အတွေးသစ်

13/05/2025

ခေါင်းဆောင်စိတ်
⭐⭐⭐⭐🌟🌟🌟

"ဆရာရေ.ကျနော်တို့ ဖမ်းမိတဲ့ထဲမှာ ရှင်ဘုရင်လည်းပါလာတယ်။

ဓားပြခေါင်းဆောင်ဟာ ပြုံးပြီး ...
ရှင်ဘုရင်ကို ကြည့်တယ်

"မင်းကောင်း မင်းမြတ်ကြီးပါလား
အရပ်ဝတ်ကြီးနဲ့ ဆိုတော့ ရုပ်ဖျက်ပြီး တိုင်းခန်း လှည့်လည်တယ် ထင်ပါ့

ဘုရင်ဆိုသူက ပြုံးပြီး ခေါင်းငြိမ့်ပြသည်။

ဘုရင်နှင့်အတူ မိလာသောသူများကလည်း သူတို့နဲ့အတူ အဖမ်းခံထားရသည်မှာ ဘုရင်ဆိုတော့ အံ့အား သင့်နေပုံရသည်။

"ဒီဘုရင်က ကျုပ်တို့ကို ဒုက္ခပေးမယ့် ဘုရင်ပဲ၊ သတ်ပစ်လိုက်မလားဆရာ ❓

"အေး.. သတ်တာတော့ သတ်တာပေါ့ကွာ၊ ဒါပေမယ့် မသတ်ခင်လေး .ရှင်ဘုရင်က ဦးညွှတ်တာလေးတော့ လိုချင်မိသားကွ
အဟေးဟေးးးးး

"မောင်မင်းတို့ ...ကျုပ်ကိုပဲ သတ်လို့ရမယ်၊ ဘုရင်ဆိုတဲ့ နေရာကို သတ်လို့ မရဘူး။ ကျုပ်သေသွားလည်း ဘုရင်ဆိုတဲ့နေရာကို
တစ်ယောက်ယောက်က ဝင်ယူဦးမှာပဲ ...

အဲ့ဒီ အခါကျရင် ဘုရင်ကိုတောင် သတ်တဲ့ ဓားပြရယ်လို့ မောင်မင်းတို့ကို ပိုငြိုးကြလိမ့်မယ် ……

ဓားပြ ခေါင်းဆောင် တွေဝေသွားတယ်...

"ဒါဆိုရင်တော့ ...ခင်ဗျားကို လွှတ်ပေးမယ်။ ဒါပေမယ့်.... လွှတ်ပေးစေချင်ရင် ခင်ဗျား
ကျုပ်ကို အရိုအသေ ပေးသွားရမယ်။

"ကျုပ်အသေခံမယ်၊ အသက်သေမှာ ကြောက်လို့ ဦးညွတ်သွားတဲ့ ဘုရင်ဘဝကို ကျုပ် အရောက်မခံနိုင်ဘူး။

တိုင်းသူ၊ ပြည်သားတွေရဲ့ လေးစားဂါရဝကို ခံယူပြီးပြီ ဖြစ်တဲ့အတွက်လေးစားခံ ထိုက်အောင် နေပေးဖို့ ကျုပ်တာဝန်ပဲ ……

"ခင်ဗျားက...တော်တော် ကြီးကျယ်တဲ့ ဘုရင်ပဲ၊ ခင်ဗျားကျုပ်တို့ကို ဦးမညွှတ်ရင် ဒီလူတွေကို ကျုပ်က သတ်မှာ………

ဘုရင်ဟာ ဘာမှ စောဒက.မတက်တော့ဘဲ၊
ဝုန်းကနဲ ဒူးထောက် ချလိုက်ပြီးဓားပြများကို အရိုအသေ ပြုလေတော့သည်။

အရိုအသေ ပြုခံရသော ဓားပြဗိုလ်ဟာ ကျောထဲ စိမ့်ကနဲ ချမ်းသွားတယ်။

ဘယ်လိုဘုရင်လဲ......❓

သူ့ကို သတ်မယ်ဆိုတုန်းက အသက်ကိုတောင် မငဲ့ကွက်ဘဲ ရာဇ ဂုဏ်အတွက် ဒူးမထောက်
လိုသူက အခုတော့...မြေပြင်မှာ ပြားပြားမှောက် ဝပ်လို့

ဒါ...ဘုရင်အစစ် ...

ဒါမှ .... ဘုရင်အစစ် ...

ဘုရင့်သိက္ခာကို ..မိမိ အသက်ထက်
ပို တန်ဖိုးထားတဲ့ ဘုရင်……

တိုင်းသူပြည်သားတွေရဲ့ အသက်ကို ... ဘုရင့်သိက္ခာထက် ပို တန်ဖိုးထားတဲ့ ဘုရင်……

ဓားပြဗိုလ်ဖြစ်သူ မျက်ရည်များ ဝဲတက်လာသည်။ ဓားစာခံ ပြည်သူများကို ကြည့်တော့လည်း ဒူးထောက်နေသော ပြည့်ရှင်မင်းကို ကြည့်ကာ လေးစားချစ်ခင်မှု ဝမ်းနည်း ကြေကွဲမှုများ ယှက်ထွေးလျက် မျက်ရည်များ ဝေနေကြလေသည်။ ဓားပြဗိုလ် ဖြစ်သူသည် ဘုရင့်ရှေ့ ... ဒူးထောက်ချလိုက်ပြီး ..

"ထပါ မြတ်သော မင်းကြီး

ကျနော့်ကို ခွင့်လွှတ်ပါ
မင်းကောင်းမင်းမြတ်ကို အသက်ရှင်လျက် မြင်တွေ့ ခွင့်ရခဲ့ခြင်းဟာ.သေရင်တောင် ထိုက်တန်ပါတယ်။

လက်နက်နဲ့ ဓားပြများကို.... မေတ္တာဖြင့် ဆုံးမတတ်သော မင်းကြီး၊
ခန္တီတရားဖြင့် ဆုံးမတတ်သော မင်းကြီး၊ ခေါင်းဆောင်ကောင်းတစ်ယောက်၏ စွန့်လွှတ် အနစ်နာခံမှု တာဝန်ခံမှုများကို
လမ်းပြသော မင်းကြီးကို

ကျွန်တော် ....
အတိုင်းအဆမဲ့ ကြည်ညိုပါတယ်။

ကျနော်လည်း ခေါင်းဆောင်တစ်ယောက်မို့ . ကျနော့် အပြစ်အတွက်တာဝန်ခံပါရစေ ..

ကျနော့် နောက်လိုက်များကို အပြစ်မှ လွှတ်ပေးပါ။ ကျနော့်ကို အပြစ်သားအဖြစ် ဖမ်းဆီးခေါ်ဆောင်သွားပါ။ ချမှတ်လိုသော
ပြစ်ဒဏ်ကို ချမှတ်ပါ။

ခေါင်းဆောင်ကောင်း ပီသခဲ့သော
ဓားပြဗိုလ်ကို..လေးစားရင်း အခံရှိသော နောက်လိုက် ဓားပြများကလည်း. သူတို့ ခေါင်းဆောင် နည်းတူ ဒူးထောက်၍ .ရှင်ဘုရင်ကို အရိုသေ ပြုကြလေသည်။

ရပ်နေသော ပြည်သူများလည်း သူတို့အတွက် . ရပ်တည် ပေးခဲ့သော ရှင်ဘုရင်ကို ဒူးထောက် ခစားလေတော့သည်။

မင်းကြီးက ဒူးထောက်နေရာမှ ထ၍ ဓားပြဗိုလ်ကို ထူကာ ...

"မောင်မင်းက ဓားပြအဖြစ်ဆိုးသွမ်းပေမယ့်.. ခေါင်းဆောင်အဖြစ် လေးစားစရာ ကောင်းတယ်။ ဒီလက်စွပ်ကိုယူပါ။

ဒါ အဖိုးနည်း လက်စွပ်ဆိုပေမယ့်
ကျုပ်ရဲ့ အမှတ်အသားပါ။

ကျုပ်ကို ယုံရင် ဒီလက်စွပ်ကို ယူပြီး နန်းတော်ကို လာပါ။ ဒီနေ့ ရသင့်တဲ့ ငွေပမာဏရဲ့ သုံးဆကို ဆုအဖြစ် လာထုတ်ယူလှည့်ပါ။

ပြည်သူများရဲ့ ငွေကို ပြန်ပေး ပေးပါ။ တိုင်းပြည်အတွက် စစ်မှုထမ်းလိုပါက သားမယားများနဲ့ တိုင်ပင်ပြီး နန်းတော်ကို လာခဲ့ပါ။

ရာဇဣ‌ေန္ဒြ အပြည့်ဖြင့် ထွက်ခွာသွားသော မင်းကြီး၏ ကျောပြင်ကို ဓားပြများနှင့် ပြည်သူများက ငေးမော၍ ကြည့်နေလေတော့သည်။

အတွေးသစ်

12/05/2025

"သေနေသော မြင်း သီအိုရီ"

"သေနေသော မြင်း သီအိုရီ" သည် လူပုဂ္ဂိုလ်များ၊ အဖွဲ့အစည်းများ သို့မဟုတ် နိုင်ငံများသည် ဖြေရှင်း၍ မရနိုင်တော့ကြောင်း ထင်ရှားသည့် ပြဿနာများကို မည်သို့ ရင်ဆိုင်ကြသည်ကို ဟာသဆန်စွာ ပုံဖော်ထားသော သရော်စကားဖြစ်သည်။ လက်တွေ့အခြေအနေကို လက်ခံမည့်အစား၊ ထိုပြဿနာများကို ဆက်လက် ကာကွယ်ပြောဆိုရန် ဖြစ်နိုင်ချေမရှိသော ကြိုးပမ်းမှုများ ပြုလုပ်နေကြသည်။

