Noorulhassan Pak Media President KSA

08/08/2026

ایک اللہ، ایک رسول ﷺ، ایک قرآن
ایک کلمہ، ایک قبلہ، ایک پہچان 🇵🇰 🇸🇦 🇹🇷

ترکیہ، سعودیہ اور پاکستان

مکہ مشترکہ دفاعی معاہدے کے موقع پر خصوصی نغمہ جاری

29/07/2026

اہم اطلاع برائے پاکستانی کمیونٹی، جدہ 🇵🇰🇸🇦
قونصلیٹ جنرل آف پاکستان، جدہ
جدہ قونصلیٹ میں مشین ریڈایبل پاسپورٹ (MRP) اور ای پاسپورٹ (E-Passport) دونوں بنوانے کی سہولت موجود ہے۔ آپ اپنی سہولت کے مطابق دونوں میں سے کوئی بھی بنوا سکتے ہیں۔
1. ایم آر پی (MRP) فیس شیڈول:
• نارمل 5 سال: 84 ریال - ایک ماہ میں
• نارمل 10 سال: 126 ریال - ایک ماہ میں
• ارجنٹ 5 سال: 140 ریال - 15 دن میں
• ارجنٹ 10 سال: 210 ریال - 15 دن میں
2. ای پاسپورٹ (E-Passport) فیس شیڈول:
• نارمل 5 سال: 150 ریال - ایک ماہ میں
• نارمل 10 سال: 275 ریال - ایک ماہ میں
• ارجنٹ 5 سال: 250 ریال - 15 دن میں
• ارجنٹ 10 سال: 445 ریال - 15 دن میں
تاریخ: 29 جولائی 2026
نوٹ: قونصلیٹ جانے سے پہلے اصل شناختی کارڈ اور پاسپورٹ ہمراہ لے کر آئیں🇸🇦🇵🇰💐

20/07/2026

15/07/2026

سوات میں طالبان کا ڈٹ کر مقابلہ کرنے والے افضل خان کے اعزاز میں مکہ مکرمہ میں خصوصی عشائیہ

مکہ مکرمہ: سوات میں نام نہاد مقامی طالبان کے حملے کا بہادری سے مقابلہ کرنے والے افضل خان کے اعزاز میں چیف آف بالاکوٹ، ممتاز کاروباری و سماجی شخصیت حاجی غلام حسن نے مکہ مکرمہ میں خصوصی عشائیے کا اہتمام کیا۔ تقریب میں گجر قوم کے رہنماؤں، سماجی شخصیات اور افضل خان کے چاہنے والوں نے بڑی تعداد میں شرکت کی۔

تقریب کے آغاز میں حاجی غلام حسن نے شرکاء کا خیرمقدم کرتے ہوئے افضل خان اور عمرہ کی مبارکباد دیتے ہوئے انکی جرات، بہادری اور ثابت قدمی کو زبردست خراجِ تحسین پیش کیا۔ انہوں نے کہا کہ مشکل حالات میں ڈٹ کر مقابلہ کرنے والے افراد پوری قوم کا سرمایہ ہوتے ہیں۔

اس موقع پر حاجی سلیم، سردار فاروق، عمران شاہ، محمد علی گجر، اشفاق واحد، چیئرمین پاک میڈیا جرنلسٹ فورم چوہدری نورالحسن گجر سمیت دیگر ممتاز شخصیات بھی موجود تھیں۔ شرکاء نے حالیہ حملے میں افضل خان کے شہید ہونے والے بیٹے اور بھتیجے کے ایصالِ ثواب کے لیے اجتماعی فاتحہ خوانی کی اور افضل خان سے دلی تعزیت کا اظہار کیا اور عمرہ کی مباکباد دی۔

اپنے خطاب میں افضل خان نے عشائیے کے انعقاد پر حاجی غلام حسن اور تمام شرکاء کا شکریہ ادا کرتے ہوئے بتایا کہ حملے کے دوران ان پر تقریباً تین گھنٹے تک مسلسل فائرنگ ہوتی رہی۔ انہوں نے کہا کہ مقامی پولیس کو متعدد بار اطلاع دی گئی، تاہم مدد کے لیے کوئی نہ پہنچ سکا۔ اس کے باوجود انہوں نے اور ان کے ساتھیوں نے ہمت نہیں ہاری اور حملہ آوروں کا مقابلہ کیا۔

افضل خان نے کہا کہ انہیں ملک بھر سے لوگوں نے فون اور پیغامات کے ذریعے حوصلہ دیا، جس پر وہ تمام احباب کے بے حد مشکور ہیں۔ انہوں نے اس عزم کا اظہار کیا کہ آئندہ بھی دہشت گرد عناصر کے سامنے نہیں جھکیں گے اور ہر قیمت پر اپنے علاقے کے امن کے لیے کھڑے رہیں گے۔

تقریب کے اختتام پر مہمانوں کی تواضع سعودی عرب کی روایتی اور معروف بکرے کی لحم مندی سے کی گئی، جبکہ شرکاء نے افضل خان کی سلامتی، شہداء کے درجات کی بلندی اور ملک میں امن و استحکام کے لیے خصوصی دعائیں بھی کیں۔

15/07/2026

افسوسناک خبر۔

ریاض میں گیس سلنڈر پھٹنے سے، پانچ افراد کا تعلق مانسہرہ سے، مجموعی طور پر چھ پاکستانی جاں بحق

