Caraeil

Caraeil https://youtube.com/channel/UC95kzEnuKXOeZkqYD0B5yvw

24/06/2023

‏بنادم كتقول ليه إن شاء الله كيقولك تاشمن إن شاء الله قول ليا واش آه ولا لا ؟!

24/06/2023

الأنوثة كاملة داها داك
دري لي كايتقلق🙂🤝

24/06/2023

الرجل الذي على قيد الحياة
يسمى"حي"
فمادا تسمى الانثى التي على قيد الحياة
🤔🙂

22/06/2023

سخرت خويا عطيتو 50 درهم قلت ليه جيب ليا 2 نيسكافي او لترو حليب وخود 5 دراهم
رجع ليا 45درهم وقال ليا الحانوت ساد

20/06/2023

بنادم من نيتو كيساينهم يديرو ليه الزردة بحال إلى كان كيحفظ معااهم

11/06/2023

السرقة حرام 😂💛 أقرا مزيان😂
انا نحلة 🐝
احب نحلة 🐝
اعمل نحلة 🐝
اشياء نحلة 🐝
غبية نحلة 🐝
لأني نحلة 🐝
مريض نحلة 🐝

مفهمتش ياك ؟!
اوكي اقرا الكلام لفوق 👆 بدون نحلة 🐝

شفت بلي راك مريض 😂😂

وياه نأكد ليك انك مريض كلمة نحلة مكتوبة بلغالط 😂

والغبى دبا صدقت بلي غالطا 😂😂

تبعتو ياك😂😂😂

اوكي أرجع تأكد من كلمة (تعبتو) صافي صافي غا نحبس بصح غنقلكم معلومة عن النحلة 🐝

هل تعلم ان النحلة لا تستطيع ان تطير اكثر من ثلاثة كليو متر فاليوم

اوك من فضلك ارجع تأكد من كلمة (كيلو)😂😂😂

الووو 📞 مستفشى المجانين تعالو ادوووه

حتى في (مستشفى) غلطو خسارة فيك لقراية طول لعام😂😂

حتى في (لقراية)😂😂

صدقتو اي حاج نقولها 😂😂

اوكي علاش نقولو
22 اثنين وعشرين
33 ثلاثة وثلاثين
44 اربعة واربعين
ولك منقولوش 11 واحد و واحدين

زعما علاش 😕

ما علينا نبدلو لموضوع

فارغ فارغ فارغ فارغ فارغ فارغ فارغ فارغ فارغ فارغ فارغ فارغ فارغ فارغ فارغ فارغ فارغ فارغ فارغ فارغ فارغ فارغ فارغ فارغ فارغ فارغ فارغ فارغ فارغ فارغ فارغ فارغ فارغ فارغ فارغ فارغ فارغ فارغ فارغ فارغ فارغ فارغ فارغ فارغ

علاش ما قريتهاش كامل 😃😃
معلا بلكش بلي وحدة منهم مكتوبة : نحبك

علاش رجعتي تقلب عليها ؟؟؟
مقلتش ليك راك مجنون(ة)😂😂😂

سؤال محيرني من زمان

علاش من تسول واحد سؤال وميعرفش الجواب يهز كتفو ويحرك شواربو

بصح السؤال لي محيرني اكثر علاش انت تقلدها ضرك

معلومة قد تذهلكم
افضل طريقة للتخلص من النعاس
هي النوم 😇😴

لا تشكروني بغيت منكم غير دعوت خير 😂

شفت الارنب (لالالا)
قاعد يلعب( لالالا)
شفت البطة (لالالا)
نطت نطة (لالالا)
شفت الغبي (اه اه اه)
قاعد يقرا فستاتي (ههههه)
وتزيد تلحن ثاني 😂
دبا لي قرا لبوسط كامل يكمونطي نشوفو المجانين بلا كدوب

😂😂
Vu = الضرسة🙂

11/06/2023

واحد المبوق كنا مسافرين فالكار غي فتنا فاس بدا كيصفر قلت ليه مالك كاتصفر قاليا قريت فواحد البلاكة صفرو 🙂

