پریس کلب ظاہرپیر رجسٹرڈ

Home
Pakistan
Zahir Pir
پریس کلب ظاہرپیر رجسٹرڈ

Contact information, map and directions, contact form, opening hours, services, ratings, photos, videos and announcements from پریس کلب ظاہرپیر رجسٹرڈ, News & Media Website, Zahir Pir.

پریس کلب ظاہرپیر رجسٹرڈ ایک آزاد ، خود مختار اور غیر جانب دار ادارہ اور ظاہرپیر و گردونواح کے صحافیوں کا مشترکہ فورم ہے جہاں سے صحافیوں کی فلاح وبہبود ، ظلم و زیادتی کے خلاف جدو جہد اور عوامی مسائل کی درست نشاندہی کرنا بنیادی فرض ہے

19/07/2025

ظاہرپیر میں متحرک چور گینگ کے خلاف پولیس کی پیش رفت

ظاہرپیر میں گینگ بنا کر گھروں میں وارداتیں کروانے والے گروہ کے خلاف تحقیقات کے بعد تھانہ ظاہرپیر پولیس نے سرغنہ سمیت گینگ کے دیگر اراکین کے خلاف باقاعدہ نامزد مقدمہ درج کر لیا ہے۔

چور گینگ کے ایک رکن نے قانون نافذ کرنے والے اداروں کے سامنے انکشاف کیا ہے کہ کہ گینگ کے سرغنہ ان سے شرفاء کے گھروں میں وارداتیں کرواکر سامان آپس میں تقسیم کرتے ہیں ۔

گینگ کی سرپرستی کرنے والے نام نہاد معززین بھی پولیس اور سی سی ڈی کے سامنے بے نقاب ہوگئے ہیں ۔

پولیس تحقیقات جاری ہیں ، بہت سارے دیگر سہولت کاروں کا نام بھی سامنے آرہا ہے جنہوں نے مکرو چہروں پر نقاب چڑھا رکھے ہیں ۔

ڈی پی او رحیم یار خان عرفان علی سموں صاحب اور انچارج سی سی ڈی رحیم یار خان شہنشاہ خان چانڈیہ صاحب سے گزارش ہے کہ اس معاملہ کی اعلی سطحی انکوائری کروائی جائے تاکہ گینگ کے تمام اراکین قانون کی گرفت میں آئیں اور شہر کے لوگ سکون کی نیند سو سکیں ۔

جام احمدزبیر
صدر پریس کلب ظاہرپیر رجسٹرڈ

11/04/2025

کیا پولیس ایسی بھی ہوتی ہے..؟

ہمارے معاشرے میں پولیس کا تاثر اکثر سخت گیر، بے حس اور رشوت خور ادارے کے طور پر ابھرتا ہے۔ عوام کی ایک بڑی تعداد پولیس کو محض طاقت اور قانون کا استعمال کرنے والا ادارہ سمجھتی ہے، جو اکثر بے گناہوں سے سختی کرتا ہے اور غریب کی فریاد کو نظرانداز کر دیتا ہے یہ تصور اس حد تک پختہ ہو چکا ہے کہ جب بھی پولیس کا نام لیا جاتا ہے، ذہن میں خوف، دھونس یا بداعتمادی کا احساس جاگ اٹھتا ہے۔
لیکن تصور حقائق کے برعکس ہے حقیقت یہ ہے کہ اس وردی کے پیچھے بھی انسان ہوتے ہیں، جن کے دل دھڑکتے ہیں، جن میں احساس ہوتا ہے، جو نہ صرف قانون کے محافظ ہوتے ہیں بلکہ ضرورت پڑنے پر انسانیت کے علمبردار بھی بن جاتے ہیں۔

ایسا ہی ایک خوبصورت اور دل کو چھو لینے والا واقعہ تھانہ ظاہرپیر میں پیش آیا، جہاں سب انسپکٹر احمد بن قاسم نے انسانیت کی ایک بے مثال مثال قائم کی۔
واقعہ اس طرح ہے کہ سمیرا، جو اپنے گھر والوں سے بچھڑ کر تھانے پہنچی تھی، خوف و پریشانی کی حالت میں تھی اُس کے چہرے پر ڈر کے سائے تھے، مگر احمد بن قاسم نے نہ صرف اُسے پناہ دی بلکہ اُس کے لیے تھانے کو اسکے لئے ایک محفوظ پناہ گاہ بنا دیا اُنہوں نے سمیرا کو تسلی دینے کے لیے محبت اور نرمی سے بات چیت کی اس سے گپ شپ لگائی اور اُس کا دل بہلانے کی خاطر اور اسکی خوشی کا خیال رکھتے ہوئے اُسے بازار لے گئے وہاں اُنہوں نے سمیرا کے لیے نئے کپڑے اور ایک خوبصورت دوپٹہ خریدا کر دیا ، یقین کریں جب سمیرا نے آئینے میں خود کو نئے کپڑوں میں دیکھا تو اُس کے چہرے پر جو پہلی بار مسکراہٹ آئی یہ ایک ایسی مسکراہٹ تھی جو نہ صرف اُس کے دل کا بوجھ ہلکا کر گئی بلکہ پولیس کے لئے بھی کسی انعام سے کم نہیں تھی ۔