အဓိက အယူအဆမှာ ရှင်းလင်းပါသည် - သင်သည် သေနေသော မြင်းကို စီးနေကြောင်း တွေ့ရှိပါက အကောင်းဆုံးနည်းလမ်းမှာ ဆင်းလိုက်ပြီး ထိုမြင်းကို စွန့်ခွာရန်သာဖြစ်သည်။

သို့သော် လက်တွေ့တွင် အများအားဖြင့် ဆန့်ကျင်ဘက်သာ ဖြစ်လေ့ရှိသည်။ သေနေသော မြင်းကို စွန့်ခွာမည့်အစား အောက်ပါကဲ့သို့ အစီအမံများကို ချမှတ်ဆောင်ရွက်လေ့ရှိကြသည်။

• မြင်းအတွက် ကုန်းနှီးအသစ် ဝယ်ယူခြင်း။

• သေနေသည့် မြင်း၏ အစာကို ပိုမိုကောင်းမွန်အောင် ပြောင်းလဲပေးခြင်း။

• အမှန်တကယ် ပြဿနာကို ဖြေရှင်းမည့်အစား မြင်းစီးသူကို အစားထိုးပြောင်းလဲခြင်း။

• မတူညီသော ရလဒ်တစ်ခု ရရှိရန် မျှော်လင့်ချက်ဖြင့် မြင်းမန်နေဂျာကို ထုတ်ပယ်ပြီး လူအသစ် ခန့်အပ်ခြင်း။

• သေနေသော မြင်း၏ အမြန်နှုန်းကို မည်သို့ မြှင့်တင်မည်ဆိုသည်ကို ဆွေးနွေးရန် အစည်းအဝေးများ စီစဉ်ကျင်းပခြင်း။

• သေနေသော မြင်း၏ ပြဿနာကို ရှုထောင့်အားလုံးမှ လေ့လာဆန်းစစ်ရန်အတွက် ကော်မတီများ သို့မဟုတ် လုပ်ငန်းအဖွဲ့များ ဖွဲ့စည်းခြင်း။ ဤကော်မတီများသည် လပေါင်းများစွာ အလုပ်လုပ်ကိုင်ကြပြီး အစီရင်ခံစာများ တင်ပြကာ နောက်ဆုံးတွင် ထင်ရှားသော အချက်ကို ကောက်ချက်ချပါသည် - မြင်းသေနေပြီဟု။

• အခြားသော ဆင်တူသည့် သေနေသော မြင်းများနှင့် နှိုင်းယှဉ်၍ ပြဿနာမှာ လေ့ကျင့်သင်ကြားမှု မလုံလောက်ခြင်းသာဖြစ်သည်ဟု ကောက်ချက်ချကာ ကြိုးပမ်းအားထုတ်မှုများကို အကျိုးအကြောင်း ရှင်းပြခြင်း။

• မြင်းများအတွက် လေ့ကျင့်ရေး သင်တန်းများကို အဆိုပြုခြင်းဖြင့် ဘတ်ဂျက် တိုးမြှင့်ရန် သေချာစေသည်။

• "သေဆုံးခြင်း" ဆိုသည့် သဘောတရားကို ပြန်လည် အဓိပ္ပာယ်ဖွင့်ဆိုပြီး မြင်းတွင် အခွင့်အလမ်း ရှိနေသေးသည်ဟု ယုံကြည်အောင် ပြောဆိုခြင်း။

သင်ခန်းစာ။
ဤသဘောတရားသည် လူအများနှင့် အဖွဲ့အစည်းများသည် အစကတည်းက ပြဿနာကို လက်ခံပြီး ပိုမိုကျိုးကြောင်းဆီလျော်၍ ထိရောက်သော ဆုံးဖြတ်ချက်များ ချမှတ်မည့်အစား၊ လက်တွေ့အခြေအနေကို ငြင်းပယ်ပြီး အသုံးမဝင်သော ဖြေရှင်းနည်းများအတွက် အချိန်၊ အရင်းအမြစ်နှင့် ကြိုးပမ်းအားထုတ်မှုများကို အလဟသ ဖြုန်းတီးရန် ပိုမိုနှစ်သက်ကြကြောင်း ပြသနေပါသည်။

The “Dead Horse Theory” is a satirical metaphor that reflects how some people, institutions, or nations face obvious problems that are impossible to solve, but instead of accepting reality, they cling to justifying them.

The core idea is clear: if you find out you're riding a dead horse, the wisest thing to do is to get down and leave it.

However, in practice, it is often the opposite. Instead of abandoning the dead horse, measures are taken such as:

• Buy a new saddle for the horse.
• Improve the horse's feed, even though it is dead.
• Change the rider instead of addressing the real problem.
• Fire the horse manager and hire someone new, hoping for a different result.
• Organize meetings to discuss how to increase the speed of the dead horse.
• Create committees or working teams to analyze the problem of the dead horse from all angles. These committees work for months, raise reports, and finally conclude the obvious: the horse is dead.
• Justify efforts by comparing the horse to other similar dead horses, concluding that the problem was a lack of training.
• Propose training courses for horses, which means increasing the budget.
• Redefining the concept of "dead" to convince the horse still has a chance.

Lesson Learned:

This theory demonstrates how many people and organizations prefer to deny reality and waste time, resources, and effort on useless solutions, rather than accepting the problem from the start and making smarter and more effective decisions.

WHEN YOU’RE RIDING A DEAD HORSE, THE BEST STRATEGY IS TO GET OFF.

24/04/2025

ပညာရေးဖြင့် ခေတ်မှီ ဖွံ့ဖြိုးသော နိုင်ငံသစ် တည်ဆောက်အံ့
📚📚📚📚📚📚📚📚📚📚📚

အဘ ဦးတင်နိုင်သိန်း Tin Naing Thein ၏ အတွေးအမြင် (၁၆၆) ကို ဖတ်ပြီး ရေးပါသည်။

https://www.facebook.com/share/p/12Jf1NHqHBp/

👇👇👇👇👇👇👇👇👇👇👇

ခေါင်းစဉ်လေးကတော့ ၁၉၈၈ ခုနစ် ၈၈၈၈ အရေးအခင်းအပြီးမှာ ကျောင်းတိုင်း ပညာရေးဌာနတိုင်းမှာ တွေ့မြင်ရတဲ့ Motto or Slogan လေးပါ။

အခြေအနေ၊ အချိန်ကာလကို ထည့်မတွက်ရင် အရမ်းကို လူကြိုက်များမယ့် ဆောင်ပုဒ်တခုပါ။ သို့သော် နိုင်ငံရေး မှိုင်း (Political Virus) ထိုးသွင်းခံရတဲ့ ပြည်သူတွေက ဟာသအဖြစ် ရှု့မြင်ကြပါတယ်။

နိုင်ငံကို အုပ်ချုပ်နေတဲ့ အစိုးရ တရပ်အနေနဲ့ တိုင်းပြည်နဲ့ ပြည်သူ အတွက် ‌Positive point of view ကနေ ကောင်းမွန်စွာ မလေ့လာ မိတာ ကိုယ့်အမှားပါ။ ည (၈)နာရီ ထိုးရင် TV ပိတ် အခွေထိုးတဲ့ အကျင့်တွေပေါ့။

ရပ်ကွက်အနားက ရှု့ခင်းသာ လမ်းမကြီးဟာ တကယ့်ကို ကုန်ထုတ်လမ်းမကြီးပါ။ (ယနေ့အခါ) မြို့တော်အင်္ဂါရပ်နဲ့ ညီအောင် ဆေးသုတ်၊ ပြုပြင်၊ အသစ်ဆောက်ကြတယ်။ အခြေခံ မူလတန်းကျောင်း အ•မ•က (၃၇) ဆိုတာ ဓနိမိူး ဓရံကာ ကျောင်းလေးပါ။ အဲတာကို ပညာရေးကော်မတီက အကြီးဆုံး ကမ္ဘာသိ ပုဂ္ဂိုလ်ကြီး ကိုယ်တိုင် စစ်ဆေးပြီး မူဝါဒနဲ့ အညီ အသစ်တည်ဆောက်ဖို့ ရပ်ရွာ တာဝန်ရှိသူ အုပ်ချုပ်ရေး၊ ရပ်မိရပ်ဖ၊ ကျောင်း၏မိဘဆရာအသင်းနဲ့ တခြား လူမှုရေးအဖွဲ့တွေ တိုင်ပင်ခဲ့တယ်။

ကျောင်းသစ်လေးဟာ RC (၂)ထပ်၊ (E) ပုံစံ မုန်တိုင်း ဒဏ်ခံ အဆောက်အဦး ပါ။ ပြောနိုင်တာ နာဂစ်မှာ မှန်ပြူတင်းကွဲတာ စတဲ့ အသေးစား ပျက်စီးမှု့လေးဘဲ ရှိခဲ့လို့ပါ။ အခုလို ငလျင်ကြီး မလုပ်တော့လည်း ငလျင်ဒဏ် ခံ/မခံ မသိပါဘူး။ ကျောင်းအုပ်ကြီးအခန်းနဲ့ တွဲလျက် အစည်းအဝေးခန်း၊ ဘုရားခန်း၊ မီဒီယာခန်း၊ ကွန်ပြူတာခန်း၊ ရေသန့်စက်၊ လက်ဆေးနေရာ၊ အိမ်သာ၊ ဘောလုံးကွင်းနဲ့ ပန်းခြံ ပါရှိပါတယ်။

အခွံကြီးမဟုတ်ဘဲနဲ့ ပစ္စည်းပစ္စယ ပရိဘောဂ အစုံအလင်နဲ့ပါ။ ကျောက်သင်ပုန်းတွေကအစ White Board တွေပါ။ လုံလောက်တဲ့ စာသင်ခုံတွေနဲ့ အဒီခေတ်က ပြီးပြည့်စုံကာ ခေတ်မှီတဲ့ မူလတန်းကျောင်း အဖြစ် မြို့နယ်အတွင်းမှာ ထင်ရှားပါတယ်။ လူမှု့ရေးအဖွဲ့တွေကတောင် ပညာဒါန ကွန်ပြူတာ သင်တန်းကို ကျောင်းပိတ်ချိန် နွေရာသီတိုင်း ဖွင့်ပါတယ်။