ریاض: سعودی عرب کے دارالحکومت ریاض کے علاقے منفوحہ میں گزشتہ شب گیس سلنڈر پھٹنے کے نتیجے میں پیش آنے والے افسوسناک حادثے میں چھ پاکستانی شہری جاں بحق ہوگئے۔

ابتدائی اطلاعات کے مطابق جاں بحق ہونے والوں میں پانچ افراد کا تعلق ضلع مانسہرہ، تحصیل بالاکوٹ اور اس کے نواحی علاقوں سے ہے، جبکہ ایک شخص کا تعلق صوبہ پنجاب سے بتایا جا رہا ہے، تاہم اس کی شناخت تاحال سامنے نہیں آسکی۔

ذرائع کے مطابق جاں بحق ہونے والوں میں:

- محمد سعید (گاؤں بالاکوٹ بن، حال مقیم جلو)
- عابد حسین (گاؤں بالاکوٹ بن، حال مقیم جلو)
- عبدالرحمان (گاؤں پنجول جبوڑی، حال مقیم جلو)
- محمد سفیر (جابہ عرب خن)
- محمد رستم (گاندیاں، ضلع مانسہرہ)
شامل ہیں۔

واقعے کے فوراً بعد سعودی ریسکیو اور متعلقہ ادارے جائے وقوعہ پر پہنچ گئے اور امدادی کارروائیاں شروع کر دیں۔ دھماکے کی وجوہات جاننے کے لیے تحقیقات جاری ہیں۔

پاکستانی سفارت خانہ ریاض کے مطابق جاں بحق افراد کی میتوں کی وطن واپسی اور دیگر قانونی کارروائیوں کے لیے سعودی حکام سے رابطے میں ہے۔

مزید تفصیلات سامنے آنے پر خبر کو اپ ڈیٹ کیا جائے گا۔

اللہ تعالیٰ مرحومین کی مغفرت فرمائے، درجات بلند فرمائے اور لواحقین کو صبرِ جمیل عطا فرمائے۔ آمین۔

13/07/2026

🚨 سعودی عرب سے اہم اعلان

سعودی وزارتِ داخلہ نے ویزے کی مدت ختم ہونے کے بعد بھی مملکت میں غیر قانونی طور پر قیام (اوور اسٹے) کرنے والوں کے خلاف سخت کارروائی کی وارننگ جاری کر دی ہے۔

⚠️ خلاف ورزی کی صورت میں:
💰 50 ہزار سعودی ریال تک جرمانہ
🏛️ 6 ماہ تک قید
✈️ سزا کے بعد ملک بدری

وزارت نے تمام غیر ملکیوں کو ہدایت کی ہے کہ وہ اپنے ویزے کی مدت کا خیال رکھیں، مقررہ وقت پر سعودی عرب سے روانہ ہوں اور امیگریشن، اقامہ اور لیبر قوانین کی مکمل پابندی کریں تاکہ قانونی کارروائی سے بچا جا سکے۔

📢 یہ معلومات دوسروں تک بھی ضرور پہنچائیں تاکہ وہ بروقت احتیاط کر سکیں۔

28/06/2026

ورک پرمٹ کی تجدید کی آخری تاریخ 30 جون، یکم جولائی سے خودکار کارروائی شروع ہوگی
ریاض: وزارتِ انسانی وسائل و سماجی ترقی کے تحت قائم قویٰ (Qiwa) پلیٹ فارم نے خبردار کیا ہے کہ جن غیر ملکی کارکنوں کے ورک پرمٹ کی مدت ختم ہو چکی ہے، ان کے معاملات درست کرنے کی آخری تاریخ 30 جون ہے۔
قویٰ کے مطابق اگر کسی کارکن کا ورک پرمٹ تین ماہ سے زائد عرصے سے ایکسپائر ہے تو یکم جولائی سے اسے خودکار طور پر کمپنی کے ریکارڈ سے خارج کر دیا جائے گا۔ تاہم، کمپنی اس دوران واجب الادا تمام مالی ذمہ داریوں اور فیسوں کی ادائیگی کی پابند رہے گی۔
پلیٹ فارم نے واضح کیا کہ اگر کارکن کے اقامے کی مدت میں کم از کم 180 دن باقی ہوں تو، چاہے ورک پرمٹ کی تجدید نہ ہو سکے، اسے کمپنی کے ریکارڈ سے نہیں ہٹایا جائے گا۔ لیکن اگر اقامے کی مدت 180 دن سے کم رہ گئی ہو تو آجر کے لیے اقامہ اور ورک پرمٹ دونوں کی تجدید ضروری ہوگی۔
قویٰ نے آجروں کو ہدایت کی ہے کہ وہ مقررہ مدت سے پہلے ورک پرمٹ کی تجدید یا ملازمین کی خدمات کی منتقلی کا عمل مکمل کریں اور تمام بقایا فیسیں ادا کریں، تاکہ قانونی کارروائی اور اضافی مالی ذمہ داریوں سے بچا جا سکے۔

23/06/2026

سعودی کابینہ نے غیر ملکیوں کے لیے جائیداد کی ملکیت سے متعلق قانون کے ایگزیکٹو ریگولیشنز منظور کر لیے۔ نئے نظام کے تحت مخصوص علاقوں میں غیر ملکی افراد اور کمپنیاں جائیداد خرید سکیں گی، جبکہ مکہ مکرمہ اور مدینہ منورہ میں خریداری صرف مسلم غیر ملکیوں کے لیے ہوگی۔ اس اقدام کا مقصد غیر ملکی سرمایہ کاری اور رئیل اسٹیٹ سیکٹر کو فروغ دینا ہے۔