Aymaan Avenido

01/06/2026

Sa totoo lang.

Palaging alalahanin na ang buhay sa mundong ito ay hindi ginawa bilang paraiso. Hindi ito ang lugar na kung saan ang lahat ay nabibigyan ng hustisya o lahat ng gusto natin ay nakukuha.

Ang buhay sa mundong ito ay bilang pagsubok at pagsusulit para sa atin.

Sinabi ng Allah ﷻ:

أَحَسِبَ ٱلنَّاسُ أَن يُتۡرَكُوٓاْ أَن يَقُولُوٓاْ ءَامَنَّا وَهُمۡ لَا يُفۡتَنُونَ

Inaakala ba ng mga tao na sila ay pababayaan na lamang sapagka’t sila ay nagsasabing: “Kami ay naniniwala,” at sila ay hindi na susubukan?

وَلَقَدۡ فَتَنَّا ٱلَّذِينَ مِن قَبۡلِهِمۡۖ فَلَيَعۡلَمَنَّ ٱللَّهُ ٱلَّذِينَ صَدَقُواْ وَلَيَعۡلَمَنَّ ٱلۡكَٰذِبِينَ

At katiyakan, Aming sinubukan yaong mga nauna sa kanila. At katiyakang ipababatid ng Allah [sa pamamagitan ng pagsubok] yaong mga makatotohanan, at katiyakang Kanyang ipababatid ang mga sinungaling,

Al-'Ankaboot | Surah 29 verse 2 – 3

Manalig sa Allah at magtiis sa lahat ng pagsubok na dumarating sa ating buhay.

Gamitin natin ang mga natitira nating oras sa mundong ito upang tayo ay mapabilang sa mga makakapasok sa paraiso ni Allah at Kanyang sasabihin:

وَٱدۡخُلِي جَنَّتِي
At ikaw ay pumasok sa Aking Paraiso!”
Al-Fajr | Surah 89 verse 30

✍🏻Aymaan Avenido

31/05/2026

Sinabi ni Shaykhul Islām Ibnu Taymiyyah (kaawaan siya ng Allah):

Sinumang magsikap, humingi ng tulong sa Allah, at maging palagian sa paghingi ng kapatawaran at pagsusumikap, tiyak na pagkakalooban siya ng Allah mula sa Kanyang kagandahang-loob ng mga bagay na hindi man lamang sumagi sa kanyang isipan.

📚مجموع الفتاوى (٥/٦٢)

Ang tagumpay ay hindi nakasalalay sa pagsisikap lamang, kundi sa pagsisikap na may kasamang pag-asa sa Allah, patuloy na istighfār, at pagtitiyaga sa paggawa ng kabutihan. Kapag pinagsama ng isang tao ang mga ito, ipagkaloob sa kanya ng Allah ang mga biyaya at tagumpay na higit pa sa kanyang inaasahan.

26/05/2026

Gaano man karami ng iyong kasalanan na kahit pa kasaing laki ng bundok huwag mo isipin na hindi kana mapapatawad ni Allah ﷻ . Si Allah ﷻ ay mapagpatawad. Huwag kang mawalan ng pag-asa palaging mag humingi ng kapatawaran sa Allah .

Sinabi ni ʿAbdullāh Ibn Mubārak رحمه الله:

Pumasok ako kay Sufyān al-Thawrī noong gabi ng ʿArafah habang siya ay nakaluhod at ang kaniyang mga mata ay umaagos sa luha. Lumingon siya sa akin kaya sinabi ko:

‘Alam mo ba kung sino ang tunay na talunan ngayong araw?’

Sumagot siya:

‘Ang taong nag-aakala na hindi siya patatawarin ni Allah!’”

📚[لطائف المعارف لابن رجب ص ٣١٠]

25/05/2026

Sinabi ni Shaykh Saleh Ibnu Uthaymeen (rahimahullah):

Ang mabuting pakikitungo sa bisita ay kinakailangan at hindi marapat na sabihin lang natin na ito ay nakaugalingan lang.

Dahil katotohanan ang mabuting pakikitungo sa bisita ay isang uri ng gawaing pagsamba dahil ang Propeta Muhammad ﷺ ay nagsabi patungkol dito;

من كان يؤمن بالله واليوم الآخر فليكرم ضيفه
“Sino man yaong naniniwala sa Allah سبحانه وتعالى at sa araw ng paghuhukom ay kanyang pakitungan ng mabuti ang kanyang bisita.”

Ang mabuting pakikitungo sa bisita ay IBADAH (gawaing pagsamba) at ito ay nagpapalapit sa tao sa kanyang Rabb (Allah ﷻ). At ito rin ay magiging dahilan ng kanyang pagiging mabuti.

📖 (فتاوى نور على الدرب ج11ص274) ‎

✍🏻Aymaan Avenido

24/05/2026

Gaano man kabigat ang pagsubok sa buhay. Kailangan nating magpakatatag, manalig at magsumamo sa Allah ﷻ ng tunay.

22/05/2026

Marapat na taglayin ng bawat mananampalataya ang pagkakaroon ng Ikhlas. Dahil napakunti na lamang ang mga nagtataglay nito ngayon katulad ng sinabi ni Ibnu Jawziy (kahabagan siya ng Allah).

قال ابن الجوزيّ رحمه الله :
Sinabi ni Ibnu Jawziy (kahabagan siya ng Allah):

ما أقلَّ مَنْ يعمل لله تعالى خالصاً ؛
Napakakunti ng mga gumagawa para kay Allah na mukhlis (sinsero;may ikhlas);

لأنَّ أكثر النَّاسِ يُحبُّون ظهور عباداتهم
Dahil karamihan sa mga tao ginugusto nila na ipinapakita ang kanilang mga gawaing pagsamba (ibadah).
📖صيد الخاطر. (ص ٢٦٤)

21/05/2026

Munting babasahin. na may 8 pages lamang.

Link:

20/05/2026

Ipaalala ko lang kapatid ah…

Ito ang pinakamainam na mga araw sa taon, huwag nating hayaan na lilipas ang mga araw na tayo ay mapabilang sa mga nagpabaya.

Basahin: https://www.facebook.com/share/p/18DV4g8pUr/

18/05/2026

Paalala lang naman. ❤️

17/05/2026

Buhayin natin ang Sunnah sa pag-Takbīr

الله أكبر، الله أكبر، الله أكبر، لا إله إلا الله، الله أكبر، الله أكبر، ولله الحمد

Allāhu Akbar, Allāhu Akbar, Allāhu Akbar, lā ilāha illa Allāh,Allāhu Akbar, Allāhu Akbar wa lillāhil-ḥamd.

Sinabi ng Sugo ni Allāh ﷺ:

Walang sinumang nagtataas ng talbiyah maliban na siya ay binibigyan ng magandang balita, at walang sinumang nagtataas ng takbīr maliban na siya ay binibigyan ng magandang balita.

Tinanong ang rasulullah (ﷺ):
“O Sugo ni Allāh, ng Jannah ba?”

Sinabi niya ﷺ: “Oo.”

📚 أخرجه الطبراني في ((المعجم الأوسط)) (7779) باختلاف يسير

Paramihin natin ang pagdadakila at pagpupuri kay Allah ﷻ. Lalo na ngayon 1st 10 days ng buwan na ito.