Gospel For Eternal Life

31/08/2026

भजनसंग्रह 85:7-13 NNRV
[7] हे परमप्रभु, हामीलाई आफ्‍नो कहिल्‍यै नटुङ्गिने प्रेम देखाउनुहोस्‌,र हामीलाई तपाईंको उद्धार प्रदान गर्नुहोस्‌।[8] परमप्रभु परमेश्‍वरले के भन्‍नुहुन्‍छ, सो म सुन्‍नेछु। उहाँले आफ्‍नो प्रजासँग, आफ्‍ना पवित्र जनहरूसँग शान्‍तिको प्रतिज्ञा गर्नुहुन्‍छ, तर तिनीहरू फेरि मूर्खतातिर नलागून्‌।[9] निश्‍चय नै उहाँसँग भय मान्‍नेहरूका नजिकै उहाँको उद्धार छ,र उहाँको महिमा हाम्रो देशमा वास गरोस्‌।[10] प्रेम र विश्‍वस्‍तता आपसमा मिल्‍छन्‌, धार्मिकता र शान्‍तिले एक-अर्कोलाई चुम्‍बन गर्छन्‌।[11] धरतीबाट विश्‍वस्‍तताको अङ्‌कुर निस्‍कन्‍छ,र धार्मिकताले चाहिँ स्‍वर्गबाट तल हेर्दछ।[12] जे असल छ, परमप्रभुले त्‍यही दिनुहुनेछ,र हाम्रो जमिनले फसल उमार्नेछ।[13] धार्मिकताचाहिँ उहाँको अगिअगि जान्‍छ,र उहाँको निम्‍ति एउटा मार्ग तयार गर्छ।

तपाईलाई हरेक दिन परमेश्‍वर सँग आत्मीयता खोज्न प्रोत्साहन र चुनौती दिँदै।

23/08/2026

तिर्खाएकाहरुलाई निमन्त्रणा

यशैया 55:1-13 NNRV
[1] “हे सबै तिर्खाउने हो, आओ, पानीनेर आओ। अनि तिमीहरू रुपियाँ नहुने पनि आओ र किनेर खाओ। आओ, विनापैसा र विनादाम दाखमद्य र दूध किन। [2] जे रोटी नै होइन, त्‍यसको निम्‍ति किन पैसा खर्च गर्छौ? अनि जे कुराले सन्‍तोष नै दिँदैन, त्‍यसको निम्‍ति किन परिश्रम गर्छौ? ध्‍यान देओ, ध्‍यान दिएर मेरो कुरा सुन, र जे कुरो असल छ त्‍यही खाओ, र स्‍वादिष्‍ट थोकहरू खाएर तिमीहरूको प्राण सन्‍तुष्‍ट हुनेछ। [3] कान थाप, र मकहाँ आओ। सुन, ताकि तिमीहरूको प्राण जिओस्‌। म तिमीहरूसित अनन्‍त करार बाँध्‍नेछु, दाऊदलाई प्रतिज्ञा गरेको मेरो विश्‍वासको प्रेम। [4] हेर, मैले त्‍यसलाई जाति-जातिहरूका बीचमा साक्षी, र जाति-जातिहरूमा एक नेता र सेनापति तुल्‍याएको छु। [5] परमप्रभु, तिमीहरूका परमेश्‍वर, इस्राएलका परमपवित्रको कारण, तिमीहरूले नचिनेका जातिहरूलाई तिमीहरूले बोलाउनेछौ, र तिमीहरूलाई नचिन्‍ने जातिहरू तिमीहरूकहाँ हतार-हतार गरी आउनेछन्‌। किनकि उहाँले तँलाई गौरवले युक्त पार्नुभएको छ।”[6] जबसम्‍म परमप्रभुलाई पाउन सक्‍छौ उहाँलाई खोज। उहाँ नजिक हुनुहुँदा नै उहाँलाई भेट। [7] दुष्‍टले आफ्‍नो बाटो र अधर्मीले आफ्‍नो विचार त्‍यागोस्, र परमप्रभुतिर फर्कोस्, र उहाँले त्‍यसमाथि कृपा गर्नुहुनेछ। हाम्रा परमेश्‍वरतर्फ त्‍यो फर्कोस्, र उहाँले त्‍यसलाई सित्तैमा क्षमा गर्नुहुनेछ।[8] “किनकि मेरा विचारहरू तिमीहरूका विचार होइनन्, र तिमीहरूका चाल मेरा चाल होइनन्,” परमप्रभु भन्‍नुहुन्‍छ। [9] जसरी आकाश पृथ्‍वीभन्‍दा अल्‍गो छ, त्‍यसरी नै मेरा चाल तिमीहरूका चालभन्‍दा र मेरा विचार तिमीहरूका विचारभन्‍दा अल्‍गा छन्‌। [10] जसरी वृष्‍टि र हिउँ आकाशबाट झर्छ र त्‍यतैतिर फर्केर जाँदैन, तर जमिनलाई भिजाएर बाली उमार्छ, र छर्नेलाई बीउ र खानेलाई भोजन दिन्‍छ, [11] त्‍यसरी नै मेरो मुखबाट निस्‍कने मेरो वचन पनि हुनेछ। त्‍यो मकहाँ व्‍यर्थै फर्कनेछैन, तर मैले इच्‍छा गरेको काम त्‍यसले पूरा गर्नेछ, र जुन कामको निम्‍ति म त्‍यसलाई पठाउँछु, त्‍यसमा त्‍यो सफल हुनेछ। [12] तिमीहरू आनन्‍दसाथ जानेछौ, र शान्‍तिमा डोर्‍याइनेछौ। पर्वतहरू र डाँड़ाहरू तिमीहरूका सामुन्‍ने गीत गाउनेछन्, र मैदानका सारा रूखहरूले ताली बजाउनेछन्‌। [13] तब काँढ़ाको सट्टा सल्‍लो, सिउँड़ीको सट्टा असारे-फूलको रूख उम्रनेछ। त्‍यो परमप्रभुका ख्‍यातिको निम्‍ति हुनेछ। त्‍यो कहिल्‍यै नष्‍ट नहुने सदासर्वदाको चिन्‍हको निम्‍ति हुनेछ।”

