29/11/2025
سلارزئی میں 32 سالہ دشمنی کا خاتمہ؛ جرگہ کی کوششوں سے تاریخی صلح، عوام نے پولیس کا شکریہ ادا کیا
رپورٹ: فضل حکیم خان – نمائندہ روزنامہ آئین، باجوڑ
تحصیل سلارزئی ٹیا میں فریق اول شمشیر حاجی اور فریق دوم محمد عالم حاجی کے درمیان 32 سال سے جاری قتل مقاتلے کی سنگین دشمنی، جس میں کم و بیش چار افراد جان سے گئے تھے، بالآخر آج ختم ہوگئی۔ ڈی پی او باجوڑ وقاص رفیق کے کرائم پاک باجوڑ مشن کے تحت ایس ایچ او سلارزئی شیرزمین خان نے ملک نواز خان اف کوہی کی سربراہی میں پرائیویٹ جرگہ تشکیل دیا، جس کی مسلسل کوششوں سے مورخہ 29/11/2025 کو دونوں فریقین نے باضابطہ صلح کرلی۔
صلح کی تقریب میں علاقے کے عمائدین موجود تھے جہاں دونوں فریقین کو گلے ملا کر پرانے تنازعات ختم کرائے گئے۔ فریقین نے آئندہ بھائی چارے اور امن کے ساتھ رہنے کا اعلان کیا۔ اس موقع پر ایس ایچ او سلارزئی نے جرائم کے خاتمے اور منشیات سے پاک باجوڑ مہم پر تفصیلی بات چیت بھی کی۔