ပြောချင်တာက ဘယ်လိုဘဲ ခေတ်နဲ့ညီအောင် လိုအပ်နေတဲ့ အခြေခံ အဆောက်အဦးတွေ ဘယ်လို ကောင်းကောင်း ကိုင်တွယ်သုံးစွဲမယ့် သူတွေရဲ့ Personal Skills and Human Resources Deployment က အရေးပါတါကို ပြောချင်တာပါ။

နိုင်ငံကို အုပ်ချုပ်ခဲ့တဲ့ သူတွေတိုင်း သူ့အတွေးအကြံမှီသလောက် မိမိတို့မှာ ရှိတဲ့ GDP အချိုးနဲ့ လိုက်ပြီး အကောင်းဆုံးဆိုတာ လုပ်ကြသူတွေပါ။ ဘယ်နိုင်ငံကိုဘဲ ကြည့်ကြည့်ပါ။ "ရေမြင့်ရင်၊ ကြာတင့်မှာဘဲ" ဒါကို ရေဖေါက်ချသူတွေက သတ်သတ်ကိုရှိတာ။ ၁၉၉၂ ခုနှစ်ကနေ စပြီး ရင်းနှီးမြုတ်နှံမှုများစွာနဲ့ အစကောင်းနေတဲ့ နိုင်ငံစီးပွါးရေးကို ပိတ်ဆို့မှု့ဖြစ်အောင် လုပ်ခဲ့တဲ့ တရားခံ လက်သည်တွေကို မပြောချင်တော့ပါဘူး။ ယနေ့ အမေရိကန် ခံစားနေရတဲ့ အကျိုးဆက်ကို နားလည်သင့်ပါတယ်။

ပညာရေးကိုဆက်ရရင် ၁၉၈၈ ခုနှစ် မတိုင်ခင်က တက္ကသိုလ် ဝင်ခွင့်စာမေးပွဲ (၁၀တန်း) ဆိုတာ အမေရိကန်ရဲ့ တက္ကသိုလ်ဝင်တန်း "O" Level နဲ့ ညီပါတယ်။ ဒါကိုသိပြီး တတ်နိုင်သူတွေက မိမိတို့ရဲ့ သားသမီးများကို Western University နာမည်ကြီးတွေမှာ ပညာဆက်လက် သင်ယူစေတယ်။ ၁၉၉၇ စီးပွားရေး ပိတ်ဆို့မှု့နဲ့အတူ အချို့ တတ်နိုင်သူတွေရဲ့ ပညာသင်ခွင့် ဆုံးရှုံးပြီး ပညာရေးပြီးဆုံးသူတွေဟာ ပြည်တော် ပြန်မဝင်ကြတော့ Brain Drain ဆိုတဲ့ ဦးဏှောက်ယိုစီးမှု့ဟာ နိုင်ငံအတွက် HRD အခြေခံတခု ဆုံးရှုးခဲ့ပြန်တယ်။ ၂၀၁၀ ရွေးကောက်ပွဲအပြီး ဖြစ်ပေါ်လာတဲ့ အစိုးရ သုံးခု (ယနေ့အချိန်အထိ) ထဲမှာ ပထမဆုံး ဖြစ်လာတဲ့ ဦးသိန်းစိန် ဦးဆောင်တဲ့ အစိုးရတရပ်ဟာ ဘယ်သူတွေ ဘယ်လိုပြောပြော အကောင်းဆုံး ဆိုတာ ငြင်းမရပါဘူး။ ပထမဆုံးဖြစ်လာတဲ့ အစိုးရဟာ တိုင်းပြည်ထူထောင်ရေးမှာ ပညာရေးကဏ္ဍကို ပုံအောခဲ့ကြတယ်။ သီးသန့် ဘတ်ဂျက် အသုံးစရိတ်ဖယ်ပြီး နှစ်စဉ် ပညာတော်သင်တွေကို Born Contract တွေနဲ့ စေလွှတ်ခဲ့တယ်။ ရွေးချယ်ရာမှာလည်း လက်သင့်ရာ မရွေးဘဲ ချထားတဲ့ မူဝါဒနဲ့အညီ ရွေးရာမှာ အတိုက်အခံ အချို့ရဲ့ သားသမီးတွေလည်းပါခဲ့တယ်။ မြမ္မာချည်းဘဲ မရွေးဘဲ တကယ်ထူးချွန်တဲ့ တိုင်းရင်းသားတွေလည်းပါတယ်။

(၅-၁၀)နှစ်အတွင်း နိုင်ငံအတွင်းမှာ နိုင်ငံတကာက ခေတ်မှီပညာရပ်တွေသင်ကြားတတ်‌ေမြာက်ခဲ့တဲ့ HRD resources တွေနဲ့ ဘယ်အစိုးရ တက်တက် ပြည်သု့အရေး ရှေးရှု့စေမယ့် ပြည်သူ့ဝန်ထမ်း စနစ်ကို အကောင်အထည် ဖေါ်ခဲ့ကြတယ်။ အဲလောက်ကောင်းတဲ့ စနစ်တခုကို နိုင်ငံရေး မကျေနပ်မှုကို အသုံးချပြီး
Political Disaffection ကို မူတည်ပြီး အ‌ေခြခံမူဝါဒ စည်းများကို ရည်ရွယ်ချက် ရှိရှိ ဖျက်စီးခဲ့ကြတယ်။

ဆက်ရေးရင် စာက ရှည်သွားမှာ စိုးလို့ မိမိနိုင်ငံနဲ့ ကိုက်ညီတဲ့ ပညာရေးမူတါဒကို National Education Strategy မချမှတ်နိုင်ရင်တောင် HRD ဖြစ်လာစေမယ့် ဦးသိန်းစိန်ခေတ်ကလို လုပ်ကြပါလို့ တိုက်တွန်းရင်းနဲ့ ငယ်စဉ်က သင်ရတဲ့ စာလေးကို ရေးတင်ပါတယ်။

🚂🚃🚃🚃🚃🚃🚃

ဤခရီး၊ နီးသလား
မီးရထား စီးလာပါ။
ငါးနာရီ၊ ထိုးပြီ
မီးရထားက မလာသေး။
လူအများ၊ စောင့်နေကြသည်
အလကား မစီးရ။

ဒီစာပိုဒ်လေးကို ရွတ်ဖတ်ခဲ့ရ ပေမယ့် ဆရာ/ဆရာမများက ရထား အကြောင်းတောင် သေချာစွာ မရှင်းပြခဲ့ကြပါဘူး။ အဓိပ္ပါယ်ကတော့ - မိမိလိုချင်တဲ့ပန်းတိုင် ခရီးဆုံးကို ရောက်ဖို့ ဈေးသက်သာပြီး အတန်သင့် မြန်တဲ့ ရထားနဲ့ တူညီတဲ့ အခွင်အရေးဆိုတာ ငါးနာရီဆိုတဲ့ လူ့အခြေခံ သီလ (၅)ပါး လုံမှသာ စီးနင်းခွင့် ရသလို ထိုကဲ့သို့ စီးနင်းရာမှာလည်း ဇွဲ၊ လုံလ၊ဝီရိယ ဆိုတဲ့ အားထုတ်မှု မပါဘဲ အလကား အခမဲ့ တက်စီးလို့ မရကြောင်း အာစရိယတွေက သေသေချာချာ ဂဃဏန ရှင်းပြခဲ့ရင် •••••••••

#အတွေးများစွာဖြင့်
#လွတ်လပ်စွာသဘောထားကွဲနိုင်သည်

13/03/2025

13/03/2025

နွားကိုချောက်ထဲတွန်းချလိုက်ပါ
********************************

တစ်ခါက.. ဥာဏ်ပညာနဲ့ပြည့်စုံတဲ့ လူတစ်ယောက်ဟာ တပည့်တစ်ယောက်နဲ့အတူ ခရီးကြမ်းတစ်ခုကို ထွက်ခွာခဲ့ပါသတဲ့..။ အဲဒီလို ဆရာတပည့်နှစ်ယောက်ဟာ ခြေကျင်ခရီးထွက်လာရင်းမှာပဲ ညဉ့်အမှောင်ဟာတဖြည်းဖြည်း ၀င်ရောက်လာပါသတဲ့..။ ညရဲ့အမှောင်ထုဟာ ပိုမိုပြီးကြီးစိုးလာပြန်တာကြောင့် ဆရာက တပည့်ကိုဒီလိုပြောတယ်။

"တပည့် ငါတို့တည်းခိုဖို့နေရာလေးဘာလေးရှာမှာဖြစ်မယ်၊ ဒီအတိုင်းအိပ်လို့တော့မဖြစ်ဘူး။ ဟိုဟိုဒီဒီသွားပြီး တည်းဖို့ခိုဖို့နေရာလေးရှာစမ်းပါဦး"

အဲဒီအခါ တပည့်လုပ်သူလည်း အနီးအပါးလှည့်လည်သွားလာပြီး တည်းခိုနေနိုင်တဲ့ နေရာကိုလိုက်ရှာတယ်။ အဲဒီလိုနဲ့ ဖုန်းဆိုးမြေတစ်ခုရဲ့ အစပ်မှာတော့ အင်မတန်သေးငယ်စုတ်ချာလှတဲ့ တဲပုပ်တစ်လုံးကိုတွေ့ခဲ့တယ်။ အဲဒါကြောင့်လည်းသူဟာ ဆရာကို ပြန်လည်ခေါ်ဆောင်ပြီး သူတွေ့ခဲ့တဲ့ တဲပုပ်လေးဆီကို ဆရာတပည့်နှစ်ယောက် သွားရောက်ခဲ့ကြတယ်။

