Aymaan Avenido

05/08/2025

Sinabi ni Imām Sahl ibn ʿAbdillāh رحمه الله:

Mananatili ang mga tao sa kabutihan hangga’t pinapahalagahan nila ang pinuno (Sultān) at ang mga ʿulamāʾ (mga iskolar ng Islām). Kapag pinarangalan nila(mga tao) ang dalawang ito, aayusin ng Allāh ang kanilang buhay sa mundo at sa kabilang buhay. Ngunit kapag sila’y hinamak at minaliit, sisirain ng Allāh ang kanilang buhay dito sa mundo at sa kabilang buhay.

الكتاب: حلية الأولياء وطبقات الأصفياء 📚
المؤلف: أبو نعيم أحمد بن عبد الله الأصبهاني

Kaya ang respeto at paggalang sa awtoridad (pinuno) at kaalaman (ʿulamāʾ) ay susi sa kaayusan ng lipunan. Ang pagmamaliit sa kanila ay daan patungo sa pagkawasak, sa dunya at ākhirah.

05/08/2025

Bahagi ito ng pagiging matured. Hindi lahat ng pangyayari mo sa buhay ay dapat mong ipost sa social media o ipagsabi.

Mas maganda ang takbo ng iyong buhay kung hindi nila alam kung ano ang iyong mga ginagawa.
Kasi kung the more they know, the more chance na matatamaan ka ng usug o 'ayn (evil eye), kung sa bisaya pa buyag.

Sinabi ng Propeta Muhammad ﷺ:
"استعيذوا باللهِ من العينِ فإنَّ العينَ حقٌّ."
التخريج : من أفراد مسلم على البخاري
"Magpakupkop kayo sa Allah ﷻ mula sa usug (evil eye) dahil katotohanan ang usug ay totoo."

Sa iba pang hadith patungkol sa usug;
Sinabi ng Propeta ﷺ:

"الْعَيْنُ حَقٌّ، وَلَوْ كَانَ شَيْءٌ سَابَقَ الْقَدَرَ سَبَقَتْهُ الْعَيْنُ."

Ang Usug ( evil eye) ay totoo, at kung meron lang bagay na mauuna sa Qadr (tadhana) ay mauuna na sana dito ang usug." Saheeh Muslim

Marami ang nagkakasakit, mga plano na naantala at iba pa. Ang dahilan niyan dahil sa usug/ evil eye, kaya magpakupkop palagi kay Allah ﷻ.

✍🏻Aymaan Avenido
🇸🇦Qassim University, KSA

04/08/2025

Huwag kalimutan magdala ng notebook at ballpen. In shaa Allah ❤️

Assalaamo alaykom wa rahmatullahi wa barakatuho.

Madrasah Talibon Al-Islamiyyah together with Bohol Dawah and Guidance Center Inc. is inviting you to join us this coming Friday, August 8, 2025, 1:30 PM onwards the "Islamic Funeral (Janāzah) Lecture & Workshop"

An Islamic lecture related to death and funeral with practical demonstration of washing, shrouding, and praying on the deceased and workshop on Muslim burial.

Lecturer: Ustadh Aymaan Avenido

This event will be giving certificates to the participants.
See you, In Shaa Allah our dearest brothers and sisters in Islam.

03/08/2025

Huwag gawing abala ang sarili sa paghahanap ng kamalian ng iba baka ikaw ang mapahamak dito sa mundo lalong-lalo na sa kabilang buhay.

Sinabi ni Ibn al-Jawzī رحمه الله:
Ang sinumang abala sa paghahanap ng kamalian ng iba, sumisilip (nagmamatyag) sa kanilang mga lihim, at LAGING PINUPUNA ANG KAHINAAN NG KAPWA HABANG PINABABAYAAN ANG SARILING PAGKUKULANG padadalhan siya ng Allāh ng taong maglalantad ng kanyang mga kasalanan at kahihiyan."
📚 Bahr ad-Dumūʿ, pg.128

Patunay mula sa Sunnah (Daleel):

Sinabi ng Propeta ﷺ:
O kayong mga nagsasabing naniniwala sa pamamagitan ng inyong dila ngunit hindi pa pumasok sa inyong puso ang pananampalataya (Iman)! Huwag kayong manirang-puri (manlibak), at huwag ninyong usisain ang kanilang mga kahinaan. Sapagkat ang sinumang maghanap ng kahinaan (kamalian,kasalanan) ng kanyang kapatid, hahanapan siya ng Allāh ng kahinaan. At kapag hinanap ng Allāh ang kanyang kahinaan ay ilalantad Niya ito kahit sa loob ng kanyang tahanan.
📚 Isinalaysay ni At-Tirmidhī (ḥasan) – ḥadīth no. 2032

Kaya huwag maging abala sa kakulangan ng iba. Marapat na unahin ang pagsasaayos ng sarili. Ang taong nagpapakumbaba, minamahal ng Allāh.