https://bible.com/bible/1483/isa.55.1-13.NNRV

02/07/2026

"ज्ञानको कुनै मूल्य छैन
जबसम्म तपाई यसलाई व्यवहारमा
उतार्नुहुन्न्। "
एण्टोन चेखोभ

05/04/2026

येशूको पुनरुत्थान केवल एउटा सुन्दर भावना वा काल्पनिक कथा मात्र होइन; यो त प्रत्यक्षदर्शीहरूको गवाही र आधुनिक विज्ञानको प्रमाणद्वारा प्रमाणित भएको एउटा गहिरो ऐतिहासिक सत्य हो।
​त्यस समयका विश्वासीहरूका लागि पुनरुत्थान एक अकाट्य वास्तविकता थियो। प्रेरित यूहन्नाबाहेक अन्य सबै प्रेरितहरूले आफ्नो विश्वासको निम्ति सहिद हुनु स्वीकार गरे। तिनीहरू कुनै मानव-निर्मित दर्शनका लागि मरेका थिएनन्, तर एउटा जीवित व्यक्ति र उहाँको प्रतिज्ञाका निम्ति मरेका थिए। विवेकले भन्छ कि कुनै पनि मानिसले आफैले रचेको झूट वा असफल भएको नेताका निम्ति आफ्नो प्राण अर्पण गर्दैन। तिनीहरू तरवार र सिंहको सामना गर्न तयार हुनुको एउटै कारण थियो—तिनीहरूले जीवित प्रभु र खाली चिहान आफ्नै आँखाले देखेका थिए।
​प्रेरित यूहन्नाले बडो साहसका साथ घोषणा गरेझैं:
​"जुन सुरुदेखि थियो, जुन हामीले सुनेका छौं, जुन हामीले आफ्नै आँखाले देखेका छौं, जुन हामीले नियालेर हेरेका छौं र हाम्रा हातले छोएका छौं—त्यही जीवनको वचनको बारेमा हामी घोषणा गर्दछौं।" — १ यूहन्ना १:१
​त्यसैगरी, पत्रुसले आफ्नो समयका शङ्का गर्नेहरूलाई यसरी सम्बोधन गरे:
​"किनभने जब हामीले तिमीहरूलाई हाम्रा प्रभु येशू ख्रीष्टको सामर्थ्य र आगमनको बारेमा बतायौं, तब हामीले चलाकीसँग बनाइएका दन्त्यकथाहरूको पछि लागेनौं, तर हामी त उहाँको महिमाका प्रत्यक्षदर्शीहरू थियौं।" — २ पत्रुस १:१६
​कफनको कपडाको मौन गवाही (The Silent Witness of the Shroud)
​शताब्दीयौं पछि, टुरिनको कपडा (Shroud of Turin) ले प्राचीन विश्वास र आधुनिक विज्ञानलाई जोड्ने पुलको काम गरेको छ। विगतका केही त्रुटिपूर्ण परीक्षणहरूले शङ्का उब्जाए तापनि, २१ औं शताब्दीको पछिल्लो वैज्ञानिक अनुसन्धान (WAXS प्रविधि) ले यो कपडा प्रथम शताब्दीकै हो भनी प्रमाणित गरेको छ।
