09/09/2025
“Masjidku wuu ina fashiliyay.”
Waxaan ku tukaday masjid salaaddii ka dib ayaa nin waayeel ah oo iga dambeeyay igu yidhi isagoo hoos iila hadlaya:
“Fiiri safafka h**e ee masjidka oo eeg wejiyada dadka.”
Waan fiiriyay, markaas ayaan ku iri:
“Maxaad ula jeeddaa?”
Wuxuu yidhi:
“Maku aragtaa qof ka mid ah dadka taajiriinta ah, dadka mansabka sare ama dadka sumcadda leh?”
Waxaan ku iri: “Tiro aad u yar ayaa Ku jirta.”
Wuxuu yiri:
“Intooda badan waa shaqaale: ama darawal, ama farsamo yaqaan, ama shaqaale hoose.”
Waxaan ku iri: “Waa run.”
Wuxuu yiri:
“Sidaas oo kale ayay Ka yihiin Alle agtiisa. Anigana fiiri meesha aan ku jiro iyo adiga oo ku jira safka afraad ama shanaad. Sidaas oo kale ayay noqon doontaa maalinta Qiyaamaha.”
Markaas ayuu yiri:
“Masaajidku wuu ina fashiliyay, wuxuu muujiyay booska aan kaga jirno Alle agtiisa.”
Hadalkiisii aad buu iiga yaabiyay, wuxuuna i siiyay cashar culus. Waxaan xusuustay hadalka Eebbe:
(وَالسَّابِقُونَ السَّابِقُونَ ﴿١٠﴾ أُو۟لَـٰٓئِكَ ٱلْمُقَرَّبُونَ ﴿١١"
> “Kuwa horreeya (ee camalka wanaagsan ku hormara), waa kuwa Alle agtiisa ugu dhow.”
Sidoo kale waxaan xusuustay hadalkii Rasuulka ﷺ :
> “Haddii dadka ay ogaan lahaayeen waxa ku jira (ajarka) codka eedaanka iyo safka koowaad, waxay ku imaan lahaayeen iyagoo gurguuranaya”
Tani waa xusuusin ku saabsan kuwa dib u dhiga salaadda safafka dambe.
Hadaba maxaa laga yidhi kuwa aan salaadda tukan gabi ahaanba, ama keliya Jimcaha tukada?
Xigasho: Eng Cali alcadaala