အဲဒီလို စုတ်ချာလှတဲ့တဲပုပ်လေးမှာ အင်မတန်ဆင်းရဲနုံချာလှတဲ့ မိသားစုတစ်စုနေထိုင်တယ်။ အဖေ၊ အမေနဲ့ ကလေးငယ်တွေအကုန်လုံးဟာ အရောင်မွဲလွန်းလှပြီး အဖာရာတွေ ဗရပွနဲ့ အ၀တ်အစားတွေကို ၀တ်ဆင်ထားရရှာတယ်။ ပညာရှိရဲ့တပည့်ဟာ ဆင်းရဲလှတဲ့မိသားစုကို အားနာလှပေမယ့် ဒီတစ်ညအဖို့ဒီမှာအိပ်မှသာဖြစ်မှာမို့ သူက တည်းခိုခွင့်တောင်းခဲ့တယ်။

"ကျွန်တော်တို့ ဆရာတစ်ပည့်နှစ်ယောက် ဒီတစ်ညတော့ ဒီမှာအိပ်ပါရစေ"

လို့ တပည့်က ခွင့်တောင်းလိုက်တယ်။ အဲဒီအခါ သူဆင်းရဲမိသားစုရဲ့ဖခင်က

"အိုး..ခရီးသွားဧည့်သည်တွေပဲဗျ။ ဧည့်သည်လာတာကိုပဲ ကျွန်တော်က အင်မတန်၀မ်းမြောက်လှပါတယ်။ တည်းပါဗျာ။ တည်းပါ။ အိမ်ထဲကိုကြွကြပါ" လို့ ပြုံးရွှင်စွာပဲဆီးကြိုလိုက်တယ်။

အဲဒီနောက်မှာတော့ ဆင်းရဲမွဲတေလှတဲ့မိသားစုဟာ ဆရာတပည့်နှစ်ယောက်အတွက် ညစာအဖြစ် အစားအသောက်တွေနဲ့ကျွေးမွေး ဧည့်ခံခဲ့တယ်။ သူတို့ကျွေးမွေးတဲ့ အစားအသောက်ထဲမှာတော့ သူတို့ဟာ ဒိန်ခဲတွေ၊ နို့မလိုင်တွေ၊ နွားနို့တွေကို အကောင်းဆုံးပြင်ဆင်ကျွေးမွေးကြရှာတယ်။
-
အဲဒီလို ပျူငှာဖော်ရွေလွန်းတဲ့ သူဆင်းရဲမိသားစုကိုမြင်ရတဲ့အခါ တပည့်လုပ်သူဟာ အင်မတန်မှ သနားမိတယ်။ သူတို့ဟာ ဆင်းရဲနုံချာလှပေမယ့်သဒ္ဒါတရားမှာတော့ ဇောတိက၊ အနာထပိဏ်တို့ထက် မနည်းဘူးလို့သူတွေးတောနေမိတယ်။

အဲဒီလို ညစာစားသောက်အပြီးမှာတော့ ဆရာဖြစ်သူက ဒီလိုမေးတယ်.....

"ခင်ဗျားတို့တွေ ကျွေးမွေးဧည့်ခံတာကို ကျေးဇူးတင်လို့မဆုံးပါဘူး။ ဒါနဲ့ ဒီလို ခေါင်လှတဲ့နေရာမှာ ဘာအလုပ်အကိုင်တွေနဲ့များ လုပ်ကိုင်စားသောက်ကြတာတုန်းဗျ"

အဲဒီအခါ အိမ်ရှင်ယောက်ျားက ....

"ကျွန်တော်တို့မှာ နွားတစ်ကောင်ရှိတယ်လေ၊ ကျွန်တော်က နေ့တိုင်းနွားနို့ညှစ်ပြီး သိပ်မဝေးတဲ့နေရာမှာရှိတဲ့ ကျွန်တော်တို့ရဲ့ အိမ်နီးနားချင်းဆီမှာ သွားပေးတယ်။ သူက ကျွန်တော်တို့အတွက်လိုအပ်တဲ့ အ၀တ်အထည်၊ ဆန် တွေပြန်ပေးတယ်၊ ကျွန်တော်တို့ရဲ့ဟင်းလျာကတော့ ဒီနွားကရတဲ့ ဒိန်ခဲ၊ ဒိန်ချဉ်၊ နွားနို့ ပေါ့ဗျာ။ အဲဒီလိုနည်းနဲ့ မိသားစုအသက်မွေးရတာပေါ့ ကျန်တဲ့ရပေါက်ရလမ်းတော့မရှိပါဘူး"

အဲဒီလိုနဲ့ နောက်တစ်နေ့မနက်မှာတော့ ဆရာတပည့်နှစ်ယောက်ဟာ ခရီးဆက်လက် ထွက်ခွာခဲ့တယ်။ ဆရာဖြစ်တဲ့ပညာရှိကြီးဟာ တစ်စုံတစ်ခုမှ ပြောဆိုခြင်းမရှိပေမယ့် တပည့်လုပ်သူကတော့ ဆင်းရဲလှတဲ့မိသားစုအပေါ် သနားစိတ်၊ စာနာစိတ်တွေသာ ကြီးစိုးနေတယ်။ ဒီမိသားစုလေးကို ကယ်တင်လိုစိတ်၊ ကြီးပွားချမ်းသာစေလိုစိတ်တွေနဲ့ တနုံ့နုံ့ ဖြစ်လို့လာတယ်။ တစ်ကြိမ်မှာတော့ သူက ဆရာပညာရှိကြီးကို ဒီလိုပြောလိုက်တယ်......

"ဆရာ ကျွန်တော်တို့တည်းခဲ့တဲ့အိမ်က မိသားစုလေးကို ကျွန်တော် အင်မတန်သနားမိပါတယ်ဗျာ။ သူတို့ကို တစ်နည်းနည်းနဲ့ချမ်းသာအောင် လုပ်ပေးနိုင်တဲ့နည်းလမ်းလေးများ မရှိဘူးလား"

လို့မေးလိုက်တယ်။ အဲဒီအခါ ပညာရှိကြီးက....

"မင်းသူတို့ကို တကယ်ချမ်းသာစေချင်လား"

လို့ပြန်မေးလိုက်တယ်။ အဲဒီအခါ တပည့်က...

"ဘယ်လိုပြောလိုက်ပါလိမ့်ဆရာရယ်။ ချမ်းသာစေချင်တာပေါ့ဗျ"

လို့ပြန်ပြောလိုက်တယ်။ အဲဒီအခါ ဆရာပညာရှိက....

"ဒါဆို သူတို့ပိုင်တဲ့ နွားမကို ချောက်ထဲတွန်းချပြီး သတ်ပေးလိုက်" လို့ပြန်ပြောတယ်။ အဲဒီအခါ တပည့်က.....

"မဟုတ်တာဆရာရယ်၊ သူတို့မှာပိုင်တာဆိုလို့၊ ဒါလေးပဲရှိတာကို၊ ဒါလေးမရှိရင် ဒုက္ခရောက်သွားမှာပေါ့"

လို့ပြောလိုက်တယ်။ အဲဒီအခါ ဆရာက......

"တကယ်ချမ်းသာစေချင်ရင်၊ ငါပြောတဲ့အတိုင်းသာလုပ်စမ်းကွာ"

လို့ပြန်ပြောလိုက်တယ်။

အဲဒီလိုနဲ့တပည့်ဟာ လေးလံတဲ့စိတ်နှလုံးနဲ့ တဲပုပ်လေးရှိရာကို ပြန်လာတယ်။ အိမ်သားတွေမသိအောင် သူတို့ရဲ့နွားမလေးကို ချောက်ကမ်းပါးအစွန်းကိုဆွဲလာခဲ့တယ်။ အဲဒီနောက်တော့ သူဟာ နွားကို ချောက်ထဲတွန်းချပြီးသတ်ခဲ့လိုက်တယ်။

အဲဒီလိုနဲ့ နှစ်ပေါင်းများစွာအကြာမှာတော့ ဆရာတပည့်နှစ်ယောက်ဟာ အဲဒီလမ်းအတိုင်းဘဲ ခရီးတစ်ခေါက် ထွက်ခဲ့တယ်။ ဒီတစ်ကြိမ်မှာတော့ သူတို့တွေဟာ အရင်တည်းခိုခဲ့ဖူးတဲ့ တဲပုပ်လေးနေရာမှာ ကောင်းမွန်သပ်ယပ်တဲ့ အိမ်တစ်လုံးကိုတွေ့ရတယ်။ အဲဒီအိမ်ဘေးမှာ မျက်စေ့တဆုံးကျယ်၀န်းတဲ့ သီးနှံစိုက်ခင်းတွေနဲ့တကွ၊ နွားပေါင်း တစ်ဒါဇင်လောက် မွေးမြူထားတဲ့ နွားတင်းကုပ်ကြီးတစ်ခုကိုပါတွေ့ကြရတယ်။

အဲဒီအိမ်ထဲမှာလည်း တစ်ချိန်က ဆင်းရဲချို့တဲ့စွာနေခဲ့ရတဲ့မိသားစုဟာ ကောင်းမွန်သပ်ယပ်တဲ့ အ၀တ်အစားတွေနဲ့တကွ ပျော်ရွှင်ကြည်နူးနေကြတာကိုလည်း တွေ့ရပြန်တယ်။ ဆရာတပည့်နှစ်ယောက်ဟာ အရင်နည်းအတိုင်းပဲ အိမ်ရှင်ကိုတဲခိုခွင့်တောင်းပြီး တည်းခိုခဲ့တယ်။ ညစာစားအပြီးမှာတော့ တပည့်လုပ်သူဟာ သူတို့ဘယ်လိုလုပ်ပြီး ဒီလိုအခြေအနေကို ရောက်လာလာလဲဆိုတဲ့ သိချင်စိတ်ကို ထိန်းမရတဲ့အတွက်

"အစ်ကို ခင်ဗျားတို့မိသားစုဟာ အရင်က အင်မတန်ဆင်းရဲချို့တဲ့ခဲ့တယ်၊ ခုတော့ တော်တော်လေး အဆင်ပြေနေပါလား၊ ဘယ်လိုဖြစ်ပြီး ဒီဘ၀ ရောက်သွားတယ်ဆိုတာ ပြောပြပါလားအစ်ကို"

လို့မေးလိုက်တယ်။ အဲဒီအခါ အိမ်ရှင်ယောက်ျားက.....

