APNA WAH - Lite

07/08/2026

07/08/2026

#خبرِ_غم

علم و حکمت اور دنیائے اسلام کا آفتاب درخشاں
ہزاروں لاکھوں آفتابِ علم و حکمت روشن
کر کے اپنے رب کے حضور پیش ہو گئے

انا للّٰہ وانا وانا الیہ راجعون

حضرت شیخ الحدیث
علامہ پیر سید حسین الدین شاہ کاظمی ضیائی صاحب
بانی و مہتمم گلستان مہر علی جامعہ رضویہ ضیاء العلوم،
سرپرست اعلیٰ تنظیم المدارس اہل سنت پاکستان
واصل بحق ہو گئے ہیں ۔
تقریبآ ایک صدی کی عمر جاوداں سے
پون صدی علم و حکمت کا نور بکھیرتے ہوئے
ہزاروں دینی مراکز اور دانشکدوں کا قیام فرمایا،
دم آخریں تک قال اللہ و قال الرسول کا درس دیا
اعلی اللہ درجتہ فی علیین

نماز جنازہ
کی نماز جنازہ 8 اگست بروز ہفتہ
شام 5 بجے سلطان پور شریف تحصیل حسن ابدال
ضلع اٹک میں ادا کی جائے گی۔

02/08/2026

اسلام آباد G-6 تقریباً ہر روڈ پر بے شمار کنٹینر موجود

31/07/2026

واہ کینٹ کی بیٹی نے وفاقی بورڈ میں پہلی پوزیشن حاصل کر کے تاریخ رقم کر دی

واہ کینٹ کے لیے ایک اور قابلِ فخر اعزاز!

وفاقی تعلیمی بورڈ اسلام آباد (FBISE) کے SSC-II (میٹرک) سالانہ امتحانات 2026 کے نتائج کے مطابق CB Public Girls School & College، آفیسر کالونی، واہ کینٹ کی ہونہار طالبہ فاطمہ زہرہ نے آرٹس گروپ میں 1037 نمبر حاصل کرتے ہوئے ملک بھر میں پہلی پوزیشن اپنے نام کر لی۔

یہ غیر معمولی کامیابی فاطمہ زہرہ کی انتھک محنت، والدین کی بہترین تربیت، اساتذہ کی مخلصانہ رہنمائی اور ادارے کے اعلیٰ تعلیمی معیار کی روشن مثال ہے۔ ان کی یہ شاندار کامیابی واہ کینٹ کے تعلیمی میدان میں ایک اہم سنگِ میل کی حیثیت رکھتی ہے۔
فاطمہ زہرہ نے اپنی اس غیر معمولی کامیابی سے نہ صرف اپنے والدین اور اساتذہ کا سر فخر سے بلند کیا بلکہ پورے واہ کینٹ کا نام بھی قومی سطح پر روشن کر دیا۔ یقیناً ایسی کامیابیاں دیگر طلبہ کے لیے بھی حوصلہ، عزم اور محنت کا پیغام ہیں۔

اپنا واہ کی جانب سے فاطمہ زہرہ، ان کے والدین، اساتذہ، پرنسپل اور CB Public Girls School & College کی پوری انتظامیہ کو دلی مبارکباد پیش کرتے ہیں۔ دعا ہے کہ اللہ تعالیٰ انہیں مستقبل میں بھی مزید کامیابیوں، عزتوں اور اعزازات سے نوازے۔ آمین۔

واہ کینٹ کا فخر — فاطمہ زہرہ

31/07/2026

فیڈرل بورڈ اسلام آباد میٹرک سالانہ امتحانات 2026

واہ کینٹ کے لیے فخر کا لمحہ!

سر سید ہائی اسکول، کیمپس-IV، گدوال واہ کینٹ کی ہونہار طالبہ منتہا فخر نے فیڈرل بورڈ اسلام آباد کے میٹرک سالانہ امتحانات 2026 (سائنس گروپ) میں 1087 نمبر حاصل کرکے ملکی سطح پر تیسری پوزیشن اپنے نام کر لی۔

یہ شاندار کامیابی نہ صرف طالبہ کی شب و روز محنت کا ثمر ہے بلکہ والدین، اساتذہ اور پورے واہ کینٹ کے لیے باعثِ فخر ہے۔

اپنا واہ کی جانب سے منتہیٰ فخر، ان کے والدین، اساتذہ اور سر سید ہائی اسکول کی انتظامیہ کو دلی مبارکباد۔
اللہ تعالیٰ مزید کامیابیاں اور ترقی عطا فرمائے۔ آمین۔

