Скарына

26/08/2026

Вокладкі дзьвюх нашых кніг трапілі ў кароткі сьпіс прэміі імя Міхала Анемпадыстава 🎉

Віншуем і дзякуем Сяргею Шабохіну і Алене Нядзельскай за такія яркія працы!

24/08/2026

У Дзень незалежнасці Украіны (віншуем і зычым перамогі і спакою!) нам вельмі радасна паведаміць, што ўжо зусім хутка Skaryna Press выдасць адну з самых яркіх украінскіх кніг апошняга году — “Хемінгуэй нічога не ведае” Артура Дроня.

Кніга прозы Артура Дроня — часам смешная, часам сумная — несумненна захапляльная. Калі яна выйшла ва Украіне, то адразу стала бестселерам. Аўтару тады было толькі 24 гады. Кніга атрымала прэстыжную прэмію імя Юрыя Шавялёва за найлепшую ўкраінскую кнігу эсэістыкі 2025 года. А сёлета яна выходзіць на дзевяці мовах, у тым ліку — рэдкая сёння з’ява — па-беларуску.

Пасля ўніверсітэта А. Дронь паспеў правесці на працы сваёй мары паўгады. У лютым 2022 г. ён далучыўся да тэрытарыяльнай абароны УСУ. Там, на вайне, ён зразумеў, што ягоны досвед кардынальна адрозніваецца ад досведу ваенных пісьменнікаў мінулага. Пра гэта і кніга — пра іншую вайну.

📚 Кніга выйдзе напрыканцы верасня. Яе можна замовіць (і дапамагчы нам такім чынам дадаць да яе апошнія штрыхі) ужо цяпер.

Здымак Артура Дроня: Wikimedia Commons. Вокладка рыхтуецца.

21/08/2026

Аповесьць „Вельмі лагодная сьмерць“ Сымоны дэ Бавуар — адной з самых яркіх францускіх аўтарак — выходзіць у нашым выдавецтве.

Бескампрамісны тэкст на няпростую тэму страты маці, напісаны так, як гэта бывае ў жыцьці.

І ў працяг тэмы — зборнік эсэ Ўладзіслава Гарбацкага „Сымона дэ Бавуар і Беларусь“.

Дэкаляніялісцкія і фэмінісцкія эсэ пра заўсёдныя складанасьці дыялёгу паміж Беларусьсю і Францыяй.

Пытаньні, якія Сымона дэ Бавуар ставіла па-француску, гучаць аднолькава востра на ўсіх мовах. Гэтая кніга — канцэнтраваныя ўводзіны ў сусьвет мысьляркі і асэнсаваньне ейнай фэмінісцкай, палітычнай і атэістычнай думкі. Дэ Бавуар, прачытаная празь беларускую і агульнаэўрапейскую прызму, паўстае як актуальная суразмоўніца сучаснай Беларусі.

У нашай кнігарні ад панядзелка і ў іншых добрых кнігарнях — неўзабаве.

09/08/2026

Сёньня споўнілася 100 гадоў з дня народзінаў Янкі Запрудніка — аднаго з самых выбітных прадстаўнікоў беларускай паваеннай эміграцыі на Захадзе, гісторыка, палітоляга і журналіста.

У свой час ён адказаў на анкету Ўладзіслава Гарбацкага для ягонага дасьледаваньня фэмінітываў у беларускай мове. Адказ апублікаваны ў манаграфіі У. Гарбацкага “Фэмінізацыя беларускай мовы”. З нагоды юбілею варта падзяліцца дасьціпнымі назіраньнямі Я. Запрудніка:

- Гендарная роўнасьць – зьява заканамерная там, дзе яна спрыяе ўдакладненьню выказванай думкі. Адно з важных заданьняў у гэткім удакладненьні – захаваць мілагучнасьць слова, лёгкасьць вымаўленьня яго. Мноства „фэмінізаваных” назоўнікаў (тэрмін „фэмінізаваны” ў дачыненьні да шмат зь іх чыста рэтраспэктыўны) створаны натуральна як неабходны элемэнт яснасьці маўленьня (прыкладам, даярка, кухарка, манашка й г.д.).