✍🏻Aymaan Avenido

03/08/2025

📌Tandaan natin:
Lahat ng ginagawa natin sa mundong ito pagsamba, pagtulong, paggawa ng kabutihan ay may iisang layunin: ang makapasok sa Jannah (Paraiso).

Huwag mong maliitin ang ambag o pagsisikap ng iba, at huwag mong isipin na ang pinto ng Jannah ay para lamang sa gawaing ikaw lang ang gumagawa.

Mas mainam na tayo ay magtulungan tungo sa paggawa ng kabutihan, paggawa ng matuwid.

TAGALOG
Sinabi ng Allah:
وَتَعَاوَنُواْ عَلَى ٱلۡبِرِّ وَٱلتَّقۡوَىٰۖ وَلَا تَعَاوَنُواْ عَلَى ٱلۡإِثۡمِ وَٱلۡعُدۡوَٰنِۚ وَٱتَّقُواْ ٱللَّهَۖ إِنَّ ٱللَّهَ شَدِيدُ ٱلۡعِقَابِ

At magtulungan kayo sa gawaing matuwid at pagiging may takot [sa Allah]. Subali’t huwag kayong magtulungan sa isa’t isa sa [gawaing] makasalanan at paglabag. At matakot kayo sa Allah. Katotohanan, ang Allah ay mahigpit sa pagpaparusa. Al-Maidah verse 2

BISAYA.
Miingon ang Allah ﷻ:
Pagtinabangay kamo sa usa’g-usa ngadto sa maayong pamatasan, pagkamatarong ug pagkahadlok sa Allah), apan ayaw kamo pagtinabangay sa usa’g-usa ngadto sa kasal-anan ug pagsupak. Ug kahadloki ang Allah, sa pagkatinuod ang Allah Hilabihan sa Pagsilot. Al-Maidah verse 2

Kaya’t maging katuwang tayo ng isa’t isa sa paggawa ng mabuti. Huwag nating hayaang manaig ang INGGIT o KUMPETISYONG MAKASARILI. Magsaya tayo sa tagumpay ng kapwa gaya ng pagsaya natin sa sarili nating tagumpay.

Kung nais natin ang Jannah (Paraiso) buksan natin ang ating puso sa kapwa mananampalataya, palitan ang paghusga ng pang-unawa, at maging bahagi ng solusyon hindi ng problema.

📌 At laging tandaan:

Sinabi ng Propeta Muhammad ﷺ:
لا تحقرن من المعروف شيئاً، ولو أن تلقي أخاك بوجه طلق‏ ‏(‏رواه مسلم‏)‏‏.‏
Huwag ninyong maliitin ang kahit kaunting kabutihan, kahit pa ito’y simpleng pagngiti sa iyong kapatid. Rawahu Muslim.

Minsan, isang maliit na bagay lamang tulad ng ngiti, isang paalala, o simpleng pagtulong ang nagiging dahilan ng iyong pagpasok sa Paraiso, sa awa ng Allah, at bunga ng pagtutulungan.

انتبه، كل ما نفعله في الدنيا يهدف إلى الجنة، فلا تقلل من جهد أحد ولا تظن أن باب الجنة مقتصر على عملك الخاص.

✍🏻Aymaan Avenido

03/08/2025

Alhamdulillah, tayo ay nakapagbigay ng Mensahe sa ating mga kababayan patungkol sa ating Deen (Islam). Kasama ang SPAG TALIBON CHAPTER.

Nawa'y gabayan nawa ng Allah ﷻ ang nakarinig ng mensahe ng Islam.

31/07/2025

Palagiang mag-Istighfār (paghingi ng kapatawaran sa Allāh)
— para sa iyong mga kasalanan,
— upang alisin ang mga pagsubok (problema),
— para sa pagdaragdag ng rizq (kabuhayan),
— at upang mapalapit pa kay Allāh.

Laging alalahanin mo ang Allāh ﷻ sa araw at gabi.

30/07/2025

Isa sa pinakadahilan kung bakit humihina ang isang Muslim sa kanyang Deen (Islam) dahil sa kanyang kapabayaan na matuto nito.

29/07/2025

Subhanallah

29/07/2025

Ang salah ay napaka-importante sa buhay ng isang mananampalataya. Kaya naman marapat na itayo ito at isabuhay.

Sinabi ni Umar ibn Khattab (radhiyallahu 'anhu):

Ang Salah ay kabilang sa haligi ng ISLAM. Sinuman ang itinayo niya ito, ay katotohanan naitayo niya ang kanyang Deen (ISLAM).

27/07/2025

Paalala na ang pag-amin ng sariling kakulangan sa kaalaman ay hindi kahinaan, kundi tanda ng kababaang-loob at tunay na paggalang sa ating Deen (Islām).

Hindi kahihiyan ang pagsabi ng katagang: “HINDI KO ALAM” kapag may nagtanong at di alam ang isasagot.

