Noorulhassan Pak Media President KSA

22/11/2025

7 نیوز پر عمر نذیر خان صاحب کے پروگرام برملا میں عالمی امور پر خصوصی تبادلہ خیال۔

31/10/2025

📢 سعودی وزارتِ حج و عمرہ کا نیا اعلان

🕋 عمرہ ویزے سے متعلق اہم تبدیلی

🔸 اب عمرہ ویزہ حاصل کرنے کے بعد 30 دن کے اندر مملکت میں داخل ہونا لازمی ہے۔
🔸 بصورتِ دیگر ویزہ خود بخود منسوخ ہو جائے گا۔

وزارت کا کہنا ہے کہ اس اقدام کا مقصد انتظامی عمل کو بہتر بنانا اور زائرین کی سہولت کو یقینی بنانا ہے۔

#عمرہ

19/10/2025

12/10/2025

پاک افغان جنگی صورتحال پر تبادلہ خیال۔

07/10/2025

سانحۂ 8 اکتوبر — زخم جو آج بھی ہرا ہے

✍️ از: چوہدری نورالحسن گجر

8 اکتوبر 2005… پاکستان کی تاریخ کا وہ دن جب زمین لرزی، پہاڑ پھٹ گئے، بستیاں صفحۂ ہستی سے مٹ گئیں۔ چند لمحوں کی ہولناکی میں ہزاروں زندگیاں ختم ہو گئیں، اور لاکھوں خواب مٹی تلے دفن ہوگئے۔ آج اس قیامت خیز سانحے کو 20 برس بیت چکے ہیں، مگر ان لمحوں کی چیخیں اب بھی وادیوں کی فضا میں سنائی دیتی ہیں۔

بالاکوٹ، مظفرآباد، باغ، راولا کوٹ — سبھی وہ علاقے ہیں جنہوں نے 8 اکتوبر کی صبح اپنی آنکھوں سے تباہی کا وہ منظر دیکھا جو صدیوں کے لیے تاریخ کا حصہ بن گیا۔ مائیں بچوں کو آواز دیتی رہیں، بچے والدین کو ڈھونڈتے رہے، اور زمین کے ہر جھٹکے کے ساتھ ایک نیا جنازہ اٹھتا گیا۔

بیس سال بعد بھی اگر ہم ان علاقوں کی حالتِ زار دیکھیں جن میں خاص طور پر بالاکوٹ تو محسوس ہوتا ہے کہ وقت نے زخم تو پرانے کیے، مگر بھرے نہیں۔ بحالی کے وہ منصوبے جو دعووں اور فائلوں میں مکمل دکھائے گئے، حقیقت میں آج بھی ادھورے ہیں۔
سینکڑوں اسکول بالاکوٹ میں اب تک کھلے آسمان تلے تعلیم دے رہے ہیں، اسپتال اور بی ایچ یو غیر فعال ہیں، اور بکریال سٹی — جسے متاثرین کے لیے ایک ماڈل شہر قرار دیا گیا تھا — آج بھی کاغذی منصوبہ ہی دکھائی دیتا ہے۔

سوال یہ ہے کہ وہ اربوں روپے کہاں گئے جو متاثرین کے نام پر دنیا بھر سے آئے؟ وہ فنڈز کن کھاتوں میں جذب ہوگئے؟
ہر حکومت نے اعلانات کیے، ہر سال دعائیہ تقریبات ہوئیں، تصویری سیشن اور اخباری بیانات جاری ہوئے، مگر متاثرین کی حالت میں کوئی بنیادی تبدیلی نہ آئی۔

سابق چیف جسٹس ثاقب نثار نے اس مسئلے پر ازخود نوٹس لیا تھا، سماجی رہنما شیراز محمود قریشی نے متاثرین کے لیے آواز بلند کی، انکی وفات کے بعد وقت کے ساتھ یہ آوازیں بھی خاموش ہو گئیں۔ اب نگاہیں موجودہ عدلیہ اور حکومت پر ہیں — شاید کوئی سن لے ان بے نام قبروں، بے آسروں، بے گھروں کی فریاد۔