واہ کینٹ کی بیٹی نے ایک بار پھر ثابت کر دیا کہ محنت، لگن اور عزم کامیابی کی ضمانت ہیں۔

31/07/2026

#ٹیکسلا کا محبِ وطن چاچا پاکستانی

24/07/2026

جامع مسجد غوثیہ جلالہ روڈ نواب آباد کے مؤذن صوفی انور صاحب کے بیٹے ضیاء انور شہید ہو گئے ہے ۔ نماز جنازہ صبح 10:00 بجے شہزاد نگر، فیصل ٹاؤن فیز 3 والے قبرستان میں ادا کیا جائے گا۔

12/07/2026

#ٹیکسلا کے محلہ پڑی واہ کینٹ کے علاقے اسلم مارکیٹ میں " #چڑیل" یا سوشل میڈیا کا وہم؟ حقیقت آخر کیا ہے؟

ٹیکسلا: گزشتہ چند روز سے ٹیکسلا کے محلہ پڑی کا نام سوشل میڈیا پر غیر معمولی توجہ کا مرکز بنا ہوا ہے۔ فیس بک، ٹک ٹاک اور واٹس ایپ پر ایک کے بعد ایک پوسٹس، تصاویر اور ویڈیوز شیئر کی جا رہی ہیں جن میں دعویٰ کیا جا رہا ہے کہ علاقے میں مبینہ طور پر "چڑیل" یا "ڈائن" دیکھی گئی ہے، جس نے لوگوں کو زخمی بھی کیا ہے۔ ان پوسٹس نے شہریوں میں خوف، تجسس اور بے یقینی کی کیفیت پیدا کر دی ہے۔
لیکن کیا واقعی ایسا کوئی واقعہ پیش آیا؟
اسی سوال کا جواب جاننے کے لیے اس دعوے کی زمینی سطح پر #تحقیقات کی گئیں۔ متعدد مقامی رہائشیوں سے گفتگو کی گئی، مگر کسی نے بھی اس واقعے کی تصدیق نہیں کی۔ متعلقہ انتظامیہ اور سرکاری ذرائع سے بھی معلومات حاصل کی گئیں، جہاں واضح طور پر بتایا گیا کہ ان کے علم میں اس نوعیت کا کوئی واقعہ نہیں آیا۔ نہ کسی شہری کے زخمی ہونے کی سرکاری اطلاع موصول ہوئی، نہ کسی تھانے میں اس حوالے سے کوئی درخواست درج کرائی گئی، اور نہ ہی کسی ادارے نے ان دعوؤں کی تصدیق کی ہے۔
سوشل میڈیا پر ہر طرف "ڈائن" اور "چڑیل" کی کہانیاں گردش کر رہی ہیں۔ کچھ لوگ ان پر یقین کر رہے ہیں، جبکہ کچھ طنزاً کہہ رہے ہیں کہ شاید مہنگائی کے دور میں اب لوگوں کو ہر سایہ بھی چڑیل دکھائی دینے لگا ہے۔ یہ تبصرے اپنی جگہ، مگر ان کی بھی کوئی آزادانہ تصدیق موجود نہیں۔
وائرل ویڈیو اور تصاویر میں سفید لباس پہنی ایک خاتون دکھائی دیتی ہے، جس کی آنکھوں کو سرخ رنگ میں نمایاں کیا گیا ہے۔ مگر سوال اب بھی برقرار ہے: کیا یہ واقعی ٹیکسلا کے محلہ پڑی کی فوٹیج ہے؟ یا کسی نے سفید لباس پہن کر، یا ویڈیو ایڈیٹنگ کے ذریعے، صرف لوگوں میں خوف و ہراس پھیلانے کی کوشش کی ہے؟ اس کا کوئی مستند ثبوت تاحال سامنے نہیں آیا اب تک کی تمام تحقیقات، مقامی معلومات اور سرکاری ذرائع کی روشنی میں ٹیکسلا کے محلہ پڑی میں چڑیل یا "ڈائن" کے حملے، کسی شہری کے زخمی ہونے یا کسی غیر معمولی واقعے کی کوئی مصدقہ شہادت موجود نہیں۔ سوشل میڈیا پر گردش کرنے والے دعوے فی الحال صرف دعوے ہیں، جن کی کسی ذمہ دار ادارے نے تصدیق نہیں کی..