"ကျွန်တော်တို့မှာ အရင်က ဆရာတို့သိတဲ့အတိုင်း နွားတစ်ကောင်ရှိတယ်လေ။ ကံဆိုးချင်တော့ ဆရာတို့နှစ်ယောက်ပြန်သွားတဲ့ နေ့မှာပဲ အဲဒီနွားလေးက ချောက်ထဲကျပြီးသေသွားရှာတယ်။ ကျွန်တော်တို့မိသားစု အရမ်းသောက ရောက်ခဲ့တာပေါ့ဗျာ။ ဒီနွားလေးမှီခိုနေရတာကို၊ နွားကသေသွားတော့ ငါတို့တော့ ဒုက္ခရောက်ပြီပေါ့။ ဒါပေမယ့်လည်း လူဆိုတာမျိုးက ဒီအတိုင်း အသေခံပါရိုးလားဆရာရယ်။ နွားအားကိုးလို့မရတော့လည်း ကိုယ့်အားကိုယ်ကိုးကြရတာပေါ့.....

"တစ်မိသားစုလုံး ညီတူညာတူ စိုက်ကြပျိုးကြ၊ ရရာအလုပ် လုပ်ကြနဲ့ အသက်ရှင်ရပ်တည်ဖို့ ရုန်းကန်ကြရတာပေါ့။ အရင်ကတော့ တစ်နှစ်ကြာအောင် အလုပ်လုပ် ပိုက်ဆံစု နွားပြန်၀ယ်မယ်ပေါ့။ ဒါပေမယ့် တစ်နှစ်ကြာတဲ့အခါ အလုပ်လုပ်လို့ရတဲ့ငွေက နွားတစ်ကောင်တင်မဟုတ်ဘူးဆရာရေ၊ နွားသုံးကောင်စာလောက် ၀ယ်လို့ရနေတာကို ကျွန်တော်တို့သိလိုက်ရတယ်။ အဲဒါကြောင့် နွားပြန်၀ယ်ရုံတင်မကဘူး ရှိသမျှမြေတွေ၊ စိုက်လို့ရသမျှမြေတွေကို အကုန်စိုက်၊ လုပ်လို့ရသမျှ အကုန်လုပ်နဲ့ ဒီဘဝရောက်လာတာပဲ၊ နောက်တော့ ကျွန်တော်တို့အကုန်လုံး သဘောပေါက်လာတယ်။ ဘာမှမလုပ်ရင်၊ ဘာမှမဖြစ်ဘူး။ တစ်ခုခုလုပ်ရင်။ တစ်ခုခုဖြစ်လာမယ်ပေါ့ဗျာ"

ကျွန်တော်တို့လူသားတိုင်းဟာ Comfort Zone လို့ခေါ်တဲ့ သက်တောင့်သက်သာ နေရတဲ့ဘ၀ကိုသာ မှီတွယ်နေ၊ သာယာနေတဲ့သဘာ၀ရှိသူတွေပဲဖြစ်တယ်။ ဆိုလိုတာက သူဆင်းရဲမိသားစုဟာ နွားကိုမှီခိုနေရင်းနဲ့ သူတို့ဘ၀ကို ဒီထက်ပိုမိုမြှင့်တင်ကောင်းမွန်စေဖို့ သတိမရကြသလို၊ ကျွန်တော်တို့တွေဟာလည်း လက်ရှိဘဝရေစီးကြောင်းထဲမှာသာ အလိုက်သင့်လေး စီးဆင်းလိုက်ပါနေကြသူများပဲဖြစ်တယ်။ အဲဒီလို အလိုက်သင့်မြောပါနေရင်းနဲ့ပဲ လက်ရှိဘ၀ထက် ပိုမိုကောင်းမွန်တဲ့ ဘ၀တစ်ခု၊ အောင်မြင်မှုတစ်ခုကို ရုန်းထွက်ကြိုးစားဖို့ မေ့လျော့နေကြတယ်လို့ဆိုတယ်။

လောကုတ္တရာသဘောအရလည်း သူဆင်းရဲ မိသားစုရဲ့ နွားကိုမှီခိုခြင်းလို ၊ လောကလူသားတိုင်းဟာ "ဘ၀တဏှာ"လို့ခေါ်တဲ့ လက်ရှိဘ၀ကို မှီတွယ်နေတတ်၊ တွယ်တာနေတတ်ပြီး၊ ဘ၀ရဲ့ဆင်းရဲဒုက္ခကိုစွန့်ပယ်ဖို့၊ သံသရာရဲ့လွတ်မြောက်ခြင်းကို ရှာဖွေဖို့ မေ့လျော့နေတတ်တဲ့့ သဘာ၀ကို ဒီပုံပြင်လေးက ထင်ဟပ်စေမှာပဲဖြစ်တယ်။ လူသားတွေဟာ မိမိရဲ့ဘ၀၊ သားသမီး၊ ဇနီးကြင်ယာတွေကို တွယ်တာခြင်းနဲ့အတူ ပိုမိုကောင်းမွန်တဲ့ သံသရာက လွတ်မြောက်ခြင်းအတွက် ဒါန၊သီလ၊ ဘာ၀နာမှုတွေကိုမေ့မေ့ပျောက်ပျောက်နဲ့ပဲ ဘ၀သံသရာရဲ့ဆင်းရဲဒုက္ခကိုခံနေကြသူများပဲဖြစ်တယ်တို့ဆိုမယ်။

လောကီအမြင်အရလည်း-- လောကီလူသားတွေဟာ သူဆင်းရဲမိသားစုဟာ နေ့စဉ်ရရှိတဲ့နွားနို့လေးကိုသာအမှီပြုနေတာကြောင့် ပိုမိုပြည့်စုံတဲ့ဘ၀နဲ့ ဝေးကွာနေကြရသလို ကျွန်တော်တို့တွေဟာလည်း လတ်တလောရရှိနေတဲ့အခြေအနေမှာသာ မိန်းမောလိုက်ပါရင်း ဘ၀ကိုဖောက်ထွက်ဖို့၊ အောင်မြင်ခြင်းကို အရယူဖို့ အားထုတ်လေ့၊ ကြိုးပမ်းလေ့မရှိကြဘူးလို့ဆိုတယ်။

ကျွန်တော်တို့ဟာ မိမိရဲ့ comfort zone ကို မှီခိုတတ်၊ မိန်းမောတတ်တဲ့သဘာ၀ကို ဆင်ခြင်သင့်လှတယ်။ "ငါဟာ ဒီထက်ပိုပြီးကောင်းတဲ့ဘ၀ကို ဦးတည်နေသူလား၊ ဒီဘ၀နဲ့ပဲ တစ်သက်လုံးအရိုးထုတ်ရမယ့်သူလား" ဆိုတဲ့အတွေးနဲ့ မိမိကိုယ်ကို ဆန်းစစ်သင့်ကြတယ်လို့ဆိုတယ်။ အဲဒီလို ဆန်းစစ်ပြီးတဲ့အခါမှာလည်း နွားကိုချောက်ထဲတွန်းချပစ်သလို မိမိရဲ့ မေ့လျော့ပျော်ပါးတတ်တဲ့သဘာ၀ကို လုံး၀ဥဿုံ စွန့်ပယ်သင့်ကြတယ်လို့ဆိုတယ်။ အဲဒီလို စွန့်ပယ်နိုင်မှသာ သူဆင်းရဲမိသားစုရဲ့ ကြီးပွားချမ်းသာခြင်းနဲ့တူတဲ့ အောင်မြင်ခြင်းကို မုချရောက်နိုင်မယ်လို့ဆိုလိုတာပဲဖြစ်တယ်။

"Comfort zone is a beautiful place, but nothing ever grows there."

"သက်တောင့်သက်သာနေထိုင်ရတဲ့ဘ၀ဟာ အင်မတန်လှပတဲ့နေရာပဲဖြစ်တယ်။ ဒါပေမယ့်လည်း ဒီနေရာဟာ ဘာတစ်ခုမှ စိုက်ပျိုးလို့တော့ ရမှာမဟုတ်ဘူး"

ဆိုလိုတာက ကျွန်တော်တို့ရဲ့ သက်တောင့်သက်သာနဲ့ စီးမြောလိုက်ပါနေတဲ့ ဘဝနေထိုင်မှုဟာ ပျော်ရွှင်မှု၊ သက်သာမှုတွေ ရှိကောင်းရှိနိုင်ပေမယ့် ဒီအတိုင်းနေထိုင်သွားခဲ့ရင် အောင်မြင်ချမ်းသာတဲ့ဘ၀ကို ဘယ်သောအခါမှ ရလိမ့်မှာမဟုတ်ဘူးလို့ဆိုလိုတာပဲဖြစ်တယ်။ Comfort Zone ကနေ ရုန်းကန်ဖောက်ထွက်နိုင်မှသာ အောင်မြင်ခြင်းကို အရယူနိုင်လိမ့်မယ်လို့ဆိုတယ်။ ဘာမှမလုပ်ရင်၊ ဘာမှမဖြစ်ဘူး၊ တစ်ခုခုလုပ်မှ၊ တစ်ခုခုဖြစ်မယ် ဆိုတဲ့ သူဆင်းရဲရဲ့စကားလို လက်ရှိဘ၀မှာ သာယာပြီး အလိုက်သင့်မြောပါနေရုံနဲ့တော့ ဘာတစ်ခုမှ အောင်မြင်လာမှာမဟုတ်ဘူးလို့ဆိုလိုတာပဲဖြစ်တယ်။
-
တကယ်တော့လည်း ကျွန်တော်တို့ဟာ "နွား"ကို ချောက်ထဲတွန်းချပစ်ဖို့ လိုအပ်နေသူများပဲဖြစ်တယ်လက်ရှိဘ၀မှ ရုန်းကန်ဖောက်ထွက်နိုင်ကြပါစေ