31/05/2023



#الجزء 2

-البشير لحلو وليكن عيطي ليا زريقة حسن صافي أستادة نتي أش سماك الله بعدة ...هو يدير القسم بشااااااخ بضحك ههه وليكن قمعاتهم وهيا تقول ليا سير تكلس وحيد منك هاد زعامة الخاوية غادي تجيبها فراسك ...لقد صدمتني بنت لعبد بقيت غير كنشوف وأنا نمشي نكلس حدا داك راس لخصية تاع سامة بدينا درس انا بقيت غير كندور فراسي لا تكون شي ضحية كتقرى معانا ساعة كاينين غير ضحايا تاع بصح ههه شوية وهيا تشوف فيا أستادة منبان ليها غير أنا بنت الطحبة بقات كتعيق عليا بالفرونسي وأنا عندي معاها خوكم قراي ولكن قبل منجاوبها بقيت كنفكر هادي هيا لفرصة ديالي باش نتقرب منها مخصهاش تعرفني عندي مع الفرنسية ...لمهم درت راسي مكلخ بحالة مفهمت والو بدات كتقول ليا صافي بقات ف زعامة والهضرة لخاوية ..عطاتني العصير بنت لعبد ولكن على قبل لحلوة هانية خاص غير تصدق انعل بووو لعالم 😂😂سالت الحصة خرجنا انا والمسموم دزت إدارة كانت باقى فاتحة دخلت تسجلت وداكشي وخرجنا من ليسي تمينا غادين بحالنا شوية كيقول ليا سامة تا هز عينك شوف على طرف قدامنا. ..وضفااااك طواليط تنادي ههه ياله أبا عبد السلام هادي ديالك متزكلهاش بين ليا
-لا لا غير سير نتا نيت بين ليا كيد الحمار يكابري أممم
-تفوو عمرك غادي دير شي هلوة فحياتك إلى بقيتي بحال هاكة جبد شي دفتر من عندك تما يكون خاوي
-علاش شنو بغيتيه
-تا غير أرى اثبي وتفرج
جبد ليا دفتر تاع 24 ورقة جبدت ستيلو صفحة لولة كتبت فيها نمرة ديالي وتحت منها كتبت ليها هانتي لحب من نضرة لولة خسرت عليك دفتر تاع 2 دراهم ابنت ناس غير باش نعطيك نمرة بطريقة رومانسية من عند.زريقة تبقى ف تاريخ 💖هههه من بعد قلت لسامة رد لبال أش غادي ندير ..تميت غادي عند خيتي كانت قدامي وعارفها أش غادي تقول ليا مي أنا بلانيت كلشي فراسي ههه لمهم قربت حداها وأنا نقول ليها أنيسة دفتر تاعك طاح ليك
-لا اخويا ماشي ديالي اصلا انا معنديش بحال هاد دفاتر
-أممم ماشي مشكل انا معندي مندير بيه تقدري نتي تحتاجيه تكتبي فيه قصة حبنا من بعد
-ههه شنو واش نتا حمق لا
- ههه غير ضحكت معاك لمهم دابا هاد دفتر معرت ديالمن اللهما فيك بلى مترديه فوجهي خوديه عندي
-واخا لي بغيتي اراه .عطيتو ليها شداتو من بعد نفس ديكور غميزة وهيا ضحك ليا أححح على غمزة عندي كنطيح بيها تيتيز.😉😂 ..مشات هيا وبقيت حاضيها مفتحاتش دفتر مي غادي تفتحو وتصيفط ليا انا متأكد ههه رجعت عند سامة قلت ليه حياتك راحت فداكشي اساط راسك قاصحك كتسنى لبنات يجيو عندك اوى بقى تسنى شي كوفرة هيا لي غادي تجي عندك مي حتا هيا فاش غادي تعرفك ثلاجة غادي تقول ليك باي باي جدي عبد السلام هههه حسيت بيه محملش راسو انا قلت ليه هاد شي غير باش ندير فيه نفس ميبقاش يخاف معليناش طريق كاملة هو ساكت قربنا الدار قلت ليه متنساش تصور ليا ستعمال زمن وباسيه ليا ف واتساب قال ليا صافي مشيت دخلت الدار لقيت الواليدة ياله كتقاد الغدة سلمت عليها وبديت كنعاون فيها حيت غير بوحدها لي مقاتلة مع شقة تاع دار الواليد خدام بقيت كنعاونها شوية وأنا نقول ليها غير صبري ألواليدة حتى نتزوج شي بنت ناس وتبقى تعاونك
-احياني أولدي واش هاد لبنات تاع هاد الوقت باقي يبغيو يعشو ليك مع واليديك وصعيب تلقى شي واحدة كاملة مكمولة كاينة لي مكتعرف تعمر حتى براد تاع أتاي هو لخر
-وايه عندك صح غير كوني هانيا أنا غادي نمشي نجيبها من العروبية ههه ...
لمهم بقينا شادين ستون فهاد لموضوع حتى جا الواليد تغدينا من بعد مشيت لبيتي جبدت تيلي كنشوف فيه كفاش خيتي شفتها كاع مصونات زعمة ميكونش عندها صولد لا لا انا عرفتها شنو بغات دير دابا ...مبغاتش تبين راسها محروقة بغات تخلي حتى ليل ولى صباح عاد غادي تصيفط ميساج ولى تصوني باينة معليناش دخلت واتساب لقيت عبد السلام مصيفط ليا طوف تاع ستعمال زمن وشي طحاب قدام حتى هوما ؛هادوك مبقى عندي مندير بيهم خاصني الجديد ههه شفت ستعمال زمن داخلين مع 4 ..بقيت متكي حتى قربت 4 هو يجي عند سامة قلت ليه غادي نمشيو ف الموطور سيد لفرحة خرجت ليه من ترمتو كثر مني انا ههه لمهم خرجت T-MX مشينا ليسي كاع بنادم حال زكو مع T-MX باقة جديدة وعاطية لعين غير الله إحفض من عين كحل رأس وصافي لمهم دخلت لموطور بلاصيتو كانت باقة ستراحة قلت ل سامة شوف بغيتي نطيح ديك خيتي خليني بوحدي متنساش راه مخاطر معاك تولي تحتارمني ههه فهم راسو ومشى انا ضربت على خيتي مع شي بنات مشيت تكيت حدا واحد لقسم وبقيت مقابل معاها هيا تقشعني شافت فيا وبدأت كضحك وقالت ليا سلام بي اشارة من يديها حتى أنا رديتها عليها وهيا تخلي صحابتها وتمات جاية عندي ههه أححح عليا وصلت وهيا تسلم عليا من ليد ليد قالت ليا صافا ألحمق
