمن نے فیکلٹی اور اسٹاف کے ہمراہ وائس چانسلر کا پرتپاک استقبال کیا۔

معزز وائس چانسلر کو کیمپس میں جاری نصابی و ہم نصابی سرگرمیوں کے حوالے سے بریفینگ دی گئی۔
تقریب کا باقاعدہ آغاز تلاوت کلام اور نعت رسول مقبول صلی اللّٰہ علیہ وآلہ وسلم سے کیا گیا۔سٹیج سیکرٹری کے فرائض ڈاکٹر محمد فاروق خالد نے سر انجام دیے۔ پرنسپل پروفیسر ڈاکٹر ضیاء الرحمن نے معزز مہمان خاص کو کیمپس کے حوالے سے اپنے استقبالیہ خطاب میں کہا۔ کیمپس میں طلباء کی تعداد میں سالانہ بتدریج اضافہ ہو رہا ہے۔جس سے کیمپس کی ضلع بھر میں تعلیمی اعتبار سے اہمیت بڑھتی جا رہی ہے ۔ انہوں نے کیمپس کے انفراسٹرکچر میں اضافہ کے حوالے سے بھی آگاہ کیا۔ جس میں نئے کلاس رومز اور دفاترز کے حوالے سے آ گاہی دی ۔ انہوں نے ادارہ ہذا کو پنجاب گورنمنٹ کی طرف سے دی جانے والی 62 ایکڑ زرعی اراضی کے حوالے سے بھی بتایا۔
کیمپس میں طلباء کی رہائشی سہولیات، ہاسٹلز ،ڈسپنسری، ٹرانسپورٹ اور رواں سال میں ہونے والے داخلوں کے انتظامات کے حوالے بھی معزز وائس چانسلر کو آگاہ کیا ۔
تقریب سے خطاب کرتے ہوئے وائس چانسلر پروفیسر ڈاکٹر راؤ ذوالفقار علی نے پرنسپل ، فیکلٹی اور اسٹاف کو کیمپس میں کیے جانے والے اقدامات پر ان کی کاوشوں کو سراہا۔ طلباء کی بڑھتی ہوئی تعداد اس کیمپس کی کامیابی کا منہ بولتا ثبوت ہے۔ انہوں نے طلباء کو تعلیمی سرگرمیوں کو مزید بہتر بنانے کیلئے ہر قسم کی سہولیات میسر کرنے کی مکمل یقین دہانی کروائی۔ طالبات کے لیے نئے گرلز ہاسٹلز، سمارٹ کلاس رومز ، کانفرنس ہال اور سپورٹس کی سہولیات کو مزید بہتر بنانے کی یقین دہانی کروائی۔ انہوں نے اسٹاف کی رہائشوں میں اضافے اور ملازمین کو درپیش مسائل کو حل کرنے کے حوالے سے احکامات صادر فرمائے ۔ انہوں نے کہا ٹوبہ ٹیک سنگھ کیمپس کا بطور وائس چانسلر ان کا یہ پہلا دورہ ہے۔ اور اس لحاظ سے وہ پورے ضلع کے طلباء کی تعلیمی سہولیات کو بہتر بنانے کے لیے پُرعزم ہیں۔
معزز وائس چانسلر نے طلباء سے بھی خطاب کیا۔ انہوں نے کہا طلباء ہی ہمارا اصل اثاثہ ہیں۔ اور وہ اپنا تعلیمی سفر مکمل کرکے ناصرف اپنے لیے بلکہ ملک وقوم کی خدمت کر سکتے ہیں،
وائس چانسلر پروفیسر ڈاکٹر ذوالفقار علی نے دفاتر ، کلاس رومز، لیبارٹریز، ہاسٹلز اور کیمپس کو ملنے والی نئی زرعی اراضی کا بھی دورہ کیا۔ بعد ازاں انہوں نے سٹی کیمپس کا بھی دورہ کیا۔اس دوران پرنسپل پروفیسر ڈاکٹر ضیاء الرحمن ، پرنسپل آفیسر/ ڈائریکٹر فارمز پروفیسر ڈاکٹر شاہد ابن ضمیر ، ایسوسی ایٹ پروفیسر ڈاکٹر محمد فاروق خالد، کنوینر پی آر پی ڈاکٹر محمد عون اور دیگر سٹاف بھی موجود تھے۔

27/06/2025

زرعی یونیورسٹی فیصل آباد کے وائس چانسلر پروفیسر ڈاکٹر راؤ ذوالفقار علی کا مورخہ 25 جون کو کانسٹیٹیونٹ کالج ٹوبہ ٹیک سنگھ کا دورہ۔