07/11/2024

Dehumanize Protocols
✍️✍️✍️✍️✍️✍️✍️✍️

သေသေချာချာ Zoom ဆွဲကြည့်ပါ။

07/11/2024

လူသားအဖြစ်မှလျော့ချခြင်း
🐵🦁🐯🐱🐶🐺🐻🐻‍❄️🐨🐼🐹

Dehumanization ဆိုတာ လူသားအဖြစ်က လျော့ချတွေးခေါ်ခြင်းပဲ။ လူတွေက လူအချင်းချင်းကိုမှ လူထက်နိမ့် ကျတဲ့သူ၊ တခြားသူ(the other) လို့မြင်လိုက်တဲ့အချိန်မှာ Dehumanization ပေါ်လာတယ်။ Dehumanizationဟာ ပထမဆုံး အုပ်စုတစ်စုနဲ့တစ်စု လူအဖြစ်မသတ်မှတ်လောက်အောင် နှိမ့်ချပြောဆိုတဲ့ စကား ၊ တိရစ္ဆာန်တွေနဲ့ ခိုင်းနှိုင်း ပြောဆိုတာမျိုး ၊ ရောဂါတွေနဲ့ တင်စားပြောတာမျိုးကနေ လာတယ်။ အုပ်စုတစ်စုက လူမဟုတ်ဘူး လို့ သတ်မှတ်ပြီးသွားရင် အဲဒီအုပ်စုအပေါ် ရက်စက်ကြမ်းကြုတ်တဲ့ အပြုအမူတွေ လုပ်ဖို့ လွယ်ကူသွားပြီ။ ရှေးက ကျွန်တွေအပေါ် ကျွန်ပြုထိုက် တယ်လို့ တွေးခေါ်ခဲ့ကြ ပုံဟာ အဲဒီ Dehumanization လုပ်ထားတဲ့ အယူအဆကြောင့်ပဲ။
အဲဒီလို Dehumanization လုပ်တတ်တဲ့အမုန်းတရားဟာ လူတွေရဲ့ တွေးခေါ်ပုံ ၊ ပြုမူပုံစနစ်ထဲမှာ နစ်မြုပ်သွားတဲ့အခါ အင်မတန် အန္တရာယ်များတဲ့ ၊ လက်စားချေ သတ်ဖြတ်ဖို့ အမြဲ အဆင့်သင့်ဖြစ်နေတဲ့ လူ့အဖွဲ့အစည်း တစ်ရပ် အဖြစ်တွေ့ရမယ်။ “ ငါတို့ နဲ့ သူတို့ “ ဆိုတဲ့ တွေးခေါ်ပုံ စနစ် အခြေခိုင်မြဲသွားပြီး ၊အုပ်စုတွေဟာ အစွန်းတစ်ဖက် ဆီကနေသာလျင်တွေးတတ်တော့တယ်။ လူမျိုးတုန်းသတ်ဖြတ်မှုတွေ ၊ ကွန်မြူနတီအတွင်း ပဋိပက္ခ အသေးစားလေးတွေမှာ ရက်ရက်စက်စက် သတ်ဖြတ်မှုတွေဟာ လူ့အဖွဲ့အစည်းထဲ နစ်မြုပ်နေတဲ့ Dehumanization အခြေခံကြောင့်ပဲ။
လူ့အဖွဲ့အစည်းတစ်ခုမှာ လူကိုလူလို မမြင် ၊ လူကို လူသားအဖြစ် ယုတ်လျော့ပြီးမြင်တဲ့အမြင်တွေ နစ်မြုပ်နေမယ် ဆိုရင် သာမန်လူတစ်ယောက်ကို အင်မတန် စက်ဆုပ်စရာကောင်းတဲ့ ရက်စက်ကြမ်းကြုတ်မှုကို ပြုမူတဲ့ မကောင်း ဆိုးဝါးအဖြစ် အချိန်မရွေး ပြောင်းလဲပေးနိုင်တယ်။ Dehumanization လုပ်တယ်ဆိုတာ လူကို လူလိုမမြင်တော့တဲ့ မကောင်းဆိုးဝါး လုပ်ရပ်တွေ၊ မကောင်းဆိုးဝါးတွေ ထွက်ပေါ်လာစေအောင်လမ်းခင်းပေးနေတာ။ ဒီတော့ လူကို လူလို မမြင်တဲ့ ပြောဆိုမှုပုံစံတွေ ၊ ပုတ်ခတ်မှုပုံစံ‌တွေထဲမှာ ပါဝင်ပတ်သတ်မှုတိုင်းဟာ လူ့အဖွဲ့အစည်းတစ်ခုအတွင်း Dehumanization ပုံစံတွေ နစ်မြုပ်လာဖို့ တနည်းတဖုံ လမ်းခင်း ပေးနေတာချည်းပဲ။
ဖတ်ရှုရန်
The Social Psychology of Dehumanization - Nick Haslam
Dehumanization and the lost of moral standing -Edouard Machery

27/04/2024

Passive ဆိုတာ ဘာလဲ❓

အင်္ဂလိပ်စာ စပြီးသင်ရင် သဒ္ဒါ (သို့) ဝါစင်္ဂရှစ်မျိုး စသင်ကတည်းက Passive Voice သင်ရဖူးမှာပါ။

ဒီနေရာမှာတော့ Passive ဆိုတာ အပြုအမူတွေအားလုံးကို ဆိုလိုပါတယ်။

အကျယ်တဝင့် အဓိပ္ပာယ်ကို Link မှာ ကြည့်ပါ။

👇👇👇👇👇👇👇👇👇👇

https://en.wikipedia.org/w/index.php?fulltext=1&ns0=1&profile=advanced&search=passive&title=Special%3ASearch

Aggressive ဆိုတာ ဘာလဲ❓

Aggressive ဆိုတာကတော့ ရန်လိုခြင်း ဘဲဖြစ်ပါတယ်။

အကျယ်တဝင့် အဓိပ္ပာယ်ကို အောက်က Link မှာ ကြည့်ပါ။

👇👇👇👇👇👇👇👇👇👇

https://en.wikipedia.org/w/index.php?fulltext=1&ns0=1&profile=advanced&search=Aggressive&title=Special%3ASearch

အဲဒီတော့ ပေါင်းစပ်ပြီး အဓိပ္ပါယ်ဖွင့်ဆိုရရင် Passive Aggressive ဆိုတာ ရန်လိုသော အပြုအမူ လို့ တိုက်ရိုက် ဘာသာပြန်လို့ ရပါတယ်။

လူတိုင်းကိုယ်စီဟာ ပတ်ဝန်းကျင်နဲ့ ကင်းကွာပြီး နေထိုင်လို့ မရပါဘူး။ 💑 မိမိရဲ့အဖော် 👨‍👩‍👧‍👧 မိသားစု 🌇 မြို့ရွာရပ်ကွက် 🏭 လုပ်ငန်းခွင် 🇲🇲 နိုင်ငံတကာ ♥ တွေမှာလည်း အတူတူပါဘဲ၊ လူသားမျိုးနွယ် တည်ရှိနေသရွေ့ ဒီအမူအကျင့်တွေဟာ မပျောက်ကွယ်ပါဘူး။ ကြုံတွေ့နေရမှာ အမှန်ပါဘဲ။

Passive aggressive in communications ပေါင်းသင်းဆက်ဆံရေးမှာ ရန်လိုသော အပြုအမူရှိတဲ့ လူပုဂ္ဂိုလ်များကို တနည်းနဲ့ တနည်း တွေ့ကြုံရမှာ မလွဲမသွေ မုချပါ။

အဲလို လူတန်းစားဟာ ဘယ်လို အကျင့်စရိုက်မျိုး ရှိသလဲဆိုရင် ပြဿနာတရပ် ကြုံလာချိန်မှာ ဒဲ့ ရင်ဆိုင် မဖြေရှင်းဘဲ ရှောင်ထွက်သွားတတ်တာမျိုး ဒါမှမဟုတ် Silent Treatment လုပ်တာဘဲဖြစ်ဖြစ်၊ ရွဲ့ လိုက်တာဘဲဖြစ်ဖြစ် Ironically ပြုမူတတ်ပါတယ်။

မြန်မာ့လူ့အဖွဲ့အစည်းထဲမှာ တော်တော့်ကို ကျယ်ကျယ်ပြန့်ပြန့် တွေ့ရတတ်တဲ့ စရိုက်တမျိုး ဖြစ်ပါတယ်။ မိမိရဲ့အလုပ်ခွင်ထဲမှာ ရာထူးကြီးကြီး၊ တကယ့် အကောင်ကြီးကြီး အမြှီးရှည်ရှည်တွေတောင်မှဘဲ အဲလို စရိုက်လက္ခဏာမျိုးတွေ ရှိပါတယ်။

အဲလိုဖြစ်ရတာဟာ Personal Communication နဲ့ပတ်သက်ပြီး Awareness နည်းပါးမှု၊ လူမှုပေါင်းသင်းဆက်ဆံရေး ညံ့ဖျင်းမှုနဲ့ လောကနီတိ မကျေညက်လို့ ဖြစ်ရတာလို့ ထင်မြင်ယူဆပါတယ်။

တဖက်လူက ကိုယ့်ကို လာပြောတဲ့ စကားရဲ့အဓိပ္ပါယ်နဲ့ မျက်နှာထိ၊မျက်နှာထားကို မကြိုက်ဘူး။

😡😡😡😡😡😡😡😡😡😡

ဟုတ်ပြီ၊ အဲလိုဆိုရင် သူဘာဖြစ်လို့ ငါ့ကို အဲသလိုမျိုး ပြောရသလဲဆိုတာကို အပြောခံရချိန်မှာ သင်စဉ်းစားမိပါသလား?

