Abuazir Sulaiman

03/02/2026

KABILANG KABA SA PATATAWARIN NI ALLAH SA GABING ITO?!❗❗❗

👉 Sinabi ng Mahal na Propeta (sumakanya ang kapayapaan):

"Sisilipin ni Allah ang lahat ng Kanyang Nilikha sa gabi ng kalagitnaan ng buwan ng Sha'ban, Kanyang patatawarin ang lahat ng Kanyang Nilikha maliban sa mga taong nagtatambal (gumagawa ng Shirk) at sa mga taong may alitan o galit sa kapwa" Silsilah Saheeha 3/135.

- Hangga't maaari ay ipalaganap ang pagmamahalan at alisin ang pagkamuhi o galit sa kapwa at lumayo sa gawaing pagtatambal (Shirk) kay Allah. Hilingin natin sa Kanya na ibilang tayong lahat sa mga taong patatawarin Niya sa gabing ito.

NGAYONG GABI ANG GABI NG NISFU SHA’BAN❗

👉 ANO NGA BA ANG NARARAPAT GAWIN SA GABING ITO?

♦️ Wala pong natatanging pagsagawa ng Ibadah sa gabing ito❗

♦️ Kung ang hangarin mo sa pagsagawa ng Ibadah (pagsamba) ay para Nisfu Sha'ban o pagdiriwang rito, katunayan ibinilang ito ng mga pantas bilang isang Bid'ah!

👉 Ngunit, hindi mapapabilang sa Bid'ah ang pag-aayuno ng AYAMUL BEEDH (sa araw na ika-13,14,15 ng Sha'ban) dahil ito ay may batayan.

♦️ Hindi rin kabilang sa gawain Bid'ah ang daily na nakasanayang pagsasagawa ng Tahajjud, Zikr Sadaqa, o pagbasa ng Quran.

👉 Iwasan lang po na maging hangarin natin sa ating Ibadah ang pagdiriwang sa gabing ito!

👉 NARITO ANG IILANG
GAWAING BID'AH NA KADALASANG GINAGAWA SA GABING ITO:

♦️-SALATUL BARA’A. Sila ay nagsasagawa ng pagdarasal ng 100 Rakaat

♦️-Pagdarasal ng anim na Rakaat na may kaakibat na Dua na hinihiling na ilayo sa mga pagsubok o pahabaain pa ang buhay sa mundo.

♦️-Ang pagbasa ng Soorat “YA’SEEN” at pagkatapos ay magsagawa ng mahabang panalangin

♦️-Inaakala ng iba na ang kalagitnaan ng SHA’BAN ay kahalintulad ng LAILATUL QADR

♦️- Ang pagsasagawa ng natatanging pag-aayuno sa araw na ito!

👉 ILAN SA MGA HADITH NA HINDI AUTENTIKO NA NABANGGIT HINGGIL SA KAINAMAN NG NISFU SHA’BAN:

- “Kapag dumating ang gabi ng kalagitnaan ng SHA’BAN, kayo ay tumayo sa gabing yaon (magsagawa ng pagdarasal) at magsagawa ng pag-ayuno sa araw nito”

Naiulat mula kay Ibn Majah sa kanyang Sunan,
Ngunit ito ay isang Hadith na MAUDOO (gawa gawa)

عن علي رضي الله عنه مرفوعا قال : (( إذا كانت ليلة النصف من شعبان فقوموا ليلها وصوموا نهارها )) وقد رواه بن ماجه في السنن 1388 وهو حديث موضوع

👉 HATOL SA PAGDIRIWANG NG NISFU SHA’BAN)

Tinanung si Shaikh IBn Bazz (kaawaan siya ni Allah) hinggil sa gabi ng kalagitnaan ng Sha’ban kung may natatangi bang pagdarasal hinggil dito?

Kanyang sinabi: “Ang gabi ng Kalagitnaan ng SHA’BAN ay walang natatanging pagdarasal hinggil dito, walang pagbasa ng Qur’an, walang pagsagawa ng pagdarasal na indibidwal o grupo (Jamaah).
Lahat ng pagdarasal na nabanggit sa Hadith ay kung hindi MAWDOO (gawa-gawa) ay mahina o hindi Authentic.

Ang pakahulugan po rito ay espesyal na pagsagawa ng Ibadah na ang hangarin ay para sa pagdiriwang o paggunita ng Nisfu Sha'ban!

Naw'ay ilayo tayo ni Allah sa mga gawaing BID'AH!!!

✍️ Zulameen Sarento Puti

01/02/2026

Choose wisely 🥶☠️

30/11/2025

16/10/2025

Huwag mong hanapin ang kaligayahan kong hindi ka den nagdarasal.

