02/01/2026
کمالیہ: ڈپٹی کمشنر عمر میلہ کا ترقیاتی منصوبوں، صحت و تعلیم اداروں اور جلوس روٹس کا تفصیلی دورہ
وزیر اعلیٰ پنجاب مریم نواز شریف کے ویژن کے تحت ڈپٹی کمشنر ٹوبہ ٹیک سنگھ عمر عباس میلہ نے تحصیل کمالیہ کے مختلف ترقیاتی و عوامی منصوبوں کا دورہ کیا۔
ان کے ہمراہ اسسٹنٹ کمشنر کمالیہ اقراء ناصر اور چیف آفیسر میونسپل کمیٹی علی رضا بھی موجود تھے۔
ڈپٹی کمشنر نے زیرِ تعمیر پیرا فورس آفس کا جائزہ لیتے ہوئے کام مقررہ مدت اور معیار کے مطابق مکمل کرنے کی ہدایت دی۔
13 رجب کے جلوس کے روٹ، سیکیورٹی و ٹریفک پلان کا معائنہ بھی کیا اور امن و امان یقینی بنانے پر زور دیا۔
محمود بھٹی قبرستان میں صفائی مہم کا جائزہ لیتے ہوئے صفائی کے نظام کو مؤثر بنانے کی ہدایت دی گئی۔
ڈپٹی کمشنر نے مریم نواز ہیلتھ کلینک چک نمبر 714 گ ب اور گرلز ہائی سکول کا بھی دورہ کیا، جہاں انہوں نے طبی سہولیات، ادویات کی فراہمی، تعلیمی ماحول اور سائنس لیب کی بہتری پر زور دیا۔
ان کا کہنا تھا کہ عوامی سہولیات کی فراہمی اور اداروں کی بہتری ضلعی انتظامیہ کی اولین ترجیح ہے۔