- Фэмінізацыя „постфактум”, якою займаюцца сучасныя моватворцы, удакладняе сэнс слова (дэнтыстка, адвакатка, рэпартэрка), і працэс гэты варта працягваць. Але такая гендэрызацыя назоўнікаў не заўсёды магчымая, як прыкладам у „друкар – друкарка”, „сьлёсар – сьлёсарка”, „капач – капачка”. Фэмінізацыя тут мяняе сэнс слова. Рэч у тым, што мова ў сваёй прыродзе – прадукт стыхійнай творчасьці, і ня ўсё ў ёй падуладна лёгіцы й задняй думцы.

- Тарашкевіца фэмінізуе больш, чымся наркамаўка таму, што яна не падпарадкоўваецца Міністэрству адукацыі так, як гэта ў выпадку з наркамаўкай. У выніку гэтай непадпарадкаванасьці ў ёй пануе самаволя й хаос.

- Будучыня ў фэмінізацыі такая ж, як і будучыня ў стандартызацыі літаратурнай мовы як цэласьці. Гэта значыць, што пакуль у беларускай дзяржаве ня будзе інтэлектуальнай свабоды й дзяржаўнага дбаньня аб разьвіцьці нацыянальнай мовы, датуль у нас будзе пашыраны тэрміналягічны й правапісны разнабой, зь якім трэба змагацца.

https://skarynapress.com/naviny/zaprudnik-feminityvy/

30/07/2026

Запіс сустрэчы з гісторыцай Тацьцянай Астроўскай, якая адбылася ў рамках праекту «Літаратура і кАВА», можна паглядзець цяпер на Ют’юбе.

Дасьледніца і аўтарка распавядае пра нон-канфармізм у савецкай Беларусі, разважае пра падабенствы і адрозьненьні паваеннай і цяперашняй эміграцыі і ўрокі, якія мы можам вынесьці з гэтых ведаў, і — разам з рэдактарам Skaryna Press Ігарам Івановым — распавядае пра нядаўна выдадзены паэтычны зборнік Ларысы Геніюш, рукапіс якога цяпер захоўваецца ў Лёндане.

Запрашае да прагляду запісу чарговай онлайн-сустрэчы ў рамках праэк...

29/07/2026

«Must have для ўсіх, хто цікавіцца карцінай міжваеннай беларускай прысутнасці ў Вільні». Ціхан Чарнякевіч пра мемуары Галіны Войцік.

Літаратаруразнаўца Ціхан Чарнякевіч піша пра мемуары Галіны Войцік «Там, дзе мяне няма», якія выйшлі ў запачаткаваная нядаўна «Віленскай сэрыі» выдавецтва «Skaryna Pr...

28/07/2026

Маеце рукапіс? Дашліце на конкурс “Шуфлядка”!

Конкурс рукапісаў “Шуфлядка”, створаны беларускім Фестываль інтэлектуальнай кнігі “Pradmova”, з радасцю распачынае новы сезон! 🎉

🤗 Мы стварылі ўласныя сацыяльныя сеткі, цяпер за нашымі навінамі можна сачыць тут, а таксама ў Instagram.

⏰ Мы прымаем заяўкі ад сёння і да 3 жніўня ўключна.

📌 Для ўдзелу ў конкурсе трэба запоўніць гугл-форму: https://forms.gle/os85fdiMuLRmtPVC9

Таксама варта азнаёміцца з Рэгламентам конкурсу: https://drive.google.com/file/d/1F-92FOsJUQKTk9j9_zxotMvyLdCgzDLA/view?usp=drivesdk

🏆 Конкурс праводзіцца ў трох намінацыях:

1️⃣ творы для дзяцей і падлеткаў (паэзія, проза, навукова-папулярныя, янг-эдалт і г.д.);
2️⃣ нон-фікшн (біяграфіі дзеячаў культуры, навукі, палітыкі і інш., мемуары, кнігі рэпартажаў, кнігі пра падарожжы, аўтафікшн і г.д.);
3️⃣ масавыя жанры (дэтэктыў, трылер, хорар, фантастыка, фэнтэзі, прыгоды, меладрама і г.д.)

