Arshad Ali

06/07/2025

😭😭ریڈنگ ہوگئی ۔۔ ۔۔میرا سب سے چھوٹا بیٹااحتشام بھاگتا گرگراتا ہوا خوشی سے جھومتا آیا ابو ابو ریڈنگ کرنے والے انکل آگئے ۔اب ہم موٹر چلاکر نہاسکیں گے ۔اب ہم رات کو پنکھا بھی چلائیں گے ہیں نا ابو ۔وہ جلدی جلدی بول رہا تھا میں اس کے چہرے کی خوشی دیکھ رہا تھا جیسے اسے کوئ خزانہ مل گیا ہو۔۔خوش کیوں ناہوتا کیوں کہ میٹر ایک سو ستر یونٹ کراس کرچکا تھا اور ابھی ریڈنگ میں سات دن باقی تھے ۔میں نے گھر میں بجلی پر چلنے والی ہر چیز بند کردی ۔دو دن کیلئے بچوں کو گاؤں بھیج دیا ۔دن کو پنکھا چلتا تو رات کو بند رکھتے ۔اور پھر 28تاریخ کا انتظار کرنے لگے کہ کب ریڈنگ کی تاریخ آئے اور ہم دوسو یونٹ کراس کرنے سے بچ جائیں کیونکہ اگر دوسو ایک مرتبہ کراس ہوگئے تو پھر اگلے چھے ماہ تک اس کا خمیازہ بھگتنا پڑیگا ۔۔اور آج وہ دن آہی گیا جسکا سب محلے والوں کو انتظار تھا ۔شکر الحمد اللہ ۔آج ریڈنگ ہوگئی ہے گھر میں عید کاسماں ہے میرے بچے اب پنکھا چلا کر سو رہے ہیں ۔۔دوسو یونٹ کراس کرنے سے بچ گئے الحمد اللہ

🥀🍃💕🤍💕🌿✨️. . . .

21/06/2025

اچھا ہوا عائشہ آپا مر گئی۔۔۔۔۔ ایک بیٹا کراچی ڈیفنس ۔ دوسرا اسلام آباد کے بڑے فارم ہاؤس میں رہتا ہے
ہے ناں بڑی عجیب بات ۔۔۔۔
بھلا کسی کے مرنے پے کوئی اس طرح کہتا ہے۔۔۔۔؟

لیکن عائشہ آپا کو تو مرے ہوئے کئی برس گُزر گئے تھے

بس ہوا یہ ہے ان کی " ڈیڈ باڈی " کل ملی ہے
ایک فلیٹ میں جہاں وہ کئی برسوں سے بھوت بن کر رہ رہی تھیں
لیکن یہ حیرت کی بات نہیں کہ
ان کا ایک بیٹا اپنی بیوی اور دو بچوں کے ساتھ کراچی ڈیفنس خیابان بحریہ میں چار کنال کے وسیع محل نما گھر میں خوش وخرم زندگی گزار رہا ہے
دوسرا بیٹا اسلام أباد میں جس کا چک شہزاد میں آٹھ کنال کافارم ہاؤس اور بحریہ میں لگژری کوٹھی
اور کراچی میں کروڑوں روپے مالیت کی پراپرٹی
اور ماں ۔۔۔۔۔۔ کا یہ حال
عائشہ آپا ۔۔۔۔ جگت عائشہ. آپا
ہمیشہ سے ایسی نہیں تھیں
یہی کوئی دس پندرہ برسوں پہلے نہ جانے اُن کے من میں کیا سمائی
سب بچوں کو کال کرکے بلایا
اپنی ساری جائیداد بچوں کے نام کردی
اس کے بعد وہ ہی ہوا
جو ہمیشہ سے ہوتا آیا
۔۔۔
ان جیسوں کے ساتھ ایسا ہی ہونا چاہیے تھا۔۔۔۔ آخر کیوں نہیں ایسوں کو عقل نہیں آتی ۔۔۔۔؟