Sinabi ni al-Shaʿbī رحمه الله:
قال الشعبي: لا أدري نصف العلم.
“Ang pagsabi ng ‘hindi ko alam’ ay kalahati ng kaalaman.”

Kahit ang mga Kibarul-Ulamah (Senior Scholars) sa panahon natin ngayon ay nakakapagsabi pa ng HINDI KO ALAM, kahit sa lalim na ng kanilang kaalaman, Tayo pa kaya na normal lang na mananampalataya.

At NAKAKAPAGTAKA sa isang tao na kahit hindi niya alam ang isang bagay ay ang bilis mag-hatol, kahit walang daleel (ebedensiya). Ang bilis makapag-sabi ng:

YAN AY BID'AH
YAN AY HARAM
YAN AY HALAL. etc....

Basahin mo kung ano ang sinabi ng Allah ﷻ:
وَلَا تَقُولُواْ لِمَا تَصِفُ أَلۡسِنَتُكُمُ ٱلۡكَذِبَ هَٰذَا حَلَٰلٞ وَهَٰذَا حَرَامٞ لِّتَفۡتَرُواْ عَلَى ٱللَّهِ ٱلۡكَذِبَۚ إِنَّ ٱلَّذِينَ يَفۡتَرُونَ عَلَى ٱللَّهِ ٱلۡكَذِبَ لَا يُفۡلِحُونَ
At huwag kayong magsabi tungkol sa anumang iginigiit na kasinungalingan ng inyong mga dila: [nagsasabing] “Ito ay pinahihintulutan (Halal) at ito ay bawal (haram)” upang kayo ay makapaglubid ng kasinungalingan laban sa Allah. Katotohanan, yaong mga naglulubid ng kasinungalingan laban sa Allah ay hindi kailanman magtatagumpay. An-Nahl verse 116

at sa ibang ayah sinabi ng Allah ﷻ:
At huwag mong sundin [gawin o sabihin] ang anumang [bagay o pangyayari na] wala kang kaalaman dito. Al-Israa' verse 36

Sinabi ng Propeta Muhammad ﷺ:
مَنْ كَذَبَ عَلَيَّ مُتَعَمِّدًا فَلْيَتَبَوَّأْ مَقْعَدَهُ مِنَ النَّارِ
Ang sinumang nagsinungaling laban sa akin nang nananadya ay lumuklok siya sa upuan niya mula sa Impiyerno – Saheeh Al Bukhariy.

Kaya po huwag tayong ATAT na ATAT na mag-hatol. Kung hindi alam ang isang bagay ay sabihin na lang: HINDI KO ALAM. Nang sa ganun ay mapangalagaan mo ang iyong Deen.

✍🏻Aymaan Avenido
🇸🇦Qassim University, KSA

26/07/2025

Huwag ugaliin ang Tassaddur (pangunguna sa usaping Islam kahit hindi naman Qualified).

Dapat nating ipaalala sa ating mga kapatid na ang pag-aaral ng kaalamang pang-relihiyon (Islam) ay isang dakilang uri ng pagsamba.

Ang pagtataas ng sarili o pagpapakilala bilang talibul ilm (mag-aaral sa Islam), ustadh, Shaykh, aleem, bago maging karapat-dapat ay isang matinding fitnah at panganib.

Sinabi ng Allah ﷻ:
Huwag kang magsalita ng bagay na hindi mo alam. Katotohanang ang pandinig, paningin, at puso ay pananagutan sa harap ni Allāh.” (Qurʾān 17:36)

At si Imam Malik رحمه الله ay nagsabi:

"Ang sinumang nangunguna sa usaping Islam (kahit hindi naman Qualified) bago siya matuto ay naghain ng sarili niya sa kapahamakan."

Kailangan nating itanim sa puso ang pagmamahal sa mga aklat, sa pag-aaral, at sa pagbabalik sa mga tunay na ʿulamāʾ (mga iskolar ng Islām) — sa halip na umasa lamang sa panggagaya (taqlīd) o pagkuntento sa mga maiikling video o clips mula sa social media.

Mga iilang Palatandaan upang malaman mo ang Tasaddur:

1. Pagbibigay ng fatwā at pagpapasya sa mga masalimuot na isyu nang hindi kumukonsulta sa mga kilalang ʿulamāʾ o hindi sapat ang kaalaman.

2. Pangunguna sa mga diskusyon at debate, kahit bagong tapos pa lamang mag-aral, o walang rekomendasyon mula sa mga may sapat na kaalaman (Ulamah).

3. Pagtatayo ng sariling plataporma o pagpapakilala ng sarili bilang tagapagturo, bago pa man kilalanin ng mga may higit na may kaalaman at may karanasan.

4. Pagiging sarado sa pagtanggap ng pagpuna o pagtatama, at pagtanggi na ituwid kapag may pagkakamali sa kanyang mga sinasabi.

5. Pagkamangha sa sarili, at ginagawa ang dami ng tagasubaybay, likes, o views bilang batayan ng tagumpay sa daʿwah.

✍🏻Aymaan Avenido