🤔🤔🤔🤔🤔🤔🤔🤔🤔🤔

လာ‌ပြောသူနဲ့ ကိုယ့်ရဲ့အကြား ဆက်ဆံရေး ပိုမို ကောင်းမွန်လာစေဖို့ "ဖြေရှင်းလို့ရမလား?" "တမင်နာကျင်စေဖို့ ရည်ရွယ်ပြီး ပြောတာလား?" "ငါ့ရဲ့လုပ်ရပ်တွေကရော မှန်ရဲ့လား?" "အဆင်ပြေစေချင်သလား?" "ဘယ်လိုစတင် ငြှိနှိုင်းမလဲ?"

စသဖြင့် သင် တွေးတော ကြံဆကြည့်ဘူးပါသလား? Community Relationship Status ဘက်ကို မသွားဘဲနဲ့ တခါထဲ တန်းပြီး စိတ်ကောက်၊စိတ်ဆိုး၊ အသံတိတ်၊ ရန်တွေ့၊ ဆဲဆို၊ ငြူစူ၊ ကြိမ်းမောင်းဘူးပါသလား? ဘဝနဲ့ချီပြီးတော့ နှုတ်ကနေ မကြားတကြားဘဲ ဖြစ်ဖြစ်၊ Social media platform တခုခုကနေဘဲဖြစ်ဖြစ်၊ Post တွေ တင်ပြီးတော့ ရွဲ့၊စောင်း၊ ချိတ် တာမျိုးတွေ လုပ်ခဲ့ဘူးပါသလား?

😤😤😤😤😤😤😤😤😤😤

ဒါဆိုရင်တော့ သင်ဟာ Passive Aggressive ဆိုတဲ့ ရန်လိုစိတ် ထားတတ်တဲ့ စိတ်ဓါတ် ပိုင်ရှင်ဖြစ်ပါပြီ။

💔💔💔💔💔💔💔💔💔💔

Passive Aggressive သမားတွေနဲ့ ရင်ဆိုင်ဆက်ဆံရတာဟာ မုန့်လုံးကိုစက္ကူကပ်တဲ့ ကဗျာလိုပါဘဲ။ အစရှာဖို့ အင်မတန် ခက်ခဲပါတယ်။ Silent Treatment လုပ်တဲ့ ဘက်ကိုချည်းဘဲ ရွေးချယ်ပြန်တော့လည်း ရန်လို၊ ရန်စတဲ့ အပြုအမူဘက်ကို သွားနေအုံးမှာပါဘဲ။ အပြုသဘောဆောင်တဲ့ဘက်ကို ရောက်ရှိလာအောင် ဖြေရှင်းမယ်ဆိုရင် Energy and Time လိုအပ်ပါတယ်။ ဒါကြောင့် ဖြေရှင်းမယ်၊ စကားပြောမယ်ဆိုရင် ပထမအဆင့် မိမိရဲ့ ဒေါသ Anger ကို မဖြစ်စေဖို့ Emotional ခံစားမှုကို ထိန်းချုပ်ရပါ့မယ်။ ဒါမှ ကိုယ့်ရဲ့ အတွင်းစိတ် Mental health အတွက် ကောင်းမွန်စေပြီး စိတ်ထားတတ်သူအဖြစ် မိမိကိုယ်ကို မိမိ ဂုဏ်တင့်စေမှာ အမှန်ပါ။

👍👍👍👍👍👍👍👍👍👍

မိသားစုဝင်၊ အသင်းအဖွဲ့ဝင်၊ ပတ်သက်နေရသော ဝန်ဆောင်မှု ရယူ/ပေးသူ မို့လို့ ဆက်လက် ဆက်ဆံနေရမယ် ဆိုရင် အောက်ပါ အချက် (၅)ချက်ကို အသုံးပြုပြီး ဖြေရှင်းလို့ရပါတယ်။

🙏 ထပ်ဖြည့်ပေးမယ်။ ဆန္ဒတွေ မစောပါနဲ့။

👍👍👍👍👍👍👍👍👍👍

Solve the Passive Aggressive
♥️♥️♥️♥️♥️♥️♥️♥️♥️♥️

Passive Aggressive သမားတွေနဲ့ တွေ့ကြုံလာရတဲ့အခါ ဝေါင်ဝေါင်ရှေး ဝေးဝေးကသာ ရှောင်ပါ။ အဲတာမှ သူ့ရဲ့ ရန်လို၊ ရန်စတဲ့ အပြုအမူတွေက ကင်းလွတ်ပြီး မိမိရဲ့ စိတ်နှလုံးကိုလည်း အေးချမ်းစေမှာဖြစ်ပါတယ်။

တကယ်လို့ မိသားစုဝင်မို့လို့၊ အသင်းအဖွဲ့ ထဲမှာမို့လို့၊ ဧည့်ခံပွဲတခုမှာမို့လို့၊ ဆက်လက်ပတ်သက်နေရမယ့် အကြောင်းခံတွေရှိလို့ ဆက်ဆံရမယ်ဆိုရင် အောက်ပါ အချက် (၅)ချက်နဲ့ ဂုဏ်သိက္ခာရှိစွာ ဖြေရှင်းနိုင်ပါတယ်။

(၁)။ "သူဆင်တဲ့ ဂွင်ထဲ မဝင်မိပါစေနဲ့"။
ရည်ရွယ်ချက်က မိမိနဲ့ရန်ဖြစ်ပြီး လူပုံအလယ်မှာ သူလည်း အတူတူဘဲဆိုတဲ့ သဘောနဲ့ မိမိရဲ့ ဂုဏ်သိက္ခာကျဆင်းစေမယ့် ပုံရိပ်ကို အစပျိုးမှာပါ။ ရန်ဖြစ်လာအောင်၊ မခံချင်အောင် ဆွပါလိမ့်မယ်။ အပြစ်တွေဟာ မိမိထံမှ အရင်းခံတယ်ဆိုတဲ့အထာနဲ့ လူပုံအလယ် ချပြပါလိမ့်မယ်။ ကိုယ်က ဖြေရှင်းလိုက်၊ သူက ချနင်းလိုက်နဲ့ ဂျာအေးမုန့်လုံးကို စက္ကူကပ်နေသလို Energy ရော Time ပါ ကုန်ဆုံးပါလိမ့်မယ်။ ဒါကြောင့် သူဆင်တဲ့ ဂွင်ထဲ လုံးဝ(လုံးဝ) မဝင်မိပါစေနဲ့။

(၂)။ "ကိုယ့်ဘက်ကစပြီး ဖိတ်ခေါ်ပါ"။
လုပ်ငန်းခွင်ထဲမှာဆိုရင် Professional ကျကျ မိမိက ပိုသဘောထားကြီးမားစွာနဲ့ ဘာအဆင်မပြေလည်း၊ ဘယ်လို လုပ်ပေးရမလည်း စသည်ဖြင့် မေးခွန်းထုတ်နိုင်ပါတယ်။ legal Life မှာလည်း ဘာမှမသိနားမလည်တဲ့ကလေးတယောက်လို သဘောထားလိုက်ပါ။ အဲလို လုပ်လိုက်ခြင်းဟာ သူ့ရဲ့ စိတ်အခြေအနေကို Confused ဖြစ်စေပြီး သို့လော သို့လောနဲ့ ဂွင်ဆင်မရအောင် ရှုတ်ထွေးသွားစေမှာပါ။ ဘာကြောင့်လည်းဆိုတော့ မြန်မာတို့ရဲ့ မူရင်းစိတ် အခြေခံဟာ အားနာတတ်ခြင်းဖြစ်ပါတယ်။ အဲလို လုပ်ခြင်းအားဖြင့် ရန်စလိုတဲ့သူရဲ့ အပြုအမူတွေဟာ သိသိသာသာ ပြောင်းသွားတာ မြင်ရပါလိမ့်မယ်။

(၃)။ "Assertive Communication စနစ်ကိုသုံးပါ။"
သူ့ဘက်က အဆင်မပြေဘူး ဆိုတဲ့အရာဟာ ကိုယ့်ဘက်ကနေ လုပ်ပေး၊ပြင်ပေးလို့ရတဲ့ ကိစ္စလား? အဲဒီကိစ္စကို လုပ်ပေးခြင်းအားဖြင့် သူ့အခက်အခဲပြေမလား ရှင်းရှင်းလင်းလင်း မေးပါ။ လုပ်ပေးလို့ရရင် လုပ်ပေးလိုက်ပါ။ အကယ်၍ သူတောင်းဆိုတဲ့အရာက ကိုယ်လုပ်ပေးလို့ မရခဲ့ရင် မရနိုင်တဲ့အကြောင်းကို ပွင့်ပွင့်လင်းလင်း ပြတ်ပြတ်သားသားနဲ့ ယဉ်ယဉ်ကျေးကျေး ငြင်းပါ။ အားနာပြီးတော့ နောက်ထပ်လုပ်ပေးလို့ မရတဲ့ကိစ္စကို ဘောင်ကျော်ပြီး အခုရှေ့မှာ ကတိ‌‌ေပးတာမျိုး လုံးဝ မလုပ်ပါနဲ့။