-ههه حسن منك اخيبوعة
-واصافي حشومة عليك متبقاش تقول ليا خيبوعة هه واش أنا بصح خيبوعة دابا
-ههه لا أنا أي بنت جوينة كنقول ليها خيبوعة هادا هو طبعي
-اوى صافي ملي هاكة هانية ههه أجي كاع مقلتي ليا شنو سميتك
-تقدري تعيطي ليا زريقة ونتي شنو سميتك
-ههه زريقة نتا هو روتيك روشن قلت ليك من لول حاس براسك تا قوليا سميتك الحقيقة ولى مغديش نقول ليك انا سميتي
-من نيتك شكون هاد روتيك روشن تاني لي شبهتيني بيه هاد لقب تاع زريقة راه ويراتي كانو كيقولها الجدي هو لول من بعد الواليد دابا انا ونتي كتقولي ليا روتيك روشن ولى ثبي 😈
-هههه تا مالك تعصبتي انا غير ضاحكة معاك بغيت نعرف غير سميتك ماشي لقب ديالك لمهم انا سميتي شيماء
- هههه حتى انا غير ضاحك معاك غير بغيت نطلقها عليك وصافي متشرفين شيماء انا سميتي البشير مي عيطي ليا كيف قلت ليك لا بغيتي زعما ههه
-البشير هههه ناري مي كرشي سمية عندك مقودة اساط متشرفين البشير ههه
-ههه بنت لعبد ضحكات عليا ولكن راه طيحتها انا لي غادي نضحك عليها دابا تاع بصح لمهم بقيت ضاحك معاها وشديت عندها نمرة شوية كنشوف عبد السلام جاي كيجري وضفاااك مال هاد الهلاوي تسطى وصل عندي هو يقول ليا مجاش أستاد ياله نزيدو بحالنا ....هههه أويلي معامن أنا شيماء بقات غير كضحك شوهني معاها ههه وهيا تقول ليا نصحابك غير نتا لي حمق ساعة حتى صاحبك كثر منك ياله نخليك نمرة ديالي راه عندك ...مشات هيا وأنا نشوف ف سامة من نيتك اثبي أش هاد تصرف تاع لبراهش لي درتي دابا
-هاي هاي على البشير دار عقلو تا نوض تأود كون مكانتش معاك خيتي كون بستيني بالفرحة
-هههه سكت سكت أولدي من اليوم بقى تعطيني تاحية راك سمعتي أش قالت قبل ماتمشي ياله زيد قدامي
-وا لعجب كي درتي ليها بهاد سرعة بنادم راه حسادك اساط رد بالك
-يمشيو يتقاودو قولي عندك شي 20 درهم تما راه نسيت لبزطام ديالي فدار
- وي كاينة علاش بغيتها
-نمشيو عند عبيقة نتمعجنو دابا باش بليل تكون طلعات تبويقة غادي نخرجو انا وياك وليلة غادي تصيد شي تيتزة على حسابي
-واخا صافي غادي نشوفو ياله نزيدو
خرجت الموطور من ليسي دورت لكونطاكط مشينا نيشان لدار عبيقة كيبيع جميع أدوية لي كتقاد رأس 😂😂 كنت كنتعامل معاه من لعام لي فات لمهم وصلنا هبط مشيت دقيت عليه فدار خرج عندي خوه صغير قلت ليه خوك عبيقة كاين قال ليا لا ولكن غادي طلقاه غير ف لبيار ...قلت ليه شكرا ومشيت لبيار لقيتو شاد واحد لكوان وكيبيع وصلت عندو هو يقول ليا زريقة فين غبرتي توحشناك
-توحشتيني ولى توحشتي فلوسي تا راه غير زريقة هادة خلينا من صباغة تاع والو وعطيني شي بربوقة تكون مقودة وبروجولة الى كنتي داير فيها لقرقوبي خليها عندك
-ههه لا لا مافيها تا هلوة انا لي مقادها بيديا راك عارف ماشي اول مرة تقدا عندي
لمهم شديت عندو لعالم ونمرة ديالو وخرجت من لبيار حتى كيبان ليا سامة واقفين عليه واحد 2 حدة لموطور مشيت كنجري عندو حيت خليتو بعيد على لبيار وصلت وأنا نقول لخوتنا كاين شي مشكل وهو ينقز واحد قال ليا وشكون نتا بسلامة ..قلت ليه لي كواااك أولد الطحبة (مع بحال هاد القوم خاص تكون سبع إلى بغيتي تعيش ضرافة وتحني راسك مخداماش اساط ) فاش قلت ليه هاكة متصرتاتش ليه ياله بغى يجبد شي مضى من تحتو وأنا نتلاح عليه بديت كندخل ليه حتى سامة شد لخر انا بقيت كندخل لخونا شوية كيبانو ليا عصابة جاية وضفاااك واش أنا في كولمبيا ولى شنو قلت العبد ااسلام وثبي تلاح طلع دغيا ولى اليومة غادي نكونو في صبيطار. ..