کس کس کا نام لوں ۔۔۔۔؟
عائشہ آپا کی اولاد ۔۔۔۔ چند مہینوں میں ہی اُکتا گئی عائشہ آپا ایک دن طلعت حسین صاحب کے آگے پھٹ پڑیں زار و قطار روتے ہوئے. کہنے لگیں کہ دن میں کئی کئی بار سارے بچوں کو فون کرتی ہوں
لیکن وہ کال اٹینڈ ہی نہیں کرتے
کبھی کبھار اٹھا بھی لیتے ۔۔۔ تو کہتے ۔۔۔ دو منٹ ٹھہریں ابھی کال کڑتا ہوں
اور وہ دو منٹ پہلے گھنٹوں پھر دنوں پھر ہفتوں مہینوں پر محیط ہوجاتے
عائشہ آپا ۔۔۔۔ فون ہاتھ میں پکڑے انتظار کرتی رہ جاتیں
کبھی کبھی تو ساری رات انتظار کرتے گزر جاتی
لیکن کسی ایک. کا بھی فون نہیں أثا
ابھی کوئی پندرہ برس پہلے ہی کی تو بات ہے
جب عائشہ آپا نے بے حد شوق سے پراڈو TZ گاڑی لی
شوق سے خود چلاتی ہوئیں طلعت حسین کے گھر آئیں
کیک اور مٹھائی لانا نہ بھولیں
پھر وہ ہوتیں اور کراچی کی سڑکیں
اپنے غریب حلقہ احباب اور رشتے داروں کو کبھی نہیں بھولیں
چند برس پہلے ۔۔۔۔۔ جب تک انہوں نے اپنی جائیداد اپنے بچوں میں تقسیم نہیں کی تھی
ڈائری پر ترتیب سے دنوں کی تقسیم یعنی باقاعدہ شیڈول بنا رکھا تھا
روزانہ کسی نہ کسی غریب اور نادار کے گھر جانا
ان کے لئے راشن
اور نقدی
بچوں کے سکولوں کی فیسیں
نہ جانے کتنے نادار خاندانوں کے تو باقاعدہ وظیفے لگے ہویےتھے
پھر ایک دن ۔۔۔۔۔ سب کچھ بدل گیا
اپنی جائیداد اپنے بچوں کے نام کر دی
پھر ۔۔۔
اس کے بعد
اس لئے ہی کہہ رہا ہوں کہ اچھا ہوا سانس کی ڈوری ٹوٹی تو انہیں یقیناً سکون مِل گیا ہوگا
کیونکہ وہ جس طرح ساری ساری رات اپنے فلیٹ کے باہر
بے چینی سے ٹہلتی رہتیں بُڑبڑاتی رہتیں ۔۔۔ تھک کے چُور ہو جاتیں تو نیچے بیٹھ جاتیں ۔۔۔ پھر ان سے اُٹھا نہیں جاتا تھا
اب تو وہ اچانک چیخیں مار کر رونے لگ جاتیں
جب انہیں اپنی اس حالت کا خود احساس ہوتا ایک دم سے چُپ کر جاتیں پڑوسی پیچارے ان کے قریب آتے تو یہ انہیں زور سے ڈانٹنا شروع ہو جاتیں

لیکن گزشہ کافی دنوں. سے وہ اس احساس سے بھی عاری ہوتی جا رہی تھیں
کچھ ہفتوں سے انہوں نے رات کو بھی فلیٹ سے باہر آنا چھوڑ دیا کبھی کبھار چند منٹوں کے لئے دکھائی دیتیں پھر پاؤں فریکچر کروا بیٹھیں ۔۔۔۔۔ پھر خاموشی
اس بار جب خاموشی. خاصی طویل ہو گئی
اور پھر جب فلیٹ سے عجیب سی بدبو بھی آنے. لگی ۔۔۔۔۔۔ !
عائشہ آپا کو تنہائی نے مار دیا ۔

سبق سیکھنا چاہیے جب تک آپ کے ہاتھ پاؤں ٹھیک کام کر رہے ہیں جائیداد بچوں کے نام نہ کیجئے چاہے وہ کتنے ہی ترلے کریں جس دن جائیداد نام کی سمجھیں آپ نے ہاتھ پاؤں کٹوا لئے اب سوکھی عزت بھی نہیں ملنی وقت تو چھوڑ ہی دیں۔
منقول