(၄)။ ကိုယ့်ဘက်က အပြုသဘောဆောင်တဲ့ ရည်ရွယ်ချက်ကို ပြောလည်းပြော၊ ပြလည်းပြပါ။
Relationship Status တခုရှိခဲ့ရင် နှစ်ယောက်သားကြားမှာ Silent Treatment လုပ်ခံရတဲ့အခါ သူ့ကျေနပ်အောင် ဖန်တီးမှု မလုပ်ဘဲ အမှတ်(၃)အချက်အတိုင်း ခက်ခဲသော်လည်း လုပ်ဆောင်ပါ။ လုပ်ရတဲ့ ရည်ရွယ်ချက်ကိုလည်း ပြောပြပါ။ တချို့က ပြောမှ သိမယ့် လူစားမျိုးပါ။ မိမိတဦးတည်း အားစိုက်ခြင်းမဟုတ်ဘဲ သူ့ဘက်ကလည်း တူညီတဲ့ effort စိုက်ပါစေ။

(၅)။ လူစွမ်းကောင်းလုပ်၍ ပြုပြင်ပြောင်းလဲရန် မကြိုးစားပါနဲ့။
လောကမှာ ဘယ်သူ့ကိုမှ ပြုပြင်ပြောင်းလဲပေးလို့ မရပါဘူး။ ပြောင်းလဲရမယ့်သူဟာ မိမိကိုယ်တိုင်သာ ဖြစ်ပါတယ်။ ငယ်ငယ်ကတည်းက Passive Aggressive Environment မှာ ကြီးပြင်းလာရတဲ့ သူတယောက်ဟာ ထိ၊ သိ၊ တွေ့၊ မြင်၊ ခံစားမှုတွေဟာ အရိုးထိအောင် ခေါက်ရိုးကျိုး အမြစ်တွယ် နေပါပြီ။ မီးပူတိုက်ရုံနဲ့ ပြန့်မလာတော့ပါဘူး။ တခါ နှစ်ခါလောက်နဲ့ တရားရပြီး ပြောင်းလဲသွားမယ် မထင်လိုက်ပါနဲ့။ Case by Case ဖြေရှင်းလို့ရတယ်။ တတ်နိုင်သမျှ Educate လုပ်လို့ရတယ်။ အဆင့်ဆင့် အကြိမ်ကြိမ် ညှိယူလို့ရပါတယ်။ ဒါပေမယ့် ကာယကံရှင် ကိုယ်တိုင် ဒီစရိုက်ဟာ မိမိမှာ ရှိနေကြောင်း ကိုယ်တိုင်က လက်မခံသရွေ့ မိမိကိုယ်တိုင်က ပြုပြင်ပြောင်းလဲမှု မလုပ်သရွေ့ ကမ္ဘာတည်သမျှ ကြုံတွေ့နေမှာပါ။

အကယ်၍ မိမိဟာ Passive Aggressive သမားနဲ့ လက်တွဲနေရပြီဆိုရင် သူက ပြုပြင်ခဲ့ရင် 🫱🫲 Congratulations ပါ။ တကယ်လို့ သူက မကြိုးစားခဲရင်တော့ 🖐️Good Luck ပါ။

👌 အဆင်ပြေကြပါစေ။

#ချစ်ခြင်းအားဖြင့်

01/02/2024

စာတတ်ပေတတ်များ
📚📚📚📚📚📚

ရုံးခန်းတံခါးကို မခေါက်ဘဲ
ဝင်လာသဖြင့် ညွှန်ချုပ်က
မော့မကြည့်ဘဲ စိတ်တိုကာ
“တံခါးဝမှာ စာမဖတ်ဘူးလား။
တံခါးခေါက်ပြီးမှဝင်ပါ ဆိုတာ”
လို့အော်လိုက်တယ်။

မော့ကြည့်လိုက်တော့ ရုံးအုပ်
စာရေးကြီး ကိုမောင်ကြည်ဖြစ်နေတယ်။
ညွှန်ချုပ်က စိတ်တိုတိုနဲ့
“ကိုမောင်ကြည် ဘာကိစ္စလဲ” လို့မေးလိုက်တယ်။

ကိုမောင်ကြည်က “ကျွန်တော် အလုပ်ထွက်စာ လာတင်တာပါဆရာ” လို့ ပြောလိုက်တယ်။

“ကိုမောင်ကြည် ဘာဖြစ်လို့ အလုပ်ထွက်မှာလဲ”

“ကျွန်တော် စာမတတ်တဲ့သူတွေနဲ့ အတူ လက်တွဲပြီး အလုပ်မလုပ်နိုင်လို့ပါဆရာ”

“ဟာ … ခင်ဗျားစကားကြီးကလည်း ကျုပ်တို့ရုံးမှာ အောက်ခြေဝန်ထမ်း သန့်ရှင်းရေးတောင် ၁၀ တန်းမှခန့်တာ”

“ဟုတ်ကဲ့ပါဆရာ … ရုံးမှာ
စကားတိုးတိုးပြောပါ ဆိုတဲ့
စာကပ်ထားပါတယ်။
အဲဒီစာအောက်က စားပွဲမှာ ထိုင် လုပ်နေတဲ့ စာရေးကြီး ဒေါ်လှလှက ဒီရုံးမှာ အသံကျယ်ကျယ်နဲ့ အော်ပြီး အဆဲဆုံးဖြစ်နေပါတယ်။ တစ်နေ့ တစ်နေ့ ဟောက်လိုက်တာ။
ဘေးနားကလူတွေတောင် မနေနိုင်အောင်ပဲ။

တရားဥပဒေနှင့်မလွတ်ကင်းသောအလုပ်များမလုပ်ရ ဆိုတဲ့ ဆိုင်းဘုတ်အောက်မှာ ဒရိုင်ဘာ ကိုတင်ဝင်းက ချဲရောင်းပါတယ်။

" ဆေးလိပ်မသောက်ရ " ဆိုတဲ့ ဆိုင်းဘုတ်အောက်က နေရာဟာ လက်ထောက်ညွှန်မှူး
ဦးလှဦးအတွက် စီးကရက်သောက် အပန်းဖြေတဲ့ နေရာဖြစ်ပါတယ်။

"ကွမ်းတံတွေးမထွေးရ " ဆိုတဲ့ ဆိုင်းဘုတ်အောက်မှာ ကွန်ပျူတာဌာနကလူတွေ
ကွမ်းတံတွေးထွေးတဲ့နေရာဖြစ်ပါတယ်။

"လာဘ်ပေးလာဘ်ယူဒို့ရန်သူ "ဆိုတဲ့ ဆိုင်းဘုတ်အောက်မှာ ရုံးကို လာတဲ့ လျှောက်လွှာတင်သူတိုင်း
တစ်ယောက်ကို ၅၀၀ ပေးမှ ရုံးစောင့် ကိုကျော်က တံခါးဖွင့်ပေးပါတယ်။
ဆရာ့တံခါးကို တံခါးမခေါက်ဘဲ ဝင်ဖို့ ဆရာ့အတွင်းရေးမှူးမက တစ်ယောက်ကို ၅၀၀၀ ယူပါတယ်။

ဆရာ ခုဆိုရင် အောက်မှာ ဆရာကားရပ်ခဲ့တဲ့
နေရာက "ကားမရပ်ရ " ဆိုတဲ့
ဆိုင်းဘုတ်တည့်တည့်မှာဖြစ်ပါတယ်။
တစ်ရုံးလုံး စာမတတ်တဲ့သူတွေ ဖြစ်နေတဲ့ အတွက် ကျွန်တော့်ကို ဒီရုံးကနေ အလုပ်ထွက်ခွင့်ပြုပါဆရာ”

ကိုမောင်ကြည် ရုံးကထွက်လိုက်တယ်။ နောက်ဆုံးနှုတ်ဆက်တဲ့ အနေနဲ့ ရုံးကိုလှည့်ကြည့်လိုက်တယ်။

“အမျိုးသားစာတတ်မြောက်ရေး ကူညီထောက်ပံ့မှုအဖွဲ့ရုံး” တဲ့။
ကိုမောင်ကြည်က ထွက်စာကို ညွှန်ချုပ် စားပွဲပေါ်တင်ခဲ့ပါတယ်။ ပြီးတော့ သူ့အိတ်လေးဆွဲကာ လွတ် လပ်ပေါ့ပါးစွာ ရုံးထဲက ထွက်ခဲ့တယ်။

မှတ်တိုင် လို့ ထူထားတဲ့ ဆိုင်းဘုတ်နဲ့ ခြေလှမ်း ၂၀ အကွာမှာ သွားရပ်လိုက်တယ်။
ဘတ်စ်ကားက အဲဒီတည့်တည့်မှာ လာရပ်တယ်။ ကိုမောင်ကြည် ကားပေါ်တက် လိုက်တယ်။

#တံတွေးမထွေးရ ဆိုတဲ့ ညွှန်ကြားစာတည့်တည့်အောက်မှာ
တံတွေးကို ပြစ်ခနဲ အပြင်ကို ထွေးထုတ်လိုက်တယ်။
#ဆေးလိပ်မသောက်ရ ဆိုတဲ့ ဆိုင်းဘုတ်ကို ကြည့်ပြီးတော့ စီးကရက်ကို ထုတ် မီးညှိ လိုက်တယ်။

အဲဒီအချိန်မှာ စပယ်ယာက #ကွမ်းမစားရ ဆိုတဲ့ ပြတင်းပေါက်ကနေ ကွမ်းတံတွေးထွေးလိုက်တယ်။
ကိုမောင်ကြည်ရဲ့ လက်မောင်းမှာ ရဲခနဲဖြစ်သွားတယ်။
ဒီတိုင်းပြည်က သူ့ဟာနဲ့သူတော့ ဟုတ်နေကြတာပဲ။

(Iranek Linz ရေးသားတဲ့ Literacy ကို မြန်မာမှုပြုပါတယ်)

-
💖...
‌လေးစားစွာဖြင်‌့
ပြန်လည်မျှဝေပါသည်။
Via... credit