طلعنا دورت لكونطاكط دغيا وكسيرت وراكم عارفين T-MX باقى جديدة نحيلة ماكين غير عفط غادي يشدو غير البرد هههه مشينا نيشان لواحد جردة دخلنا كلسنا طلقنا لمزيكااا واحد ديسك عزيز عليا تاع بلال عادي عادي ؛ وبدينا كنقصيو في المعجون سامة كلة غير شوية داك لحبس دغيا كطلع ليه تبويقة ههه من بعد وصلتو الدارهم وقلت ليه غير غادي نقصي وندوز عندك نخرجو صافي على رجلينا قال ليا صافي مشيت حتى انا الدار دخلت قلت الواليدة كاين شي كسكروط قالت ليا شوية ويكون واجد ..كلست بقيت كنتفرج حتى حطات لقص كانت دايرة الحرشة أححح وأتاي وداكشي قصيت مزيان ومع أتاي سخون حسيت براسي بديت كنطلع وليت غير كنضحك كتقول ليا الواليدة مالك هههه قلت مع راسي إلى بقيت هنا غادي نفرطها وأنا نخرج مشيت عند لدار عبد السلام دقيت وهيا تخرج ليا مو هه قلت ليها خالتي كلمي ليا عبد السلام
-راه جا هو يدخل ينعس واقيلة مريض
-هههه مع قالت ليا هاد شي درت بشااااااخ بضحك بدون شعور ههه وأنا نسمعها قالت الله استر ههه وأنا نمشي بقيت كنقول مع راسي درتيها بيا أبا عبد السلام طلعات ليك تبويقة مع مع ونتا دجبد عليها بنعسة. .ماشي مشكل غادي نخرج نتسركل بوحدي تميت غادي كندور وسط المدينة وكان ليل شوية بغيت نقطع شانطي باش نهبط من طريطوار ونمشي لا بقيت واقف وكيبان ليا بحالة انا واقف فوق شي عمارة إلى لحت رجلي غادي نطيح هههه صافي تبوقت تاع بصح سلعة عند عبيقة مزيانة كاع مبقيت قطعت شانطي تميت غادي نيشان والغريب في الأمر لبنت لي كدوز من حدايا كتبان ليا جوينة اواه واش هاد ليلة خارج غير تيتيز دوماج أعشيري عبد السلام كاع ماكين معايا بالحق كون كان معايا غادي نشوف غير الكوفرات ههه شوية كنشوف واحد 3 لبنات واقفين كيهضرو عجباتني واحدة فيهم تميت غادي نيشان عندهم بلى منفكر أش غادي نقول انا ماشي ف الوعي ديالي ههه وصلت عندهم قلت ليهم سلام صافا عليكم كلشي مزيان غادي ناخد ليكم هاد القرطاسة نهضر معاها 2 دقايق وصافي سموحات ...هيا تنقز واحدة قالت ليا خود وقتك كامل اشمن 2 دقايق ههه ديك خيتي لي قصدت بدات كضحك هوما بعدو عليا وخلاونا بجوج وأنا نقول ليها واش حشمانة
-ههه لا علاش غادي نحشم عادي شنو بغيتي تقول
- ههه معرفتش بحالة ديجا شفتك في باريس واش كتمشي لفرنسا
-واش كضحك عليا ههه أنا عمري مافت حتى رباط بقى غير باريس
-ههه اه حتى انا قلت غير بحالة شفتك ماشي متأكد داكشي علاش سولتك حيت ماشي بزاف باش جيت المغرب لمهم صراحة مكرهتش نتعرف عليك حيت حتى لدابا باقي معندي حتى شي صديقة
-اه مرحبا انا سميتي سلمى ونتا
-غافي سلمى أنا سميتي يوسف (طلقتها عليها) ولكن عيطي ليا زريقة
-ههه اوك متشرفين زريقة ياله خاصني نمشي دابا
-زربة خايبة هادي ههه عطيني نمرة ديالك بعدة باش نكملو واتساب و لا شي لعبة ....جبدت تيلي باش نقيد نمرة ديالها كنحس بيدي ثقيلة هه وأنا نعطيها تيلي قيدات نمرة ومشات درت تيلي فجيبي وتميت غادي شوية كنسمعو كيصوني.جبدتو كتبان ليا نمرة غريبة كاع ممسجلة عندي جاوبت ألو
-سلام زريقة لحمق هادة
-ههه هو هادا شكون معايا
-ديك لبنت لي عطيتها صبااح دفتر
-اه على سلامة لي تفكرتينا هههه صافا عليك
-الحمد لله ونتا
-ههه والله إلى سوبير أجي شنو سميتك بعدا
-بشرة إلى عندك واتساب نكملو تما حسن
-اوك انا خارج دابا نوصل لدار نصيفط ليك اه قبل منسى سميتك جوينة بحالك ههه
-ههه ميغسي انا باقة كاع معرفت سميتك من غير ديك زريقة لي قلتي معرفت اش كتعني بيها ههه
-ههه فاش نهضرو واتساب نشرح ليك باي ......قطعت عليها وبقيت كنضحك غير بوحدي هههه وضفاااااك 3 لبنات فنهار واحد واخا نكون أنا هو جوني القرع ههه ناري بديت كنتخربق ها شيماء ها سلمى ها بشرة أححح عليا غير الله احفضني من لعين وصافي ؛ دابا خاصني نبدا لخدمة ديالي باش نكركبهم كاملين ونضبر على الجديد هههه عندما تصل تبويقة إلى ديماغ هنا ينطلقو إبداع😂😂بقيت غادي ف طريق ولي داز من حدايا كنشوف فيه وكنبدا نخرى بضحك هههه بنادم كيصحابني مسطي وصلت لدار وعينية بدا كيتسدو وكان فيا لموت تاع جووووع ولد الطحبة لمعجون كيجيب جووووع داكشي علاش نصيحة ناس لي معندهاش شهية تاع لماكلة ضرب ليك شي بربوقة وتفكر زريقة ديك ساعة