Naeem Ullah Shaheen

13/11/2025

میدان بدر کا مختصر تاریخ اس ویڈیو میں ملاحظہ کریں
ویڈیو کو لائیک کریں اور دوستوں کے ساتھ شئیر بھی کریں شکریہ

13/11/2025

12/11/2025

نماز مغرب حرم شریف میں

09/11/2025

اذان عصر مسجد نبوی

04/11/2025

Top Hidden Gem in Riyadh You Must Visit! 🇸🇦✨ #1 Tourist Spot in Saudi Arabia

Discover the most beautiful and peaceful location in Riyadh — a place where modern luxury meets traditional Saudi vibes. 🌆
Perfect for families, friends, and solo travelers!
📍Riyadh’s most Instagrammable destination is waiting for you!
👇 Tell us in the comments — Have you been here?

01/11/2025

آج صبح میں ریاض سے رماح کی طرف روانہ ہوا۔
نمازِ فجر سے پہلے اٹھا اور سوچا کہ راستے میں کسی مسجد میں نماز ادا کر لوں گا۔
ایک مسجد میں اقامت ہو چکی تھی، میں جلدی سے وہاں جانے لگا۔
دیکھا کہ بہت سے لوگ سڑکوں پر جا رہے تھے —
کسی کے ہاتھ میں بیلچہ، کسی کے ہاتھ میں ہتھوڑا،
اور کسی کے ہاتھ میں رنگ کرنے کے اوزار۔

ہر کاریگر اپنے کام کے سامان کے ساتھ تیزی میں تھا،
حالانکہ جماعت کھڑی ہونے والی تھی،
لیکن وہ سب اپنے کام کی طرف دوڑ رہے تھے کہ کہیں دیر نہ ہو جائے۔

میں نے نماز ادا کی،
راستے میں ایک شخص سے پوچھا:
"یہ لوگ فجر کے وقت اتنے جلدی میں کہاں جا رہے ہیں؟"
اس نے جواب دیا:
"بعد میں راستوں میں رش بڑھ جاتا ہے،
اور کام والی جگہ پہنچنا مشکل ہو جاتا ہے۔"

میں نے خاموشی اختیار کی، مگر دل میں ایک سوال اٹھا—
یہ لوگ دنیا کمانے کے لیے فجر سے پہلے اٹھ جاتے ہیں،
مگر فجر کی نماز جیسا عظیم فریضہ چھوڑ دیتے ہیں۔

صحابہ کرامؓ کے دور میں جو فجر کی نماز میں حاضر نہ ہوتا،
اسے منافق سمجھا جاتا تھا۔
اور آج ہمارے معاشرے میں نہ جانے کتنے ایسے لوگ ہیں
جو سرے سے نماز ہی نہیں پڑھتے۔

اللہ نے فرمایا:

وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ
"میں نے جن و انس کو صرف اپنی عبادت کے لیے پیدا کیا ہے۔"
(سورۃ الذاریات: 56)

اور ایک اور مقام پر ارشاد فرمایا:

وَمَا مِنْ دَابَّةٍ فِي الْأَرْضِ إِلَّا عَلَى اللَّهِ رِزْقُهَا وَيَعْلَمُ مُسْتَقَرَّهَا وَمُسْتَوْدَعَهَا ۚ كُلٌّ فِي كِتَابٍ مُّبِينٍ
"زمین پر کوئی جاندار ایسا نہیں جس کا رزق اللہ کے ذمہ نہ ہو،
وہ اس کے ٹھکانے اور اس کے دفن ہونے کی جگہ کو جانتا ہے،
سب کچھ واضح کتاب (لوحِ محفوظ) میں لکھا ہوا ہے۔"
(سورۃ ہود: 6)

قال رسول الله ﷺ:
"إن روح القدس نفث في روعي أنه لن تموت نفس حتى تستكمل رزقها وأجلها، فاتقوا الله وأجملوا في الطلب"

ترجمہ:
روح القدس (جبرائیل علیہ السلام) نے میرے دل میں یہ بات ڈالی کہ
کوئی جان اس وقت تک نہیں مرے گی
جب تک اپنا پورا رزق اور وقتِ مقرر پورا نہ کر لے،
لہٰذا اللہ سے ڈرو اور رزق کو اچھے طریقے سے تلاش کرو۔
یعنی رزق انسان کے پیچھے مقدر کے مطابق چلتا ہے،
ہمیں صرف حلال اور اچھے طریقے سے کوشش کرنی ہے۔
افسوس کہ آج ہم رزق کے پیچھے دوڑتے دوڑتے رب کو بھول گئے ہیں۔

ایک اور حدیث قدسی میں اللہ تعالیٰ فرماتا ہے:

اے بندے! تُو میری عبادت کے لیے اپنے آپ کو فارغ کر لے،
میں تیرے دل کو بے نیازی سے بھر دوں گا اور تیری محتاجی کو دور کر دوں گا۔
اور اگر تُو نے ایسا نہ کیا تو میں تیرے ہاتھوں کو مصروف کر دوں گا
اور تیری حاجت پوری نہیں کروں گا۔"
ذرا سوچیں…