05/06/2025

31/05/2025

30/05/2025

500 گھروں پر مشتمل ایک پورا گاوں اگر اتحاد کرکے ہر گھر 27 ہزار روپے جمع کرلے تو یہ رقم بنتی ہے ایک کروڑ 35 لاکھ روپے

پورا گاوں مل کر ایک ایکڑ زمین 10 سال کے لئے ٹھیکے پر لے لے ایک ایکڑ زمین میں 65 لاکھ روپے کی ہائی ڈیفینیش سولر پلیٹیں پچھادے یہ پلیٹس 4 میگا واٹ بجلی دن کے اوقات فراہم کرینگی جس سے اگر 500 کے 500 گھروں میں ایک ایک اے سی بھی چلے تو بجلی کا لورڈ کم نہیں ہوگا

15 لاکھ روپے کی لاگت سے ہر گھر تک ان پلیٹس کی وائرنگ ہوجائے گی

5 لاکھ روپے اسکی فٹنگ مزدوری پر خرچ ہونگے

بقیا 50 لاکھ روپے کی بیٹریاں ان پلیٹس کے ساتھ جنریٹ کردیں تاکہ رات کے وقت اور بارش کی صورت میں بجلی کو 48 گھنٹے کے لئے بیک اپ اسٹور کرلیں

1 ایک کروڑ 35 لاکھ میں یہ ایڈجسمٹ فائنل ہوگئی

ان میں سولر پینلز کی لائف 10 سال تک ہوگی ڈرائی بیٹریز کی لائف 2 سال تک ہوگی

اس پورے پلانٹ کو مینج کرنے کے لئے گاوں کے 10 جاب لیس لڑکوں کو 25 25 ہزار پر رکھ لو
تاکہ اس آپریشن پر 24 گھنٹے نظر رکھ سکیں

اس سیٹ اپ لگنے کے بعد ہر گھر نے صرف ستائیس ہزار روپے دئیے ہونگے
ہر ماہ ہر گھر کی ڈیوٹی لگادیں کے صرف ایک ہزار روپے جمع کروانے ہیں
جو ماہانہ 5 لاکھ روپے بنتے ہیں ان میں سے 10 لڑکوں کی تنخواہ کاٹ کر باقی پیسے 2 سال تک جمع کرتے رہیں دو سال بعد بیٹریز کو تبدیل کردیں

اور واپڈ کو کہیں اپنے کھمبے اکھاڑو اور نکل جاو یہاں سے

نوٹ 500 گھر صرف ایک میگا واٹ بجلی استمال کرتے ہیں سولر 4 میگا واٹ دن کو 2 میگا واٹ کا بیک اپ تھرو بیٹریز فراہم کرے گا جس سے آپ 24 گھنٹے اے سی فریج بھی آن رکھ سکتے ہیں ۔

24/05/2025

🇺🇬 Uganda Discovers Over 31 Million Metric Tonnes of Gold Ore! 💰✨

Huge news out of East Africa — Uganda has announced the discovery of 31 million metric tonnes of gold ore, with an estimated 320,000 tonnes of refined gold, reportedly valued at $12 trillion! 🤯

If verified and responsibly managed, this could be a game-changer for Uganda's economy, offering immense opportunities for development, investment, and national growth. But it also raises big questions around environmental impact, fair distribution, governance, and protection against exploitation.

A historic moment — let’s hope it leads to real prosperity for the people of Uganda. 🙏🌍💛

02/05/2025

روبلوکس – ایک خطرناک کھیل یا بے ضرر تفریح؟
ریسرچ و تحریر: حمیرا شازیہ

اسوقت روبلوکس پاکستان کے ہزاروں لاکھوں گھروں میں بچے دن رات کھیل رہے ہیں۔شاید بہت سے والدین جانتے بھی نہیں کہ انکا بچہ یہ گیم کھیل رہا ہے۔
اگر اپکو اس کے بارے میں علم نہیں تو میں بتاتی چلوں کہ روبلوکس ایک مقبول آن لائن گیم پلیٹ فارم ہے جس پر دنیا بھر سے کروڑوں بچے گیمز کھیلتے اور خود بھی گیمز تیار کرتے ہیں۔ بظاہر یہ ایک بے ضرر کھیل لگتا ہے جہاں بچے اپنی دنیا خود تخلیق کرتے ہیں، لیکن حقیقت میں یہ ایک خطرناک سائبر جنگل بن چکا ہے جس میں چھپے خطرات والدین کے لیے باعثِ تشویش ہونے چاہییں۔