ضرب طجين غير بوحدك 😂 (ههه غير ضاحكين أولاد لعبد عنداك شي واحد يمشي يتمعجن مقاد على دنوب لي فيا يكفيني هه) لمهم لقيت الواليدة والوليد ناعسين دخلت لكوزينة فتحت ثلاجة لي لقيتها كنخشيها فوجهي عركتها وأنا نمشي ندخل لبيتي تلاحيت فوق ناموسية جبدت تيلي أكثفيت لويفي ف تيلي لقيت بزااف تاع مسجات يديا فشلو عليا مقدرتش باقي نكتب وأنا نطلق تيلي طاح لأرض وأراك أحلام تحت لمانطة ههه وليت كنحس برجليا تقال وكنضحك غير بوحدي شوية بديت كنحلم بحالة شي واحد تابعني وأنا كنجري ولكن باقي غير بلاصتي ههه ناري مي أش هاد شي شوية حسيت براسي كنجري نيت حت كنطيح فواحد لحفرة كبيرة لمهم حلمت أحلام مقودين تاع بصح حتى صبح الحال كنفيق كلقا 12 تاع نهار اواه هادشي كامل وأنا ناعس وكنت قاري مع هاد صبااح بففف دارها لمعجون جمعت الوقفة هزيت تيلي واييييع خليت لويفي مطلوق في تيلي كاع لمساجات لخرين كلقى مكتوب فيهم اون لاين ومباغيش تجاوب واخا ههه تفوو بساب لمعجون وقع ليا هاد شي كامل لبارح حسن أودي ..... مشيت غسلت وجهي سناني قلت الواليدة كاين شي فطور
-باقي شي فطور دابا مبقى الغدة والو يطيب إلى فطرتي دابا داك الغدة نخليه لعشا
-ههه عادي لمهم انا ضروري نفطر أجي واش مجاش عندي عبد السلام
-لا مجا حتى واحد ..صافي حتى هو غيب تاع بصح واخا نعس قبل مني لمهم فطرت قصيت غير شوية باش نخلي بلاصت الغدة وخرجت عند سامة مشيت لدارهم دقيت خرجت ليا ختو صغيرة قلت ليها خوك كاين فدار قالت ليا راه باقي ناعس ...وضفااااك ياك ما داك الهلاوي مات ولى شي لعبة قلت ليها دخلي فيقيه قولي ليه البشير كيسول عليك
-واخا تسنى نمشي نوضو
بقيت كنتسنى شوية هو يخرج عندي عينيه كاع حمرين ومنفوخين بقيت كنخرى عليه بضحك ههه قال ليا أخير مرة باقي ناكل معاك داك لعجب قلت ليه ههه قودتيها لبارح فاش نعستي والله لمهم نخليك دابا داخلين مع 3 غادي ندوز عليك ونعاود ليك جيت غير نشوفك واش باقي حي هههه لمهم رجعت الدار دخلت لبيتي جبدت تيلي مشيت نيشان عند بشرة جاوبتها قلت ليها ديزولي على لبارح كان فيا الموت تاع نعاس غير وصلت طحت لمهم نتي صافا ....كانت سادة وانا ندخل عند ديك سلمى صيفط ليها صباااح نور لمهم غادي تقولي ليا شكون معايا انا غادي نجاوبك بلى متقوليها معاك زريقة لي وقف عليك لبارح ههه ..خليت ليها هاد لمساج ودزت عند شيماء صيفط ليها فين اخيبوعة صافا هادي نمرة ديالي زريقة ...كاملين كانو سادين بنات لعبد فااااكيو عارف غادي يفتحو دقة واحدة غادي نتخربق ديك ساعة معليناش شوية كيدخل عندي الواليد ياله جا من الخدمة واقيلة هو يقول ليا بغيت نهضر معاك شوية حط داك المشقوف.
-واخا ألواليد هضر كنسمعك الله أسمعنا خبار الخير
-لبارح وقف عليا في لمنام داك شيباني لي كان عطاني هاد الحجرة وقال ليا دابا نتا صافي كبرتي ديك الحجرة ولات من نصيب ولدك البشير خاصك تعطيها ليه باش تبقى تحميه وقول ليه يحافظ عليها
-اواه واش كدوي بصح الواليد ولكن أش غادي ندير بيها انا وباش غادي تنفعني راه غير حلم هاداك عادي كون شفتي باش حلمت حتى انا لبارح يضرك خاطرك ألواليد
-راه كنهضر معاك بصح هاد شي مافيهش ضحك هاد الحجرة غادي تبقى تحميك من أي حاجة خايبة ولكن إلى ضيعتيها غادي تقودها على حياتك
-اه صافي فهمتك ولكن نتا عارف انا كاع مكان أمن بهاد تخربيق
-ماكين لا تخربيق لا والو كنهضر معاك بصح ياك ما متيقتيش لقصة لي عاوت ليك ديالي
- وا داكشي صعيب يدخل لعقل الواليد لمهم صافي اراها أنا غادي نديرها ونشوف واش بصح عمر غادي توقع ليا شي حاجة خايبة .......بقيت كنشوف ف الواليد بزز باش عطاها ليا مسخاش بيها هو يقول ليا عنداك تعطيها لشي واحد قلت ليه لا واش كنبان ليك برهوش ..هو يخرج بقيت كنشوف فديك الحجرة شحال مفهمتش دأبا هاد الحجيرة غادي تحميني انا لعجب هادة فهم تسطى. .درتها فعنقي ومشيت وقفت حدا لمرايا كنشوف راسي واو جات مستيليا شوية مبقيتش كنشوف وجهي كيبان ليا راجل شيباني وسط مرايا وضفااااك من لخلعة ياله بغيت نغوت على الواليد وهو يهضر قال ليا ... .. (يتبع ..)1k.
#طاغي عشرانك يقراو معاكم 😍
#تتقرى خلي جيم وشي كومنتير