ہماری قوم کا المیہ یہی ہے کہ ہم حادثوں کو یاد تو رکھتے ہیں مگر سبق نہیں سیکھتے۔ ہم سانحوں کو سالگرہوں کی طرح مناتے ہیں، مگر ان سے اصلاح کا راستہ نہیں نکالتے۔
8 اکتوبر کا دن صرف یادگار نہیں، ایک آئینہ ہے — جو ہمیں یاد دلاتا ہے کہ امداد سے زیادہ ایمانداری کی ضرورت ہے، تقریر سے زیادہ عمل کی ضرورت ہے، اور تعزیت سے زیادہ تعمیر کی۔

اب وقت آ گیا ہے کہ 8 اکتوبر کو صرف ایک یادگار دن نہ سمجھا جائے، بلکہ اسے ایک ذمے داری کا دن بنایا جائے — تاکہ آنے والے وقت میں کوئی بچہ اپنی کتابوں کے ساتھ ملبے تلے دفن نہ ہو، کوئی ماںn اپنے بچے کی لاش نہ ڈھونڈے، اور کوئی قوم اپنے ضمیر کی زنجیروں میں نہ جکڑی رہے۔

آخر کب تک؟
یہ سوال آج بھی ویسا ہی زندہ ہے…
اور شاید تب تک زندہ رہے گا جب تک انصاف، تعمیر اور احساس — محض نعرے نہیں، حقیقت نہیں بن جاتے۔

06/10/2025

🌙 سعودی عرب کی جانب سے اہم اعلان! 🇸🇦

وزارتِ حج و عمرہ نے تصدیق کی ہے کہ سعودی عرب میں موجود تمام اقسام کے ویزا ہولڈرز اب عمرہ کے مناسک ادا کر سکتے ہیں۔

وزارت کے مطابق اس سہولت سے درج ذیل ویزہ ہولڈرز فائدہ اٹھا سکتے ہیں:
🕋 ذاتی و خاندانی ویزے
🕋 ای-ٹورسٹ ویزے
🕋 ٹرانزٹ ویزے
🕋 ورک ویزے اور دیگر اقسام کے ویزے

یہ اقدام دنیا بھر کے مسلمانوں کے لیے عمرہ کو آسان اور سہل بنانے کی کاوش کا حصہ ہے، جو سعودی وژن 2030 کے اہداف کے مطابق ہے۔

مزید برآں، وزارت نے جدید ’نسک عمرہ پلیٹ فارم‘ کا آغاز بھی کیا ہے، جہاں عمرہ کے خواہشمند افراد:
✅ براہِ راست پیکج کا انتخاب کر سکتے ہیں
✅ الیکٹرانک پرمٹ حاصل کر سکتے ہیں
✅ اپنے وقت کے مطابق بکنگ کر سکتے ہیں

یہ نیا نظام زائرین کو سہولت، لچک اور سکون فراہم کرنے کے لیے تیار کیا گیا ہے۔

#عمرہ

02/10/2025

ٹیکرز

پاک میڈیا جرنلسٹ فورم انٹرنیشنل کا نیشنل پریس کلب اسلام آباد پر پولیس دھاوے کی شدید مذمت

نیشنل پریس کلب پر حملہ آزادی اظہار پر حملہ ہے، چیئرمین نورالحسن گجر

پولیس اہلکاروں کے خلاف فوری کارروائی کا مطالبہ، اعلامیہ

نیشنل پریس کلب کے تقدس کے تحفظ کیلئے ہر فورم پر آواز بلند کریں گے، فورم

پاکستان کی صحافتی تنظیموں کے ساتھ ملکر احتجاجی لائحہ عمل طے کریں گے

انٹرنیشنل لیول پر بھی صحافیوں کے حق میں آواز بلند کرتے رہیں گے

حکومت وقت نوٹس لے کر پولیس میں چھپی کالی بھیڑوں کو بے نقاب کرے

26/09/2025

پاک امریکہ تعلقات پر جامعہ گفتگو۔

26/09/2025

"حکیم شہزاد عرف لوہا پاڑ سعودی عرب عمرہ کے بعد اب جدہ میں دواخانہ شفٹ کرنے جا رہے ہیں | ہمیشہ میڈیا کی زینت رہتے ہیں، چاہے شادی ہو، لائسنس ہو یا ایف آئی آر | چیئرمین پاک میڈیا جرنلسٹس فورم انٹرنیشنل چوہدری نورالحسن گجر سے خصوصی گفتگو"

22/09/2025

مکہ مکرمہ قرآن میوزیم کی مکمل تفصیلی رپورٹ