ہم نے جتنی توجہ دنیا کو دی ہے،
اگر اتنی ہی توجہ دین اور عبادتِ الٰہی کو دیتے،
تو آج ہماری زندگی کے زیادہ تر مسائل آسان ہو چکے ہوتے۔

ہم دن رات فکر کرتے ہیں کہ رزق کہاں سے آئے گا،
مگر وہ اللہ جو سمندروں کی گہرائیوں میں مچھلیوں کو رزق دیتا ہے،
کیا وہ ہمیں بھول سکتا ہے؟
ہم اگر اللہ کی طرف دل سے رجوع کریں، نماز قائم کریں، دعا کریں، صدقہ دیں،
تو وہی رب ہماری تقدیر بدلنے پر قادر ہے۔

اللہ کا وعدہ ہے:

"وَمَن يَتَّقِ اللَّهَ يَجْعَل لَّهُ مَخْرَجًا، وَيَرْزُقْهُ مِنْ حَيْثُ لَا يَحْتَسِبُ"
"جو اللہ سے ڈرتا ہے، اللہ اس کے لیے نکلنے کا راستہ بنا دیتا ہے
اور اسے وہاں سے رزق دیتا ہے جہاں سے اسے گمان بھی نہیں ہوتا۔"
(سورۃ الطلاق: 2-3)
اللہ ہمیں اُن لوگوں میں شامل کرے جو رزق سے پہلے نماز کے لیے دوڑتے ہیں،
اور جو دنیا میں نہیں، آخرت میں کامیابی کے طلبگار ہیں۔
آمین یا رب العالمین۔

29/10/2025

کل میرے پاس ابو احمد آیا — ریاض یرموک کا رہنے والا سعودی دوست۔
دوپہر کو کال کی کہنے لگا:
“شام کو تمہارے پاس آؤں گا، عشاء کی روٹی اکھٹے کھائیں گے۔”
میں نے کہا: “خوش آمدید، منتظر رہوں گا۔”

مغرب سے تھوڑی دیر پہلے پہنچ گیا، ہاتھ میں دو شاپر۔
میں نے ہنستے ہوئے پوچھا: “کیا لائے ہو؟”
کہنے لگا: “بکرے کا گوشت ہے — ایک کلو سے کڑاہی بنا دو، اور دو کلو چاولوں میں ڈال دو، آج کابلی پلاؤ کھائیں گے۔”
میں نے کہا: “واہ، مزہ آ جائے گا!”

عشاء کے بعد روٹی کھا کر بیٹھے ہی تھے کہ ابو احمد نے کہا:
“کل میری چھٹی ہے، چلو دمام چلتے ہیں، عمران اور حسین آحمد تل مانیال جو کہ عمران کا پھوپھی زاد ہے انکو بھی ساتھ لے چلتے ہیں!”
میں نے فوراً عمران کو کال کیا اور ساتھ چلنے کو کہا۔

رات تقریباً 11 بجے ریاض سے روانہ ہوئے،
اور صبح 3 بجے دمام پہنچ گئے۔

دن کو سمندر کا نظارہ کیا
مچھلی منڈی گئے، وہاں سے ہمور مچھلی خریدی،
اور پھر مبارک زیب کے پاس گئے —
جس نے مظغوط سے زبردست تواضع کی 🍽️

لیکن اصل بات یہ ہے 👇

ہم زندگی میں دن رات دوڑتے رہتے ہیں —
کمانے کے لیے، بنانے کے لیے، آگے بڑھنے کے لیے۔
مگر بھول جاتے ہیں کہ ہمارے جسم کا بھی ہم پر حق ہے۔
اسے بھی آرام، سکون اور خوشی کی ضرورت ہے۔

اگر ہم صرف دنیا کے پیچھے بھاگتے رہیں،
تو کبھی مطمئن نہیں ہوں گے۔
نفس ہمیشہ کہے گا “اور بھی چاہیے” —
لیکن یاد رکھو!
خواہشات کبھی دنیا میں پوری نہیں ہوتیں۔

اپنی خواہشات کو اللہ کے سپرد کرو۔
قیامت کے دن اللہ تعالیٰ تمہاری تمام خواہشات پوری فرمائے گا —
ایسی طرح، جیسے تم نے کبھی سوچا بھی نہ ہو۔ 🤲

✨ سفر بھی عبادت ہے، اگر نیت میں شکر، سکون اور اللہ کی یاد ہو۔

29/10/2025

اپنے بچوں کو امیر نہیں، خوش رہنا سکھائیں تاکہ وہ چیزوں کی قیمت نہیں بلکہ اپنے اردگرد موجود چھوٹی بڑی نعمتوں کا شکر ادا کر سکیں اور اپنے سے جڑے ہوئے رشتوں کی قدر سمجھ سکیں