04/10/2025
راجہ نایاب شہید
چار
اکتوبر کو راجہ نایاب کی برسی تھی۔ نایاب صرف نام ہی نہیں بالکہ حقیقت میں ایک نایاب انسان تھا ۔
میری اور کاشف کی دوستی کی وجہ سے نایاب میرا خیال اپنے بھائی کی طرح ہی رکھتا۔ آخری ملاقات ہماری میرے گھر کے پاس ہوئی جب جو یہ تصویر میں آپ دیکھ سکتے میرے گھر کے پاس چیڑ کا درخت گرنے سے تاریں ٹوٹ گئیں میں نے کال کی اور میں اس جگہ پر پہنچا تو حیران رہ گیا کہ نایاب وہاں چیڑ کی ٹہنیاں کاٹ رہا تھا اور تاریں نکال رہا تھا۔ جب تاریں جوڑنے نایاب کھمبے پر چڑھا تو میں نے کہا کہ یہ کیا نکلوائی گلوز یا بوٹ آپ نے حفاظت کے لیئے نہیں پہنے تو ہنس کر مجھے کہا کہ خیام میری اور بجلی کی دوستی ہو گئ ہے جس جگہ تریڈھی دھار سے میرا تبادلہ ہوا ہے وہاں کوئی ڈبل تنخوا لیکر بھی جانے کو تیار نہیں ہوتا۔۔
مجھے بجلی کچھ نہیں کہتی۔
پھر کچھ دنوں میں ہی نایاب کا تبادلہ ہو گیا ۔ اور ہمارے اہلیان محلہ نے دکھ کا اظہار کیا کہ وہ بندہ نہیں جانا چاہئیے تھا۔
ہمیں کیا پتہ کہ اللہ کو کچھ اور ہی منظور تھا۔ پھر کچھ دنوں بعد ہی ایک دردناک خبر سننے کو ملی اور دو دن بعد نایاب کی موت کی خبر مل گئی۔۔
نایاب کی وہ شفقت تاحیات یاد رہے گی ۔
اللہ پاک نایاب بھائی کی مغفرت فرمائیں
محکمہ برقیات کے تمام دوست جو بغیر سیفٹی کے کام کرتے ہیں ان سے گزارش ہیکہ اپنی حفاظتی کٹ لازمی استعمال کریں ۔۔
