18/04/2025
Good Friday: प्रेम र बलिदानको स्मरण
Good Friday, जसलाई नेपालीमा "शुभ शुक्रबार" भनिन्छ, ख्रीष्टियन धर्मावलम्बीहरूको लागि एक महत्वपूर्ण र गहिरो दिन हो। यस दिन हामीले प्रभु येशू ख्रीष्टले हाम्रो पापका लागि क्रूसमा चढेर दिनुभएको महान बलिदानको सम्झना गर्छौं। यो दिन दु:खद लागे पनि, वास्तवमा यो परमेश्वरको प्रेम र उद्धार योजनाको महिमा प्रकट गर्ने दिन हो।
1. बलिदानको गहिरो अर्थ:
प्रभु येशूले निर्दोष भएर पनि पापीहरूको लागि आफ्नो प्राण अर्पण गर्नुभयो। उहाँको मृत्यु हाम्रो छुटकाराको बाटो बन्यो।
बाइबलमा परमेश्वरको को वचनले भन्नुहुन्छ :
"यशैया 53:5 NNRV
तर ऊ त हाम्रा अपराधहरूका निम्ति छेड़ियो। हाम्रा अधर्मका निम्ति ऊ पेलियो। हामीमा शान्ति ल्याउने दण्ड उसमाथि पर्यो, र उसको कोर्राको चोटले हामी निको भयौं।
2. क्रूसको प्रेम:
क्रूसमा देखिएको प्रेम कुनै पनि सर्त बिना दिइएको प्रेम हो – 'अगापे' प्रेम। प्रभुले हामीलाई प्रेम गर्नुभयो जब हामी अझै पापी थियौं।
बाइबलमा परमेश्वरको को वचनले भन्नुहुन्छ :
रोमी 5:8 NNRV
तर परमेश्वरले हाम्रा निम्ति उहाँको प्रेम यसैमा देखाउनुहुन्छ, कि हामी पापी छँदै ख्रीष्ट हाम्रा निम्ति मर्नुभयो।
3. आशाको सन्देश:
येशूको मृत्यु अन्तिम होइन, तर नयाँ जीवनको सुरुवात हो।
Good Friday दु:खको अन्त्य होइन, तर पुनरुत्थानको तयारी हो।
बाइबलमा परमेश्वरको को वचनले भन्नुहुन्छ :
यूहन्ना 11:25 NNRV
येशूले तिनलाई भन्नुभयो, “पुनरुत्थान र जीवन म नै हुँ। मलाई विश्वास गर्ने मर्यो भने पनि जीवित हुनेछ।
निष्कर्ष:
Good Friday हामीलाई सम्झाउँछ कि पाप क्षमा हुन्छ, प्रेम सबैभन्दा ठूलो शक्ति हो, र उद्धार येशू ख्रीष्ट मार्फत सम्भव छ। यस दिन हामी आत्म-परिक्षण गरौं, प्रार्थना गरौं, र प्रभुको प्रेममा अझ गहिरिएर बाँचौ।
आमेन्।।
![पुनरुत्थान दिवसको शुभकामना!येशू जीवित हुनुहुन्छ! आशा बाँकी छ![6] उहाँ यहाँ हुनुहुन्न, किनकि उहाँले भन्नुभएबमोजिम उहाँ ...](https://img3.medioq.com/638/044/695031276380443.jpg)