16/10/2025

BAWAL TUMANGGAP NG REGALO ANG ISANG KAWANI (Teacher, Staff, Worker etc....)❗❗❗

👉 Hindi ipinahintulot na tumanggap ng regalo ang isang kawani (staff) na may ugnayan sa kanyang trabaho dahil papasok ito sa isang suhol (Haram) tulad ng pagtanggap ng kumisyon ng kawani o pagtanggap sa regalo ng g**o mula sa kanyang istudyanti etc..

👉 Sinabi ng mahal na propeta (sumakanya ang kapayapaan): "ANG REGALO NG KAWANI AY ISANG NAKAW"

👉Anumang nakuhang kumisyon mula sa mga transaksyon na labas sa iyong sahod tulad ng kickback, regalo, binawasan ang budget ng Project, pag slice sa ayuda etc..ay kabilang sa katiwalian, pagnanakaw o pangungurakot❗

- ANG NASABING KUMISYON O REGALO AY IPAPABUHAT SA IYO SA HULING ARAW❗

👉 Hadith: "Ipinadala ng Mahal na Propeta ang isang tao para lumikom ng Zakat at siya ay bumalik dala ang mga Zakat at kanyang sinabi sa Propeta: "Ito (Ang bahaging ito) ay para sa inyo at ito naman ay ibinigay na regalo para sa akin...

Sinabi ng Propeta: "kung nanatili lamang siya sa loob ng tahanan ng kanyang magulang (hindi bilang kawani) siya ba ay riregaluhan ng ganyan?!

Ako ay sumusumpa sa Allah, walang sinumang kumuha ng kumisyon maliban lamang na pagdating ng huling araw ay ipapabuhat sa leeg nito ang nasabing kumisyon.
Kung ang kumisyon ay kambing ay magbubuhat at tatahol na parang kambing,
Kung baka ay magbubuhat at tatahol na parang baka." Inulat ni Imam Al-Bukhari

PAALAALA:

♦️ Ipinahintulot na tanggapin ng teacher ang regalo mula sa istudyanti kapag hindi na siya kasulukuyang tinututuruan bilang pasasalamat at malayo narin ito na pasukan ng favoritism❗❗❗

👉 Ang pagtanggap ng teacher sa regalo sa panahon ng Teacher's day ay may dalawang pagbabawal:
1-Pagsupurta sa bawal na selebrasyon

2-Mahulog sa suhol at Favoritism

👉👉Mainam na iwasan nalang tumanggap at ipaliwanag nalang sa kanila❗❗

👉 Sa mga istudyanti namin, Kung gusto niyo kaming regaluhan ay after graduation nalang😅😅😅

PINAGKUHANAN SA USAPIN:

"حديث: هدايا العمال غلول ".
حديث: "ان رَسولَ اللَّهِ صَلَّى اللهُ عليه وسلَّمَ اسْتَعْمَلَ عامِلًا، فَجاءَهُ العامِلُ حِينَ فَرَغَ مِن عَمَلِهِ، فقالَ: يا رَسولَ اللَّهِ، هذا لَكُمْ، وهذا أُهْدِيَ لِي.....
فَوالَّذي نَفْسُ مُحَمَّدٍ بيَدِهِ، لا يَغُلُّ أحَدُكُمْ مِنْها شيئًا إلَّا جاءَ به يَومَ القِيامَةِ يَحْمِلُهُ علَى عُنُقِهِ؛ إنْ كانَ بَعِيرًا جاءَ به له رُغاءٌ، وإنْ كانَتْ بَقَرَةً جاءَ بها لها خُوارٌ، وإنْ كانَتْ شاةً جاءَ بها تَيْعَرُ، فقَدْ بَلَّغْتُ. فقالَ أبو حُمَيْدٍ: ثُمَّ رَفَعَ رَسولُ اللَّهِ صَلَّى اللهُ عليه وسلَّمَ يَدَهُ، حتَّى إنَّا لَنَنْظُرُ إلى عُفْرَةِ إبْطَيْهِ" صحيح البخاري

✍️ Zulameen Sarento Puti

22/04/2025

22/04/2025

HINDI SUNNAH ANG MAGPAHABA NG BUHOK SA MGA KALALAKIHAN❗❗❗

👉 Inaakala ng iilan na kapag ang isang bagay na hindi ginawa ng Propeta ay agad ng ibinibilang sa gawaing Bid’ah (imbento),
Gayundin kanila ring inaakala na ang lahat ng bagay na ginawa ng Propeta ay kabilang na sa Sunnah❗❗❗

Bilang pagpapaliwanag sa pangalawang usapin dahil ito ang ating paksa:

👉 May mga iilang bagay na ginawa ng Propeta na walang kinalaman sa relihiyon at hindi kabilang sa Sunnah❗

- Normal sa isang tao na may natatanging kagustuhan, panlasa mula sa mga pagkain, inumin, damit, pabango, paggalaw etc.