​यो वस्त्र आज पनि विज्ञानका निम्ति एउटा अचम्मको विषय बनेको छ। यसमा ती व्यक्तिको शरीरका चोटहरू स्पष्ट देखिन्छन्, जसले सुसमाचारमा वर्णन गरिएझैं कोर्राको प्रहार, काँडाको मुकुट र भालाको चोट सहनुभएको थियो। ती रगतका दागहरू कुनै रङ होइनन्, तर चरम सास्ती भोग्नुभएका व्यक्तिको वास्तविक रगतका प्रमाण हुन्। अझ उदेकलाग्दो कुरा त यो छ कि, यो वस्त्रमा प्रभुको स्वरूप कसरी छापियो भन्ने कुरा विज्ञानले अझै पत्ता लगाउन सकेको छैन—यो कुनै मानवले चित्र कोरेर सम्भव नै छैन।
​अन्तिम निर्णय
​अन्तमा, हामीसामु एउटा छनौट छ। के हामी ती मानिसहरूको पछि लाग्ने, जो आफ्नो ज्ञान र सामर्थ्यका बाबजुद अन्ततः मृत्युको चिहानमा विलाएर गए? वा हामी ती विजेता प्रभुको पछि लाग्ने, जसले मृत्युमाथि विजय हासिल गर्नुभयो?
​येशू ख्रीष्टले जीवनको बारेमा उपदेश मात्र दिनुभएन, तर उहाँले मृत्युलाई नै जित्नुभयो। मानव इतिहासमा उहाँ मात्र यस्तो महान् व्यक्तित्व हुनुहुन्छ, जसले मृत्युको अन्त्यलाई अनन्त जीवनको प्रवेशद्वार बनाइदिनुभयो। उहाँ जीवित हुनुभएको हुनाले नै, अनन्त जीवनको प्रतिज्ञा अब केवल एउटा आशा मात्र रहेन—तर यो विश्वास गर्नेहरूका निम्ति एउटा पक्का भरोसा भएको छ।
​साँच्चै नै, उहाँ बौरी उठ्नुभएको छ! तपाईंलाई पुनरुत्थान विजय उत्सव (Easter) को हार्दिक शुभकामना!

29/03/2026

Lau suna sathi

12/03/2026

उपदेशक १२ (NNRV)
१. दु:खको समय र वृद्धावस्था आउन अघि नै, जब तिमीले भन्नेछौ, "यस समयमा मेरो मन लाग्दैन," ती समयभन्दा अघि नै आफ्नो युवावस्थामा आफ्ना सृष्टिकर्ताको सम्झना गर--
२. सूर्य र दिनको उज्यालोलाई अँध्यारोले ढाक्न अघि नै, चन्द्रमा र ताराहरू धमिला हुन र बादलहरू वर्षापछि फर्कन अघि नै,

02/02/2026

ज्योतिझै चम्कनु

फिलिप्पी 2:12-18 NNR

[12] यसकारण मेरा प्रिय हो, जसरी तिमीहरूले सधैँ आज्ञापालन गरेका छौ, मेरो उपस्‍थितिमा मात्र गरेजस्‍तो होइन, तर अब झन्‌ बढ़ी मेरो अनुपस्‍थितिमा डर र कम्‍पसाथ तिमीहरूको आफ्‍नो मुक्तिको काम पूरा गर्न परिश्रम गर।

[13] किनकि तिमीहरूलाई उहाँको असल अभिप्रायअनुसार इच्‍छा गर्ने र काम गर्ने दुवै तुल्‍याउनलाई परमेश्‍वर तिमीहरूमा काम गर्नुहुन्‍छ।