میں نے اپنے بیٹے کے روبلاکس کھیلنے پر پچھلے دو سال سے پابندی لگا رکھی تھی کیونکہ مجھے محسوس ہوتا تھا کہ اس گیم کی وجہ سے وہ تبدیل ہو رہا ہے۔ اس گیم کو کھیلنے کے بعد وہ بہت چڑچڑا ہو جاتا تھا ۔کھانے پینے میں مسائل شروع ہو جاتے ہیں وغیرہ ۔ پچھلے ماہ میں نے اس کے دوستوں کے کہنے پر کچھ دن پابندی ہٹائی لیکن دوبارہ اس کی عادات میں بہت میجر تبدیلیاں آئیں ۔ اور اس بار میں نے خاص طور پر یہ نوٹ کیں۔سو اسے دوبارہ بین کرنا پڑا۔
اس کے حوالے سے میں نے بہت سے ارٹیکلز پڑھے ہیں جن سے مجھے کچھ سیریس باتوں کا علم ہوا ہے۔انہیں میں باقی والدین کے ساتھ شیئر کرنا چاہتی ہوں تاکہ وہ بھی خبردار رہیں۔

روبلوکس پر بچے خود گیمز ڈیزائن کرتے ہیں۔اور انہی گیمز کو دوسرے بچے کھیل رہے ہوتے ہیں۔ ایسی گیمز کا کوئی چیکنگ سسٹم نہیں۔جیسا کہ ہم سمجھ سکتے ہیں دنیا میں ہر مائنڈ سیٹ کے لوگ ہیں۔ اس آزاد ماحول کی وجہ سے کئی بار ایسے گیمز بھی بن جاتے ہیں جن میں تشدد، دہشت، جنسی نوعیت یا دیگر غیر اخلاقی مواد موجود ہوتا ہے، جو بچوں کی ذہنی نشوونما پر منفی اثر ڈالتا ہے۔

روبلوکس میں چیٹ فیچر دستیاب ہے جس کے ذریعے اجنبی افراد بچوں سے بات کر سکتے ہیں۔ دنیا بھر میں کئی رپورٹس میں ایسے کیسز سامنے آئے ہیں جہاں بالغ افراد نے بچوں کو جذباتی طور پر بلیک میل کر کے ذاتی معلومات یا نامناسب مواد حاصل کرنے کی کوشش کی۔اور کئی اکاؤنٹ ہیک کیے۔اس اوپن چیٹ فیچر کی وجہ سے کئی بار شکاری افراد بچوں کو دوستی کے جال میں پھنسا کر ان سے نامناسب باتیں کرتے ہیں یا نجی معلومات حاصل کرتے ہیں۔
ایک مقدمے کے مطابق، ایک بچی کو روبلوکس اور ڈسکورڈ کے ذریعے برسوں جنسی استحصال کا نشانہ بنایا گیا۔ یہ کیس اس بات کا ثبوت ہے کہ پلیٹ فارم پر نگرانی ناکافی ہے۔

روبلوکس کے اندر کئی گیمز ایسے "ڈارک سائیکولوجی" اصول استعمال کرتے ہیں جو بچوں کو جذباتی طور پر قابو میں لے لیتے ہیں۔ مثال کے طور پر:
اچانک انعامات جو دماغ میں خوشی کا کیمیکل (ڈوپامین) چھوڑتے ہیں
دوستوں سے مقابلے کی فضا جو مسلسل کھیلنے پر مجبور کرتی ہے
یہ سب چیزیں بچوں کی معصوم نفسیات کو نشانہ بنا کر انہیں کھیل کا عادی بناتے ہیں۔آٹھ سے تیرہ سال کے بچوں میں برین ڈیویلپمنٹ چل رہی ہوتی ہے اس دوران ایسی گیمز کھیلنے کی اجازت دینا ایسے ہی ہے جیسے دماغ کی وائرنگ ہی خراب کر دی جائے کیونکہ اس عمر کے اثرات اسے ساری زندگی جھیلنا ہوں گے۔