👤 Падаваць заяўкі могуць як сталыя аўтаркі і аўтары, гэтак і дэбютанткі і дэбютанты. Абмежаванняў для ўдзельніц і ўдзельнікаў конкурсу паводле ўзросту, грамадзянства, месца жыхарства і г.д. няма.

📕 Прызам для пераможцаў будзе выданне рукапісаў папяровай кнігай. Кнігі будуць выдавацца на ўмовах тэндэру для выдавецтваў.

🤗 Мэты конкурсу - павысіць цікавасць шырокага кола чытачоў да беларускай кнігі, падтрымаць аўтараў, якія б хацелі выдавацца па-беларуску, а таксама - беларускае кнігавыдаўніцтва.

25/07/2026

Ганна Янкута, аўтарка і перакладніца, пра зборнік Ларысы Геніюш “Spiritus flat ubi vult: Вершы 1945-1947”, што сёлета выйшаў у нашым выдавецтве:

“Кніга шыкоўна падрыхтаваная і цудоўна выдадзеная! І я ў захапленні ад прадмовы, мне здаецца, гэта ці не першы раз так уздымаецца пытанне пра калабарацыю ў такім кантэксце, якое вельмі важнае для стварэння нашага, "пра-беларускага" погляду на сваю ж літаратуру.”

(Шукайце зборнік у вашых любімых кнігарнях.)

07/07/2026

Адразу тры кнігі Skaryna Press пра 2020 г. увайшлі ў поўны сьпіс прэтэндэнтаў на Прэмію імя Алеся Адамовіча.

• Кніга апавяданьняў „Дубовые яблочкі“ Вольгі Касцюк — вытанчаная і рашучая рэфлексія на пратэсты 2020-га, на вайну 2022-га і на расейскую калянізацыю.
• Зборнік „Няскоранае пакаленне“ складаецца з 25-ці эсэ студэнтаў, якія ўдзельнічалі ў пратэстах, былі іх сьведкамі і пацярпелымі. Кніга выйшла таксама на ангельскай мове. Абодва варыянты можна спампаваць задарма з сайту выдавецтва.
• Зборнік інтэрв’ю „Беларускія галасы з Познані“, якія зрабіў журналіст Павел Залескі. Наклад гэтае кнігі ўжо прададзены, але яна ёсьць на Амазоне і ў некаторых іншых кнігарнях у розных краінах сьвету.

03/07/2026

Наш топ першага паўгодзьдзя 2026 🏋️‍♀️

Самымі папулярнымі кнігамі нашага выдавецтва былі:

1. Hanna Komar. When I Am Out of Here: Staying Human in a Dictator’s Jail
2. Галіна Войцік. Там, дзе мяне няма (Віленская сэрыя)
3. Ларыса Геніюш. Spiritus flat ubi vult. Вершы 1945-1947
4. Жан-Поль Сартр. Экзыстэнцыялізм — гэта гуманізм (Сэрыя эсэ)
5. На пухнатых лапках. Анталогія нерыфмаванай паэзіі

Гэты рэйтынг — пра самыя прадаваныя кнігі. Сёлета мы выдалі таксама крыху нішавыя, менш прадаваныя, але важныя і цікавыя кнігі:

“(Не) выкрасленыя: Беларускі тэатр 2015–2025” Настасьсі Панкратавай і “Плэйбокс Пандоры” нямецкай паэткі Анны Мендлік.

А ў другім паўгодзьдзі пабачаць сьвет кнігі Оскара Ўальда, Сымоны дэ Бавуар, Зьмітра Вішнёва і… Цёткі (да 150-годзьдзя… мы таксама думалі, што ўсё пра яе ведалі, пакуль не ўзяліся перачытаць яе). — Сьпіс няпоўны 🙃