[14] गनगन अथवा वाद-विवाद नगरी सबै काम गर्दैजाओ,

[15] कि तिमीहरूचाहिँ निर्दोष र सुधा भएर टेढ़ा र बरालिएका पुस्‍ताको बीचमा परमेश्‍वरका निष्‍खोट सन्‍तान होओ, जुन पुस्‍ताको बीच संसारमा तिमीहरू ताराहरूझैँ चम्‍कन्‍छौ।

[16] जीवनको वचन दह्रिलो गरी पक्रिराख, ताकि म व्‍यर्थमा दगुरिनँ, र मैले व्‍यर्थमा परिश्रम गरिनँ भनी ख्रीष्‍टको दिनमा म गर्व गर्न सकूँ।

[17] यदि तिमीहरूका विश्‍वासको बलिदानमाथि अर्घ-बलिको रूपमा अर्पित हुनुपरे तापनि म आनन्‍दित छु, र तिमीहरू सबैसँग म रमाउँछु। [18] त्‍यसै गरी तिमीहरू पनि मसँग खुशी हुनु र रमाउनुपर्छ।

31/01/2026

31/01/2026

゚viralfbreelsfypシ゚viral

25/01/2026

पवित्र प्रेम (God word today)
यूहन्ना १४ (NNRV)

१५. "तिमीहरूले मलाई प्रेम गर्छौ भने मेरा आज्ञाहरू पालन गर्नेछौ।

१६. र म पितासँग बिन्ती गर्नेछु, र उहाँले तिमीहरूलाई अर्को सल्लाहकार दिनुहुनेछ, र उहाँ तिमीहरूसँग सदासर्वदा रहनुहुनेछ।

१७. यिनी सत्यका आत्मा हुनुहुन्छ, जसलाई संसारले ग्रहण गर्न सक्दैन, किनभने संसारले उहाँलाई न त देख्छ न चिन्छ। तिमीहरू उहाँलाई चिन्छौ, किनभने उहाँ तिमीहरूसँग वास गर्नुहुन्छ, र उहाँ तिमीहरूमा रहनुहुनेछ।

१८. "म तिमीहरूलाई टुहुरा छोड्नेछैनँ। म तिमीहरूकहाँ आउनेछु।

१९. अब केही समयपछि संसारले मलाई कहिल्यै देख्नेछैन, तर तिमीहरूले मलाई देख्नेछौ। म जीवित भएको हुनाले, तिमीहरू पनि जीवित रहनेछौ।

२०. त्यस दिन तिमीहरूले जान्नेछौ, कि म मेरा पितामा छु, र तिमीहरू ममा, र म तिमीहरूमा छु।

२१. मलाई प्रेम गर्ने त्यही हो जससँग मेरा आज्ञा छन् र ती पालन गर्दछ। अनि मलाई प्रेम गर्नेलाई मेरा पिताले प्रेम गर्नुहुन्छ। म त्यसलाई प्रेम गर्नेछु, र म आफैलाई त्यसकहाँ प्रकट गर्नेछु।"

यूहन्ना १५ (NNRV)

९. "पिताले जसरी मलाई प्रेम गर्नुभएको छ, मैले पनि तिमीहरूलाई प्रेम गरेको छु। तिमीहरू मेरो प्रेममा रहो।

यूहन्ना १५ (NNRV)

९. "पिताले जसरी मलाई प्रेम गर्नुभएको छ, मैले पनि तिमीहरूलाई प्रेम गरेको छु। तिमीहरू मेरो प्रेममा रहो।

१३. आफ्ना मित्रहरूका लागि आफ्नो प्राण अर्पण गरिदिनुभन्दा ठूलो प्रेम अरू कसैको हुँदैन।

१ यूहन्ना ३ (NNRV)

११. तिमीहरूले सुरुदेखि नै सुनेको सन्देश यही हो, "हामीले एक-अर्कालाई प्रेम गर्नुपर्छ।"

१२. कयिनजस्तो नहोओ, जो दुष्ट थियो। उसले आफ्नो भाइको हत्या गर्यो। उसले आफ्नो भाइको हत्या किन गर्यो? किनकि उसका आफ्ना कामहरू दुष्ट थिए, अनि उसको भाइका कामहरूचाहिँ धार्मिक थिए।

१ यूहन्ना ३ (NNRV)
१६. प्रेम के हो भनी हामी यसैबाट थाहा पाउँछौं, कि उहाँले हाम्रा निम्ति आफ्नो प्राण दिनुभयो र हामीले पनि आफ्ना दाजुभाइहरूका निम्ति आफ्नो प्राण दिनुपर्छ।