29/05/2023

وا شهر ماي...وا خونا ماااااااي،وا القرن 5 ها العار احنا مزاوكين،أحمباك باراكا عليك را بقات عندنا زيرو درهم 🥺😂

29/05/2023

شهر مای دوزنا فيه رمضان والعيد و6 أيام تع شوال والشتاء والربيع والصيف والدلاح والبحر والامتحانات والعطلة ومزاال مکملش😐

28/05/2023



#الجزء الأول

كفاش تصاحب مع شي درية ؟؟؟أممم ضرك راسك باغي تعرف واخا ماعليك غير تبع القصة وستافد منها باش مطيحش فداكشي لي غادي نطيح فيه أنا ...!!
تصحاب مع درية هو أقود سلاح فتاك باش طيحها، الدريات كيفما كان النوع ديالهم –عياقة ضريفة متكبرة الخ الخ لمهم انا عزيز عليا نوع لي متكبر ودافع كبير كتكون حاسة بكرها وكيجي البشير كيضرب ليها لعياقة ديالها كاملة فكلام فاحش ههه اه نسيت أولاد لعبد كاع معرفتكم براسي البشير 19 سنة (دغيا كبرت ههه ) ولد لمعطي إلى بغيتي تفهم هاد القصة خاصك تكون ديجا قريتي لقصة تاع الغربة صعيبة والفتى المحضوظ معليناش ؛ الواليد عاود ليا لقصة تاع جدي هيا لولة صراحة ماشي قصة هاديك راه فيلم هاد جدي طلع مدوز العفريت من بعد عاد عاود ليا لقصة ديالو هو بقيت غير كنشوف فيه كيفاش واش هادة طالقها عليا ولى شنو لقصة تاع جدي دوزتها قلت هانية مي تاع الواليد راه بزاااف أعيباد الله واخا يكون هو لي صنع زهر ودارو فقرعة ميكون عندو داك زهر كامل ؛وأنا نقول ليه دابا إلى عطيتني ديك لعيبة لي عطاك شيباني غادي نولي حتى انا محضوظ بحالك هو يقول ليا لا ابرهوش راه انا لي كنت محضوط من صغري ديك لعيبة غير كانت كتحميني لمهم هانتا عرفتي لعداب لي داز على جدك وعليا والله لمك وتفكر شي نهار تخرج على مغرب حتى نجبدك ونعلقك من هلاويك انا علمتك ؛ قلت ليه ههه لا صافي غير كون هاني الواليد علاش غادي نفكر نخرج على المغرب وحنا مخصنا حتى خير ..بقيت كنصبغ فيه هه انا اصلا بلى حظ بلى ثبي لي بغيتها كتجي حتى لعندي ولكن تخشات فيا لفتة من بعد 😢...لمهم كلشي عارف بلي أنا دابا عايش ف رباط مع الواليد والوليدة زينب ياك مانسيتوها أولاد ناس راه وقع ليها مشكل ومبقاتش قادرة تولد ليا شي خويا ولى ختي داكشي علاش دابا دايريني بين عينيهم حيت غير أنا لي عندهم؛ جدي لمعطي مول الغربة وجدة نيسرين باقين فالحياة وعمتي تزوجت معليناش بغيت غير نفكركم فيهم صراحة الواليد قودها عليا فسمية مصدقش كنت غادي نبدلها ولكن ملي حتى انا كلشي ولى كيعيط ليا زريقة هانية للهما زريقة ولى البشير ههه نقربكم من حياتي كثر البشير دري زوين عينه زرقين شعر زعر بوقوص أولاد ناس عندي واحد عشيري سميتو كفس من سميتي ههه عبد السلام روجولة من طفولة انا وياه بحال شي خوت مكنتفارقوش كنضربو حطة واحدة تحسينا واحدة أي بلاصة كنمشيو ليها بجوج شي بعد المرات كتسخرو مو يجيب ليها غير لحم حتى كيجي يدق عليا ولد لعبد ياله معايا فين غادي نجيب الواليدة لحم ...يا ولد الطحبة انا مالي غادي تعرض عليا ههه لمهم خالقينها انا وياه تاع بصح اه كاع مقلت ليكم هاد لعام عندي لباك وزيرت على الواليد يشري ليا T-MX مردهاش ليا فوجهي لفلوس موجودة....دابا عاد غادي يبدأ زهو تاع بصح شحال هادي كنت كنتصاحب غير مع القاصيرات وحتا انا كنت خواف غير كنت كنبوس ونقيص داكشي عمري دقت الحلوة ولكن دابا جا الوقت خوكم ولى صنطيحة وأكبر كداب على وجه لكون درية لي بانت ليا زوينة خاصني نطيحها ونشد عندها نمرة ديك ساعة مع مع منعطلهاش. .كيف قلت ليكم عندي هاد لعام لباك داير آداب انا وعشيري عبد السلام نيت نجحنا بجوج ولكن باقي معارفش واش غادي نجيو بجوج وأنا عارف واخا منجيوش فنفس القسم ضروري لي قيسمو فيه توتوز غادي يمشي عند لاخر ههه. .. .. بدا دخول المدرسي جا عندي عشيري سامة انا كنقول ليه غير سامة بلاصت عبد السلام ههه لمهم قال ليا فين صافا ياله باش نتقيدو ونعرفو اشمن قسم جينا.... زربت عليه خفنا زربنا صدرتو قلت ليه خوك عيان غير سير نتا قاد المسائل تاعك وشوف واش جيت معاك ولى لا ورد عليا فاش نولي لاباس غادي نصوني ليك ونمشيو صافي ...