وزیرستان خبرنامہ، ہمارا عزم سچائی تک رسائی ہے۔
(20)
25/07/2025
وزیرستان کی تاریخ میں پہلی بار نوجوانوں اور طلباء کے لیے ایک نئی امید کی کرن روشن ہوئی ہے۔ ایم پی اے آصف خان کی ولولہ انگیز قیادت میں نوجوانوں کو بااختیار بنانے کے لیے نہایت اہم اور قابلِ ستائش اقدامات اٹھائے گئے ہیں۔ خواہ وہ آئی ٹی اور اسپوکن انگلش کلاسز ہوں، کتب میلہ اور تعلیمی سرگرمیاں، منشیات کے خلاف مہمات، یا ماحولیاتی بہتری کے لیے شجرکاری مہم — ہر پہلو پر عملی کام ہو رہا ہے۔ اس کے ساتھ ساتھ نوجوانوں کے لیے کرکٹ، فٹبال، کراٹے اور باکسنگ جیسے کھیلوں کو فروغ دینا، اور کھیلوں کے میدانوں کو آباد رکھنا، ایک روشن اور صحت مند وزیرستان کا خواب حقیقت بن رہا ہے۔
ان تمام سرگرمیوں کو کامیاب بنانے میں ڈی ایس او تاج وزیر اور ڈی وائی او فاروق کا بھی خصوصی کردار رہا، جنہوں نے ہر ممکن تعاون فراہم کر کے نئی مثال قائم کی۔ شکریہ ایم پی اے آصف خان، آپ کی قیادت میں وزیرستان کے نوجوان آگے بڑھ رہے ہیں اور ہم پُرامید ہیں کہ آپ کے وژن کی روشنی میں وزیرستان کا نام نہ صرف قومی بلکہ بین الاقوامی سطح پر بھی فخر سے چمکے گا۔
وانا : جنوبی وزیرستان لوئر وانا رستم بازار کو تاجر برادری نے اعظم ورسک کے کل کے ہونیوالے واقعہ پر احتجاجاً بند کردیا گیا ،کاروبار سے وابستہ لوگوں نے وانا بازار میں ریلی نکالی ۔ ریلی کے شرکاء نے بینرز اٹھا رکھے تھے جن پر وانا میں امن کی بحالی کے متعلق نعرے درج تھے۔ ریلی کے شرکاء نے کہا کہ ملک سردار علی پر مبینہ دہشتگردی کا حملہ قابلِ مذمت ہے اور ان کے تحفظ کے لئے حکومت ٹھوس اقدامات اٹھانے۔
تاجروں کی اعلان کردہ ریلی بازار کی مین شاہراہ سے ہوتی ہوئی بازار بیچ جلسہ کی شکل اختیار کر گئی، جن سے تاجر برادری کے مقامی رہنماؤں کے علاؤہ بلدیاتی نمائندوں اور سیاسی نمائندوں نے بھی خطاب کیا،مقررین نے کہا،کہ ریاست اپنی رٹ بحال کرنے میں پس و پیش سے کام لے رہی ہے جو ہمیں قبول نہیں۔ ریاست کی ذمہ داری بنتی ہے کہ یہاں کے شہریوں کا تحفظ یقینی بنائے
مقررین نے کہا کہ وزیرستانی پچھلے 22 سالوں سے جنگ کے ماحول میں رہ رہے ہیں اور جنگ کی وجہ سے ہمارے علاقے مکمل طور پر برباد ہوگئے۔ پاک افغان بارڈر انگوراڈہ گیٹ کی طویل بندش کی وجہ سے لوئر وزیرستان کے عوام در بدر کی ٹھوکریں کھانے پر مجبور ہو گئے ہیں اور تنگدستی کے شکار غریب لوگ دو وقت کی روٹی کے لئے ترس رہے ہیں۔
انہوں نے ریاست کے ذمہ داران کو مشورہ دیتے ہوئے کہا،کہ موجودہ مسلط کی گئی جنگ فوری طور پر ختم کرادے اور عوام کو پوری سہولیات دینے کے لئے حقیقی اقدامات اٹھائے۔
مقررین کا کہنا تھا کہ ریاست امن کی بحالی میں ناکام ہو چکی ہے اور ریاستی اداروں کی یہ ناکامی انتشار کی جانب قدم واضح پیغام ہے۔ انھوں نے کہا کہ امریکہ نے قبائلی عوام اور ریاست کے مابین نفرت کا ایسا بیج بویا ہے جس کا ازالہ ناممکن ہے۔
مقررین کا کہنا تھا ،کہ قبائل ملک کے سپاہی تھے لیکن 22 سالہ جنگ کے بعد ان کی حب الوطنی مکمل طور پر ختم ہوگئی ہے، کیونکہ حکمران اور عسکری قیادت دوسروں کی ایماء پر یہ جنگ لڑی رہی ہیں،انہوں نے دوسروں کی ایماء پر اس سر زمین میں جنگ لڑنے سے گریز کرنے کا مطالبہ کیا۔
24/07/2025
صحافی کو پیکا ایکٹ سے مستثنیٰ قرار دے دیا گیا، ترمیمی بل منظور
صحافی پر تشدد، صحافی کو دھمکی اور صحافی کو نقصان پہچانے والے شخص کو 7 سال قید تین لاکھ جرمانہ عائد ہوگا، ترمیمی بل منظور
24/07/2025