روبلوکس گیم کا ماحولیاتی نظام یا گیم پلے ماحول اس طرح بنایا گیا ہے کہ بچے مسلسل کھیلنے کی طرف مائل رہتے ہیں۔اس میں کوئی بریک نہیں آتی۔ اس لیے بچے کو گیم بند کروانا مشکل ہو جاتا ہے۔ اور زبردستی کرنے پر بچے والدین کے خلاف یو جاتے ہیں اور انہیں اپنا دشمن سمجھتے ہیں۔
ورچوئل کرنسی روبکس اور لیول اپ سسٹم کی وجہ سے بچے گھنٹوں اس میں کھو جاتے ہیں، جو ان کی تعلیم، نیند اور خاندانی تعلقات کو متاثر کر سکتا ہے۔
روبلوکس میں ورچوئل سامان خریدنے کے لیے روبکس کی ضرورت ہوتی ہے، جو حقیقی پیسوں سے خریدا جاتا ہے۔ ایک بار خریداری کرنے پر اگر کارڈ نمبر ڈیلیٹ۔نہ۔کیا جائے تو بچے اکثر والدین کی اجازت کے بغیر خریداری کر لیتے ہیں، جس سے مالی نقصان ہو تا ہے۔

اگرچہ روبلوکس کا دعویٰ ہے کہ وہ بچوں کے لیے "فیلٹرڈ مواد" فراہم کرتا ہے، لیکن درجنوں رپورٹس سے ظاہر ہوتا ہے کہ کئی گیمز میں تشدد، فحاشی، اور خوفناک مناظر شامل ہیں۔ کچھ گیمز تو ایسے ہیں جن میں بچوں کو "قاتل"، "چور"، یا "ڈرگ ڈیلر" بننے کا رول ادا کرنے کا کہا جاتا ہے۔

اگرچہ روبلوکس والدین کے لیے کچھ حفاظتی اختیارات فراہم کرتا ہے، لیکن وہ مکمل تحفظ کی ضمانت نہیں دیتے۔ اکثر والدین ان سیٹنگز سے واقف ہی نہیں ہوتے، جس کا فائدہ ناپسندیدہ افراد اٹھا سکتے ہیں۔

کئی بار ایسا ہوا ہے کہ بچوں کی ذاتی معلومات کسی نہ کسی طریقے سے لیک ہو گئیں، کیونکہ وہ لاعلمی میں اپنا نام، مقام، یا اسکول کی معلومات شیئر کر بیٹھے۔

والدین کے لیے تجاویز:

بہتر ہے کہ یہ گیم فورا بند کروا دیں۔ اگر آپ کا بچہ سمجھ دار ہے تو اس سے یہ فیکٹس ڈسکس کریں۔
اگر بند نہ کریں تو بچے کے اکاؤنٹ پر نگرانی رکھیں۔ ان کی چیٹ ہسٹری اور گیمز کی لسٹ وقتاً فوقتاً چیک کریں۔
چیٹ فیچر بند کریں۔ روبلوکس کی سیٹنگز میں جا کر چیٹنگ کو آف کریں یا صرف دوستوں تک محدود کریں۔
وقت کی حد مقرر کریں۔ بچوں کے کھیلنے کا دورانیہ متعین کریں تاکہ وہ دیگر تعلیمی یا جسمانی سرگرمیوں سے بھی جُڑے رہیں۔

بہتر ہے اپنے بچوں سے کھل کر بات کریں۔ انہیں آن لائن خطرات سے آگاہ کریں اور اعتماد دیں تاکہ وہ کسی بھی مشکوک صورتحال میں فوراً آپ سے رابطہ کریں۔

بچوں کےمتبادل تعلیمی یا گھریلو گیمز کا انتخاب کریں۔ ایسے گیمز تلاش کریں جو تعلیمی نوعیت کے ہوں اور محفوظ پلیٹ فارمز پر دستیاب ہوں۔
روبلوکس بلاشبہ ایک جدید پلیٹ فارم ہے اور کسی حد تک فیشن میں بھی ہے، لیکن اس میں چھپے خطرات کو نظر انداز کرنا والدین کے لیے نقصان دہ ہو سکتا ہے۔ والدین کی رہنمائی اور نگرانی کے بغیر یہ تفریح نقصان دہ بن سکتی ہے۔ احتیاط، آگاہی اور بات چیت ہی وہ ہتھیار ہیں جن سے بچوں کو محفوظ رکھا جا سکتا ہے۔
30 اپریل 2025

12/04/2025

06/02/2025

موبائل الٹا کر کے دیکھیں ،
Turn your mobile and see the photo.

