05/07/2025
ہزاروں میں 72 تن تھے ، تسلیم و رضا والے
حقیقت میں خدا انکا تھا اور ، وہ تھے خدا والے
یہ نعرہ "حر" کا تھا جس ، شامی فوج سے نکلے
کہ دیکھو کس طرح نکلے ، جہنم سے خدا والے
"حسین" ابن "علی" کی کیا مدد ، کر سکتا تھا کوئی
یہ خود مشکلکشاء تھے ، اور تھے مشکلکشاء والے
کسی نے جب وطن پوچھا تو ، یوں حضرت نے فرمایا
مدینے والے کہلاتے تھے ، اب ہیں کربلا والے
دوائے درد عصیاں پنجتن کے ، در سے ملتی ھے
زمانے میں یہی مشہور ہیں ، دارالشفاء والے