احمد ایک پڑھا لکھا ، خاندانی اور درد دل رکھنے والا نوجوان ہے ، اس نے اپنے اس عمل سے ثابت کیا کہ پولیس محض سزائیں دینے ، سختی کرنے یا مارنے پیٹنے کا محکمہ نہیں بلکہ یہ معاشرے کی خدمت اور انسانیت کی عزت کا بھی پاسبان ہے۔
احمد بن قاسم جیسے نوجوان پولیس افسران ہمارے لیے روشن مثال ہیں، انہوں نے نہ صرف سمیرا جیسی معصوم بچی کو اعتماد اور تحفظ کا احساس دلایا بلکہ پورے معاشرے کو یہ پیغام دیا کہ "پولیس ایسی بھی ہوتی ہے" ۔

اس پوسٹ کو شیئر کریں تاکہ سمیرا جلد اپنے گھر والوں سے مل جائے، اور احمد بن قاسم جیسے افسران کی یہ انسانیت بھری کاوشیں ہمیشہ یاد رکھی جائیں۔

احمدزبیر
صدر پریس کلب ظاہرپیر

01/03/2025

ظاہرپیر( ) پریس کلب ظاہرپیر رجسٹرڈ کی تنظیم سازی مکمل ، سال 2025 کے لئے متفقہ طور پر جام احمدزبیر صدر ، میاں ساجد فرید جنرل سیکرٹری منتخب تفصیل کے مطابق پریس کلب ظاہرپیر(رجسٹرڈ)کی تنظیم سازی برائے سال 2025 کے سلسلہ میں اراکین پریس کلب کا اجلاس زیر صدارت چیئرمین پریس کلب میاں الطاف فرید صاحب پریس کلب میں منعقد ہوا ، کارروائی کا آغاز تلاوت قرآن پاک سے ہوا ، اجلاس میں سابقہ باڈی کی کارکردگی کا جائزہ لیا گیا اور بہترین کارکردگی کو سراہتے ہوئے خراج تحسین پیش کیا گیا ، اجلاس میں سال 2025 کے لئے نئی کابینہ کی تشکیل بارے مشاورت ہوئی اور اراکین پریس کلب ظاہرپیر نے متفقہ طور پر سینئر صحافی جام احمدزبیر کو صدر جبکہ میاں ساجد فرید کو جنرل سیکرٹری منتخب کر لیا گیا ، دیگر عہدیداران میں چیئرمین پریس کلب میاں الطاف فرید ، وائس چیئرمین پریس کلب رئیس شہزاد مصطفیٰ ، سرپرست اعلی زبیر رشید رند ، سرپرست جام راشد اقبال ، سینئر نائب صدر محمد یار خان ، نائب صدور کے لئے ملک اشفاق مانک ، انعم رفیق شکوری ، جام حسن پہوڑ کو منتخب کیا گیا اسی طرح ایڈیشنل جنرل سیکرٹری رئیس نعمان چاچڑ ، فنانس سیکرٹری مبشر فاروق ، سیکرٹری اطلاعات آصف ایوب رند ، جوائنٹ سیکرٹری مدنی ارشد ہاشمی ، آفس سیکرٹری فرحان قاسم جبکہ ترجمان پریس کلب کے لئے سہیل صدیق اعوان کو منتخب کیا گیا ، اسی طرح الیکٹرانک میڈیا کلب ظاہرپیر کے لئے جام آصف اقبال صدر ، سعید خان لولائی سینئر نائب صدر ، نائب صدر اقبال خان رند ، نائب صدر عبید خان ، جنرل سیکرٹری غفار رشید رند منتخب اسی طرح انجمن صحافیاں کے لئے صدر ملک شبیر احمد ، جنرل سیکرٹری مدنی ارشد ہاشمی کا انتخاب کیا گیا اسی طرح مجلس عاملہ کے لئے مستقل ممبران کا انتخاب کیا گیا جن میں میاں الطاف فرید ، رئیس شہزاد مصطفیٰ ، جام احمدزبیر ، رئیس نعمان چاچڑ ، زبیر رشید رند ، میاں ساجد فرید اور جام راشد اقبال کو شامل کیا گیا ۔اس موقع پر نو منتخب صدر پریس کلب جام احمدزبیر نے کہا کہ یہ عہدہ میرے لئے عہدہ کم اور زمہ داری زیادہ ہے پریس کلب ظاہرپیر کو صحافیوں کے دوسرا گھر بنائیں گے اور صحافیوں کی فلاح وبہبود کے ساتھ شہری مسائل اور مظلوم کی امداد کی روائت کو برقرار رکھیں گے جنرل سیکرٹری میاں ساجد فرید کا کہنا تھا کہ موجودہ دور میں صحافت کرنا انتہائی کھٹن ہوچکا ہے اس ماحول میں اپنی زمہ داریوں کو نبھانے کی کوشش کریں گے ، نئی کابینہ کی متفقہ تشکیل پر تمام اراکین نے نو منتخب صدر جام احمد زبیر اور جنرل سیکرٹری میاں ساجد فرید کو مبارک باد دی اور اپنے بھرپور تعاون کا یقین دلایا۔