27/12/2024

2025 میں خود کی عزت کرنے کے اصول

1. ان لوگوں کو تلاش کرنا چھوڑ دیں جو آپ کو تلاش نہیں کر رہے۔
اپنی توانائی اور توجہ کی قدر کریں۔

2. منت سماجت بند کریں۔
اپنی عزت نفس اور وقار کو قائم رکھیں۔

3. صرف وہی بات کریں جو ضروری ہو۔
بلاوجہ وضاحت یا زیادہ بات سے پرہیز کریں۔

4. بدتمیزی کا فوراً جواب دیں۔
اسے نظرانداز نہ کریں؛ عزت کے ساتھ اور مضبوطی سے سامنا کریں۔

5. دوسروں کی سخاوت کا زیادہ فائدہ نہ اٹھائیں۔
لین دین میں توازن رکھیں۔

6. ان لوگوں کے پاس کم جائیں جو آپ کے پاس نہیں آتے۔
تعلقات میں دوسروں کے رویے کے مطابق برتاؤ کریں۔

7. اپنے آپ پر سرمایہ کاری کریں۔
اپنی خوشی اور ترقی کو ترجیح دیں۔

8. چغلی اور غیبت سے بچیں۔
مثبت سوچیں اور اپنی شخصیت کی تعمیر پر توجہ دیں۔

9. بولنے سے پہلے سوچیں۔
آپ کے الفاظ دوسروں کے سامنے آپ کی پہچان بناتے ہیں۔

10. ہمیشہ اچھے دکھائی دیں۔
اعتماد کے ساتھ اپنا لباس اور انداز پیش کریں۔

11. اپنے مقاصد پر کام کریں۔
کامیابیاں آپ کی خود کی عزت میں اضافہ کرتی ہیں۔

12. اپنے وقت کی عزت کریں۔
اسے قیمتی سمجھیں اور دوسروں سے بھی یہی توقع رکھیں۔

13. بدتمیز تعلقات سے دور ہو جائیں۔
خود کو اتنا اہم سمجھیں کہ زہریلے ماحول سے نکل سکیں۔

14. اپنے اوپر خرچ کریں۔
دوسروں کو دکھائیں کہ خود کی دیکھ بھال آپ کے لیے اہم ہے۔

15. کم دستیاب رہیں۔
اپنی موجودگی کو قیمتی بنائیں۔

16. دوسروں کو خود سے زیادہ دیں۔
سخاوت آپ کی شخصیت کو مزید قابل احترام بناتی ہے۔

23/12/2024

20/12/2024

ٹی وی پر چلنے والا ڈرامہ ”پری زاد“ صرف ڈرامہ نہیں بلکہ ہمارے معاشرے کا حقیقی چہرہ تھا۔ پری زاد ڈرامے کا ایک ڈائیلاگ مجھے حقیقت پہ مبنی لگا۔ ڈرامے کے ہیرو پری زاد سے ایک امیر کبیر خاتون کہتی ہے!
”سنو لڑکے یہ چہرہ، صورت ، شخصیت ہیں ناں یہ سب لوئر مڈل کلاس کے مسائل ہوتے ہیں۔ مرد کی صورت شخصیت اور وقار سب اس کے پیسے سے ہوتا ہے۔ جاو اس بے رحم دنیا میں جاو اور اپنے حصے کی دولت سمیٹ لو۔ خود کو اتنا امیر کرو یہ جو تمہاری شخصیت کے عیب ہیں ناں دنیا کو سٹائل لگنے لگیں۔ اور ہاں چھوڑو یہ شاعری واعری یہ سب بھرے پیٹ کے چونچلے ہیں۔ غریب کی شاعری دنیا کو فضول لگتی ہے اور مرد اگر امیر ہوتو دنیا کو اس کی گالی بھی شاعری لگنے لگتی ہے۔
تلخ حقیقت