VON

06/06/2026

05/06/2026

**ووٹر کو جاننے کا حق، امیدوار کو جواب دینے کا حوصلہ ہونا چاہیے**

ریاستی انتخابات کے اس اہم مرحلے میں سٹی پریس کلب کی جانب سے مختلف امیدواروں سے بارہا رابطہ کیا گیا اور انہیں عوامی سوالات و جوابات کے پروگرام میں شرکت کی دعوت دی گئی، تاکہ ووٹرز اپنے امیدواروں کو بہتر انداز میں جان سکیں، ان کے خیالات سن سکیں اور اپنے ذہن میں موجود سوالات کے جواب حاصل کر سکیں۔

آج کے ڈیجیٹل اور سوشل میڈیا کے دور میں صرف جلسوں کے نعروں اور انتخابی پوسٹروں سے ووٹر کی تشنگی دور نہیں ہوتی۔ عوام یہ جاننا چاہتی ہے کہ ان کا امیدوار عوامی مسائل پر کیا سوچ رکھتا ہے، اس کے پاس کیا منصوبہ ہے اور وہ منتخب ہونے کے بعد اپنے وعدوں کو کس طرح پورا کرے گا۔ یہ جاننا ہر ووٹر کا بنیادی جمہوری حق ہے۔

افسوس کہ بعض امیدوار مصروفیات کی آڑ میں، بعض مختلف حیلوں بہانوں کے ذریعے، جبکہ بعض شاید سخت سوالات کے خوف سے اس عوامی مکالمے کا حصہ نہ بن سکے۔ تاہم ہمارا مقصد کسی کو تنقید کا نشانہ بنانا نہیں بلکہ عوام اور امیدواروں کے درمیان رابطے کا ایک مؤثر ذریعہ فراہم کرنا ہے۔

سٹی پریس کلب کا پلیٹ فارم غیر جانبدارانہ طور پر تمام امیدواروں کے لیے یکساں طور پر دستیاب ہے۔ جو امیدوار عوام کے سامنے اپنا مؤقف پیش کرنا چاہتے ہیں، اپنے منشور کی وضاحت کرنا چاہتے ہیں یا ووٹرز کے سوالات کے جواب دینا چاہتے ہیں، ان کے لیے ہمارے دروازے آج بھی کھلے ہیں۔

**جمہوریت صرف ووٹ ڈالنے کا نام نہیں، بلکہ ووٹر کے سوال پوچھنے اور امیدوار کے جواب دینے کا نام بھی ہے۔**

**سٹی پریس کلب — عوام اور قیادت کے درمیان ایک ذمہ دار پل۔**

04/06/2026

شکرگڑھ: بھوانی پور میں نامعلوم افراد کی فائرنگ، 50 سالہ بزرگ قتل

تھانہ شاہ غریب کے علاقے بھوانی پور میں نامعلوم افراد کی فائرنگ سے 50 سالہ بزرگ جاں بحق ہو گیا۔

ذرائع کے مطابق مقتول اپنے کھیتوں میں کام کر رہا تھا کہ نامعلوم ملزمان نے فائرنگ کر دی، جس کے نتیجے میں وہ موقع پر ہی دم توڑ گیا۔

واقعے کی اطلاع ملتے ہی پولیس موقع پر پہنچ گئی اور لاش کو تحصیل ہیڈ کوارٹر ہسپتال شکرگڑھ منتقل کر دیا گیا۔

ایس ایچ او تھانہ شاہ غریب سجاول نواز نے موقع پر پہنچ کر شواہد اکٹھے کرنا شروع کر دیے ہیں، جبکہ پولیس واقعے کی مختلف پہلوؤں سے تحقیقات کر رہی ہے۔

03/06/2026

🚨 دن دیہاڑے ڈکیتی کی واردات

تھانہ ٹپیالہ کی حدود سنکھترہ کے قریب سکنہ عینووالی محمد شریف ولد عطااللہ ڈکیتی کی واردات کا نشانہ بن گئے۔

ذرائع کے مطابق نامعلوم افراد نے محمد شریف سے 4,700 روپے نقدی اور دو موبائل فون چھین لیے۔ واقعہ دن کے وقت پیش آیا جس سے علاقے میں خوف و ہراس پھیل گیا۔

علاقہ مکینوں نے بڑھتے ہوئے جرائم پر تشویش کا اظہار کرتے ہوئے تحفظ کے مؤثر اقدامات کا مطالبہ کیا ہے۔

02/06/2026

Afsos

02/06/2026

ظفروال نارووال روڈ خوفناک حادثہ ۔دو افراد جانبحق

01/06/2026

🚨 نارووال: زمینی تنازع پر افسوسناک واقعہ 🚨

نارووال کے گاؤں چندیاں والی میں زمینی تنازع کے دوران پیش آنے والے افسوسناک واقعے میں نوجوان میاں علی زندگی کی بازی ہار گئے۔

واقعے کے بعد پولیس نے قانونی کارروائی کا آغاز کرتے ہوئے مقدمہ درج کر لیا ہے جبکہ متعلقہ افراد کی تلاش جاری ہے۔

اہلِ علاقہ نے واقعے پر گہرے دکھ اور افسوس کا اظہار کیا ہے۔

📍 گاؤں چندیاں والی، ضلع نارووال

31/05/2026

🚨 لالو کوٹ میں کبڈی میچ کے دوران ہنگامہ، پنڈال میں بھگدڑ

شکرگڑھ کے تھانہ شاہ غریب کے علاقہ لالو کوٹ میں جاری کبڈی میچ کے دوران دو گروپوں کے درمیان تلخ کلامی جھگڑے میں تبدیل ہو گئی۔

مقامی ذرائع کے مطابق کچھ خواتین بھی موقع پر پہنچ گئیں اور ڈنڈوں اور جوتوں کا استعمال کیا گیا، جس کے باعث صورتحال کشیدہ ہو گئی۔ ہنگامہ بڑھنے پر پنڈال میں بھگدڑ مچ گئی اور تماشائیوں میں خوف و ہراس پھیل گیا۔