17/06/2025

Admissions Open 2025-26

11/06/2025

زرعی یونیورسٹی فیصل آباد کانسٹیٹونٹ کالج ٹوبہ ٹیک سنگھ میں سال 26ـ2025کے داخلوں کا آغاز ہوگیا ہے ۔
زرعی یونیورسٹی فیصل آباد کے وائس چانسلر پروفیسر ڈاکٹر راؤ ذوالفقار علی کی ہدایات پر زرعی یونیورسٹی کانسٹیٹونٹ کالج ٹوبہ ٹیک سنگھ میں داخلوں کا آغاز ہوگیا ہے ۔ داخلہ آگاہی مہم کے سلسلہ میں ضلع بھر کے الیکٹرانک اور پرنٹ میڈیا نمائندگان کے ساتھ ایک نشست کا اہتمام کیا گیا۔ نشست کی صدارت پرنسپل پروفیسر ڈاکٹر ضیاء الرحمن نے کی۔اس موقع پر کنوینر ایڈمشن ڈاکٹر محمد فاروق خالد، کنوینر پی آر پی ڈاکٹر محمد عون ،ضلع بھر کے معزز میڈیا نمائندگان اور فیکلٹی ممبران نے شرکت کی۔ تقریب کا آغاز تلاوت قرآن پاک اور نعت رسول مقبول (ص) سے کیا گیا۔
اس موقع پر پروفیسر ڈاکٹر ضیاء الرحمان نے اپنے خطاب میں زرعی یونیورسٹی فیصل آباد کانسٹیٹونٹ کالج ٹوبہ ٹیک سنگھ کا تعارف کروایا۔ انہوں نے نشست کے شرکاء کو بتایا کہ زرعی یونیورسٹی کیمپس ٹوبہ ٹیک سنگھ ضلع بھر میں سب سے بڑی درسگاہ ہے۔ جس میں 4000 سے زائد طلباء و طالبات زیر تعلیم ہیں۔ تدریس کے موجودہ دور کے جدید تقاضوں سے ہم آہنگ کوالیفائیڈ فیکلٹی موجود ہے۔کیمپس میں دور دراز کے علاقوں سے آئے طلباء و طالبات کیلئے 3 ہاسٹلز بھی ہیں۔ یونیورسٹی انتظامیہ طلباء کو ٹرانسپورٹ کی سہولت بھی مہیا کر رہی ہے۔ یونیورسٹی جدید تقاضوں کے مطابق علم کی روشنی پھیلا رہی ہے۔ سال 2025 کے داخلوں کا آغاز ہوچکا ہے۔ انڈرگریجویٹ پروگرامز کا 13 جولائی کو پہلا انٹری ٹیسٹ ہو گا،جس کے لے رجسٹریشن کی آخری تاریخ 30 جون ہے جبکہ دوسرا انٹری ٹیسٹ 3 اگست کو ہو گا اور اس کی رجسٹریشن کی آخری تاریخ 28 جولائی ہے۔ کیمپس میں انڈر گریجوایٹ مارننگ پروگرامز میں بی ایس پولٹری سائنس، اینیمل سائنسز، بی بی اے، کیمسٹری، زوالوجی، کمپیوٹر سائنس، ہیومن نیوٹریشن اینڈ ڈائیٹیٹکس اور ایوننگ پروگرامز میں میتھ، باٹنی، فزکس، انگلش، بائیوکیمسٹری اور انفارمیشن ٹیکنالوجی کے شعبہ جات میں داخلے جاری ہیں۔ پوسٹ گریجوایٹ پروگرامز میں پولٹری سائنس، اینیمل نیوٹریشن، زوالوجی، کیمسٹری, ہیومن نیوٹریشن اینڈ ڈائیٹیٹکس اور کمپیوٹر سائنس کے داخلے جاری ہیں۔ جبکہ ویک اینڈ پروگرامزمیں ایم بی اے اور بی ایڈکے داخلے جاری ہیں.پوسٹ گریجوایٹ پروگرامز کا پہلاانٹری ٹیسٹ 22 جون اور دوسرا انٹری ٹیسٹ27 جولائی کو ہوگا۔ انڈر اینڈ پوسٹ گریجوایٹ پروگرامز کے داخلوں کے لیے آن لائن رجسٹریشن کا آغاز ہو چکا ہے۔ عوام الناس کی رہنمائی کے لیے سٹی کیمپس اور نیو کیمپس میں ہیلپ ڈیسک قائم کیے جا چکے ہیں۔ تقریب سے مختلف میڈیا نمائندگان نے بھی داخلوں کی مہم کے حوالے سے خطاب کیا اور داخلہ مہم میں بھرپور کردار ادا کرنے کی یقین دہانی کروائی۔ انہوں نے انتظامیہ کی کاوشوں کو سراہا۔ آخر میں کنوئینر پی آر پی ڈاکٹر محمد عون نے معزز میڈیا نمائندگان کا شکریہ ادا کیا۔

27/05/2025

Postgraduate Admissions 2025-26

20/05/2025

📢 Admission open 2025-26