قال ليا صافي ومشى ههه أنا غير طلقتها عليه علاش حيت مبغيتش نبان ف ليسي حتى يبداو القراية باش ندخل عليهم شي دخلة مقودة تيتيز لي جا تما جديد مع مشافنيش ف لول غادي يقولو هادة ياله جا جديد واحدة غادي تبقى تقول لصحبتها راه جا دري جديد وكدا هه انا حافض دريات وضارب حسابي ...لمهم دوزت داك نهار غير ف دار حتى لعشية جا عندي سامة قال ليا صافي راه تسجلت اثبي وممصدقش جينا في قسم واحد تاني ههه .
-ههه وضفاااك ديما لاصق فيا بحال الكرادة تفوو قول ليا كاين شي تيتيز تما ولى باقي مبان والو
-اه تا منعاودش ليك اصاحبي واحد خيتي اوفففف تا راه صداع رأس اساط حق رب كلشي كيتعنب عليها تما ولكن هيا كتبان دافعة كبير تشوفها يضرك خاطرك
-أححح هادة هو نوع لي كنبغي غير خليهم يطيبوها فاش نجي انا لقاها واجدة بلى مانتعنب عليها غادي تكون ساهلة
- ههه تا راه هادشي باش كتعجبني الهلاوي خاصك تعلمني انا لي قلت ليها تصحابي معايا كتقول ليا بحال خويا انا مشارك معها لبزولة اخويا زريقة شوف ليا شي حل بروجولة
- تا صافي كون هاني هاد لعام غادي يدوز غير بنات على حسابي وغادي نكريو شي برتوش و T-MX كاينة وأرى برع اساط راه معاك زريقة وأجرك عل الله ..لمهم انا راه منقدرش نمشي هاد سيمانة كاملة حتى لسيمانة جايا عاد نمشي نتسجل وندخل نيشان نتا غير بقى تمشي باش تكتب دروس مايفوتنا والو
-صافي على مولانا اخويا زريقة تهلى نتقاشعو
لمهم دازت ديك سيمانة كنت تقديت شي حويجات خوكم كيضرب شي لبس خليني عنك تاني ..ديما كان كيجي عندي سامة صدع ليا كغي كيقول ليا وصاحبي خاصك تمشي ليسي باش تشوف ديك تيتزة راه مقودة بزااف غادي يزربو عليها الخوت قلت ليه اثبي واخا تصاحب مع ربعة غير كون هاني فاش نجي غادي تولي ديالي ..بقى كيضحك ههه كيصحابني طالقها عليه صراحة ضرني راسي حتى انا بغيت نشوف هاد خيتي أش تكون كاع انجيلنا جولي ف يامتها مثلا لمهم دازت سيمانة اليوم ثنين كنفيق على صوت الواليدة تا نوض ناس راه بداو القراية ونتا باقي كاع متسجلتي يا حصرة عندك لباك من لفوق خاصك تزير راسك هاد لعام مزيان ..
بففف الواليدة صابحة كتقرى عليا فزابور ههه ولكن هانية عزيزة عليا بزاااف نضت بست ليها على راسها ومشيت غسلت وجهي وسناني فطرت ضربت واحد لحطة المقودة قاديت تشيوكات ريحة بلاش فينا ريحت رجال خخخ ياله هزيت ألعيب دياولي باش نخرج ندوز على سامة وأنا نسمع دقان عرفت غادي يكون هو فتحت وفيعلنا كان هو قلت ليه ياله لقيتيني خارج ندوز عندك أوجه الكوميسارية ههه لمهم كنا داخلين مع 10 هو لي قال أنا باقي كاع مشديت عندو ستعمال زمن ؛ بقينا غادين ف طريق على رجلينا T-MX مبغيتش نبينها دابا ..شوية هو يقول ليا سامة بروجولة عمرك قلتي ليا بحالاش كطيح تيتيز
-ههه اوك باغي تعرف ياله سمعني مزيان أول خطوة هيا خاصك تكون كتعرف تلبس وتهضر وضحوكي لبنات كيبغيو شي واحد يكون مطلوق ومقبول ديما ضاحك ماشي معبس ومتكونش عناب لي نفرض كنتي عناب ماشي مشكل ولكن إلى تعنبتي خاصك تقدي الغراض ماشي طيبها وتخليها الغيرك. ..تاني خطوة خاصك تكون صنطيحة ومكتحشمش و كداب بييير أولد لعبد ؛ حيت إلى كنتي مع شي بنت صريح بربي لي كملتي معاها حتى سيمانة هوما عزيز لي يطلق عليهم سلوكية ديك ساعة كتيقك أما إلى قلتي ليها صراحة غادي عاد تسميك كداب ..معليناش ندوزو الخطوة تالثة أي بنت تصاحبتي معاها عمرك تقول ليها كنبغيك خليها هيا تقول ليك كنبغيك ماشي نتا حيت إلى قلتيها ليها نتا لول حياتك راحت فداكشي أولد لعبد غادي ديرك خاتم فصبعها ونتا وعقلك نزيدك ولى فيدك 😉😂