27/09/2024

ظاہرپیر : جماعت اسلامی ظاہرپیر کی طرف سے القریش کمرشل سینٹر ظاہرپیر کے مقام پر عظیم الشان *سیرت النبیﷺ کانفرنس منعقد کی جا رہی ہے جس کے مہمان خصوصی نائب قیم جماعت اسلامی جنوبی پنجاب مولانا چوہدری محمود بشیر صاحب ہونگے تاهم واضح رہے کہ عظیم الشان سیرت النبی ﷺ کانفرنس آج 27 ستمبر بروز جمعتہ المبارک بعد نماز مغرب منعقد کی جا رہی ہے ۔

03/08/2024

ضلع رحیم یار خان تھانہ سٹی بی ڈویژن رحیم یار خان کی حدود محلہ شاہ نواز کالونی سے پراسرار طورپر نوجوان بچی غائب ، پولیس کی طرف سے معمولی سی ایف آئی آر(مقدمہ نمبر 499/24) کے بعد معاملہ ٹھپ، تا حال بچی نہ مل سکی ۔ورثا نوجوان بچی کی گمشدگی کے غم میں نڈھال ۔
والدین نے ڈی پی او رحیم یار خان کو دہائی دیتے ہوئے ہاتھ جوڑ کر کہا کہ میری بیٹی کو تلاش کرنے میں پولیس میری مدد کرے ۔
والدین نے یہ بھی کہا ہے کہ بچی دماغی طور پر کمزور تھی اگر کسی نے دیکھا ہو تو نیچے دیئے گئے ٹیلی فون نمبر پر رابطہ کر کے اطلاع دیں ۔
03286701799

31/07/2024

میاں ساجد فرید نمائندہ خصوصی ظاہرپیر روزنامہ خبریں بہاول پور ۔آج کی کوریج

06/08/2023

آپ کا سہارہ چاہئے 🙏

تصویر میں نظرآنے والے بزرگ کا نام محمد ابرہیم ہے اور یہ چاچڑاں شریف کا رہائشی ہے ، ایک ٹانگ سے معذور ہے ، انتہائی مستحق اور محبور انسان ہے ۔
ایک طرف گھر میں غربت کے ڈیرے ہیں اوپر سے معذوری کی وجہ سے زندگی بسر کرنا مشکل ہوچکا ہے لکڑی کی دو پھٹیوں کا سہارہ لیکر زمین پر گھسیٹ گھسیٹ کر زندگی گزارنے پر مجبور ہے ، ان کے لئے ایک عدد وہیل چیئر کا بندوبست کرنے کی درخواست ہے ۔

مخئیر دوستوں سے گزارش ہے اس خیر میں اپنا اپنا حصہ ملائیں تاکہ اس ہم سب مل کر اس بزرگ کی زندگی میں آسانی پیدا کرنے کا سبب بن سکیں ۔

اگر کوئی دوست انکی مالی مدد نا کر سکے تو کم از کم اس پوسٹ کو شئیر کرکے اس خیر کی۔ اپنا حصہ ملائے ۔ شکریہ

دعاؤں کا طلبگار
احمدزبیر
ا 03003532700

Address

Zahir Pir

Telephone

03003532700

Website

https://inkeshafnews.wordpress.com/

Alerts

Be the first to know and let us send you an email when پریس کلب ظاہرپیر رجسٹرڈ posts news and promotions. Your email address will not be used for any other purpose, and you can unsubscribe at any time.

Contact The Business

Send a message to پریس کلب ظاہرپیر رجسٹرڈ:

Want your business to be the top-listed Media Company in Zahir Pir?