11/05/2026
لیہ سے ملتان آنے والی رانا جہاں زیب یورو ایل پی جی گاڑی میں دائرہ دین پناہ کے قریب سلنڈر لیک ہونے کی وجہ سے اچانک آگ بھڑک اٹھی، جس سے گاڑی کو شدید نقصان پہنچا، تاہم اللہ کے فضل و کرم سے کوئی جانی نقصان نہیں ہوا اور تمام مسافروں کو بحفاظت ریسکیو کر لیا گیا۔ ایل پی جی پر چلنے والی غیر معیاری اور غیر محفوظ گاڑیاں چلتے پھرتے میزائل بن چکی ہیں، جو کسی بھی وقت بڑے انسانی المیے کا سبب بن سکتی ہیں۔ لیہ اور بکھر ڈسٹرکٹ انتظامیہ، ٹرانسپورٹ اتھارٹی اور متعلقہ اداروں کو چاہیے کہ وہ ایسے خطرناک اور غیر قانونی سلنڈرز کے خلاف بلا تفریق، سخت اور بے رحم کارروائیاں کریں تاکہ انسانی جانوں سے کھیلنے کا یہ سلسلہ روکا جا سکے۔