-هههه والله حتى طيرتيني اثبي انا معاشر معاك من حزق وشم وعمرك قلتي ليا هاد شي احح عليك راك خابير فهاد المجال خاصك شي جائزة اثبي
-هههه من نيتك اثوبي راه اول مرة نقول لشي واحد هاد شي ياله طلق رجليك باش نوصلو مع ستيراحة هيا هاديك راه متشوق نشوف ديك خيتي لي فرعتي ليا كغي بيها
-هههه مقودة اساط لي طيحتيها نولي نحتارمك
-واخا صافي مشات وعنداك
-اش عارف عليا راجل هو لكلمة
-اوك دابا نشوفو ....وصلنا ليسي مع دخلنا قلت لسامة نعت ليا خيتي وقلب 6/9
-اوك اطط نشوف واش كاينة ولى لا
-اوك خرج عينك مزيان .....شوية هو يقول ليا راه هيا مع شفت فيها وأنا ندور عندو قلت ليه اوى للنعلطبنمك نتا وياها هادي هيا تيتزة ثبي مصدعني بيها لي سمعك يقول عينها بحال عيني وشعرها بحال شعري شنو لي فيها زوين داك طرف وصدر فاااكيو هادي عندي بحال لماء دغيا نشربها على قبلك غادي نطيحها ياله روى لكروة أعشيري ..خليتو مصدوم وتميت غادي قاصدها كانت واقفة بوحدها وصلت عندها دخلتها بحال هاكة خيبوعة صافا وهيا تقول ليا
-مكتعرفش تقول سلام هيا لولة حاس براسك
- علاش بغيتي نحس بيك نتي مثلا ؟؟
-ههه زوينة عندك هادي
-ههه حتا أنا راه جوين غير مشفتيش فيا مزيان
-على مكيبان ليا نتا طاير ليك لفريخ مع هاد صبااح باغي تحماق عليا ولى شنو ههه قول شنو بغيتي من لخر
-ههه وايه فكرتيني معرفتش علاش جيت عندك كاع فاااكيو نسيت ....وهيا تسوني ستيراحة وأنا نغمزها وقلت ليها باي اخيبوعة بقات كضحك حسيت بكغي صافي طيحتها دابا مبقيتش غادي نمشي عندها هيا لي غادي تجي عندي كنتيق فراسي بزاااف ...لمهم مشيت عند سامة كان حاضيني ولد الهم مع وصلت عندو قال ليا شديتي نمرة
-شديت ترمتك انا نشد نمرة عند هاديك هيا غادي تجي برجليها وتعطيني نمرة وعقل على هاد الهضرة قولي عندمن داخلين دابا
-عدنا حصة تاع فرنسية
-اه استاد ولى أستادة
-أستادة مقودة تيتزة
-سكت سكت اثبي أش عرفك بشي تيتيز بحال هادي تاع دابا لي سيمانة ونتا كتهضر عليها لمهم خلي حتى يدخل كلشي وندخلو
-لا اصاحبي راه صعيبة غادي تقول لينا سيرو جيبو ورقة
-ناري شحال خواف صافي غير سير انا غادي نتبعك .....مشا هو وأنا نتفكر باقي كاع متسجلت ههه من بعد لمهم بقيت واقف بلاصتي حتى دخل الهلاوي كامل عاد تميت غادي أنا..وصلت دقيت ف لباب كنسمع ديك دخل بالفرنسية دخلت وأنا نشوف فيها واو بصح تيتيزة هادي مكدبش فيها وهيا تقول ليا أش هاد تعطيلة قبل منجاوبها رجعت سينتا لور ف لقصة تاع الواليد فاش داق الحلوة أستادة اواه زعمة تكون هيا هادي لا هو قال ليا أستادة تاع العربية مي هادي أستادة تاع الفرنسية اصلا هاديك غادي تكون شارفة دابا .. ولكن هادي هانية ممكن حتى انا ندوق ليها الحلوة لحنش مكيولد غي مطول منو. .بقيت ساكت كنفكر حتى كلقى القسم كامل كيشوف فيا حيت سهيت ههه وهيا تقول ليا أستادة بس بس صافا راه سولتك قلت ليها ديزولي أستادة راه أول حصة عندي هيا اليوم
- أخير مرة يتعاود هاد شي شنو سميتك بعدة
-زريقة
-شنو كتريكل عليا دابا شنو سميتك وكنيتك
-البشير لحلو ولكين عيطي ليا زريقة حسن صافي أستادة نتي أش سماك الله بعدة ...هو يدير القسم بشااااااخ بضحك ههه ولكين قمعاتهم وهيا تقول ليا ..... (يتبع. .).
#طاغي عشرانك يبداوها معانا من لول القصة طووب غادي تعجبكم من بعد :*
#ماتنساش دير جيم باش نكمل بزربة.
للتشجيع
#زريقة

28/05/2023

نصيحة لأي واحد كيكمي
كمي أخويا واش كيشريه ليك شي حد

Address

Dafna
Doha

Telephone

+212620863662

Website

Alerts

Be the first to know and let us send you an email when Caraeil posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Caraeil:

Shortcuts

Share

Category