- Ang Propeta ay may mga paborito ring pagkain o inumin na kaiba sa mga Sahaba at hindi niya ipinag-utos sa kanila na ito ang dapat kainin o inumin dahil ito ang kanyang kinakain o iniinum,

- Gayundin, may iilan sa mga Sahaba ay kumain ng pagkain na hindi naman kinain ng Propeta dahil sa hindi naman niya ito nakasanayang kainin tulad ng pagkain ni Khalid Bin Walid ng isang DABB (kasing uri ng bayawak)!!

- Mayroon din ginawa ang Propeta na naayon sa kustombre o kaugalian ng kanyang panahon tulad ng pagpahaba ng kanyang buhok na naging kustombre at katanggap tanggap sa kanilang panahon!!.

Ang pagpapahaba ng buhok ng mga lalaki ay hindi kabilang sa Sunnah kahit pa man ito ay ginawa ng Propeta bagkus ito ay kabilang sa naging kaugalian sa kanilang panahon❗

👉 Sinabi ni Shaikh Uthaimeen (kahabagan siya ni Alalh):
Ang pagpapahaba ng buhok ay walang pagbabawal dahil ang PROPETA ay nagpahaba rin ng kanyang buhok hanggang sa ang kanyang buhok ay umabot sa balikat nito. ito ang pangunahing hatol ng pagpapahintulot,

Ngunit, kapag ang kaugalian ng karamihan sa mga tao ay ang tanging nagpapahaba lamang ng buhok ay ang mga pasaway, drug addict, gumagawa ng masama, samantala ang matutuwid sa kanila tulad ng mga pinuno o ulama ay hindi nagpapahaba ng buhok,
Sa ganitong kalagayan ay hindi Ipinahintulot sa mga taong matuwid na magpahaba ng kanilang mga buhok upang kanilang ihiwalay ang kanilang mga sarili laban sa mga taong pasaway❗❗❗

PAALAALA:

Kung ang pagpapahaba ng buhok ay kabilang sa Sunnah, sana hindi hinayaan ng Mahal na Propeta ang isang batang ginugupitan ang ilan sa bahagi ng kanyang ulo sa harap niya, bagkus kanyang sinabi: “Kalbuhin ninyo o gupitan ang buong ulo o hayaan nalang na huwag gupitan”

Kung Sunnah ang pagpahaba ng buhok ng isang lalaki sana hindi na niya ito pinahintulutang pagupitan at hayaan nalang itong humaba!

Gayundin hindi narin siya magpaputol ng buhok❗❗

Kapag ang pagpahaba ng buhok ay ginagawa ng nakakarami pati ang mga matuwid mula sa mga pinuno at ulama at kanila ring nakikita na ito ay isang kaugaliang mabuti,
Sa ganitong kalagayan ay walang pagbabawal na magpahaba ng buhok ang isang lalaki bilang kaugalian at hindi bilang Sunnah❗

Ngunit, kung ang tanging nagpahaba lamang ay mga pasaway, drug addict, mga artista, sports player o mga taong hindi mabuti,
Sa ganitong kalagayan ay hindi maganda ang magpahaba ng buhok upang mailayo ang ating sarili sa mga pasaway!

👉 Naging kaugalian sa ngayon panahon mula sa mga kilala at malalaking pantas (ulama) sa buong mundo ay hindi nagpahaba ng buhok dahil hindi nila nakikita ang pagpahaba na ito bilang sa isang Sunnah sa likod ng matindi nilang panghahawak ng Sunnah ng Propeta❗❗❗

👉Dagdag Kaalaman:

Narito ang iilan sa mga bagay na hindi kabilang sa Sunnah bagkus ito ay Adah (kaugalian o kustombre) lamang:

1-Paggamit ng tungkod

2-Pagsuot ng Thoub (lambong) o Jalabiyya

3- Ang pagsuot ng Kopya (pantakip sa ulo) o anumang ibinabalot sa ulo ng mga kalalakihan

4-Ang pagsuot ng singsing na yari sa pilak. Ang pagsuot na yari sa ginto ay Haram

5- Ang paggamit ng Sandalyas na gagayahin ang desinyo ng sandalyas ng Propeta.

6- Ang pagsuot ng relo sa bandang kanang kamay at marami pang iba..

✍️ Zulameen Sarento Puti