ڈاکٹر سائنس اسکول سسٹم دژہ غونڈئی میں طلبہ کی تعلیمی صلاحیتوں کو نکھارنے کےلیے روزانہ پریزنٹیشنز کا سلسلہ شروع کیا گیا ہے۔ اسی سلسلے میں طالب علم امیر حسین وزیر نے "آج کی دنیا کے بڑے مسائل" کے موضوع پر انگریزی زبان میں تفصیلی خیالات کا اظہار کیا۔ اس موقع پر اسکول انتظامیہ نے طلبہ کی اس سرگرمی کو سراہتے ہوئے کہا کہ ایسے اقدامات نوجوانوں میں اعتماد اور آگاہی پیدا کرتے ہیں
19/07/2025
قومی امن جرگہ : عوامی نیشنل پارٹی جنوبی وزیرستان اپر صدر جناب انور حیات محسود صاحب اور جنرل سیکرٹری جنید محسود صاحب کی طرف سے دورے محسود کے تمام مشران اور جنوبی وزیرستان کے تمام سیاسی پارٹیوں کو قامی امن جرگہ 26 جولائی 2025 صبح دس بجے بمقام باچا خان مرکز پشاور میں شرکت کی دعوت دئ جاتی ہے
17/07/2025
متحدہ سیاسی آمن پاسون کے اختجاجی دھرنا میں جماعت اسلامی جنوبی وزیرستان لوئر کے ضلعی امیر اسداللہ بھیر کا میڈیا نمائندوں سے گفتگو کرتے ہوئے ۔۔۔۔
17/07/2025
ڈاکٹر سائنس اسکول دژہ غونڈی کا شاندار تعلیمی کارنامہ، طالب علم امیر حسین وزیر 474 نمبر حاصل کر کے علاقہ کا نام روشن کر دیا
جنوبی وزیرستان لوئر : فیڈرل بورڈ آف انٹرمیڈیٹ اینڈ سیکنڈری ایجوکیشن کے تحت جماعت نہم و دہم کے حالیہ نتائج کا اعلان کر دیا گیا ہے، جس میں ضلع جنوبی وزیرستان لوئر کے معروف تعلیمی ادارے ڈاکٹر سائنس اسکول دژہ غونڈی نے شاندار تعلیمی کارکردگی کا مظاہرہ کرتے ہوئے نمایاں پوزیشن حاصل کی۔
اسکول کے ہونہار طالب علم امیر حسین وزیر نے 520 میں سے 474 نمبر حاصل کر کے نہ صرف اپنے ادارے بلکہ پورے جنوبی وزیرستان لوئر کا سر فخر سے بلند کر دیا۔ امیر حسین کی یہ غیر معمولی کامیابی ان کی علمی لگن، مسلسل محنت اور اساتذہ کی رہنمائی کا نتیجہ ہے۔
کامیابی پر علاقے بھر میں خوشی کی لہر دوڑ گئی، اور عوامی، سماجی و تعلیمی حلقوں کی جانب سے اسکول کے پرنسپل ظہور الدین، تمام اساتذہ کرام، اور طالب علم کے والدین کو دلی مبارکباد پیش کی گئی۔ مقامی رہنماؤں اور عمائدین نے اس کامیابی کو پورے علاقے کے لیے باعثِ فخر قرار دیتے ہوئے کہا کہ یہ کامیابی ہمارے نوجوانوں کے لیے ایک روشن مثال ہے، جو ثابت کرتی ہے کہ وسائل کی کمی کے باوجود محنت، عزم اور نظم و ضبط کے ساتھ غیر معمولی نتائج حاصل کیے جا سکتے ہیں۔ انہوں نے مزید کہا کہ یہ کامیابی جنوبی وزیرستان میں تعلیمی ترقی کی نئی راہیں ہموار کرے گی، اور آنے والے وقتوں میں یہاں سے مزید قابل اور ذہین طلبہ ابھریں گے۔
17/07/2025
متحدہ سیاسی امن پاسون کی جانب سے دیا گیا احتجاجی دھرنا ساتویں روز میں داخل
15/07/2025
جنوبی وزیرستان لوئر میں امن، تجارت اور قدرتی وسائل کے تحفظ کے لیے متحدہ سیاسی آمن پاسون کا دھرنا سے جمیعت علماء اسلام جنوبی وزیرستان لوئر کے ضلعی جنرل سیکرٹری رافیع الدین وزیر کا خطاب
15/07/2025
جنوبی وزیرستان لوئر میں امن، تجارت اور قدرتی وسائل کے تحفظ کے لیے متحدہ سیاسی آمن پاسون کا دھرنا سے ملک ثناء اللہ وزیر کا خطاب
15/07/2025
جنوبی وزیرستان لوئر میں امن، تجارت اور قدرتی وسائل کے تحفظ کے لیے متحدہ سیاسی آمن پاسون کا دھرنا سے جمیعت علماء اسلام شمالی وزیرستان ڈپٹی جنرل سیکرٹری فداء اللہ کا خطاب
Be the first to know and let us send you an email when Waziristan Khabernama posts news and promotions. Your email address will not be used for any other purpose, and you can unsubscribe at any time.
